Deli and Wine (Closed)

餐牌無乜點變，價加完又加，勝在就腳方便，同朋友過黎食中午，佢未食過好想試，於是今日又黎喇，唔洗加一但有服務，中環區來講都算係咁。對方叫意粉話都ok, 我就嗌左碟牛河，係無期待過既情況下，竟然又幾好，講緊6十多元唔包飲品既齋河，河粉質地好好，味夠唔太油，也唔會好濟咸咁，而且牛肉片唔um，材料5算好齋，1個人一碟係啱啱好，份量唔係特別大，大男人一定唔夠食，色水幾唔錯，味道中上，因為朋友喜歡，所以會再幫襯。

Deli and Wine🌟和朋友來個悠閒、性價比高的午餐聚會🌟環境幽靜🌟人均不用100蚊，就可以在中環食飽飽，有中餐、有西餐😋鮮蘆筍煙肉忌廉汁意粉😋是很正宗的西式意粉、煙肉份量十足😋乾炒牛河😋牛河大碟夾抵食！牛肉很有牛味🤣，夠乾身夠鑊氣👍🏼😋大早餐😋是我最喜愛的一味菜，同朋友share 更開心🥳 個牛油果醬整得好惹味👍🏼點落多士度食好夾，其他炒蘑菇、沙律都好好食，成個餐好豐富🤩

因為舊年疫情，間餐廳都休息咗好多個月，新年後意外知道佢重開，即係刻搵日去lunch。居然重開後換咗新menu（唔係話以前唔好食，但食得多係會厭）驚喜係有中式炒粉麵，仲要係邪惡星州米同乾炒牛河，以前試得意粉多第一時間order先。嘩，今次試呢個星州米係是日last order，估唔到1點就賣晒，唔知係好彩定量少，送到已感覺到好有鑊氣，好香，食落都幾重咖哩味，最緊要係超級辣自問麻辣鍋都叫中辣時，呢個應該係大辣，不過越食越惹味，最後係清碟。另一必食係焗豬扒飯，豬扒大片，厚肉又有新鮮豬肉味，飯炒底後去焗夠乾身但又冇飯焦，加隻太陽旦賣相吸引，個茄汁加配菜酸酸地醒胃，最後又係清碟其實呢度係好多中環人飯堂，成日去都會撞到朋友係度食晏

第一次食Deli and Wine是在尖沙咀文化中心，食物簡簡單單，吃飽就入場看劇。之後，有時行過都會買包薯條來過下引。對它，的確是存在情意結的。今次，在外頭太曬太焗了，仲有點頭痛，忍不住好好坐下，需要在冷氣下重生。點了蕃茄忌廉汁大蝦扁意粉，大蝦確實有幾隻，絕不欺場。更喜歡它頂部少少的芝士，點綴一下，跟蕃茄汁很夾。說真，味道不是驚為天人，只是夠平實，但作為慢慢享用午餐的地方，是不錯的。不會有突破，但也不會失望。

Today after watching a concert with my mother and baby, we went to this only cafe at City Hall that was opened for business in the afternoon. We sat down and ordered and everything was fine until a very rude female staff came and demanded that we have to change table as given baby we would be blocking the “so called” aisle. She was rude and completely unreasonable as the restaurant was not crowded and we obviously were not blocking anything. She insisted few times and we refused and asked for mo

蕃茄忌廉汁蝦扁意粉要好早來排隊的一間店每次都大排長龍以前好鍾意呢間的扁意粉，每次食都覺得驚為天人🙈唔知係咪因爲近幾年食開貴野，感覺淡了🙃中規中矩，不過不失🤣不過以中環來說$80算是合理

不錯的中價中環半快餐今天去大會堂看展覽，順便搵下食乜，大會堂幾間都系美心，終於找了個簡單的 DELI AND WINE11點45，去到得2圍枱有客人，有D野都無得叫，等到12點才叫，買飛等送來，等左大概7，8分鐘有得食啦。waiter 算幾有禮貌招待所有客人芝士焗牛脷飯(HKD80)連餐茶~不厚但好豐富的芝士味，粒粒分明的炒飯底，加上4塊又有味道的牛脷，雖然不夠厚和比較林，但平均分應該有4粒星以上。雲吞貴妃雞撈麵(HKD64)～爽甜的冬菇，帶微咸味的雞，雞胸也不鞋；但雲吞皮陸得太林，咬落蝦硬硬實實，應該是雪蝦沒有做好前頭工作；麵底可以，但可惜一點調料都無；跟的湯底不是外面的味精湯。加起來只值得3粒星。走的時候已經排了好長的隊啊，要吃就要在12點15分前到比較好。

好快就有位，仲安排到唔洗搭檯餐牌依舊無太多選擇蕃茄香草雞肉長通粉，雞肉實在係好難搵最值得鼓掌係即叫即整，上到檯係熱辣辣架長通粉仲keep到質感咖啡雞飯辣辣地都幾惹味不過同美x快餐分別不大但價錢當然高一倍啊汽水同檸茶，如果加少d 錢會更加合理啊😮

落雨唔想出街行，朋友就介紹左依間去試試。雖然都係快餐店，就係就感覺好舒適。係門口order完野食就可以搵個位坐低，轉個頭waiter就會羅個餐埋位👍🏻👍🏻👍🏻。檯與檯之間又唔會好迫，所以好多時都會排曬長龍（lunch time12點左右已經排曬隊）。《白汁煙肉露荀意粉》個意粉一上檯勁開心，完全意外地勁多汁。岩曬鐘意撈汁既人😄！意粉軟硬適中，好多黑椒好夠味。本身唔係咁肚餓都成碟清曬！加埋個凍檸茶埋單要成80蚊，貴左d，但係overall 都比85分😋！

