極尚大喜屋 (加連威老道) (Closed)

呢間極尚，真係食左n 咁多次，次次都滿意嘅，但今次真係有d 失望囉，點解？就係刺身竟然唔夠凍😭就連平時最中意食的燒牛舌，都變到好細串同埋薄左，左口魚壽司上面的左口魚，得返一半飯團甘大，sorry 唔記得影相。值得推介係：咖喱蟹，燒饅魚串同燉湯，想再encore 已經唔夠時間lu, 希望下次再食有改善啦，多謝🙏

今晚來到尖沙咀跟朋友食放題，選擇了<極尚大喜屋>。一開始當然要點大量刺身啦！只要用餐廳的app就能落單，又方便又環保，而且食物很快就送到！(溫馨提示: 如果兩個人吃的話，不要一次叫太多，因食物好快來到，二人枱未必放得晒) 至於味道方面，整體都不錯，而我最喜愛的就是極壽司，我自己食完都encore 了幾次，相信喜愛吃甜蝦同吞拿魚的朋友都一定愛上。更重要的是，今次餐廳提供中拖羅壽司任叫，真是物超所值！另外炸物亦不錯，不會落得太多油，加埋燒物同啤酒任飲，相信一班朋友來一定能食得好盡興。最後，我們還叫了幾個湯試試，同埋encore我最愛的小食-芝麻雞翼，今餐兩個人埋單都不用600蚊，真的非常抵吃呢！

已經有一段時間冇去極尚日本放題，今日去食早場17:30，未夠鐘出邊已經大排長龍， 好彩一早訂咗位，入到去發覺原來已經再冇用紙張落單， 可以用手機落單，超方便又環保，又可以睇到自己落咗啲咩嘢單，最重要系唔需要好似之前咁，幾本menu 霸主張枱嘅位置, 唔可以order好多嘢食，今次終於可以狂叫r,最鍾意食佢嘅天婦羅，粉漿唔厚，必食之選海膽軍艦任叫，而且份量又吾系將價就貨，可以狂點，滿足海膽迷三文魚刺身好新鮮肥美,甜蝦都好大隻食物質素維持一貫高水準

懷孕的時候整整一年不能食生嘢，一坐完月，立即同老公去食大喜屋，貪佢價錢中價仲係任食，要食返夠本。本來諗住食殿大喜屋，但電話打極都無人聽，就轉左去食極尚大喜屋。冇預約嘅情況底下，我哋6:15去到唔使等位可以入去。雖然遲咗開始，但都有整整1小時45分鐘俾我哋食，其實都足夠。被安排左喺店比較入嘅位置，有少少油煙，不過都可以接受。而家嘅係用QR code去落單，比以前填紙仔方便好多，亦都環保好多，好抵讚👍🏻先來一碟魚生拼盤，所有食物都好新鮮，其中象拔蚌、油金魚、甜蝦同埋赤海蝦比較好食，其他就普普通通，而且魚生嘅選擇唔係好多。蟹腳非常乏味，可以不試。壽司方面：拖羅壽司冇乜魚味有點失望；海膽軍艦好足料，飯唔係好大而海膽大大嚿，任食壽司來講好抵讚。海鹽左口魚冇乜味，比起元氣差好多；有子胡椒鹽油金魚好香口，左口魚魷魚味兩者配搭好好，值得一試。熱食方面：推介天婦羅🍤尤其係炸蝦、甜番薯、南瓜同埋蟹柳。炸粉好薄，唔會有油炸味👍🏻叫咗個花膠煲，都幾多料味道亦不錯，細細兜兩個人剛剛好。頭先味道唔錯，不過唔係好夠熱頭先味道唔錯，不過唔係好夠熱。燒鰻魚個味道非常正，可惜都係唔夠熱。甜品方面：每人有一杯Häagen-

今日lunch想食日本野，一於同班同事去食大喜屋放題既話就比較貴啦，但原來lunchset都好抵架最平既set連埋加一都系55蚊包湯，沙律，主菜同野飲，有d貴少少既set仲包埋水果同甜品今日就食個最平既 天婦羅拼盤加三文魚粒飯，份量都唔少架天婦羅有兩隻蝦，南瓜，茄子，紫薯仔仲有個塊葉，估唔到都幾好食個飯三文魚都唔少架，夠撈曬成碗飯，最後野飲叫枝裝既仲可以拎番去慢慢嘆有個同事叫左個三文魚蝦丼，三隻蝦勁大隻，三文魚超厚切仲好大塊，我諗住下次都要食個個都系55蚊咋性價比一流，食物質素唔差，而且份量都唔少，系尖沙咀55蚊黎講算好高質而且上菜都好快，落完單好快就上前菜同湯，由入座到埋單都唔洗一個鐘適合打工一族，仲可以入會做會員存分當cashdollar用！！

