德國餐廳 (大埔超級城E區)

Open Now

Now Closed

之前呢間餐廳喺太和翠怡街附近，以前都會專登去豬手嘅，因為始終喺大埔嘅德國餐廳唔多，而佢啲食物質素同價錢都好吸引。呢幾個月佢就搬咗去大埔超級城，梗係要去試吓。餐廳新開裝修環境好新淨闊度，亦都唔需要等位。嚟到一定要食佢嘅脆皮豬手，豬手份量好大舊兩至三個人食。個豬皮燒得金黃香脆，而且廚師已經幫手拆晒啲肉出嚟，食起上嚟真係好方便。佢嘅薯蓉同埋酸菜同樣出色，配搭起嚟個豬手真係冇得輸。另外仲叫咗個西班牙海鮮飯，個飯都等咗一段時間先上菜，但係明顯焗得over 咗少少，食起上嚟無論係蝦或者其他海鮮，甚至乎係飯都係比較乾身嘅。餐廳仲有好多唔同嘅德國黑啤同啤酒，下次黎到可以試吓餐廳其他嘢食。啱哂一大班朋友嚟飲酒同埋食嘢。

今日帶小朋友去冒險樂園玩，正好旁邊就有間德國餐廳，就一於響度食晚飯啦｡★ﾟ鹹蛋黃豬手私心推薦！！！我本身唔係太鍾意食德國鹹豬手，因為試過食幾次都覺得個皮好硬，又或者塊皮好韌好難咬，初時見到圖片係就咁吱鹹蛋黃醬上面都十五十六唔知試唔試好，點知一試就覺得有驚喜，豬手香脆而唔膩，鹹蛋黃醬味道恰到好處，完全顛覆我本身對德國鹹豬手的認知｡☆ﾟ芝士焗肉醬意大利粉肉醬同芝士份量算多，焗得有少少焦香，小朋友非常鍾意食｡★ﾟ蒜蓉包同坊間一般用硬法包棍做的蒜蓉包唔同，佢係用一種好特別的麵包，有少少似麻糬包的口感，帶少少煙韌，蒜蓉味雖然唔算好出，不過特別的口感會令人有少少念念不忘

朋友啊，今次我行過一間德國餐廳，實話實說，果然啱晒我呢啲咀饞之人。先講講佢嗰款德國鹹豬手啦，真係又鹹香又爽口，啖啖肉汁超滿足，皮炸得又脆，啜一啜啤酒，再來一啖，正到不得了😍！講起酸菜，清新得嚟帶啲酸酸地嘅味道，同豬手搭配食，真係解膩到不得了。再嚟個德國香草腸拼盤，係味道上嘅大繽紛，每一款都有特色，有嗰啲勁爆汁嘅，又有啲香辣，刺激晒味蕾，講真，對得住「拼盤」兩個字👌。最後當然少不了嗰杯德國啤酒，輕鬆地盡情享受嘅感覺，喉嚨一冰涼，我只想講，太過癮喇！這間餐廳氣氛放鬆，坐落超舒適，啲職員服務又好，下次有機會，一定再黎過！🍻👍🥳

豬肋骨 $198 成餐最正常 醬唔會太咸 肉岩岩好 生蠔🦪 $78@2 😂睇相都知伏 仲要無洗乾淨 食到殼碎依個價錢去食一田都無咁嬲又削又黑⋯睇見唔開胃 😂 一上枱就覺得上左🚁海鮮飯 $198 食到好燥 啲海鮮唔掂 啲魚炸到勁乾 老麥啲魚柳仲好過佢 蝦🦐都變蝦乾 個飯食食下有幾啖好咸好似食左成粒粗鹽咁 又太乾身色水又唔夠紅 佢連埋加一個價錢其實係尖沙咀荔枝角果啲價錢但出嚟嘅質素仲衰波仔 🤮🤮蟹餅 $128 睇色水睇相都知咩料 咁黑～啲油係用左幾耐？ 乳豬手 $198 @ 1/4 太油無食 不過預左豬手係油 唔係我叫

星期日family day，最開心不過就係帶👶🏻出去玩，然後一家人開心食晚餐🥰呢間德國餐廳，新開不久，環境好chill🥰❤️德國豬手食德國菜又點少得呢個招牌菜式😆平時食嘅德國豬手超咸，呢間餐廳出奇地調味適中，連阿女都可以食😛而且皮薄之餘又脆❤️德國腸配薯角外皮爽脆，各款腸充滿特色薯角超好味😋薯皮好薄好脆❤️拿破崙意粉專登order俾阿女食🤭差唔多成碟都係佢食曬😛因為甜甜地好開胃❤️薄餅非一般薄餅，有芝士餡，配埋芝士醬更加香脆👍🏻

星期日放假同屋企人新界大埔郊區一日遊，順便係附近「搵食」😛見到呢間餐廳好chill，而且野食又適合一家人食，眼見好多都係一家大細，有長老又有小朋友，應該好適合一家人聚餐🤭一於試吓德國豬手大大碟，仲配薯蓉，一家人share食好足夠，好欣賞佢切到大細適中，而且肉質鮮嫩，就算老人家食都唔怕咬唔開德國腸拼盤有幾款不同腸，有辣有唔辣，岩曬不同口味嘅屋企人選擇，好味之餘唔太重口味，恰到好處👍🏻拿破崙意粉俾個名吸引左，所以一試好特別嘅醬汁，甜甜地但又唔會死甜，竟然出奇地好食😋份量都好足夠

