味皇 (北帝街) (Closed)

早起做義工，吃個豐富早餐吧！土瓜灣地道街坊茶餐廳，沒多大期望，食街坊風味還是OK的。生滾牛肉番茄湯通粉配嫩滑炒蛋及牛油多士，包飲品只需街坊價三十多元抵到爛，番茄湯底也算濃郁，炒蛋都滑溜，奶茶面有奶脂皮，回到那些年的舊式茶餐廳感覺。高纖蛋白麥皮大大碗，健康輕盈早餐之選，有需要可加煉奶，早起暖胃一流。餐廳有卡位提供，電視可看高清台，服務員姐姐跟顧客打成一片，談笑風生，生活就是如此簡單直接的，下次再見！

不久之前來過吃下午茶，覺得不錯，這天來吃早餐。首先點了上次吃過的熱狗，同樣是熱狗加飲品，早餐的價錢比下午茶貴$3。上次覺得熱狗很好吃，這次卻不及上次。主要原因是上次的麵包烘得又熱又脆，這次只微暖而且不脆，應該是烘的時間不足。幸好，餡料同樣豐富，香腸、蕃茄、生菜一樣也不少。不過，和上次一樣，沙律醬太多，若下次再點，要叫少醬。雖然對熱狗有些許失望，但今次又有美味新發現，就是生滾牛肉蕃茄通粉。這蕃茄湯香濃，做得不錯，牛肉也不少，好吃。若加點蔬菜，例如紅蘿蔔粒或粟米粒，就更好。這早餐還跟多士和炒蛋，多士香脆，炒蛋很滑，都好吃。除了一般茶餐廳的食物，原來這店還可以預訂生肉、醬料和盆菜，食店要疫境求存，真的要想盡方法。

難食到極，野食無味！態度不好！海南雞更加鞋過啊婆塊面咬到癡曬呀！啊姐自己話做東南亞野食都話得老左講到我地好似呃佢咁，不過我地都真係食左勁勁少野，完全失敗，百幾蚊個二人餐咪算羅唔計較咁多，唔會有下次我食左兩淡仔，湯完濃縮既，勉強可以飲，不過個餐真係失敗唔會再有下次，有D人食牛排88蚊200克可能會好過隻雞掛不過應該都係難食嫁啦，係鐵板上梨有少少聲音以為會好D不過其他野都係四個字”完全失敗”！唔會有下次！

今晚晚餐試咗花膠湯飯，絕對是秋冬佳品，經濟實惠，值得一試。好味雖然不是選用上等花膠，但是味道尚可接受，入口淋滑，雞湯又濃郁，配上爽甜娃娃菜，絕對能夠平衡到冰鮮雞件嘅味道。這個冬季一定會再來品嚐一下。然言白飯只算一般，茶餐廳合格水準。凍檸茶茶味唔夠濃，甜美不是太甜，適中。這個菜式應該是季節限定，希望味皇多點嘗試每季推出一款季節限定菜式，吸引更多顧客。🙏🏻溫馨提示：其他分店同一菜式可能有差異，此食評只作參考之用。

很少到土瓜灣，對這區不太認識。和朋友走進店內吃東西，朋友點了馬來西亞咖喱牛腩飯和凍奶茶，我則點了茶餐，熱狗配凍檸檬茶。這個馬來西亞咖喱的味道絕對有驚喜，咖喱夠辣，味道很不錯，配米飯一流，不過牛腩就比較少，只有3件，另有3件馬鈴薯，以$57來說有點貴。至於熱狗，也帶給我驚喜。雖然這茶餐只售$22 ，價錢便宜，但一點也不馬虎。麵包是略略烘過的，還塗上了一點牛油，除了香腸，還有蕃茄和生菜，味道很好，不過沙律醬太多，我要用刀除去部份沙律醬。凍飲每杯加$3 ，水準也不錯，凍奶茶香濃，凍檸檬茶的茶底也不會過濃，沒有苦澀味。離開時看到有食客吃雞髀沙律，賣相也不錯，有機會再來土瓜灣，一定會試一試。

前兩天在這裏叫了一個泰式炒貴刁，結果出來一碟不知所謂的炒粉，看樣子看不出是貴刁，吃落去超辣而且是麻辣，而且超鹹，吃了貴刁一世人，從未吃過這樣的垃圾。 大家都是叫做味皇，但我在油麻地吃過的味皇，水準好得多，所以決定以後不再在這裏吃。

晚餐都有好多選擇，有小菜又有套餐而且價錢都好經濟，我哋叫一個餐，三個小菜鹽焗雞套餐，另三個小菜，四季豆，椒鹽排骨，蝦仁炒蛋，分量夠大又好食，全部都真材實料職員都好有禮貌，雖然係茶餐廳，但菜色同出品完全唔輸大排檔過火候，下次一定再來

