Deep Sea Oyster & Steak

Open Now

Now Closed

👩🏻‍🤝‍👨🏼深海商務套餐2人份 $868🥣是日餐湯黑松露蘑菇忌廉湯，用blender blend溶咗啲蘑菇，再加埋黑松露勁濃，好好飲好滑🥗什菜沙律酸醋汁嘅dressing沙律，食完好開胃🦪是日精選生蠔4隻今日係法國Chiron N1 同埋西非野生蠔N2 各兩隻，Chiron 比較爽口有海水味，而且好肥美大隻，西北野生蠔就好Creamy 有奶香🐟迷你刺身拼盤有三文魚刺身，貝類刺身同埋甜蝦兩隻，三文魚切得勁厚，貝類刺身爽口🪿煎脆皮鵝肝鵝肝非常肥美香濃，加咗酸醋，一啲都唔會酥，咬開仲滴緊油，個多士底亦都做得好好，熱辣辣外脆內軟🐖主菜3選1揀左加拿大斧頭豬扒，另外仲有美國安格斯肉眼同紐西蘭羊架揀，豬扒有驚喜，上盤已經幫你切開一片片，每一片咬落去Juicy爆汁又夠味，配埋啲蒜片一齊食好夾，仲有side Dish薯條同沙律🍜深海海鮮拉麵拉麵反而比較普通同埋麵質偏腍，但係嗰隻海蝦做得好好，新鮮彈牙，而且蝦頭有蝦膏🍹荔枝烏龍茶🍹柚子梳打📍Deep Sea Oyster & Steak 尖沙咀山林道銀座38 13樓A號舖

佐敦多國菜餐廳，凡經Openrice訂座，正價餐牌有9折優惠，21:30後更可享有7折優惠，非常抵食。串燒鰻魚：鰻魚肥美肉厚，肉質滑溜，帶焦香味道。角切魚生沙律：魚生包括多款刺身和三文魚籽，口感新鮮；沙律菜爽脆可口，開胃前菜。蒜蓉青醬雞肉意粉：青醬清爽不膩，配惹味蒜蓉、嫩滑雞肉，香氣十足。日式安格斯牛肉稻庭烏冬：安格斯牛味道格外濃郁，肉汁豐富，稻庭烏冬，滑不溜口，加上溫泉蛋，令人垂涎既美食。紅桑子紐約芝士蛋糕：細膩香滑既質感，再用紅桑子點綴，為成件餅錦上添花。西班牙朱古力蛋糕：由三層唔同口感既朱古力炮製而成，每一口都能嚐到濃厚朱古力味道。Deep Sea石榴特飲：味道出奇清新，招牌必點飲品。青提梳打：杯底有好多青提子果肉，好清甜。總結，餐廳食物質素高，服務態度好，係食宵夜既好地方。

慶祝朋友在佐敦見工成功，在Open Rice搵到山林道附近“Deep Sea Oyster & Steak"食評寫有多國菜，適合傾計環境座得舒服好正，餐廳名都寫明 "Oyster" 因朋友唔食生蠔，雖然無食生蠔，但見隔離檯都有叫，睇落好肥美，下次來一定叫生蠔享受下，餐廳還有其他刺身/燒物/扒料/套餐選擇，因太多款式選擇，就知道真係無揀錯地方，海膽三文魚他他多士$148/2件上菜時賣相已非常吸引，大大件海膽上面有金薄😳😳下面是三文魚粒/爽口青瓜粒混合沙律醬，多士焗得外脆內軟，入口清新好味牛油炒什菌$78好香牛油/蒜蓉/黑胡椒味,還有小小酒香味，蒜香安格斯牛肉薄燒$148煎香牛肉包住香脆蒜片仲有超香蔥粒，完全唔使再點汁已好好味，松露蟹膏意粉$ 148勁重黑松露味,而蟹膏蟹膏混入忌廉中，掛滿意粉中非常滿足，總括喜歡食生蠔一定要來，新鮮即開即食，餐廳還有好多高質美食選擇，值得品嚐.

尖沙咀山林道38號銀座，"Deep Sea Oyster & Steak"餐廳燈光柔和情調，情侶或三五知己聚會.蒜香安格斯牛肉薄燒：牛油蒜香味突出，肉質鮮嫩牛味濃，再配上大量沙律菜，特別調制的醬汁，薄燒牛肉完美配合.

