滋味館越南餐廳 (Closed)

Got a white curry, basically the sauce was lumpy, strong in ginger.Also the sauce was very coconutty and sickly.The box of rice was big, a whole box solely for rice!!The chicken tasted like frozen chicken, and also it was a bit dry and cold.

同事來吃午餐，點了一碗冬蔭功湯麵。麵：無甚特別，我甚至忘了自己吃了甚麼麵牛肉：夠生，好味但太厚，如果薄一點會更好口感湯：好多蕃茄，但蕃茄味又唔算太濃，不過完全唔辣「青」：唔夠多，令成碗麵味道唔夠fresh。凍奶茶：非常普通。甜品：極細碗疑似芒果西米露，都係無咩特別。埋單每人$45，算係咁啦，不過如果份量多d會更好。

到藝術中心看話劇，六個人中有朋友病病地，有人已吃過東西，就在這兒叫個四人套餐，份量加起來仍有餘，也吃得高興。拼盤有春卷、蝦粉卷和蔗蝦。蔗蝦炸得到位，香口之餘又不太油膩，粉卷清清的，很適合病人開胃之作。只是春卷就有點過膩了。豬頸肉濱海好像是名菜，豬頸肉是吸引的金黃色，用濱海的形式吃，比起湯河之類，更能吃到豬頸肉的鮮味。大頭蝦頭和腳比身大，不過蝦肉仍算是爽和有蝦味，套餐貨來說很不錯了。蕃茄海鮮湯河，大大個蕃茄和札肉，加上其他海鮮，湯底的質素比起配料好。肥牛粉絲缹和炒雜菜，印象不算深，這類例菜平穩就是了，總之不很差。時間關係加上如此份量，差點吃不完，很抵吃。一直也覺得這是灣仔其中一間質素最穩定和坐得舒服的食店(2006-08-30食評)，希望搬新舖後也能維持吧。「每個人心中都有一首流行曲」，只有一首歌的quota實在不足夠。我想，流行曲之所以流行，代表的自是那時候的一些人和事吧？所以對我來說，每個時期都有一次屬於自己的主題曲，現在的你又是那一首？

叫了香茅雞扒飯餐跟秘製‘豆支’油﹐ 餐還包括前菜沙拉同餐飲。沙拉沒有多食﹐因覺得這些冷盆喺咁熱既天氣下好容易成為食物中毒既元凶﹐中左毒上埋報就真係攞苦來辛。食物質素方面雞扒唔係整塊上﹐而係以切成一細舊一細舊﹐點睇同點張d雞件放埋一齊都只得1/4到細半塊﹐少得很。白飯亦唔多得去邊。可能呢度響應政府既宣傳啦﹐都預左你班人食唔晒﹐又環保﹐又可節省成本賺多些﹐何樂而不為。唯一可取係佢地個秘製‘豆支’油又的確幾好味﹐眼見有辣椒﹐但一d都唔辣。味道唔係好鹹﹐帶有少少酸及好似有些酒香﹐落再飯上好送得飯。

這天早上約了兩位老友吃早餐，一個靚女，一個靚仔，靚仔老友先到，我們不知這區吃早餐是多麼難找位，去了兩三間都迫滿人，尤其是三個人，我們到了這間便不打算再找了，致電靚女轉了地方，通常靚女有遲到的特權，靚女通知我們車子仍在銅鑼灣，我們兩人唯有食住等，叫了兩份早餐，一份葡式通粉配奶茶，一份反蛋火腿配方包跟咖啡。我們告訴店員有一位仍未到，她答應若我們隔鄰單身來的人客如離開，就將那座位給我們。咖啡雖是即磨，但味道頗淡，反蛋火腿則算合格，因反蛋沒有煎穿，老友的通粉頗大碗，而湯則淡而無味。隔鄰單身來的人客走了，我們將報紙放在座位，不一會長檯的另一邊的兩位人客多來一位人客，他看了一會，不理三七二十一拉開我們旁的椅子坐下，店員看見也不理會，反正我們的朋友仍未到，便算了吧！兩分鐘後，朋友到來，唯有站著等一會，到有三個位才轉檯。朋友點了午餐肉牛肉麵配奶茶，她說牛肉煮得不錯，沒有落蘇打粉醃，奶茶也夠味，她很滿意她的早餐，卻不知「搵食艱難」，我們先前多麼的「頻撲」。下次吃早餐，都是獨自來較易「搵食」。

每次一想食辣就會諗起滋味館, 因為個冬蔭公好好食, 而且d河粉又滑, 我每次都會叫生牛肉河, d牛肉真係好嫩; 唯一唔好就係lunch time勁多人, 次次一放低就會有待應收你d野...

nov 17, 08,2人嚟lunch,叫咗set : 1) 前菜-有生菜絲,番茄,紅蘿蔔絲同花生碎-酸度適中,雖未見出色,但絶對合格 2) 主菜i) 咖喱香茅豬扒飯-試咗友人1"舊"豬扒,正常質素-友人話佢個咖喱汁唔多得因幾稀吓 ii) 海南雞飯-飯做得不錯因色澤對辦,有味同有油香-但隻雞就無嘜叫人欣賞嘅地方因全無雞/肉味,只不過勝在滑同個雞皮甘香 3) 飲品-無問題 - 味道普通,但唔知點解每逢午市都勁多人...............所以呢度食完,都唔好諗住hea吓喇

15-8-2008上次0係舊店食過生牛粉 (http://www.openrice.com/restaurant/commentdetail.htm?commentid=1913914) 覺得不錯, 呢日試試呢邊呢間新分店. 天氣太熱時間又太早, 無胃口, 結果叫了個凍檬 set dinner ($45), 有一碗「春卷撈檬」及一杯青檸梳打 (屬「越式凍飲」, 要加 $4).春卷撈檬 (亦可選「腸粉」!) 先0黎, 又好大碗... 幾碌春卷炸得熱辣辣, 十分脆口, 唔算好油, 餡料就以幾多肉汁的豬肉為主, 都幾好食; 魚露係成碗0野的靈魂, 呢度幾酸, 少少辣, 嗒落仲帶點鹹香, 唔錯; 而 d 粉就係米粉來的, 仲有大量蔥花, 底部的青瓜絲及薄荷葉, 加加埋埋都幾好食.青檸梳打就原來係鹹的, 都係第一次飲... 食完魚露要0黎辟0下味都唔錯, 幾清新, 不過味道唔係我杯茶咁0者.環境比舊店闊落, 仲有電視睇, 大家都一邊食一邊睇奧運女子沙灘排球呢 招呼就比舊店好, 老闆 (?) 好 nice 又風趣, 感覺不錯.連加一 $54 (咦, 原來呢邊收加一服務費, 唔怪得招呼好 d