回味館 (Closed)

睇返食評，對上一次嚟已經係兩年前o既事，而且又係慶祝母親節...南乳吊燒雞 - 少少失色，可能已經冇咗種“重拾雞味”o既驚喜。鮮味又的確冇上次咁明顯...回味脆皮滑心豆腐 - 算保住招牌菜之名，真係做到外脆內滑。不過，略為淡口。欖菜肉鬆炒四季豆 - 豆爽口，肉鬆又爆得好香口，送飯之選！京蔥爆牛肉 - 呢味竟然有驚喜，蔥夠大夠甜，牛肉又入味又夠腍。又係送飯之選！炸大腸 - 炸得乾身，唔肥，又冇怪味臭味，算有水準！瑤柱西蘭花 - 普通，講唔出有咩特色...菠蘿生炒骨 - 如果唔係剛剛去完新志記的話，可能會俾高啲分...一般啦！火焰蝦 - 真係食到火都嚟埋，蝦肉霉又冇鮮味，完全唔掂！水準退步咗，價錢仲係算平，不過碟頭細咗！

今晚我做東, 請屋企人食飯. 呢期好鐘意上網搵好野食好野試.今次去GE 係九龍城 < 回味館 >. 食飯最驚唔係價錢貴, 反而最驚係服務唔好. 上得openrice睇GE, 梗係好少會賴野GE.... 8點鐘黎到, 每位員工都服務非常好.好有笑容, 好有禮貌. 不過始終黎到一間飯店都要知道食物質素.今晚總共點了8個餸:- 中式牛仔骨 : 配以洋蔥跟上牛仔骨, 味道非常配合, 但好可惜可能因為黎早GE關係, 冷了. 以致肉質變得 "UN"- 蜜餞鱔片 : 我唔食魚, 所以不以評價. 但在座食魚者都給予高度評價.- 椒鹽羊架 - 好肉者 (我) 非常喜歡, 因為夠晒大件, 有肥羔位, 夠酥. 不過炸得可能太耐, 以致肉質有D鞋. 味道唔錯!- 燒雞 (半隻) - 價錢都幾貴, $128/半隻. 不過一試之下就知不是冰鮮雞, 是新鮮雞.- 金銀蛋菜苗 - 好食. 夠多蒜頭, 又多皮, 咸蛋. GOOD!- 金蠔肉碎生菜包 - 好好食, 但餡根本不夠應付生菜. 如果底部GE炸米粉轉為餡料就好了.- 回味愛心豆腐 - 呢道菜係我全晚最喜歡的. 外面脆脆, 裡面滑滑. - 竹苼羅

呢排, 我好畀心機來openrice寫食評, 不是有得分, 而是, 太橋, 幾乎餐餐都有新奇刺激的遭遇。像九龍城的回味館, 好耐之前食過一次, 記憶中係蒸食肉餅等港式小炒, 都幾ok, 又留意到它有不少川菜, 反正前日先在佐敦新過一間新開的川菜(相聚小廚), 今晚不妨又試下這間的水準如何。結果如下:1 夫妻肺片 ---------- 明明是屬於前菜的冷盆, 偏偏是最遲來的。味道方面, 只有蒜茸味, 沒有辣味, 連死辣都沒有先至出奇!2 辣子雞丁 ---------- 也是不辣的, 但炸得幾好, 冇焦味, 反而好似有d蒜茸牛油味, 但至少係合格的, 你食得辣就不妨叫佢加辣吧! 3 水煮牛肉 ---------- 終於都講到主角了! 此道菜一捧上來, 外觀很像樣, 但係, 一挾塊牛肉一咬, 咦, 浸味咁似 ........... 午餐肉??? 佢d牛肉係搵咩醃? 可以醃出午餐肉味來? 其他配菜除一般的大豆芽和苕粉, 還有離奇地出現的白菜仔(?), 而它們都係可以吸辣的, 只係, 浸午餐肉味影響了所有食物的味道。算吧啦, 下次都係食番港式小菜, 好地地做咩要去求証佢個廚係咪識整川菜? 最搞笑

星期日晚上八點半, 唔知食咩好, 見到呢間門口貼出匯豐卡的優惠(送例湯or回味豆腐), 便入內(真係由外面搬張枱入鋪)一試坐低有茶, 有花生醃菜, 難怪可以免加一了一位不十分熟悉操作的樓面落單, 幾經辛苦叫了芥辣醬牛柳粒, 南乳齋煲, 担担麵, 還有送的豆腐不一會上了牛柳粒, 是wasabi加沙律醬炒牛柳, 本來是不錯的, 可惜牛柳醃得太厲害了然後惡夢開始了朋友叫了一個飯, 二人食了三分一碟牛柳, 才等到担担麵(這麵是美味的正宗讓舌頭發麻的), 但吃完麵再等十來分鍾仍不見齋煲和豆腐, 期間某枱投訴飲啤酒飲到肚脹都未有野食, 我的一枱就無厘頭的端給我家常豆腐和辣蟹, 一陣又話落錯單一陣又話無落錯, 伴著電視機播放的粵劇節目, 真係火都黎埋...好彩, 我要的菜最後都安然無恙地出現, 味道又對板, 份量又足; 而我主張要求轉台睇獎門人亦為全店的人帶來歡樂(全部客由當部電視透明到望住佢笑晒甘食飯), 事頭婆又係甘幫我倒茶, 埋單都係$146, 就俾番個ok佢啦

上個月看了雜誌介紹去了這間餐廳, 總共坐了一小時, 但這一小時什麼也沒有吃過, 只有等. 等了45分鐘也沒有上食物, 追了很多次才發現漏, 但一聲對不起,也沒說還罵我們.... 永遠不會再去也建議你們要十分有時間才去.

