米串咀 (Closed)

懷念大陸味道既一串串🍢懷念大陸的街頭風味🍡#平民價錢#荔枝角#大陸風味#米串咀$48（8串小食）海帶，牛栢葉，魷魚🦑魚腐，風琴串，豬皮，雞腎，章魚🐙丸另配藤椒汁清新既藤椒好適合🈴️夏天作開胃🍢串串選擇好多，花多眼亂😍特別介紹嘅係雞腎，煙靭得黎，又入味👏🏻$48 (香辣雞煲飯)雖然冇得選擇辣度，但原來都好辣不麻，好香辣椒🌶️味同辣油個辣汁用黎撈飯，真係贏哂🙌🏻雞件既份量都唔係少嫁🐣而且雞肉十分入味辣味慢慢由口中滲透入喉嚨👏🏻

渣開車經過附近，見到有間串串店，好少可見到呢啲舖頭，所以就諗都唔使諗幫襯下佢！入到去睇到Menu，價錢都唔貴，單串的話，大約$5-10，套餐仲扺，$48/8串，圍起大約$6/串。講明分量唔多架！呢個價錢唔好expect咁多，可以過下口癮。不過可能係新開業嘅關係，款式未算好多，同店員傾過計，佢哋都話嚟緊想增加唔同嘅菜式，大家可以期待下！味道方面，都唔錯㗎！有麻辣同埋藤椒選擇，個人最鍾意藤椒味，好香口。不過就係未夠辣😢但可以叫店員比幾包辣椒粉。呢個辣椒粉真係好正，係成個串串嘅靈魂，所以建議一定要加辣！之後後開，可以再去幫襯下，店員都好nice，會同我傾下計，交流下食野心得😂😂

經過見到新開，即刻同鐘意食辣既同事一齊去試。我地叫左串串套餐同酸菜魚飯，第一感覺包裝幾新穎。但一打開見到分量好小🥺買個陣仲以為$48有八串都幾多，點知原來牛柏葉一串得兩舊，魚蛋仲要開半得一粒半。。。。每樣都得幾粒咁，加左$10既土豆粉，食完都冇乜飽既感覺。另外食物都唔夠熱，酸菜魚魚肉分量都係好小，得六七片，而且味道都好普通，佢附送左兩包調味粉，感覺好即食，好似大陸杯麵既味咁，同區絕對有更好選擇🥲

公司附近經過見到呢間新開既麻辣野即刻試下先!可以預先用 QR code 網上落單，放飯時間去到餐廳唔洗排咁耐隊，幾方便！鋪頭姐姐忙到爆都依然好有禮貌，服務加分!去返食物質素，可惜地有d伏 #金湯酸菜魚飯 (轉土豆粉)#酸菜魚同土豆粉分開左2個罐頭式包裝。酸菜魚湯底偏化學的酸味而冇辣味，有4-5塊好薄既魚片，口感比較梅。土豆粉完全冇味又冇湯非常乾，口感似烏冬。全個set 要靠自己撈埋包辣椒油先覺得好味d d。$55黎講份量好少，味道都麻麻，唔會想再食):#海帶結#一串有3舊，非常非常之鹹，但冇浸過麻辣湯汁，會覺得係唔合格的串串 ):本身食串串就係期待夠辣夠野味，但結果食物令人好失望，服務再好都難以挽救，希望會改善下啦!

見到好多人排隊即刻試點知一時即刻中伏😵份量超級少 食完好似冇食過咁杏鮑菇 睇得出廚師嘅刀工好犀利🤨竟然可以將杏鮑菇切到紙咁薄🤯海帶串仲犀利 超級無敵鹹牛丸仲犀利一串得一粒半 仲要怪怪嘅味😵‍💫😵‍💫其實咁難食真係好誇張食完包保唔會返轉頭 😟已經最禮貌方式去表達!

終於喺依條街到除咗無辣不歡之外，見到新開嘅麻辣嘢，即刻諗住試啦！但係一行到入鋪頭周圍都係簡體字，嗰啲口號老土到不得了 都算。點知啲嘢食。。即刻買我都已經即刻食，全部都係微溫，麻辣嘢梗係熱辣辣先好食。全部嗰啲串串好似煮完放咗唔知幾耐咁，其實佢哋自己有冇食過㗎？個味道唔差但係唔熱真係搞到好難食。而且份量好少，$48/8 串 但係每串都係得兩三粒 我食都唔算飽，唔好講啲男人喇！但係入邊嗰啲姐姐仔係幾好人又幾好禮貌！希望食物質素會改善。

今日工作行開荔枝角!有間新開張既鋪頭!主要食辣野!夏天岩曬…當然要黎買番兩個飯食啦!我充揀左巴東牛肉飯同金沙酸菜魚!做主菜…再加左兩支墨魚丸,西蘭花同牛丸…佢地有兩種辣選擇…紅油麻辣味和藤椒味!紅油味味道較強,愛吃辣的人士必吃!而藤椒味比較香,想試辣但怕太辣這個味道就岩曬啦!而我好鐘意佢地解罐頭包裝,好特別,又乾淨!巴東牛肉飯一打開就聞到好香的牛肉辣味,仲有好多配料!口感豐富,辣度適中一碗飯未必夠😂!金沙酸菜魚酸菜魚是叫的餸,魚好吃湯更好喝,口感和味道都很豐富, 酸甜回甘又帶有麻辣香氣,令人想一吃再吃!食完辣嘢當然要飲夜解渴啦!爆檸四季春用清香嘅檸檬製成,酸甜適中，夏天解渴一流!杞子荔枝蜜,味道甘甜,帶點荔枝香,杞子對眼睛好,所以這款飲品滋潤又明目!兩款都啱晒夏天,清熱清涼,好滋潤!店鋪乾淨,衛生!收錢方面會使用電子收費,記得不要帶銀子😄！記得記得!

買左串串套餐 $48 有8串 款式都好少選擇。有紅油同另一款味道選擇。店員推薦哩款，我都唔記得咗係咩口味。佢推薦就試吓啦，加配土豆粉加十蚊 點知個粉一包打開真係嚇親。係白烚的。粉量仲要非常少，好似平時食既烏冬既大約半碗份量。乾淨淨既。佢只係跟左一包辣椒油 一包辣椒醬俾你自己加 自己撈混就食 完全係無誠意到嚇親 。。撈完之後就係一碗白烚土豆粉撈辣椒油既味道。D串串少得可憐 每串得2粒 ！不知所謂！好似食剩咁 。一路食真係一路嬲 不知所謂

荔枝角返工經過見到新開得四樣餸 叫咗個酸菜魚配土豆粉未食過土豆粉 仲以為係薯粉食落又好煙靭啲魚好食 無話一夾就散曬 而且夠辣加8蚊有兩串 牛柏葉同娃娃菜有驚喜ps可能係啱新開 有啲亂

荔枝角返工, 見到這間新店開張試下. 本身鍾意食辣🌶️, 辣度適合香港人口味😋, 唔會太辣. 鍾意嘅可以自己加辣D. 飯盒設計到罐頭咁樣, 幾得意, 而且保溫唔錯, 買完外賣拎返公司都仲熱🔥, 唔使用微波爐. 今次買咗水煮魚同土豆絲, 味道唔錯, 可以列入我既lunch飯堂之列！👍

罐頭野當外賣，一拎上手以為係新gimmic，酸菜魚一D都唔新鮮，一撕開個鐵罐成個罐開左口，杏鮑菇薄到紙咁都係一次試，唯一讚既係藤椒有辣勁。全店都係大陸杯裝飾殘體字，新開張試下，無下次。