Day and Night Cafe

Open Now

Now Closed

两位男職員態度愈來愈差，好炆憎，客人落柯打慢少少都表現不耐煩。並且，無位時，會大聲喝客人出外等。雖然價錢合理，食物質素OK，但服務態度真係差，無禮貌，只會對熟客笑。

同小朋友過去食，問佢可唔可以要熟蛋，佢一副唔耐煩嘅樣指住menu叫我自己睇。之後我先落一個餐俾小朋友，我諗咗一陣自己食乜，再去落第二個餐。佢問我食乜，我講晒我食乜佢先至講要落場、只做外賣。你次序係咪有問題呀？！知你唔憂愁做啦，惡劣！

知道自己嚟緊要去土瓜灣，所以openrice咗一輪，發現呢間小店cafe，位置非常之近土瓜灣地鐵站口，出隻大概行4至5分鐘就到，鋪面唔算好大，4張枱，環境需小但感覺有心思，食物種類選擇適中，由飯至烏冬拉麵，all day breakfast，炸物拼盤，機沖咖啡，果汁都有。我哋叫咗4個餐，3人吃都幾飽吓，餐嘅食物份量適中，如果烏冬同拉麵餐對男士嚟講可能份量會唔夠，男仕可能叫選飯會好啲(cafe仲有得附費加大份量)。我哋叫咗鰻魚飯及日式咖哩吉列豬扒飯，鰻魚同豬扒份量適中，兩個餐都整得好好味，尤餐餐點可選炒蛋或流心蛋，兩種整法都整得好滿意，另外每個餐都配上日式冷盤小食及即磨咖啡，以呢個價錢嚟講係非常之抵食，當中使用的餐具杯盤及擺盤有講究，給人一種舒適感。炸物拼盤方面，炸蝦天婦羅粉漿有點厚，口感厚到基本食唔到時蝦嘅存在，不過炸物是出色的，全部吃起來都非常酥脆。之後會再找機會試試佢哋嘅all day breakfast。

平時比較少嚟江西街呢邊食嘢原來土瓜灣近紅磡呢邊嘅小街有間咁抵食嘅 cafe食物選擇都幾多，價錢仲好親民HK$48 就有個 All Day Breakfast + 熱飲豚肉 / 牛肉 / 雞扒定食 + 熱飲都係 HK$58下午茶餐只係 HK$35 ~~cafe 地方不大，環境簡潔乾淨只有一張長枱 + 一張高腳長枱，約有 12 個座位儍媽點了一份。All Day Breakfast + 熱咖啡 (HK$48)有炒滑蛋、香草豬肉腸、煙肉、茄汁豆、多士、薯餅和蘋果沙律蛋炒得嫩滑，香草豬肉腸也煎得脆皮香口多士帶點厚度又烘至香脆 ~~想食得豐富啲可以追加牛油果 / 雞扒 / 煙三文魚 ...儍媽就加配了份。豚骨湯烏冬 (+HK$10)最後嘆多杯熱咖啡就 perfect 喇 ~~** 以上分享是以我的口味、體質和情況作出分享及感受，一試 / 合用與否請自行決定

All day breakfast 就食得多, 每次坐底一定望下個串燒個Menu, 價錢又唔貴, 一路都好想試下, 但太夜收工撞唔啱時間, 今日早收工終於預啱時間食(提一提：串燒要夜晚7點先有)份鹽燒蜆好有誠意, 係用新鮮蜆而唔係急凍, 所以食落鮮甜😋鹽燒蝦都ok, 個人中意食蜆多啲 叫咗2串雞翼, 雞翼有醃, 但又唔會醃到好重味, 同串燒粉個味好match, 又唔會好咸, 燒到啱啱好熟, 外脆內軟同juicy叫咗幾串翠玉瓜同茄子, 抵食同埋唔細串(1串有5嚿), 性價比高, 最緊要唔會乾, 平時食串燒最驚乾到好似條柴咁順帶一提，個辣度比平時辣, 我叫咗小辣,但對我嚟講太辣,早知叫BB辣🥵所以叫咗罐啤酒飲下, 老闆話可以辣粉另上,自己中意落幾多就落多, 下次試下辣粉另上先串燒選擇唔算太多, 但老闆話短期內改餐牌,同加多啲款式, 下次帶朋友去試下今時今日, 生意難做, 尤其嗰度附近人流少, 希望佢哋做得住啦

全香港性價比最高all day breakfast 🤯 原來係好食的🥹 第一次食，本來對$49 /$52 既all day breakfast 無咩，以為係頹嘢，點知樣樣野都好食😧🤯 點解我竟然因為佢太便宜無早啲試吓🥹🍳炒蛋睇得出既高質👀 🤯🫓漢堡扒竟然係咬落去爆汁💦係好食🤯 (我自己平時唔好呢類食物) whatttt🥞pancake我以後唔去老麥，呢塊外脆內鬆軟… 食果下: what? Is this real for $49? 🤯🥔薯餅我又係以後唔去老麥（近期愛上Mcgrindle都咁話），呢塊外薄脆內juciy 🤯 whattt 🍎蘋果沙律都新鮮，不過我自己不嬲唔鍾意沙律醬，下次試吓可唔可以叫佢走醬性價比高到我忍唔住寫要comment 🤯年輕人有個性服務態度係有d個性，無所謂啦我都係為左食嘢而來

