酒廚世界 (Closed)

同兩個朋友上完堂，上黎食飯，上到黎就後悔，點解，第一呢度燈光好黑，第二，呢度得幾檯客，靜得可以．Waiter 非常殷勤地招乎，因那夜是第一晚番風轉冷，所以二話不說他就offer比暖水我地．跟住仲不停咁介紹Chef’s recommendations. 我地點了鰻魚蟹子芝士玉子卷，牛肉季節野菜串，辣豚肉湯手打烏冬，和風千島海鮮pizza．鰻魚蟹子芝士玉子卷，他說呢個卷係用海饅黎做，用日式玉子(即雞蛋)包住，跟住面頭放蟹子芝士再燒幾下．食時熱辣辣，幾好味，整體好配合．好味．牛肉季節野菜串，呢個較為西式的做法，不過燒出黎熱辣辣，幾香牛肉味，吳錯．辣豚肉湯手打烏冬，呢個係用式石頭鍋上的，熱辣辣．個烏冬食落吳似係手打咁，似冷藏烏冬多點，我地點了小辣，所以都吳係辣，豚肉係豬肉片，都okay的．和風千島海鮮pizza，呢個係日式年糕，加上海鮮焗的，再在面灑上木魚碎，幾似日式那燒餅　（odonomiyaki），幾好味，好合女士的口味．

和兩個老友黎食 lunch, 其中J 係素食者，lunch 餐牌上有十多款主菜, 竟然無一款係 vegetarian!!??呢度d set lunch 由 $78 -- $128 不等，想像到是乜setup 的餐廳啦? 應有點 service 掛? 問 waitress, 可否將menu 上的芝士海鮮長通粉($88) 改為芝士長通粉，她說應該整定了(!!??) 再問另一個dish, 她亦答同一個答案。救命！問她有乜素菜選擇，她說我們應該在定為是提出有vegetarian, 好樣師傅預備。跟著我地叫她問下廚房有乜選擇！跟著另一個男 waiter 來告知，可整一個雜菜湯烏冬。okay, J 無所謂。我點了那個芝士海鮮長通粉, 老友E 點了鰻魚蟹子沙律。我地先來一個蘑菇湯，呢個湯okay 啦。都幾creamy. 我那個芝士海鮮長通粉有蝦，有蜆，有魚片，蝦連殼，腳，鬚，係，我好 surprise 西餐會出現到咁無處理的蝦，那蜆有兩隻，有其中一隻跟本係唔食得，爍的。那個芝士汁，死鹹的，沒有芝士味，係橙色的，好奇怪。J的那個雜菜湯烏冬，只係一碟抄雜菜（菇都無粒!!!), 加一個湯烏冬，收$85

星期六放工約埋成班同事, 一行八人, 因為有一位同事大力介紹呢間餐廳....一見到間餐廳都覺得好好feel, 間餐廳需要唔係好大間, 但係裝修得好精緻, 一入門口就見到擺放咗好多日本酒..今次係食佢地既半自助餐, 有自助果汁, 沙津, bread, 生蠔, 生果同甜品, 會跟一個餐湯, 魚生, main course同餐飲, 咁多野食都係$148.00, 真係食到我同d同事個個攬住個肚走呀. 講番食品先, 12:30既時間佢地會即場切一條吞拿魚 (好新鮮呀!), 跟住就會有waiter分每人二件 (如果可以分多d就好喇!), 我同事話之前黎食係任食ka, 但係唔知點解今次要限定. 跟住生蠔就係任食, 不過本人唔係好仲意食生蠔既, 但係見到d蠔非常之大隻, 而且個個同事都食到唔停, 佢地每人起碼食咗4-5隻, 我都忍唔住食咗一隻, d蠔真係好好好好大隻, 食番2-3隻都維都本啦. main course既選擇都有好多, 有牛扒, 羊扒, 雞扒, 豬手, 龍脷.... 我大部份既同事都選了牛扒, 本人就選了雞扒, 其實食到main course 既時候, 大家都好飽喇, 但係牛扒都雞扒既賣