去過兩次, 第一次去點咗：　上湯豆苗: 幾香，　但豆苗開唔太新鮮脆皮滑心豆腐(店員介紹) :　好好！　炸粉好薄，同好香口！水煮魚　：　唔夠辣，但條魚係好新鮮第二次去就幾另人失望，　再叫豆苗可惜等咗差不多一個小時先話果晚冇豆苗．．．．．．．怪味雞　：　好有雞味，　個麻辣味唔錯麻辣牛展　：　牛展幾好，軟軟地口感幾好唔知點解兩次去其實都冇乜客，　但都等得幾耐先上枱，　好彩大家都唔係in hurry！伙計服務不錯，價錢唔貴，亦很清潔！

屋企收到呢度的派街menu, 今日夜晚一行4 人0黎試試.- 回味脆皮滑心豆腐($46): 店員介紹的, 睇0黎係招牌菜... 賣相平實, 不過味道好得-- 粒粒正方形的椒鹽豆腐, 層「皮」炸得好脆又無油, 入面就滑得似豆花, 令我諗起幾年前0係九龍城辣蟹食的超掂「八味豆腐」... 加埋蒜粒一齊食, 好惹味好好食! 推介!- 半隻東江雞($86): 新鮮雞的味道, 肉就一般滑, 還好啦.- 豉油皇鵝腸($46): 要了「冰鮮」的, 食落少少羶羶0地, 幾肥, 味道還好. 不過芽菜唔係咁爽, d 汁亦唔係好夠味, 如果再甜d 就好了.- 欖菜肉鬆炒四季豆($46): 四季豆爽脆, 欖菜肉鬆夠味, 唔錯.- 京蔥爆羊肉($66): 大蔥好爽甜, 幾好食; d 汁就實在太鹹, 蓋過晒其他味, 搞到我0地要自行「涮羊肉」, 用茶洗咁d 汁走食先食得落口; 羊肉其實都唔係好得, 雖然夠腍, 但食落完全無羊味(單憑味道識別, 你話係牛肉/鴕鳥肉我都信!), 令人幾無癮.- 另外一人一碗白飯($6 each): 簡簡單單0既一個飯, 佢都煮得唔錯, 粒粒分明, 帶甜又夠米香, 堅!環境比想像中好,

一行四人到此晚飯,香辣蟹好味,炒得好香,有蟹味,入口唔辣,但他的辣食落慢慢滲出,好正.梅菜扣肉好香滑.冬瓜絲特別,服務態度好.老闆娘和員工好笑容.食完飯唔記得攞個手提電話走,佢\地好醒目打返個電話記錄搵我地,叫我地去攞返個手提電話,值得一讚.一定會再去幫襯,因為仲有好多家鄉特色菜要試.

之前成日經過見到食評唔錯, 尋晚終於梨呢度試下,環境都幾好坐得舒服, 我地4個人叫左芥末牛肉粒,我覺得麻麻都好多人叫,唔夠washibi味, 豉椒生腸幾爽口, 小小羶味椒鹽羊架, 味道不錯但略為乾身,可能我們都是喜歡吃較juicy的, 麻辣鴨舌味道其實不錯,但是不熱也不凍, 啊媽話好似唔熟, 於是跟他們說,他們再整過一碟出來, 可是也是一樣, 於是問啊姐,她說這不是熱食的, 可能我們不慣這種風味, 於是啊媽決定打包整碟番去再煮梨食, 金蠔生菜包,這個是大家認為全晚最好食的, 整碟吃完,啊姐還問我們生菜夠不夠,可以加給我們, 我們都說飽了,是晚也喝了4枝大啤, 2枝氣水,值得一提的是這裡沒收加一,茶和酸菜不收錢, 原本沒打算給笑臉, 但是這裡的啊姐服務真的是一流, 客人打包也會親自幫手,所以值得加分…..