去呢間食 通常都係因為要去大會堂睇show今日睇個場 8點 但我同朋友7點就黎左呢間餐廳爆晒 排晒大長龍 等左20分鐘先有位想食既朋友記得預鬆少少時間同朋友唔太肚餓 所以淨係叫左一個share粟米忌廉焗魚柳飯 ($68)有兩塊大大既魚柳 同份量岩岩好既汁(有啲餐廳啲汁會太少 搞到啲飯都乾埋)但呢個啲飯一啲都唔乾 每淡都食到汁包住啲飯同埋個汁有一粒粒粟米 所以有時會有粟米汁同白汁至於個焗魚都唔差 應該係鱈魚黎唔會焗到太乾身 岩岩好杯朱古力奶比例岩岩好 唔會比奶搶走晒啲味所以黎大會堂睇劇 呢間不妨係一個好選擇

在中環大會堂參觀完展覽後，若要醫肚，大會堂內有不少由美心集團經營的食肆，由低，中，高端食肆都有，適合不同人士需要。這次選擇了中檔次的deli and wine, 食物方面可算是MX的升級版，由用料到賣相都有升級，當然價錢也有所提升。幸而，餐廳有提供送餐服務，為性價比追回一些分數。環境方面，走餐廳路線，坐得舒服，三五知已坐下傾下計也可！從店鋪名字可看出，除了食物之外，餐廳還提供酒精飲品，以及其他特色飲品或冷凍食品，似是將快餐店與咖啡店混合起來。在中環核心地段，以這個取價能有這種服務和享受，其實已很不錯了！

黎到大會堂聽音樂會，有啲肚餓想食定啲嘢打底。見附近有間deli and wine，位置超級方便，就喺音樂廳嘅門口。人唔算好多，好快就可以入座啦。環境採取開放設計，坐落比較休閒舒適，價錢亦都合理。我同朋友一共三個人，一人點咗一個餐。首先點左蕃茄忌廉汁蝦扁意粉，意粉賣相吸引，蝦有三塊，體積比較大。蝦嘅味道鮮美，配合蕃茄汁配搭一流。朋友點咗咖哩雞肉配白飯，份量 OK，咖哩唔算好辣，亦唔會食到個口成陣咖哩味。飯身比較乾爽，唔會痴埋一嚿。另一位朋友點咗牛肉腸肉醬意粉，牛肉腸超厚身，有啲似越南式扎肉，幾特別可以一試。肉醬就一般啦。個人認為蕃茄忌廉汁蝦扁意粉比較吸引。一個餐七十蚊到，唔包嘢飲，嘢飲加九蚊，叫咗個奶茶。整體嚟講對呢間餐廳都滿意。

參觀完大會堂低座展覽廳的畫展因為雙腳很累，就在Deli and Wine嘆吓簡單的下午茶，充充電（體力）順便休息吓！我的簡單的下午茶是紐約芝士餅&泡沫咖啡，$28紐約芝士餅的芝士較清淡，我可以接受到，加$13仲有杯泡沫咖啡都不錯。午餐時間Deli and Wine不單是座無虛席，更是大排長龍，現在下午茶時間，人客較少可以坐耐小小，這個小小餐廳的確帶給參觀展覽的過客方便，而我也多次幫趁過，午餐也不錯。

因為上次試過味道唔錯 所以今次我地兩個一齊再去試下食Lunch Set未講野食之前一定要講嘅係服務SERVICE 呢間餐廳嘅服務勁勁勁勁勁勁差差差差差！！！！！ 入到去問下有無menu個waitress就黑面答我：無架喎 一係就喺到睇 一係你自己搵部電話影低囉 呢下已經覺得服務態度差 之後見間餐廳話兩點半會轉Tea 咁啱我地去到個陣就係兩點半 入去問問：我想問係咪轉左Tea？我見門口塊Menu牌未轉 我想問有無Tea set嘅Menu? 個Waitress答我：其實如果你想睇可以自己去門口轉塊牌黎睇 服務態度真係好差 我黎食野想知有咩食 攞個餐牌都唔得 唔通客人見啲地方污漕 就自己去抹枱拖地 服務差到不可理喻！！！！最後我同埋我地分別叫左兩個午餐鮮蝦叻沙湯麵同忌廉汁芝士栗米魚柳焗飯鮮蝦叻湯湯麵：叻沙味好濃 少少辣 對於我呢啲唔係好食得辣嘅人黎講就啱啱好 過下辣癮之餘 又唔會折磨親自己 蝦好爽 其他餸都幾好味 尢其個大大嚿嘅豆卜 吸晒啲叻沙湯汁 一咬落去全部都係濃郁嘅叻沙味 鍾意食叻沙嘅人一定鍾意忌廉汁芝士栗米魚柳焗飯：忌廉汁好香 加埋焗芝士嘅燒焦程度啱啱好 個飯栗米嘅數量都唔少 啱晒我

大小姐呢排聽同事講香港大會堂入面有間cafe 價錢唔低 但係勝在少人去 唔洗等位唔洗同人迫 所以去左試下佢個tea 原來呢間都係美心集團旗下嘅餐廳 要自己行去cashier買左飛 攞個number牌再坐低 等佢送黎嘅今次叫左個魚柳漢堡同薯條 魚柳漢堡：份量正常 對女仔黎講唔會太大 值得一提嘅係魚柳係幾厚嘅 配埋佢嘅漢堡醬係唔錯嘅 薯條：薯條唔係平時茶餐廳賣個隻急凍薯條 而係粗切薯條 唔係落得好多鹽 唔會好鹹 幾好食 食Tea Set飲野係會相對Lunch set黎講抵好多 Tea Set叫埋飲品加$4 但係Lunch Set要加$13 唔係好抵飲