海南雞un過橡筋，un食完一條唔會想再食，只有幾條雞肉，叫海南雞餐？其實是雞絲餐，同經理講，佢話公司係咁，佢都唔會食！完全中伏！今時今日經營困難仲都可以咁難食。

忽然想食扒，原本想去老誌號，但諗起之前都幫襯過味皇，感覺良好，所以再度幫襯。當然店鋪少了好多人，看看餐牌，見到第二個扒餐半價，咁當然係叫扒，叫了牛柳及西冷及羅宋湯。羅宋湯有進步，味道好之餘亦有好多材料，每一𡙡都有紅蘿蔔。至於牛柳，感覺好似少了，碟上亦沒有薯條，原來薯條另上，再來的西冷亦跟牛柳一樣細件了。口感及味道係好食嘅，心想第二件半價，出品應該差唔多。好的地方是醬汁及薯條分開上，餐湯好飲。唔好的是當回來看回之前食評後發現原來第二件半價只是招萊，價錢實在是提高了，但份量就實在少了，連原來包在餐內的意粉現在是要加錢先有。

不知所謂嘅土瓜灣味皇餐室尋日經過呢間食個下午茶，叫左三份下午茶，兩杯熱奶茶，一杯熱咖啡當咖啡到嘅時候，飲左一啖發覺唔熱嘅，於是叫個侍應埋黎我: 唔該杯奶茶夠熱，但杯咖啡唔夠熱，可唔可以換過杯咖啡？侍應: 咖啡係唔熱嫁啦，要熱嘅飲第二d啦聽完佢呢句不知所謂嘅說話真係成肚氣，咩叫咖啡係唔熱，佢講緊乜嘢？我要杯熱咖啡，你比杯唔熱嘅咖啡我，我要求你地換過杯，有咩問題？由於侍應態度完全係不知所謂，本人將永久不光顧此店，特此記錄

同老公落街食下午茶土瓜灣真無乜好食茶餐廳😕行到街口見到味皇好多選擇就入去試下我地兩個人都幾餓太多野想食所以就嗌左三個餐😂😂😂老公嗌左個咖哩牛肺撈公仔麵都叫有咖喱味 牛腩份量都算多度黎講呢 如果唔食辣既人會覺得辣食辣既人又會覺得唔夠辣跟餐既炒滑蛋同牛乳麵包我嗌左個太陽蛋免冶牛肉飯跟中湯中湯味道偏淡 似加水再煲咁～味道正常 無乜特别 第三個餐 炸雞脾薯條隻雞脾無乜肉味但都juicy 薯條脆口餐廳服務態度尚可 上菜速度能接受食物味道正常 不過不失

呢日由何文田佛光街open U行行吓行到來土瓜灣，見到味皇，由於之前喺深水埗幫襯過還可以，因此今日午餐就響度解決。海南雞飯啲飯雞油味濃，雞又係去咗骨嘅，鮮嫩得來又易口。三隻調味料带畀你唔同口感，正！椰汁涼粉冰好好飲，涼粉又多。叻沙就差D，似咖喱摻摻多D，而沒有叻沙的獨特香味。

位於北帝街和馬頭圍道街角的茶餐廳，兩邊玻璃窗都望到馬路景，份外感覺開揚，印象中早在一年前在此餐廳食過晚飯，味道還可以算得上，今次前來食個早餐，又看看水準如何。在餐牌看到的早餐種類，雖不算種類繁多，但都容易選擇，價錢亦都公道，叫咗沙爹牛肉一丁，轉一丁麵須加$5元，配炒蛋和油多，熱咖啡提提神，這個沙爹牛肉一丁，味道不錯，沙茶牛肉香軟不靭，麵底份量足，夠飽肚，待應服務態度殷切，內裡環境多卡座，坐得舒適之餘，走廊通道亦暢通無阻，整體環境乾淨企理。

情人節那𥚃都是人，連平日不需等候的都大排長龍，所以唯有試試平日少去的餐廳。這間味皇算係眾多味皇中最好格局，樓底高，座位寬。幸好不用等位，見扒餐經濟實惠，點了肉眼及西冷。湯就只有羅宋及中湯。羅宋湯味道一般，但湯料足。扒上得較慢，肉眼大塊配上意粉及薯條，餐牌寫的是茄汁意，但上台的是齋意，於我而言更好。再上的西冷面積較少。亦冇話幾多成熟，可能太平價了，薯條不熱，其他都可以。最後可配即磨咖啡，佳節中的廉價扒餐算可以了。另外一讚的是員工服務態度很好。

呢日下晝三點幾約咗朋友喺土瓜灣，因對方未到，我就入咗去呢間位於北帝街嘅味王先歎返個下午茶。下午茶餐牌上邊都有好多選擇。最後我揀咗炸雞髀沙律，配凍咖啡，盛惠$33。炸雞髀沙律賣相都幾吸引，雞髀外面炸得香脆，肉質都幾嫩滑，而且都夠入味，唔錯。沙律有青瓜粒、薯仔、番茄、菠蘿……等等，材料都幾新鮮，色彩繽紛，望落已經夠曬吸引。凍咖啡則味道略嫌淡咗少少，但係口感都幾滑溜，屬於一般貨色。呢份下午茶餐未到屋企，份量亦都唔算細，價格亦屬於合理，都算食得過。