回味館 (Closed)

上星期一，終於約齊一家人食飯。選址『回味館』是也！一行八人，最終每人都揀一個…南乳吊燒雞- 竟然搵到久違好耐雞肉味…仲要幾大隻同幾好肉。值4 粒星！椒鹽茄子- 外面脆裹面淋，唔算油膩，口感唔錯。份量都唔少，每人起碼有一件。又係值4 星之作。秘製香辣蟹- 雖然叫少辣，但都仲係好勁。隻蟹其實冇乜肉食，味道就OK啦。3 星。椒絲腐乳通菜- 芡汁有少少杰，但味道唔錯，通菜仲幾爽。3 星啦。芥醬牛粒- 幾特別，可惜芥醬味太濃，所以食唔到牛肉味；碟頭夠大，又係抵食3 星之選。客家豆腐煲- 又係芡汁杰d ，好彩豆腐的確幾滑，釀製o既肉( 魚肉+豬肉？)都煎得香口，總算有3 星級。蜜味金錢鱔- 失望之作。肉質比較淋，感覺唔係咁新鮮。2 星瑤柱西蘭花- 個芡汁太咸啦，西蘭花又煮唔透咁。唔合格，1 星整體而言：碟頭大、份量足、價錢唔貴，味道唔錯，抵食之選。