Video
Read full review
2017-09-12
1707 views
因為上次試過味道唔錯 所以今次我地兩個一齊再去試下食Lunch Set未講野食之前一定要講嘅係服務SERVICE 呢間餐廳嘅服務勁勁勁勁勁勁差差差差差！！！！！ 入到去問下有無menu個waitress就黑面答我：無架喎 一係就喺到睇 一係你自己搵部電話影低囉 呢下已經覺得服務態度差 之後見間餐廳話兩點半會轉Tea 咁啱我地去到個陣就係兩點半 入去問問：我想問係咪轉左Tea？我見門口塊Menu牌未轉 我想問有無Tea set嘅Menu? 個Waitress答我：其實如果你想睇可以自己去門口轉塊牌黎睇 服務態度真係好差 我黎食野想知有咩食 攞個餐牌都唔得 唔通客人見啲地方污漕 就自己去抹枱拖地 服務差到不可理喻！！！！最後我同埋我地分別叫左兩個午餐鮮蝦叻沙湯麵同忌廉汁芝士栗米魚柳焗飯鮮蝦叻湯湯麵：叻沙味好濃 少少辣 對於我呢啲唔係好食得辣嘅人黎講就啱啱好 過下辣癮之餘 又唔會折磨親自己 蝦好爽 其他餸都幾好味 尢其個大大嚿嘅豆卜 吸晒啲叻沙湯汁 一咬落去全部都係濃郁嘅叻沙味 鍾意食叻沙嘅人一定鍾意忌廉汁芝士栗米魚柳焗飯：忌廉汁好香 加埋焗芝士嘅燒焦程度啱啱好 個飯栗米嘅數量都唔少 啱晒我
未講野食之前一定要講嘅係服務SERVICE 呢間餐廳嘅服務勁勁勁勁勁勁差差差差差！！！！！
入到去問下有無menu個waitress就黑面答我：無架喎 一係就喺到睇 一係你自己搵部電話影低囉
呢下已經覺得服務態度差 之後見間餐廳話兩點半會轉Tea
咁啱我地去到個陣就係兩點半
入去問問：我想問係咪轉左Tea？我見門口塊Menu牌未轉 我想問有無Tea set嘅Menu? 個Waitress答我：其實如果你想睇可以自己去門口轉塊牌黎睇
服務態度真係好差 我黎食野想知有咩食 攞個餐牌都唔得 唔通客人見啲地方污漕 就自己去抹枱拖地
服務差到不可理喻！！！！
最後我同埋我地分別叫左兩個午餐鮮蝦叻沙湯麵同忌廉汁芝士栗米魚柳焗飯
鮮蝦叻湯湯麵：
叻沙味好濃 少少辣 對於我呢啲唔係好食得辣嘅人黎講就啱啱好 過下辣癮之餘 又唔會折磨親自己 蝦好爽 其他餸都幾好味 尢其個大大嚿嘅豆卜 吸晒啲叻沙湯汁 一咬落去全部都係濃郁嘅叻沙味 鍾意食叻沙嘅人一定鍾意
忌廉汁芝士栗米魚柳焗飯：
忌廉汁好香 加埋焗芝士嘅燒焦程度啱啱好 個飯栗米嘅數量都唔少 啱晒我呢啲鍾意栗米嘅人 而魚柳係用新鮮魚塊整嘅 並非機製嘅手指魚柳或炸魚柳 仲有少少魚皮連住嘅 只係略微唔鍾意魚柳嘅味道有點淡 但魚柳係大塊厚嘅 整體份量對女仔黎講可能會略大
雖然食物質素唔差 價錢算係偏高嘅快餐店價錢 但係因為服務態度極為惡劣 所以唔會再幫襯 都唔建議大家去食
Post
