越男仔

Open Now

Now Closed

二訪越男仔.突然想食越南野，諗起附近有分店。今日早小小放lunch，見唔洗等位就黎試下。午市都有好多選擇， 有炒麵， 有飯， 有湯粉麵，價錢由$6x至$8x，全部都可加$29 選兩款小食， 睇睇下個menu見到海膽檬紙卷好吸引， 職員話加以加$39將手撕雞檬紙卷轉海膽檬紙卷, 正😋香茅蒜烤牛肉+ 脆魚炒金邊粉 $69： 脆魚炸得好香口， 牛肉淋身,蒜香味濃， 金邊粉有穫氣海膽檬紙卷 (+$68)： 海膽新鮮， 同個檬紙卷都幾夾， 法式芝士蝦多士 $39： 個面全部舖滿芝麻， 好香， 炸到金黃色， 好香脆， 咬落中間重有流心芝士， 邪惡得黎好好味

▫️軟殼蟹沙嗲粉絲大脆包（$168)👉🏻大脆包真係超大個，2 個人食堅飽！個包好脆，但又唔會太硬，本身帶少少咸味！軟殼蟹大大隻，炸得好酥脆🥰店員比較剪我哋剪開個包，入面有炒香咗嘅粉絲、洋蔥同豆角，將呢啲配料加埋包同沙嗲醬一齊食好惹味☺️⭐️⭐️⭐️⭐️.▫️ 法式芝士蝦多士($69)芝士控無法抗拒嘅一道小食🙆🏻‍♀️仲係佢係Top 10 小食No.1 必點！👉🏻蝦多士炸得好脆，加埋芝麻更加香口😋蝦膠好厚身同彈牙，芝士熱熔狀態真係無法抗拒🤭⭐️⭐️⭐️⭐️⭐️——————評分：8/10.平圴消費：～$130

Had a busy day travelling around Hong Kong on a rainy day (everyone hates these little rain these days, right?) and wasn't planning on grabbing a bite at these time of the day - it was around 5pm I think.  Then because of a sudden hunger feeling, I decided to randomly pick a place and ended up bumping into this little Viet restaurant round the corner.  And it didn't disappoint me.I managed to get in time for the last order for the tea set, which was a Hainan Chicken Rice plus a glass of hot lemo

今日去咗沙田河畔花園咗到做野， 完全唔熟路， 周圍行， 見到有間舖出面有人等緊位， 行過去睇， 原來食越南菜， 咁多人食味道應該唔差， －於試吓.叫咗個lunch set , 已包2 個小食， 1 個主食，1 餐湯，1 餐飲小食： 無骨鳳爪沙律+手撕雞檬紙卷沙爹串燒+ 椰汁酸湯檬： 好大碗， 我本身都幾肚餓， 食晒7 成已經好飽， 串燒有三串,雞牛豬各一， 全部都燒得啱啱好， 加埋d 沙爹汁， 好味鮮薄荷漏漏啡： 咖啡味濃， 飲落有淡淡薄荷味， 正😋😋整體上， 服務同食物質素都唔錯， －個餐咁多野食， 抵下次經開可以再食

沙田有好多朋友成日都會返去食嘢 麗城花園附近真係好多嘢食 我就最鍾意呢一間越南餐廳 選擇 多座位坐得舒服 價錢ok 串燒牛肉 牛味好濃沃配沙嗲醬啱曬 啖啖肉好啱 夜晚宵夜食 越南蒜香牛油雞翼 總共有五隻都係我至愛 蒜香味好重 分量好多 炸到好脆好香口 好食 同朋友飲嘢梗係唔少得 椰香奶茶 椰子好重感覺特別 椰子味配奶茶感覺好有東南亞風情 呢度好出名嘅冰凍 #水果茶 裏面有好多做生果 薄荷 菠蘿 檸檬等等 分量好多 切碎嘅菠蘿 新鮮 健康又唔會 過份甜 啱曬夏天飲 呢度感覺好嘅越南氣氛啱曬同朋友傾偈或者 拍拖浪漫一下