開業只僅短短幾個月時間，由用心經營的小本生意到人太多，唔憂做態度差，食物質素跟著下降，非常失望；唔單止職員對堂食食客不耐煩，叫外賣平台亦只因唔想接就取消拒絕接單

今日幫襯了一家地方細細的寵物友善餐廳，咁啱我地對面仲坐咗一隻好聽話嘅小狗。等野食嘅時候我仲影低佢入面呢一個寵物產品的專櫃。我地叫咗一個鰻魚飯Share，然後再叫多一份Pancake，都係Share。鰻魚飯的味道只屬一般，不過個Pancake味道唔錯。佢件鰻魚唔算大唔算厚，碗飯D米就硬咗少少，唔似平時食到嗰D鰻魚飯嘅軟綿綿嘅飯。好彩個Pancake都幾好食，補返數，佢個Pancake嘅厚度屬於中等，入面個心都算係軟淋淋嘅，都有蛋香。呢度熱檸茶隻杯仲有隻貓貓陪住你。

呢一間coffee shop嘅all day breakfast真係超值得好得人驚，有沙律、薯餅、香腸、煙肉、茄汁豆、多士同埋炒蛋咁多樣嘢，再加埋飲品一杯，都只係$48，杯咖啡仲要係唔錯，當然凍飲要加錢呀，但係都仲係非常抵。瞓all day breakfast個炒蛋最好食，好creamy，而且又滑。另外我都幾欣賞個沙律，食落去幾fresh，啲蘋果粒好清爽。其他啲都唔錯，唯一係見多士唔夠乾身，如果烘耐少少或者煎耐少少效果會更加出色。

有朋友黎香港玩幾日, 便住係土瓜灣的酒店, 價錢相應經濟又實蕙, 佢話都幾好~相約佢係附近的咖啡店食早餐, 又方便, 距離酒店只需要5分鐘路程就到啦~上網睇介紹呢到All day breakfast只需要$48蚊, 真係好抵食呀, 仲可以加錢轉其他特飲, 價錢真係唔貴.All day breakfast份量唔會話小, 不會將貨就價, 滑蛋很滑不會過火, 其他都唔錯, 好食, 推介~另外叫了Pancake配蜜糖, 食落都ok, 不過如果加多一樣花生醬或者其他醬, 食落就唔會太單調~我地係度hea左一陣, 都好寫意~

周圍搜尋見到呢間餐廳試吓，距離地鐵站唔遠，大概5分鐘左右路程，好容易搵。最初以為係正常size嘅Cafe，呢間餐廳喺間細小的小Cafe。同朋友食early dinner，晚上6:30我係第一個客人，餐廳細小，日式風格，牆上有個架掛滿了寵物嘅裝飾物。我哋叫咗蘋果沙律、叉燒拉麵餐和冰鎮秋葵。沙律屬於小份量，我落order時要求少醬，蘋果好清爽好甜，仲有一隻溫泉蛋，非常健康嘅菜式。叫咗一碟小食 - 冰鎮秋葵，原條上，加埋Wasabi豉油，正呀！朋友叫咗叉燒拉麵，拉麵屬於小碗，配有迷你蘋果沙律和餐飲。

用心發掘，竟然俾我喺香港食到時光倒流價的Coffee Shop，食完仲可以轉個灣去高山劇場的公園行吓，一樂也。$48豐富全日早餐 + $32班戟配即磨咖啡，再$10追加牛油炒蘑菇、煙三文魚，洗乜北上消費，不過呢間野賣呢D價錢，而且質素仲係高，真係怕佢地會做唔住，咁有Heart的Coffee Shop真係要支持一吓。食物質素方面，個炒蛋夠嫩，好香雞蛋味，條香腸味道都OK，起碼唔係cheap野，薯餅唔係炸到出晒油，真係幾好。Pancake嘅質感都唔錯，性價比高，佢個沙律都唔錯，溫度適中，D材料都夠新鮮。另外，佢杯咖啡都幾好飲。

聽講番工附近有間4x 蚊嘅平價all day breakfast, 同事食過覺得唔錯幾抵食，咁就約埋一齊去試下。同事叫左個all day breakfast, 都係有個啲炒蛋 腸仔 煙肉等all day 常見的食物，雞扒好似要另外加錢。賣相非常好，以幾十蚊嚟講質素非常高！我就叫直個照燒雞扒定食。呢到服務非常好，request 叫汁另上都可以幫手做到，隻蛋係溏心蛋，撈落啲飯到好好食。雞肉份量偏少，如果多啲就好，但係肉嫩多汁的。 美中不足嘅係蘋果沙律太多沙律醬，不利減肥人士😂😂😂但味道係正常嘅！

完全冇諗過有ADB只係$48，7樣食材+飲品如下：茄汁豆，正常；鮮奶炒滑蛋，夠滑，有蛋香有奶香；煙肉，煎得夠香口；蘋果沙律，紅蘋果+青蘋果，酸酸甜甜好味；香草腸，大大條，唔似平價貨，薯餅，又香又脆；牛油厚多士，外脆內軟；即磨咖啡，香、濃；一路食一路我都唔敢相信，以上咁多又有質素只需要$48😨，細細👦🏻特別鍾意個薯餅同沙律，我都覺得個沙律好好味，同其他食材好夾，可以中和返薯餅同煙肉嘅油膩感。我哋再加咗牛油炒雜菇（+$10），同埋豬骨湯拉麵（+$10），計埋都只係$68🤩🤩🤩，真心講係冇得輸，性價比世一👍🏼。全間餐廳＜20個位，weekend要有心理準備等位，大部份人都係食ADB，其實佢都有其他早餐同午餐提供，但係ADB真係太太太吸引🤗🤗，再嚟我都只係會叫ADB🤭🤭，或者試下喪嗌到$100以上🤪。

寶藏小店 誠意滿滿 all day breakfast $48包咖啡 今日加咗三文魚同炒磨菇 共$68 蘋果沙律好好味 炒蛋亦做得好好 咖啡非常不錯 重要每隻杯不一樣 飲得出用咗幾好嘅豆 值得幫襯