Video
Above information is for reference only. Please check details with the restaurant.
今日去首先我地4人。一張圓桌唔算大，我地先去到，坐佐窗口位，人地後來6位，臺一樣大小，竟然要求我地轉台。一樣大小臺，就因為人地6日，我地4人，所以要‘讓出’窗口臺？跟住！落單幾次都舉手都冇人理！明明睇到都扮睇唔到轉走，跟住落左單，又等佐好耐，好多點心未出，追單啦，追完又係漏出，直到我地埋單都未出！咁唔開心，寧願唔抵都要取消，取消啦先話出佐了。好！我返埋臺竟然仲要等。擺明未整。態度又差，碗又有污積，點心又多次漏出，落單舉機手睇到都當睇唔到，完全冇人理。竟然有客人問都冇問走來我張臺拿水都有。茶位服務費頂解要卑？有服務員？即使人手唔夠都唔應該咁飲茶都係半散心。咁樣嘅茶樓仲會去？絕冇故意抹黑！全部今日真實事實！今日發生後來呢到差評，先見到之前原來都有咁嘅評論。非常認同。
continue reading
訂左兩圍枱，晚飯12人枱上菜喺客人面前而唔放上無野嘅轉盤，見到有BB都仲要喺果度上菜，翅更加唔洗指意佢上到你個位，最嬲係片皮鴨第一次黎啲皮痴埋哂完全拎唔到，叫經理換完本好聲好氣，一陣經理話蒸得太熱痴埋哂，佢話叫廚房蒸完搣返開先比我地，我地都ok，15-20分鐘左右換個碟黎完全係凍嘅，係真係凍嘅，叫經理兩圍都退左個片皮鴨，佢好話我地食左佢啲鴨皮唔肯退，我地就同佢嘈，如果唔係佢啲皮等咁耐我洗淨食佢啲鴨皮，更何況我係仲有鴨皮係度仲要凍哂，嘈左好耐，佢話要收走啲鴨皮，我話隨便，佢仲一片片數我哋食剩幾多片，仲話啲皮凍唔關佢事，我反問佢唔關你事咁都唔關我事，你比唔足野我點解要我去埋單。雖然最終佢係取消左，但食到一肚火，高度black list，完。
continue reading
星期六晚飯叫左兩碟片皮鴨 碟皮痴埋一塊 叫經理換一碟 都係一樣都係痴實哂 再換一碟 一上檯係凍既真係好嬲 同個經理講 佢又想再換 真係火到黎 食一餐飯換三四碟都可以甘 搞成粒鐘 即刻叫佢cancel佢話我地食左d鴨 態度極差 完全唔覺得自己有問題 因為佢碟皮搞左成粒鐘 先焗住要食住鴨先 佢而家責罵客人已食左鴨 冇得退 甘我地就好嬲 同佢講 唔通因為要等你果塊換黎換去都搞唔掂既皮而唔食住呀？ 點可能係怪客人食左幾塊鴨而冇得退！我地叫佢甘收返啲鴨囉 個經理就立即黑口黑晒臉叫人收返哂走 叫我地唔好再嘈 屈我地想R著數！唔比片皮鴨錢！該名男經理非常冇禮貌 亦冇道歉！成間酒家d伙記態度都好差 上菜呀姐就甘放低碟菜係客人位就走左！叫人斟水就話叫第二個啦！真係好差既經驗！食飯食到火都黎！以後都唔會再幫襯！
continue reading
去探朋友，就光顧左商場呢家唯一嘅酒樓。青瓜海蜇呢款涼菜辣汁好足料，青瓜同海蜇都好入味，食落相當開胃，唔錯。潮州粉果餡料好足料，但略嫌粉果皮較厚。百花釀魚肚友人話佢最愛呢款點心，魚肉夠彈牙，魚肚亦好入味，唔會太鹹，食落味精味亦唔重。黑椒牛仔骨黑椒味濃，略嫌冚過牛肉味…牛仔骨肉質嫩滑，易咬，唔會好韌。
continue reading
今晚食飯，叫了套餐，每樣餸都要追單，到九時許，還欠甜點，但酒樓要食客9:30pm埋單，只有照做，在簽單時，竟然冇禮貌地向我們說，甜品已食，起過份，我哋已不停的追，部長也在附近，點食呀！
continue reading