由懷孕到BB出世😝好耐無食過德國菜啦！因為一諗起德國菜就會有啤酒🍻豬手🍖忍咗咁耐都唔知屋企附近已開左間好出名嘅德國餐廳🍴即刻帶👶🏻一齊來試吓先😋🍖 德國咸豬手配酸菜及薯仔沙律一提起德國菜當然唔會少得脆卜卜嘅豬手啦😋今次呢碟豬手仲幫我哋切好試要碟，外脆內熱咁😍真係好好味！當然如果配多杯德國啤酒🍻就更加滋味啦😝但可惜帶住👶🏻👶🏻飲唔到，下次一定要同姊妹來暢飲🍺🍺🍺🍽️ 炸香草豬肉腸併盤食德國嘢當然就要試埋佢哋嘅德國腸啦😋今次我哋少少地叫咗碟細併盤試吓😋有三款腸，香草豬肉腸、芝士夾心腸同辣肉腸，由於小Sun比較喜歡芝士，所以勁愛芝士夾心腸，配咪大大碟意粉真係飽到上心口😂🥩 厚切帶骨豬扒估唔到5pm仲有set餐揀😍今次試咗呢個豬扒飯，好大塊好juicyyyy😋仲要好平！成個set只係$68包野飲🍹真係真係平靚正之選🎉大埔呢間德國餐廳好Baby Friendly，有bb椅同餐具🍴而且新開環境乾淨同裝修靚，仲有室外俾BB一邊食一邊同公園仔嘅狗仔🐶互動，仔仔好開心！下次想同BB來chill吓會再來呢間德國餐廳😋

想食正宗德國菜🇩🇪，第一時間唸起德國🇩🇪餐廳🍴大埔墟正正有一間德國🇩🇪餐廳，無論裝潢擺設，食物的配搭都充滿德國風情氣氛，特別推介德國豬手同德國🇩🇪香腸，食過分外有滋味。1. 德國🇩🇪鹹豬手配酸菜及薯仔沙拉 $198香脆外皮的豬手，酸菜中和豬手的膩，鍾意食豬手既，淡淡肉好過癮🤤1. 德國🇩🇪香腸拼盤 $168 多款香腸可以選擇，一次過試曬咁多款，係好味既😝飲品方面：cream cheese foam smoothie 雖然食豬手通常飲啤酒🍻，但因為開車唔飲酒，就試下佢既smoothies ,好特別既smoothie, 仲有超厚奶蓋，好足料😋好飲到不得了,點左兩個味，夢幻草莓🍓同蘋果🍎之吻 $68 ，好飲又好味😋最尾食埋個小甜品，榴蓮炸彈$48 有6 粒，食好食飽，夠曬滿足😁

呢間餐廳以傳統的德國菜而聞名，餐廳座位好寬敞，一家人去都坐得舒服。我哋點左他們的招牌菜—德國咸豬手同德國香腸拼盤，德國咸豬手外皮烤得金黃酥脆，肉質鮮嫩多汁，由於佢哋配方經過改量，所以無其他德國豬手咁咸，Mina同我哋都最鍾意豬手，咸香味適中，加上脆卜卜的豬手皮!德國香腸拼盤，就煎得火喉適中，一盤可以試晒唔同款的香腸，配埋呢度充滿德國風情的裝潢及昏黃的燈光，感覺置身於德國的小鎮餐廳之中！🌟德國咸豬手配酸菜及薯仔沙律德國咸豬手配上酸菜和薯仔沙律，以搭配酸菜和薯仔沙律，酸菜的酸度和清爽口感平衡了豬手的油膩感，薯仔沙律則增加左清爽的口感。🌟德國香腸拼盤德國香腸拼盤包括了多種不同口味和風味的德國香腸，如經典的白色香腸、辣味香腸和煙燻香腸等。每一種香腸都有著獨特的風味和口感，煎的火喉控制得好好，切開時好多汁好juicy,搭配上芥末醬和茄汁，更加美味。