前幾日去咗位於沙田圍地下嘅越南餐廳🇻🇳食晚飯。《蝦餅拼豬頸肉撈檬》 $88有兩款肉，蝦餅🦐 彈牙，豬頸肉微煎左，幾香口，有肉汁，嫩滑！撈檬彈牙，配青瓜同蘿蔔絲，有肉又有菜🤤 撈檬汁酸酸甜甜，幾開胃！《越式海南雞飯》 $89越式海南雞飯🐔，配隻雞髀🤤 雞肉幾嫰滑新鮮，啲餸都算幾多。可以揀黃薑飯同白飯，今次揀白飯🍚 飯質綿綿，仲有個特色醬點！《龍眼花蜜茶》🥤$35多龍眼肉，花蜜茶香甜，甜度啱啱好！

沙田越男仔是一家以越南菜為主打的餐廳，位於沙田圍區。餐廳的裝潢色彩繽紛，氣氛舒適，適合與家人或朋友一同享用美食。菜單上提供多種越南特色菜式和套餐，其中必嚐的包括經典的越南撈檬粉和越南鳳爪。撈檬口感滑嫩，配料鮮嫩多汁，搭配自家製醬汁（應該含有魚露、辣椒和青檸汁），風味獨特，非常開胃。無骨鳳爪爽滑彈牙，非常適合作為開胃小吃。除此之外，餐廳還提供多款炒飯和炒麵，以及湯粉和甜點等。其中豬扒牛肉蕃茄湯河，湯頭鮮甜，肉質軟嫩，份量十足。甜點方面，椰汁冰特飲都是不錯的選擇。總體來說，沙田越男仔的菜式口味也適合香港人口味，價格也可以接受，如果在沙田圍區是一家值得一試的越南菜餐廳。但是因為來的人很多，餐廳的服務速度有時會稍慢，需要有些耐心等待。#devietson #越男仔 #越南美食 #越男仔沙田店 #沙田美食

📍 📍 📍 越男仔 (旺角)旺角廣華街2-20號翠園大樓二期地下5號舖特色越南餐廳 —越男仔今日係旺角lunch，一時諗唔到食咩好，一於encore多次，試吓其他唔同嘅嘢食先！👉手撕雞椰汁酸湯檬粉💰$65😋😋😋😋.5/5主食揀左手撕雞椰汁酸湯檬粉，之前已經試過一次，都係抗拒唔到佢嗰種濃郁既湯底🤤今次撞正老闆在場，老闆推介，加兩匙蒜+一匙辣椒，會更加好味！加咗之後個湯底更加有層次感，成碗粉同埋個湯底全清😆😆👉越南蒜香牛油雞翼💰午市套餐價+$19😋😋😋😋/5即炸起嘅雞翼真係好香脆，仲有一層蒜蓉鋪喺面🤤食落去都仲好juicy，唔會好乾身，真係好抵食👍🏼👍🏼👍🏼👉 海膽春卷💰$39😋😋😋😋/5春卷賣相吸引得體！老闆真係招呼周到，見碟春卷到咗，都教我點樣食😆佢話用塊生菜包住嚟食，再加番啲特色酸辣汁，就perfect！春卷好脆身，食落仲係非常之熱，入面係木耳及素菜，好特別！👉凍椰香漏漏啡💰午市套餐價+$15😋😋😋😋/5咖啡偏淡味，但加左椰奶之後都幾香幾特別，可以一試！回頭:yesyesyes，食物水準高，全部食物即叫即整，份量足！位置方便🤭🤭🤭🫶🏾#kermit食在旺角