這是第3次去酒廚世界食午飯。一來近office，一來食物上我個人覺得味道不錯的~~一行9個人去食，大家都叫了不同的set lunch。先來個忌廉什菌湯，還可以的啦~~~侍應就湯可以添飲的。我沒聽錯吧？湯可以添飲的？不過我們一碗就夠了。我叫的set lunch是一份羊扒。起初以為羊扒是細細件的，沒想到一上菜大家都呆了。因為這是我食過的西式羊扒以來……份量最大的一次。味道不錯的說，甜甜的醬汁和羊扒及飯很合適。旁邊的沙律加上了醋，正好中和肉類帶來的膩。同事說冷麵和青口長通粉悖做得不錯。不過壽司set lunch就好似縮水了……另外韓式黑豚飯雖然夠熱，味道亦可以，不過豬肉真的太肥了，同事見到有點卻步。最後是來個法式焦糖焗蛋。可是……太甜了……糖脆硬了一點。幸好有杯可口的咖啡來中和一下。後來侍憑告訴我們，每次用餐都會有印花，儲夠15個就可以在下一餐免費。星期六、日有buffet bunch。雖然環境、價錢和服務都算好，食物的味道和感覺好似變了一點……說不出是什麼……可能是少了一份感動吧……希望下次有機會來的時候可以再讓我食到感動的味道。

下大雨的一天，剛去附近打點一些雜務，回來本想去樓上吃爐端燒，但12時也說未開門，轉來樓下，見環境不錯，又落雨濕濕的，就索性來這裡吃。這裡樓底高，地方寬敞，選了近窗的位置，很舒適。看餐牌，見是西日式的混合料理，加上酒吧式的裝潢，心涼了半截，食物質數也不會十分好吧。不過三道菜的午餐索價最貴也只128大洋，貴極有譜，都不算過份，就要了網燒牛扒及銀鱈魚西京燒的選擇。先來餐包及餐湯，分別是蕃茄忌廉湯及芝麻包。湯的蕃茄味道鮮香，不算濃，沒有忌廉的香滑，但算是幾清新；芝麻包烘得熱熱的，吃得到芝麻香，也不錯；主菜原來用兩個大圓碟來上檯，還附有飯的，感覺有點怪怪的；牛扒是西冷扒，真的是網燒的，聞起來香噴噴。肉質不錯，吃起來肉味夠，又不會過韌，在旁的燒汁也美味，是意料之外的好。可惜的是要了medium，燒出來是差不多全燒了的，廚房的火侯控制，還有改進的空間；西京燒是我喜歡的一味日式料理，這裡的做得也不差，銀鱈魚肉是有淡淡的甜味，好吃的。不過比起最好的，人家用最好的味噌醃漬，天天更換，一醃幾天，當然還差一截，但都己算是吃得過。伴上的北寄貝沙律幾清新，貝肉爽口，也好。甜品是雜果奶凍，下了不少的雲呢拿籽，味道很

繼續小弟係這個活化建築的試食, 這個下午, 來到這店. 跟隔離不同的係, 這棟建築物係全新的, 不過就都係這個J Senses的地帶.這裡的門口幾特別, 有張靚高凳. 入到去, 見到吧臺, 不知何故, 不停的起煙, 要那麼多乾冰嗎? 是日午餐的選擇由$78到$128都有, 天氣熱, 就要了個$78的黑豚肉胡麻醬冷拉麵.先來的係麥包, 不夠熱. 牛油用杯盛載, 實際作用不明.是日餐湯: 南瓜忌廉湯: 8分, 是日餐湯又係個大熱之選, 這湯的南瓜味也幾濃烈.這裡有個特別之處係有得添飲, 侍應問我要否加湯時還以為自己聽錯! 不過天氣熱熱, 也喝不下太多熱湯了.黑豚肉胡麻醬冷拉麵: 8分, 大熱天時吃這個, 相當消暑, 透心涼. 個胡麻醬好開胃, 將成碟醬倒落碟拉麵, 連埋黑豚肉同埋菜一齊撈, 冷冷的感覺, 正. 黑豚肉的肉質也不錯, 冷拉麵都幾彈牙. 見隔離臺兩個女士仲要加醬!什果布甸: 7分, 熱天吃吃水果也幾消暑, 但係士多啤梨都幾酸, 不太受得了.最後來了杯凍咖啡, 都幾濃烈. 當然, 要提神, 都係喝杯熱咖啡更為合適, 冷的咖啡的刺激度總係差點點.整體感覺不差, 食物有水準, 環境都