帶左呀女去大埔行下街玩下放電行左一輪有𝑫餓 見到呢度都有𝑫𝒂𝒔 𝑩𝒊𝒆𝒓🇩🇪✨上次食過覺得唔錯 所以決定食多次😆不過今次就冇嗌咸豬手 諗住試下佢地另一個招牌菜🥓德國香腸拼盤又係食德國野必叫🤩餐廳招牌菜之一🏅有幾款唔同既香腸 (香草腸 辣肉腸 芝士腸) 全部外皮都煎到脆卜卜得黎入面又勁𝑱𝒖𝒊𝒄𝒚 超好食❣️辣肉腸會爆汁🤣另外仲有配左薯角同酸菜 成個配撘勁邪惡😈🍝卡邦尼意粉好驚喜上面用左風乾火腿😍令到成個味道提升左！意粉軟硬適中 每一條都掛到醬汁 同埋本身廚師已經加左芝士粉🧀令醬汁更加濃厚𝑪𝒓𝒆𝒂𝒎𝒚~每一啖食落都勁香勁滿足🧡🫕餐湯配意大利麵包今日餐湯係粟米湯🌽飲落去會食到一粒粒粟米衣 好明顯食得出唔係湯粉沖出黎~配搭蒜蓉麵包🥖初初以為個包係硬 點知原來係軟身 包面勁多蒜蓉 連埋個湯一齊食啱啱好🤤除左食野爸爸唔少得飲返兩杯🍻今次試左另外兩款德國啤酒~𝑮𝒖𝒊𝒏𝒏𝒆𝒔𝒔 𝑫𝒓𝒂𝒖𝒈𝒉𝒕🍺&𝑬𝒓𝒅𝒊𝒏𝒈𝒆𝒓 𝑫𝒖𝒏𝒌𝒆𝒍🍺一樣出色🤩配合埋出面開揚既景觀成餐飯食得好舒服🤍我地去食當日係閒日 眼見5點幾已經開始多人😳想過黎食野記得打去𝑩𝒐𝒐𝒌定位📌

輕鬆的下午像在德國感覺一樣，點了一份香腸拼盤和芝士拿魚意粉。午餐也有不錯，最滿滿香味之，提供最完整的德國午餐。感覺都是德國氣氛，很有風味呢探索菜單有甚麽德國香腸拼盤這也很棒，勾起德國之回憶，一碟有四款腸。香腸拼盤份量多，加埋熱辣辣脆卜卜薯角，和姐姐分享快樂拼盤附上兩款醬汁，分別是茄汁和黃芥末，醬汁棒。香腸口感脆，咬下多汁，不油膩。香草芝士魚意粉賣相不俗，意粉條條分明，淡淡芝士香，香濃口味。充滿魚咸香，意粉夾，掛上醬汁和芝士

假期去到大埔超級購物城行吓街～因為帶住姪仔，佢想睇玩具去咗平時冇咩點行嘅E區原來依度有間德國餐廳😍 同佢睇完玩具之後梗係要醫下我哋嘅肚仔啦😆叫左鹹豬手同一個午餐🥣🔸鹹豬手德國鹹豬手大大份🤩皮脆卜卜食唔停呀，唔油膩的，香料滿滿，沒有多餘的肥膏，棒伴菜有酸菜和薯仔粒🥔🔸大蔥油雞髀扒呢個係lunch set會有沙律/湯，仲有杯野飲塊雞髀扒厚肉，大蔥配意粉無怪怪good good ar~~亦有些伴菜

喂！一齊嚟嘆返隻德國豬手先啦🐷！✨德國鹹豬手配酸菜及薯仔沙律 $198食極都不厭既菜式💗皮脆內嫩，肉質夠曬嫩滑，刀工切成細細舊好方便😋酸菜都比足，薯仔沙律開胃又解膩，呢道菜真係好無敵啊！✨德國香腸拼盤 $168有三種不同款式的香腸，每款香腸的味道都不同，紅色香腸裏面仲有芝士爆醬，旁邊有酸菜解膩。✨榴蓮炸彈邪惡之選，裏面充滿榴蓮汁，一咬落去會流心，滿口都係榴蓮既味道。✨夢幻草莓 $68大大杯既草莓沙冰🍓！仲可以免費加芝士奶蓋，佢既芝士奶蓋真係好好飲🤤。✨蘋果之吻 $68大大杯既青蘋果沙冰🍏！一樣可以免費加芝士奶蓋，佢用真水果製造呢一點超級加分！

大埔呢間餐廳環境寧靜 清幽對住個公園喺半室外用餐好舒服🍖烤香腸豬肉腸拼盤……………….…….$68Set lunch 食香腸👍🏻份量正常 絕對對得起呢個價錢最啱同朋友開心share 3種口味香草 芝士 辣肉腸最鍾意芝士一咬香濃芝士汁即刻爆晒出嚟🍖德國鹹豬手配酸菜及薯仔沙律…….$198香脆可口 咸度適中配埋啤酒一流切埋上碟好方便同朋友三五知記一齊吹下水慢慢嘆的確唔錯加埋薯仔沙律酸酸味味 中和飽滯感唔覺意又食多幾舊

放工總想搵個地方同朋友飲番杯，食吓嘢，傾吓偈。可能放工之後特別需要減壓，特別惹味、香口的美食最能治愈心靈。早前放工就和朋友到德國餐廳食德國菜。當然有代表名物德國腸和脆皮咸豬手啦！當中德國咸豬手配酸菜及薯仔沙律相當出色！外皮金黃脆卜卜，肉質結實富肉香，配酸菜食香而不膩，十分醒胃。此外還有惹味之選，德國香腸拼盤，有的香草味濃，有的肉香四射，有的內含芝士，款款皮脆，肉汁豐腴。在充滿德國酒館風味的環境下，與朋友一邊分享惹味佳餚，飲杯啤酒，一邊有傾有講到時一個好好的happy Friday 。同事還能感受到德國人的豪邁情懷。