同朋友在山林道搵食，見到銀座38號"Deep Sea Oyster & Steak"即刻想食生蠔，餐廳還有牛扒/日式/刺身/居酒居多元化，裝修高雅座位舒服寬敞,燈光柔和又有情調，情侶或三五知己傾計談心都適合，3款生蠔🦪1.法國Chironcreamy味道比較淡清甜.2.西非野生蠔爽口味道清甜而有回甘香.3.法國Synonyme爽口味道清甜而且有礦物味 .三款生蠔即開即食，非常新鮮肥美飽滿.法國鵝肝：煎得外脆焦香，鵝肝嘅油逼出又有油香味，加上陳醋和脆卜卜多士，令人食落回味.蒜香安格斯牛肉薄燒牛油/蒜香味突出，牛肉燒焦肉質保持嫩滑有牛味，點上特別調制的醬汁，又提升另一味道，黑松露蟹膏意粉蟹膏/黑松露味超級creamy香濃，意粉軟硬適中，🍹Deep Sea 石榴特飲：清清石榴味加入soda 水，飲落又唔會太甜，非常啱女仔飲.

今晚同朋友食生日飯，因為唔食牛，所以叫咗豬鞍扒，平時出街食都唔會抱有好大期望，因為多數都煮過龍，會韌啲，不過呢個好好食一啲都唔韌，煮得啱啱好👍上邊仲放咗我好鍾意食嘅炸蒜片😆。個蝦意粉喜出望外，酸酸甜甜又辣辣地，好醒胃。仲叫咗個油甘魚鮫，燒到好香，個個食唔停🤣。個餐牌其實都幾多嘢食揀。因為朋友唔食生冷野，所以冇叫到刺身同生蠔，不過見到隔籬枱食都好新鮮好吸引😋。性價比高，見到有唔少情侶嚟撐枱腳，服務好好好貼心，值得再嚟😍

今日返工忙完單大project所以想食好西慰勞下自己朋友就帶咗我嚟呢間餐廳呢度嘅環境偏暗 配埋燈飾令到成個氣氛好好 另外每個座位距離都好闊落 啱晒同朋友嚟chill住咁食野本身聽個名以為係普通西餐廳 嚟到先知原來係日式fusion西餐 除咗有扒類 仲有生蠔 刺身 鐵板燒 燒烤 意粉等等松露蟹膏意粉好濃郁嘅黑松露味 蟹膏同蟹肉嘅份量都幾多 食落好creamy蒜蓉青醬雞肉意粉青醬味道幾清新 配上淡淡嘅蒜蓉味 雞肉食落都幾嫩滑燒翠玉瓜面頭灑上咗黑椒調味 燒完食落好juicy!!燒牛舌心串平時牛舌就食得多 牛舌心真係第一次食 食落好爽口彈牙 牛味幾出日本黑豚五花腩串呢個五花腩比起平時食嘅厚身同多汁 脂肪分佈得幾均勻 三文魚(5片)厚切得嚟食落好鮮甜 好貼心咁配埋檸檬就唔洗怕會太膩

白色情人節要0T,夜佐收工想搵間餐廳醫下肚又可以坐下relax下,近近地係山林道一間樓上酒吧西餐廳,,雖然唔係好大,座位寬闊,播放音樂氣氛令人放鬆！▶美國Prime牛小排肉質鮮嫩多汁,,面頭嘅脆蒜片令味道更為豐富,食落油脂甘香牛味重,再伴以沙律菜,非常開胃,老實講比想像中有驚喜！大推!▶燒原隻日本魷魚 上枱已好香,仲大大隻,燒都好香♡最愛魷魚鬚♡每嚿咬落勁爽脆,一啲都吾韌,好好味！必嗌👍▶青醬雞肉意粉 青醬清新爽口,有淡淡的蒜香,雞肉嫩滑,意粉軟硬度適中,本人只略嫌淡味咗少少😅▶串燒豬腩片,,,燒到焦脆仍保持到佢嘅肉汁, 好有嚼頭！▶薯條拎上手仲係熱辣辣脆トト,點埋松露醬好好食!喜歡黑松露味一定要試！▶石榴特飲同柚子蜜梳打 石榴汁飲落甜甜哋好refresh~抽子蜜加梳打水,飲落酸酸甜甜~好開胃😋餐廳好適合約會或者聚會,可以坐低慢慢食慢慢傾,chill下🍻不錯！