平時中午都會去下灣仔食下lunch 因為見客關係.！8月5日正好约左３個同事,又聽朋友話船街多左好多餐廳一心去下又可以正實下因為d friend 話好似未來食街咁.當日去到街頭不像d 老友講食街咁樣,但見到兩位女仔企係大厦門口介绍比中午正忙於找食lunch D OL小姐,眼見不到30秒就上左大厦之餐廳.於是我又走埋去問一下咁就上左１樓Deluxe wine 入到去感覺舒服,呢間餐廳雖然中午set lunch 選擇不多但我份人比較麻凡越多選擇越會三心兩意,所以9～10種set都ok費事念呀！我就叫左炭燒羊扒伴黑醋燒汁set 有白菌忌廉湯 ,麵包,咖啡同甜品$118價錢ok啦,(都可以接受)當ｌ位waitress很有禮送上,羊扒後又話飯可以添加,(係晤係見我肥佬一名呢)眼前一睇景然有３件份量嘩低食喎不過心唸未食就話低有d 過份左,一口食落Ｄ肉後出乎意料之外有Juice正！最後杯咖啡又唔錯但本人不吃甜品於是比左我d同事食又順便問佢地d野食點因為始中都係我叫去架有心理壓力兩個同事叫左同一樣牛扒set $128一個話如果少番d 汁就更好,一個話好味,而B小姐就叫左辣魚意粉(忘記個名)佢話味道夠再

今日一行十人去左deluxe wine 食lunch 慶祝亞姐生日.......入到去裝潢不錯......waiter 服務水準一般, 大部份都係生手.....and menus lunch只得set 但都有十種左右............餐湯只有一種..我唔鐘意飲...蕃茄味重的湯........so ...試左二啖..有好重o既蕃茄味忌謙湯其芋頭蝦石窩飯 - 幾好幾特別..........入面重有少少蠔.......又唔係太多油有飯焦可以一試....鐘意食芉頭又想要d特別的可以try try...網燒牛扒..........ok...牛扒燒得剛好重好有肉汁 .....燒汁加少少芥辣羊扒..........ok..啦冇羊蘇味.......我就覺得ok.......鐘意食羊的同事就話唔夠香..我叫左魚生飯.......一百一十蚊.再加加一........-_-"........唔新鮮的魚生........有三文魚子, 三文魚, 吞拿魚, 玉子, 重有一種白肉魚不過食唔出係咩來......吞拿魚肉係梅的.......個飯都叫ok 啦雖則唔係用日本米......但都用左其他的珍珠米o既千萬

set lunch由湯到咖啡都有水準。服務卻如茶餐廳。唔掂1: 問set lunch內有冇沙律or菜跟。阿叔侍應很強調地答:無嫁!無嫁!無嫁!-->結果係有沙律的, 仲幾好食。唔掂2: 見佢話set lunch冇菜, 再問有冇la carte可以叫d沙律。原來又冇, 幾個waiter走黎話set lunch中有齋。-->我都冇話要齋, 我只係想有d菜。唔好要我同你地幾個解釋幾次。唔掂3: 天花滴水喎。侍應答: 幫你同管理處講下。--> 吓? 駛唔駛fax個報價俾我?唔掂4: 有一個同事遲來, 個侍應成個人"dut"係佢個位度, 冇諗住讓我同事坐低。唔掂5: 4個人去, 餐飲問幾次都唔記得...係樓下叫客上去食野個小姐比較專業。

早排見到magazine 介紹灣仔既餐廳響莊士敦道有好幾間新開餐廳今晚特意同女友去試食呢...行左一個圈, 選左呢一間fusion 菜一入去,格局好暗, 佢一方面都係sell 酒所以黑忟忟飲野好情調d兩個人, 坐圓sofa, 夠private, 都舒服叫野食喇, 由於都唔記得左magazine 介紹左咩, 所以都係睇menu 叫.小食: 熒光尤魚(有d 失望, 賣相麻麻, 一pat 野咁, 食入口, 有d 腥..麻麻地)特色菜1: 和風牛肉生菜包( 生菜好乾淨, 都切得size 岩岩好, d 牛肉粒幾野味, 味道8 /10 分)特色菜2: 三文魚芒果圈(三文魚芒果再用飯包住, 再加上脆粒..又係好好食,味道7.5 /10 分)特色菜份量不多, 可以試多幾樣主菜1: 羊扒(得2 舊, 冇咩肉食, 份量少, 不過味道唔錯, 唔鞋口...個番茄汁應該有用鮮番茄, 幾新鮮)主菜2: 龍蝦蟹糕辣肉腸飯(辣肉腸好野味, 有龍蝦肉, 都有蟹糕味, 一人有成兩碗飯, 飽肚..龍蝦殼放上粟米芝士去焗, 好咬口)d 侍應服務都唔錯, 有露台位,不過夏天可能會嫌熱...