一大班同事食晚飯好難得齊腳，我們約定每逢月尾聚一聚，今次就去式日式放題，自從生完BB好耐無食過，之前一直聽過這間大喜屋好好食，一於來品嚐下，放題開始當然少不了刺身壽司，一大盤刺身食落口感好新鮮，海膽壽司好新鮮，我們來回order數次呢，咖哩炒蟹，蟹肉啖啖肉炒得好入味，天婦羅炸蕃薯好甜味，煮螺肉肉汁好濃味，再配一壺熱清酒簡直無得頂，最後還有雪糕食，放題來講價錢好抵，食物質素唔錯，一大班人食可以多啲選擇，我也介紹朋友過幾日來食

已經有一段時間無食過放題，今日約左幾個朋友一齊黎食，當中吸吸引梗係刺身啦，食落夠新鮮，我地仲叫左幾盤黎食。另外海膽手卷，海膽手卷要出去排隊扲，每次每人最多拎2件，真係幾好味，一個1人都食左8件今次都幾滿足，揾日可以再食過。

今晚就揀咗一間價錢較為中等嘅極尚大喜屋同成班同學食飯🧞‍♂️食物嘅選擇都算多🧚‍♂️ 除咗刺身壽司天婦羅仲有沙律燒物一品料理甜品唔理咁多 每樣點啲先🧛‍♂️ 蟹子沙律 胡麻醬豆腐 作為前菜🧛‍♂️ 上菜嘅速度好快 亦都冇漏單🧞‍♂️刺身有赤蝦 活赤貝 油甘魚 北海道帶子 松葉蟹腳 連池魚王都有🧛‍♂️ 赤蝦大隻黏口 好爽口彈牙🧚‍♂️ 池魚王好厚切 就算冇柚子醋點都食到濃郁嘅魚味🧚‍♂️ 松葉蟹腳都好清甜🧚‍♂️串燒有雞軟骨羊架牛舌鰻魚翠玉瓜 應有盡有阿 最鍾意食都係燒羊架同鰻魚🧛‍♂️燒羊架好有羊味🧞‍♂️ 燒得好嫩 仲幾多肉汁 雜菇蘆筍炒珊瑚蚌啲金菇原來係用牛油炒 勁香勁邪惡🧞‍♂️ 珊瑚蚌都炒得好爽口 唔會過左火喉極品花膠雞鍋（二人份）花膠好厚身 一啲都唔腥 仲黏口架🧛‍♂️ 仲有埋津白雜菇 蔬菜雞湯特別甜 飲哂佢都唔會口乾🧞‍♂️連IF椰青水都任飲 出面賣成十幾蚊一支 飲番幾支先🧞‍♂️ 仲有梅酒清酒🍶 飲品都幾多款式 有凍有熱職員態度十分好 好努力幫我搵支唔雪既烏龍茶🧛‍♂️ 我都唔係幾好意思 係度講聲多謝🧚‍♂️

喺FB見到大喜屋放題好多好評，睇到D食物圖片都流曬口水了。中午終於有機會同F一齊嚟食，提前book到位，店舖及所有用具非常清潔及乾淨，店舖唔算好大，但座位舒適，唔會覺得好擠迫。食物品種選擇非常豐富、繁多。食物方面選擇都不少 食當然不會放過這裏的刺身，非常新鮮。性價比超高。炸物 整體嚟講 炸得夠熱又唔油 味道剛剛好 夠曬香。超喜歡這裏的羊架 肉厚多汁  有少少騷味 不喜歡吃羊的應該也能接受。飲品區有各式汽水，啤酒，茶等等！亦有不同種類嘅雪糕雪條提供選擇！絕對會再去幫襯，值得推介。

好耐無食放題啦 今晚去放縱下食番夠本先😼😼之前食過銅鑼灣極尚大喜屋 食物價錢cp值都幾高😼 今晚就去尖沙咀分店睇下係咪一樣質素先😸任食三小時分兩個時段 兩個男人為左食盡啲就揀左8:30pm😹一坐低即刻叫野食先 刺身都算厚切😼 三文魚好肥美😻 好食過油甘魚 甜蝦好大隻又好鮮甜 仲有鮮赤貝刺身 呈橙紅色帶光澤 肉質爽厚 味道一流阿😻😻😻我仲叫咗啲壽司都唔錯 飯有黏性 中拖羅 柚子胡椒原條穴子🙀🙀 係原條！！ 海膽壽司 帝王蟹棒皇金燒😻(可惜最好食嘅唔記得影相) 😿個個嚟食都一定食呢個花膠雞煲😼 有兩大塊厚花膠😻 滋補養顏😼 唔好以為雞肉一定好老 係好嫩滑㗎仲要係脾位😸 起碼都一人一個食返夠本滋潤下啦 連個湯都甜到清到似燉湯😽西芹炒帶子 粒帶子都好香 係刺身級😽 炒得幾有鑊氣 味道辣辣地其實好似酒樓嗰啲咁😼飲品當然都係任飲啦😼 最後仲有每人一杯雪糕🍦movenpick/哈根大師 超美滿嘅一餐放題😽