上次同老公特登過嚟呢邊試間豆品店🤭咁啱仲見到呢一間越男仔都好似好多人等位等外賣，嘢食亦好似幾吸引咁😍今日放假特登同老公過嚟食嘢😌見到呢一個5 course Menu in lunch 抵食又吸引，就揀咗個set 了🤭一個set有：兩個小食、一個主食、一個餐湯➕一杯餐飲❗️我哋揀咗個set LB $93🌟無骨鳳爪沙律➕椒鹽脆蛋魚柳鳳爪1-2人份量啱啱好，唔算太酸，質素OK👌🏻椒鹽魚柳新鮮即炸❗️魚肉嫩滑，魚肉香味濃～冇比椒鹽味蓋過咗魚香味👍🏻🥢河內蔥油三味配黃薑飯三味包含➡️扎肉➕豬扒➕豬頸肉❗️每款肉都有三件咁多，真係分量十足呀😍豬肉肉質好Juicy，咬落去一啲都唔乾💕輕煎過嘅扎肉都好香口😋呢個黃薑飯食第一啖已經食到椰香味，幾正宗呢🤓配埋蔥油同炸蒜，真係有一番身處越南嘅越式風味呀🥰跟餐嘅牛骨湯齋飲有啲鹹😂應該係湯粉嗰啲湯底嚟🤭越南仔水果茶 跟餐加$12真係一杯好特別、好天然嘅水果茶🍹冇乜點加糖水，飲落有好清香嘅紅茶、檸檬、青瓜同埋菠蘿香味🤩好fruit好消暑🌟夏天飲好適合🧊🥢自家製沙嗲撈檬粉 $68一次過雞、牛、豬串都可以食齊真係勁開心🥳而每一款串燒都超級大串多肉，好抵食呀🙈肉質實在同時容易咬

・　軟殼蟹沙嗲粉絲大脆包 ($168)一嚟到嚇咗一跳，因為真係好大份、好足料😍😍 隻軟殼蟹勁香脆😆又夠大隻，咬落去卜卜脆😻😻軟殼蟹下面係好多好多粉絲！啲粉絲沾滿沙嗲醬，又有豆角、香蔥一齊炒😳，勁惹味🥳仲有個脆包，沾埋個沙嗲醬一齊食，勁正，又夠脆口😍😍😍咁大份兩個人都食唔曬😂・　法式芝士蝦多士 ($69)面頭充滿白芝麻，而內層係蝦膠🍤打得好彈牙，中間嘅芝士做到流心效果🧀好味道😆 蝦多士整體較厚身❤️好足料🤩・　環境🏡坐得舒服🥰，店内裝修比較似舊年代香港修，特別係佢店舖牆上嘅酒樽擺設🍾同埋每一個位上面嘅吊燈中，都令我有種懷舊嘅感覺，環境都唔錯😆😆😆

平時食開旺角分店，呢日過黎拎開嘢就入黎試下餐牌上有唔少選擇 ，款式夠多，一定有一款啱心水期間餐廳人流唔算太多，以卡位為主，坐得舒服裝飾擺設都好特別，重點服務唔錯。招牌去骨海南雞配黃薑飯 平時食開海南雞飯多數都係配油飯 難得今次有黃薑飯，夠香而且粒粒分明海南雞肉好嫩仲配埋特製醬汁 非常惹味豬扒拼雞翼撈檬 份量都幾多豬扒大大塊，雞翼炸得金黃脆口，都唔錯撈檬入面有青瓜絲，酸蘿蔔等配料，最重要一定係蔥油，清新亦夠開胃大大杯解渴凍檸茶

