德國餐廳 (大埔超級城E區)

Open Now

Now Closed

明明上次去都仲幾好食，唔知係咪換左廚師，八月尾去食晚餐，體驗真係極差。首先係個香草意粉，個底一堆油都算，啲香草仲要極苦，好似食緊藥材咁。個脆鹹豬手味道還好，但啲肉就好乾，皮亦都唔脆。最誇張就係個西班牙海鮮炒飯，正常應該濕濕地，點知黎到個飯就乾到死，好似食緊沙咁，賣相亦都好差，啲海鮮睇落都好唔新鮮。總而言之，所有食物個味道都唔好，而且食落都好唔新鮮。其實店員服務態度都好好，但衰在又難食又唔係平，以後都唔會再去。

餐廳食物質素好，職員禮貌都好好！但少少建議：溫度over 30+度，請關掉餐廳中間閘門，陣陣熱風不定期吹入餐廳及有街上行人求方便從此閘穿過餐廳進入商場，整體感覺不太舒服！ 謝謝理解

話說有一日🤗有個靚女朋友Send左OpenRice 條Link比我😃，她話想食呢間餐廳😋😋我睇左呢間餐廳既裝修都幾好，她本身係想食德國咸豬手既，但因為我唔食豬手，所以我話妳叫無問題😁，妳一個人要食曬🤣🤣🤣🤣 所以最後叫左香腸拼盤，同埋鱈魚意粉～😄😄芝士蛋糕，餐湯係粟米湯，熱檸茶😋😋 好多謝靚女介紹左我大埔呢間餐廳😃雖然平時大埔感覺都好遠，但如果鍾意食豬手既朋友我覺得都值得去大埔超級城一試😃😃雖然我無食，但見到人地食既德國咸豬手真係好靚😋😋

約左老友大埔食嘢，黎左呢間位於大埔超級城的#德國餐廳，品嘗一下佢哋嘅招牌菜#豬手至得☺️。傳統德國白豬手配酸椰菜，好大份的豬手，皮煮得非常之煙韌，皮下的肥肉不多，咬落油脂甘香，很有咀嚼感，連平時敢唔食皮的老友，都唔抵得要要埋佢，瘦肉的部份，肉質帶粉紅色，食落有咸香味很好吃，點配埋醬汁更添美味，令人食指大動。伴碟有薯蓉同酸菜，酸菜將肥膩度減低，同時亦令人開胃。再點埋杯咖啡☕️同荔枝綠茶加芝泡，慢慢嘆下認真爽丫。

本身滿心歡喜，專登入嚟食！點知過到嚟店舖職員同我講21:30 last order 然後仲同我講，如果你堂食嘅話就即刻落單，係即刻！態度非常之差Luxe order都唔緊要，態度真係好差!!!!!!!!!!!!!

呢間餐廳位於大埔超級城入面，餐廳好光猛同闊落，好歐綠園林feel，而且仲有戶外既白色梳化位置同入面深綠色既長椅位置俾客人選擇我地叫左一份豬手，豬手份量相當大份而且入面仲有好多酸菜同薯仔切粒，德國豬手仲配有芥末醬汁同埋蜜糖醬汁，酸菜開胃又入味，豬手咬落啖啖肉，而且層次都幾分明，除左食到肉既本身之外仲食到好有骨膠原既豬手外層既皮，店鋪亦都幫客人切好晒d肉，方便客人食用，仲有跟配一條好長既德國腸仔都幾惹味。

今日突然好想食豬手，所以同咗男朋友嚟呢一間德國餐廳食嘢😋呢度嘅環境裝修得好靚，有種好chill嘅感覺，而且都坐得非常舒服～首先梗係叫咗我最想食嘅德國鹹豬手配酸菜及薯仔沙律 ($198)先啦😋佢嘅份量都算幾多，而且已經幫我哋切好晒，食起嚟都非常方便～好鍾意佢嘅皮好香脆，又唔會太硬，豬手都好有鹹香味，調味唔會太重～我好鍾意點埋佢嘅蜜糖芥末醬，好好食😗而且有埋酸菜同薯仔沙律，唔會一味淨係食肉咁滯😋之後就叫咗個墨西哥香蔥芝士薄餅加三文魚 ($128)～我個人好鍾意食呢一啲薄餅，裏面有濃濃嘅芝士真係好好味，呢個一啲都冇令我失望，最特別嘅係佢竟然可以加三文魚😋加咗落去之後令個薄餅更加有層次☺️另一個叫咗男朋友最鍾意食嘅卡邦尼意粉 ($128)🍝上面仲有啲Parma Ham，我覺得呢個意粉好creamy，而且佢都好濃芝士味，鍾意佢啲意粉唔係煮得好腍，仲keep到啲口感👍🏻坐得舒服，而且食物好食～下次想食豬手，又會諗起呢一間餐廳😽

Disappointing meal where I felt discontented with the service, food and price.The staff who served had a terrible attitude where it felt like they didn’t care if they closed down or not.When I ordered a brunch set - pasta meal and I was informed that wasn’t available, so I ordered something else however which wasn’t a brunch set as there wasn’t something else from the set that I wanted. Then the drink I ordered with the set came before they informed me that my chosen was unavailable….and told me