上星期一，終於約齊一家人食飯。選址『回味館』是也！一行八人，最終每人都揀一個…南乳吊燒雞- 竟然搵到久違好耐雞肉味…仲要幾大隻同幾好肉。值4 粒星！椒鹽茄子- 外面脆裹面淋，唔算油膩，口感唔錯。份量都唔少，每人起碼有一件。又係值4 星之作。秘製香辣蟹- 雖然叫少辣，但都仲係好勁。隻蟹其實冇乜肉食，味道就OK啦。3 星。椒絲腐乳通菜- 芡汁有少少杰，但味道唔錯，通菜仲幾爽。3 星啦。芥醬牛粒- 幾特別，可惜芥醬味太濃，所以食唔到牛肉味；碟頭夠大，又係抵食3 星之選。客家豆腐煲- 又係芡汁杰d ，好彩豆腐的確幾滑，釀製o既肉( 魚肉+豬肉？)都煎得香口，總算有3 星級。蜜味金錢鱔- 失望之作。肉質比較淋，感覺唔係咁新鮮。2 星瑤柱西蘭花- 個芡汁太咸啦，西蘭花又煮唔透咁。唔合格，1 星整體而言：碟頭大、份量足、價錢唔貴，味道唔錯，抵食之選。

跟老友記打完波落九龍城食飯。响呢頭差唔多度度都食勻，反而未試過呢度...一入到去，地方細細，侍應皆操濃烈大陸口音嘅廣東話，枱上又有盒大陸牌子皆tissue，真係有D以為返咗內地咁...一望菜牌，除咗有主打嘅川菜外，其他都以廣東小菜為主。就每樣都試吓la..先叫個麻辣天梯，好爽口，但只一味辣，但卻不麻，有D失望...蜜椒風蟮 --- 甜甜哋辣辣哋，相當惹味；汁完全嗦晒落D蟮度；蟮相當新鮮，弄得連皮都微脆口，確實不俗..吃出個癮來，再嚟一個鹽燒羊架。羊架大大枝，份量十足，可惜弄得太乾身，羶味亦不夠，冇乜興趣。自己反而不斷夾嗰D炸蒜粒嚟食...金蠔崧生菜包--- 金蠔非常之惹味，配合筍粒及肉粒而炒成；用生菜包住食，一濃一淡，配合得天衣無縫...南乳齋煲--- 普普通通。呢味就真係只有阿媽先煑得最好食..水準平均，可以一試ge...

早前看到有人寫這間的食評，感覺幾好，但一直也沒有空來一試，早幾日便終於有空來試試了。因唔算太餓，所以只叫了兩個小菜加一支啤酒。小菜叫了鹽燒羊架和金蠔肉碎生菜包。鹽燒羊架- 肉質煮得很入味，羊肉唔算羶，又很有口感，好在煮得又唔會韌；一邊飲酒，一邊食羊肉，又真係幾唔錯喎。金蠔肉碎生菜包- 生菜明顯是細心選擇過的，完全沒有爛又整齊，非常；包括有肉碎、蠔豉粒、馬蹄、冬菰粒和米通，因有馬蹄和米通，令口感增加了不少爽口和脆口的感覺，味道煮得幾好，可惜唔多夠熱，再加上用凍的生菜包起來一起食，感覺就凍上加凍，但如淨食，又感覺比較上油。侍應很熱心招呼我們，還不停介紹給我們有什麼出色的菜式。價錢平，食物幾好，可以考慮再來試試，其它的菜式。

2006年9月9日(星期六)星期六又到了九龍城回味館回一回味, 今次帶同另一位新朋友去試, 兩個人點了:~ 芥辣牛柳粒: 味道新奇, 但各方便配合得很好, 不俗.~ 茄汁中蝦: 其實應算是酸甜中蝦, 味道很好, 不錯!~ 肉碎金蠔生菜包: 可能之前已經試過, 所以冇驚喜, ok~

星期六下午百無聊賴, 友人上網選擇了九龍城的回味館晚飯.真想不到普普通通的一間菜館隱藏住這份美味~三人先點了:- 香辣蟹, 很好味很好味~ 拍得住橋底辣蟹, 應該說是好味過它~ 辣度轉至小辣, 不過味道合適, 肉質還吃到小小鮮甜, 而蟹亦很大隻, 不會欺場~- 麻辣天梯, 唔知係唔係岩岩開舖, 要等3-4個字先有得食, 而出黎味道一般, 可以時間不夠, 味道還沒滲透入天梯內.- 口水雞, 雞肉有咬口, 不似雪雞, 但醬汁既味道有少少怪, 不像平常口水雞的味道- 金銀蛋苦瓜, 原先是點冬瓜的, 不過上菜時卻轉了做苦瓜. 苦瓜的味甘出奇地和金銀蛋茨汁配上- 金蠔肉碎生菜包, 見到幾檯人都有叫, 不蝕底下再追加了這味菜, 金蠔味道和肉碎很夾, 再加上炸脆左既米粉夾生菜食, 一新嘗試, 可以一食再食, 停唔到口埋單總結才$370蚊, 一定會有下次, 仲好想今晚即刻再食^^

早幾個月第一次去吃時，覺得那個燒蠔非常好吃新鮮飽滿(附圖)但上星期去時，卻變成蠔豉了老闆說現在是夏天，D 蠔係細隻左好多......所以我打算過2 個月再去試吃其他小菜都還可以的，不妨去試試老闆& 老闆娘都幾好人，招呼不錯