之前已經食過一次，覺得唔錯，見今次諗唔到食乜好，於是決定再次幫襯。今次分別點了法式芝士蝦多士、會安炸春卷及冰鎮蜜糖凍蕃茄。先講法式芝士蝦多士，上枱時仲熱辣辣，而且好香。多士表面佈滿芝麻，咬落口好脆，同埋啲蝦膠好彈牙，正！而會安炸春卷，入面都幾足料，好多粉絲，都唔錯。最值得推介係冰鎮蜜糖凍蕃茄，本身無諗住叫，不過老婆話想食，所以先叫，而我本身對佢無乜太大期望。反而佢一上枱時，有一種眼前一亮嘅感覺。因為我未食過，唔知佢個樣係點，原來佢係一個已經剥好皮的原個蕃茄，表面淋滿晒蜜糖，切開食落口時好甜，而蕃茄又多汁，唔會覺得因為太多蜜糖而漏得滯，值得推介的甜品！

經開沙田，令我諗起沙田越男仔呢間食越南食物舖頭，我記得裏便嗰啲招牌好得意又新潮，上次試過佢嘅特色食物，今次一於就試吓佢經典嘅食物啦🥳越男仔生牛肉湯河初時我都擔心我食一碗未必夠😆，但係一嚟到我就放下心頭大石🪨因為真係好大碗，而佢嘅牛肉好嫩滑，牛味濃郁，河粉幼滑，湯底鮮甜。仲有辣椒青檸辣椒醬、醬料盤另上，值得一讚，真係好細心呀👍🏻。越式海南雞飯海南雞飯絕對係東南亞嘅一道佳餚，份量十足味滑口，再汁簡直回味無窮。越式拉茶其實就好似奶茶咁，不過更加香味濃郁，又唔太甜。餐廳地址越男仔 (沙田)沙田沙田圍路1-7號勵城花園地下1號舖#沙田美食 #沙田美食推介 #沙田 #沙田越男仔#越男仔生牛肉湯河#越式海南雞飯#越式美食 #foodforlife #foodphotography #foodie #foodshare #foodstagram #foodlover #foodpic #foodiegram #foodiegram #foodstyling #food #foodlove #foodstyle #foodpost #foods

越男仔 • 沙田沙田呢間越式餐廳喺河畔花園附近，入到去見到店鋪入面嘅佈置都有經過悉心考慮，有好多擺設。我地平日晚市時段入座，期間餐廳人流唔算太多，坐得舒服。餐廳男侍廳都好有禮貌幫我地落單，服務態度抵讚👍🏼..✅ 金菠蘿海鮮炒飯 🥘 $115 呢個炒飯有啲特別，用咗紅米飯去炒，健康啲。炒飯配料有魷魚、蝦仁、炸魚塊，配料都算多，好足料。炒飯仲加左蛋去炒，炒到金黃，香味十足。整體而言，炒飯質素唔錯，值得推薦😋..✅ 豬扒拼雞翼撈檬 🍜 $79豬扒大大塊，雞翼炸得金黃，唔錯。撈檬入面有青瓜、酸蘿蔔等配料，清新之餘亦都開胃。而且撈檬份量幾多，幾抵食。不過可能雞翼擺耐咗，淋咗少少，如果脆少少會更好👍🏼

之前去過旺角分店食，然之後決定返到沙田都要再食🥰🥰因為真係好好食呀！最欣賞佢就係下午茶包嘢飲不特止，仲可以加配小食價錢都唔貴😌😌手撕雞椰汁酸湯檬粉我每次嚟食都一定會叫呢一個！因為呢個湯底真係好好味！酸酸地亦都令人覺得好有胃口！同埋呢個味道係坊間好少喺其他地方會食到嘅感覺，所以真係不得不試。越式烤牛肉炒河粉一睇到外表就覺得好吸引！欣賞佢每一碟唔同嘅餸菜都會有好多種顏色，而且呢個炒河真係色香味俱全！食落都好有鑊氣！越式素春卷+法式芝心蝦多士兩個小食都好好食，因為脆卜卜好香口！特別鍾意佢嘅芝心蝦多士😝😝椰汁拉茶紅豆冰+冰凍水果茶飲品方面都好唔錯！選擇都好多🥰特別鍾意飲水果茶！因為入面仲會有好多唔同水果，飲得來仲有嘢咬下！