冇諗到山林道入邊有間樓上嘅西餐廳，平時好少過嚟呢邊食嘢，我哋比較早到，好彩有訂位咋，因為發覺當晚都係爆曬場，入面場地唔算大，但係都適合朋友聚會同埋情人二人世界燭光晚餐～除咗本身Menu上面嘅食物之外，出邊仲會有塊手寫板寫時令嘅生蠔同埋其他特色食物。…牛油炒蘆筍真係好好食，牛油香得來唔會油膩，而且蘆筍切細咗，食每一啖大細啱啱好，每一舊都會有牛油嘅香！…美國安格斯肉眼，因為我哋唔鍾意太熟，所以就叫咗五成，嚟到嘅時候唔會太熟，中間望到血色，但係切嘅時候唔會有血汁。伴碟有薯塊，我哋問左店員攞蕃茄醬點嚟食，特別好食，而旁邊仲有啲沙律菜。特別一題，係上面嘅炸蒜片，本身都留意到餐牌入邊有呢一道特別可以單點嘅菜式，原來真係好好食，唔怪之得可以單點！…甜品方面，我哋叫咗一件焦糖馬德蓮貝殼蛋糕試下，焦糖喺上面焗到微燶真係超級好食，未嚟到嘅時候已經聞到佢嘅香，入邊蛋糕質感鬆軟，推薦～…飲品方面，我哋嗌咗石榴特飲，似係石榴汁加咗梳打水嘅味道，唔會太甜，幾好飲。

今日慶祝相識1000日，近排男朋友想食fusion菜，我就揀咗呢間樓上日式西餐廳，佢主打海鮮，各款刺身都有，串燒亦有不少選擇。🫶🏻我地首先點左西班牙蠔，蠔肉鮮嫩，伴隨住淡淡嘅海水味，再配上少許檸檬汁，味道清新宜人。🦪之後，又點左鵝肝多士，一啖就感受到鵝肝嘅濃郁滑順，夾喺金黃嘅多士中，形成一種極致的美味體驗。🥹另外，亦點左串燒，我地點左燒大虎蝦，大隻的虎蝦經炭火燒烤，表皮酥脆，內裡肉質鮮嫩多汁。🦐至於燒翠玉瓜亦不錯，經炭火燒烤外皮保持了清脆口感，而瓜肉卻保持了鮮嫩的質感，淡淡的炭燒香氣帶出翠玉瓜本身的甜味。🥒燒牛舌心串亦十分惹味，牛舌心肉質鮮嫩，搭配特製醬汁更添風味，幾乎入口即化。🥩燒原隻日本魷魚經過巧妙燒製，保持了魷魚的鮮味。搭配香濃的醬汁，彈牙得來不會太韌，令人回味無窮。🦑最後，點了日式安格斯牛肉稲庭烏冬，嚐到滑嫩的安格斯牛肉搭配上彈牙的烏冬以及湯底清甜，口感細緻豐富。🍜

同朋友慶生，見到呢間推介，環境唔錯，所以就揀咗呢間Deep Sea, 好chill.初頭以為係西餐廳，但原來係西式fushion日式，menu都唔少日式食物，當中包括咗刺身。今次嗌咗個西式意粉、日式烏冬、日式味增湯、fushion小食。蒜蓉青醬雞肉意粉每條意粉都掛滿青醬，好香嘅羅勒味，仲有少許芝士味，意粉好香口，加上雞肉煎得啱啱好，好夾。日式安格斯牛肉稻庭烏冬牛肉係半熟，再月 熱湯嘅餘溫煮熟牛肉，啱啱好，好嫩滑，好有牛味。安格斯薄燒師傅將牛肉鬈住啲蒜片，再燒，好香口，唔洗點任何嘢都好夠味。再加上沙律配蒜汁，好開胃。三文魚味噌濃湯有別於其他，佢係煮得好濃，連京蔥味都煮到入晒去湯、三文魚同蘿蔔到，保持到食材原味之餘，都仲可以食到京蔥味。