今天和朋友在大埔超級城一站式購物玩樂，行累了就在附近一家德國餐廳坐下，食物好吃，裝修得好有德國風，大氣舒適！這家餐廳主打德國鹹豬手和德國香腸，我們要了一個德國香腸拼盤。中意吃香腸的人有福了。這個香腸拼盤就是有各種不同口味和顏色的香腸。這些香腸紅色和白色交替排列，增添了視覺上的吸引力。色澤紅潤、鮮豔誘人的波琳格香腸以細緻的豬肉和多種香料混合而成，口感韌勁十足。煙燻腸有濃郁的煙燻風味，質地有些嚼勁。可以根據個人口味加入德國芥末醬或番茄醬，就有更多的風味選擇。Brunch set 有多樣食物，仲可以加選甜品和雪糕或者飲品！

這家店一進門口就好有德國餐廳feel, 好舒適，餐廳很大，位置都好寬敞，奢華的酒櫃特別氣派，上面擺滿了各式各樣的酒杯。墻上還有一些裝飾畫，燈飾也很漂亮，適合打卡。在這裡可以一邊享受美食，一邊和朋友喝點啤酒暢所欲言。德國香腸拼盤整個德國香腸拼盤色彩繽紛，各種香腸的質地和風味令人大飽口福！各種香腸外皮微微焦脆，內部肉質鮮嫩多汁，口感柔軟且香氣四溢。有的香腸帶有香辣味；有的香腸裡面包含了芝士，一咬芝士爆出來；有的散發著淡淡的煙熏味。拼盤上仲有烤薯仔塊和酸蒜絲，清新的口感和微妙的酸味，與香腸的豐富風味形成了完美的搭配。Brunch套餐1食物好豐富，有絲滑的炒滑蛋、鬆軟的薯餅、香脆的意大利包、薄脆大片的煙肉、紐倫堡腸、焗豆、青瓜、香菇、胡蘿蔔、酸甜的車厘茄，絕對是一頓豐盛的套餐

前排約咗靚靚老友去德國餐廳 DAS BIER (大埔超級城分店)食嘢chill吓環境闊落，坐得都幾舒服，外面人流唔算好多，所以唔會好嘈，傾偈傾得特別開心🙂🙂我哋叫咗三款食物開心share～聽講佢哋嘅特色烤乳豬都好正，但係我哋兩個人應該食唔晒，下次再約多啲朋友嚟一齊食過先

今日去咗大埔採購材料，行到晚餐時間，發現呢間德國餐廳，都幾多人食，環境又幾好德國鹹豬手配酸菜及薯仔沙律🐷🥗份量非常大，2-3人都絕對夠食！豬手皮脆肉嫩，而且上碟起肉，方便進食，配上蜜糖醬同埋黃芥末醬，可因個人口味點醬汁，酸椰菜絲同薯仔沙律都唔錯香草醬煙肉三文魚意粉🐟🍝意粉嘅香草醬濃郁，同煙肉同三文魚好配合，而且配料好足，有兩大塊煙三文魚同埋煙肉、蘑菇呢間餐廳環境氣氛不錯，而且性價比高，有機會去大埔可以來試吓！🗺️德國餐廳 (大埔超級城) (大埔)大埔寶湖里3號大埔超級城E區地下319-320號舖

餐廳環境靚,有户外view,坐得闊落,食個景,飲杯野就好,但d野食係真心劣食,好似大學頹飯,或者係去旅行包左果d catering飯盒既質素.d豬手白烚咁,本身已經夠恐怖,個汁同配菜好hea,沒有酸菜,配凍既雜菜,然後仲要跟飯、意粉？！一d都唔稱得上係德國餐廳.侍應態度係ok nice, 但落單上菜都錯漏百出,應該係無咩經驗. 真係伏一次就夠,一定唔會再入去.可惜係浪費左個環境.點解會有人讚d野食,係餐廳變質左嗎？

難得終於可以夾到日子出嚟食飯梗係要搵一間坐得舒適而且好味嘅餐廳一邊傾一邊食先至夠享受夠寫意我哋就識揀位於大埔中心的🇩🇪「 #德國餐廳Das Bier 」一去到餐廳門面招牌好搶眼裏面嘅環境裝修好舒適有些枱上鋪上藍白色嘅格仔枱布頓時很有德國風情的感覺最後我哋就揀選了大門的梳化位置坐餐牌上的食物圖文並茂每一款都相當吸引我們最後揀選了三款美食大家開心share❣️⊰⊹════════════════⊹⊱💬 ✎ 食後感 ：✨🐽【 #德國鹹豬手配酸菜及薯仔沙律 】呢度嘅招牌菜式德國鹹豬手來了賣相好有份量好豐盛咁烤得恰到好處的豬手金黃色的外皮卜卜脆一啖放進口裏先吃到脆皮然後就是軟爛的皮下脂肪接着就是非常扎實又幼滑且肉汁豐盈的豬瘦肉整體層次相當豐富鍾意味道帶鹹香又惹味點少得配上一口爽脆的酸菜能中和油膩感🧡【 #德國香腸拼盤 】拼盤有兩款德國香腸及薯角香腸外皮好脆口濃濃的肉汁在我口中滲出確實非常Juicy 呢🤍【 #德式肉丸燴松露意大利粉 】奶油狀的意大利飯上有幾粒口感豐富的德國肉丸當中加入黑松露令香氣四溢將risotto味道升華不少彈牙的米粒口感煙煙韌韌質地亦很creamy💛【 Honey Green

初四入開大埔隨意選一間餐廳，點知中伏。價錢大概$100至$150 一個lunch set ， 諗住係比茶餐廳好啲，點知不如去茶餐廳好過，叫咗四個餐，每個餐上碟都好似某某連鎖店大 X X 淋汁飯, 不過 大 X X 仲好過佢，簡直太恐怖，見到都唔妥唔想食，啲嘢又唔係熱辣辣，只係微溫大埔嘅街坊千祈唔好入嚟嘥錢不如去茶餐廳好過