進到店內，感覺就不對勁。走到座位前，發現椅子都是濕的，因為冷氣機滴水。店員帶我們到另一桌去，也是漏水的。最後坐到較接近入口的位置，終究也是解決了。不過，店內的衛生真的非常差。地上、沙發上都是很骯髒，用紙抺桌子，居然有黃黃的顏色。環境的不衛生令到我們坐立不安。食到一半的時候，身旁的櫃子居然跑出一隻小蟑螂出來，嚇得我們。洗手間的衛生更不需要提了。不過，極尚大喜屋的食物果然是名不虛傳。吃過很多間放題，這一間的食物質素真的很不錯。刺生新鮮，厚身；炸物熱騰騰的送上來，外脆內軟；生日蛋糕鬆軟不膩，相比其他放題店舖免費贈送的生日蛋糕，真的很有特色。（本月生日的客人獲贈送蛋糕及香檳）；梅酒，我的最愛，甜甜的，沒有混水分。這是一間食物質素較高的放題店舖，但衛生情況真的令人卻步。

好耐冇食日本野，今次除咗男朋友仲有屋企人一齊食。正正正正正。上次食已經差唔多一年前，今日嚟到發現有嘢唔同左，以前係用紙點餐而家變咗掃QR code用電話點餐。係一個進步，又環保又方便，唔使成日舉手叫店員攞紙。我哋刺身瘋狂叫，熟食亦都嗌左唔少。刺身質素唔錯，上碟快，店員反應好快。熟悉亦都有好多選擇，包括串燒、天婦羅、烏冬、溫泉蛋、羊架、咖喱炒蟹、花膠湯、炒蜆同螺等等，仲有Häagen-Dazs雪糕（限定）同甜品（Tiramisu，焦糖布甸，牛奶蛋糕...）。最尾梗係食到飽晒啦，圍番一個人二百幾，推薦大家5:30時段嚟食，因為食飽可以行下街消化下先去瞓覺，會好過8:30時段食。

每次光顧用openrice訂坐，26/7當日食9:15pm時段，9:00已經排隊，9:25pm被安排坐門口位置，全晚開門關門好熱！之前用寫纸下單又快又沒有溜單，但今次轉用电話落單，上菜慢，不停溜單，唔夠時間進食，第一轉飲品成9:45pm先到，食物質素係比之前新鮮同熱，但上菜太久，唔會夠時間食，整體比之前差，還稱得上極尚嗎？一直都覺得它整體ok所以經常光顧，但經過這次可能未必在食，而且又坐得不舒服，明白大多放題店都坐得迫，但成$300/位，可以選其他！

而家已經唔係18 22，已經冇以前讀書嘅時期食咁多放題，可能係因為追求食物嘅質素高咗啦，會覺得放題嘅都可能係比較粗食。但係嚟到尖沙咀呢間極上大喜屋之後，對於放題嘅質素又有另一番嘅體會。呢間標榜係大喜屋系列入面最高級嘅放題店，自然有佢標榜嘅賣點，今次就親身體驗之後真係覺得好正，除咗一般放題餐廳有嘅食物之外，就用以下嘅相同你同大家分享下覺得最好味嘅地方。呢個係叫嘅刺身拼盤，大家可以見到佢嘅油金魚呀，帶子同埋吞拿魚都係非常新鮮，仲有啲其他放題地方冇嘅種類，譬如係漁魚同埋蟹腳。呢碟真係第一次係放喺鋪頭先見到有嘅薄切鱆紅魚，真心好高質！呢個就係極上大喜屋獨有嘅創意壽司，係有海膽蟹子魚子蟹肉組成嘅創意食物，勁好味。呢個就係我覺得成晚最抵食嘅地方，就係任食海膽手卷，佢飯嘅份量唔多唔會好快食得飽，啲海膽好新鮮一啲都唔臭，其實食多幾個海膽都已經回到本😋10分喜歡這間放題店！

有朋自遠方來，一班好朋友扮青春所以揀左呢極尚大喜屋放題聚舊 🥳🥳數年前有一段時間babe好鍾意食放題，不論大喜屋還是極尚大喜屋我地都食過數次，野食質量是不錯的；今次可以再食我都有啲期待一黎當然係刺身 ✌🏻三文魚、蝦都幾新鮮；仲有象拔蚌，雖則唔係最靚最甜既位，但放題都有得食算係咁；海膽sushi, 細細舊都okay 跟住芝麻雞翼、羊架、牛舌、牛肉粒都唔錯 👍🏻佢地仲有燒菠蘿，好味好juicy 👍🏻有個花膠雞湯，幾似相撲鍋；唔差，花膠都算淋 😋老人家要食下粥、燉湯... 都幾入味 😋甜品我地都叫左好多款，overall都係唔錯，唯獨個炸鮮奶既皮有啲厚 🧐🧐🧐我地一行7個人，基本上可點既都點晒咁濟 😂當然我無可能每一款都食晒，不過朋友都話以呢個價錢再加上放題，有呢種質量算係好okay 😊希望餐廳繼續保持水準 👍🏻👍🏻👍🏻