今日同男朋友食dinner，夜晚黎到唔算太多人，兩個人order咗一份牛排、一個意粉+一個青口。牛扒油脂比較少，而5成熟嘅牛小排做到外脆內軟，肉身都煎得好嫰滑。蒜片亦都恰如其分，煎得好香脆、加埋酸酸地嘅蘿蔔蓉，更添清新。白汁忌廉青口（+$20連薯條）白汁夠creamy，青口雖然唔算多但口感算幾煙韌，配埋蕃茜令香味更突出，薯條加左$20，不過就細碟咗啲。青醬意粉香草同青醬配得幾好味，而雞亦都煎得恰當好處，值得一讚係意粉都做到 Al d’ante 口感，幾啱我地嘅口味😋整體黎講，食物質素唔錯，不過份量都偏少，可能兩人要嗌兩份主食+兩份小食會更好。餐廳在山林道，平日都幾靜，係想同閨蜜或情侶想靜靜談天聚會嘅好選擇！

有好野分享啊！位於尖沙咀山林道嘅銀座38樓上有一間夜貓必食店！Deep Sea Oyster & Steak！9:30後道係宵夜時段，除左套餐之外，食物都有7折啊！整身餐廳係專食蠔既，但當日更氣套凍，都係想食返熱野！一試之下，每樣食物份量都好大，而且味道都好好！牛油炒蘆筍 $88廚師將蘆筍炒熟既程度岩岩好，有爽口既口感！鵝肝多士 $98必點既有鵝肝多士！勁大塊！份口即融既口感，非常creamy!!!燒山藥 $38一樣好中意食既小菜！爽口既山藥，絕對係下酒必食藥蒜蓉青醬雞肉意粉 $98特製嘅蒜蒜青醬味道好特別，而雞肉份量比想像鬥戈好多！抵食！日式安格斯牛肉稻庭烏冬 $128上枱時牛肉麵係半熟狀態！真係要把握時間食左佢！仲要配扁烏冬！口感煙煙韌韌！而麵湯麵有濃濃既牛肉味！暖笠笠！

約咗好朋友食晚飯，試咗尖沙咀呢間西餐廳，環境非常優美、配有歐陸式嘅座椅，由於喺銀座13樓，向窗望出去嘅景色非常開揚，絕對係傾計談心嘅好地方❤️😍估唔到呢間餐廳提供咁多款海鮮，不過我流感好返無耐氣管有啲痕，今次叫少少刺身試吓！我哋叫咗三文魚腩刺身同油甘魚腩刺身，一共有10片，擺盤非常精美、刺身大大塊好厚切、食落超鮮甜肥美🍣🤤主食我哋叫咗一碟松露蟹膏意粉，意粉全部掛滿濃郁嘅松露同蟹膏，意粉食落入味、靭度非常適中，配有磨菇、香草同洋蔥，係好好嘅配搭🍝🍽️另外我哋叫咗一份牛油煎帶子，原來佢將兩隻帶子嘅肉擺咗一朵花出嚟，超有心思。帶子食落嫩滑，微煎鎖住香濃嘅牛油味道🧈😋小食我哋叫咗碟脆炸芝麻雞翼，雞翼新鮮炸起，熱辣辣味道香口，肉質鮮嫩🍗🍗呢間餐廳嘅食物質素唔錯，好返下次再嚟試生蠔先得😋😋

今日我要同大家分享一間喺佐敦好食嘅西餐廳，就係呢度嘅菜式多種多樣，有生蠔刺身，亦都有牛扒羊架海鮮等等，環境雅致，一定可以滿足到各位嘅味蕾。首先，我要介紹嘅係牛油煎大蝦，只需$98。呢道菜色香味俱佳，大蝦新鮮彈牙，再加上牛油嘅香氣，絕對令你食得停唔住手。另外，蒜蓉青醬雞肉意粉亦係一道唔可錯過嘅菜式，同樣只需$98。意粉煮得剛好，蒜蓉青醬味道濃郁，加上嫩滑嘅雞肉，食落幾滋味。如果你鍾意海鮮，一定要試下呢間餐廳嘅深海海鮮拉麵，只需$128。拉麵麵條彈牙，係幼身拉麵，湯底豬骨味濃郁鮮美，配上新鮮嘅海鮮，有少少辣辣地，絕對係海鮮愛好者嘅最愛。而如果你想嚐下法國蠔，呢度都有提供Chiron蠔，每隻只需$40。呢啲蠔新鮮肥美，入口即化，絕對係一個性價比嘅享受。最後，脆炸芝麻雞翼亦係一道經典嘅菜式。雞翼炸得香脆，芝麻嘅香氣更加提升咗味道，食落非常脆口。總括而言，呢間餐廳嘅菜式多種多樣，每一道都有自己獨特嘅風味，而且價錢亦都相對平實。如果你想滿足自己嘅味蕾，不妨一試呢度嘅美食。