我好喜歡一個人去試菜。雖然咁樣有d寂寞，又不能試食多款菜式，但總係覺得自在d。前一陣子去了這間餐廳食左個set lunch，其實又唔係大家講到咁差je~~~個日去到好似不太多人…一入到去間餐廳俾我感覺唔錯，樓底高而空間寬闊~~裝修還不差~~侍應服務都唔差~~因為一個人關係，我坐左係sofa的卡位~ 中午時間只有set lunch……不過亦有小食可供選擇。我點左個set lunch，係網燒牛扒午餐。(set lunch中最貴的其中之一個……= =)先講下野食~先上的係蕃茄忌廉湯和餐包。蕃茄忌廉湯好好味，應該是用了新鮮蕃茄的吧？飲落去新鮮蕃茄獨有的酸甜味~good~~牛油用雞尾酒杯來裝，雖然覺得有d多此一舉，不過還是覺得好新奇~~XDDD餐包是個麥包，這是出乎意料之外~~之後主菜來了~~~網燒牛扒午餐~~~~賣相不錯~~~珍珠米配木魚乾，味道好MATCH~加上牛扒汁感覺很好食~~~牛扒燒得剛剛好~不太"UM"又多肉汁~~個芥辣其實都唔錯~點一D芥辣食落去，成口都是芥辣的香辣味~但又唔會過份蓋過牛肉味~~不過我不吃芥辣的……所以……哈哈……(^v^|||)滿足哂我愛牛的願望~~~XDDDD食

本著同幾位同事中午去試下新菜式, 最終被其包裝所給引, 初踏進門口, 覺得裝修ok, 樓底高, 感覺幾舒服, 但在落單後, 服務問題終於來了.....小至倒番水, 跌餐具, 最大問題是我們等了半個鐘, 其中2人先有得食, 其餘人仲要等, 到大家食完叫餐飲, 等了15分鐘仲未有, 於是大家決定埋單, 無謂再花時間在這裹, 於是向服務生要求埋單, 並說明餐飲等得太久不用上, 到俾錢時, 我向經理表明他們的服務太差, 卻只換來一句對不起, 並沒有作出任何解釋!平心而論, 食物一般, 不見特別, 由其午市只得set lunch沒有太多選擇, 如花得起$100以上, 可以有許多選擇, 無需去一間食物一般服務九流的餐廳.

我個人其實好挑剔好賴, 而且食開好食呢, 就唔會轉來轉去, 怕被人呃.啱啱睇雜誌話有間新野開咗,咪上去試下囉....去到樓下門口就有知客帶位啦, 哈..個feeling好好囉...雖然lunch咋,都好多人,因為無訂位(諗住新開,無人爭嘛)只可坐近門口,哈哈...竟有set喎..嘻嘻..真係好啦又唔駛晒時間諗啦..我叫咗個蟹肉芝士意粉,哇哇!好好好食呀!!我從未食過咁足料又唔流既意粉.....如果唔係趕時間,我一定會再叫多份....仲有飯後既咖啡....聽日約同事再去食..呵呵...我覺得這蟹肉意粉值得推介.

上星期五，同朋友呢度食lunch，順便慶祝佢生日。 揀呢度係因為近我地做地方，而且網上同雜誌上睇到介紹覺得幾吸引，於是決定試。 侍應帶領下，我地坐一張靠近落地玻璃二人餐檯。環顧四周，地方好寬闊，樓底亦好高，俾人感覺幾舒服。 其實之前已經諗好想食乜，點知坐低一睇個餐牌...得set lunch，再問個侍應menu...弊！出事！原來呢度晏晝只得set lunch，無散叫。我所有blog呀，雜誌呀上見到美食，呢個時段一樣都無。天呀！ 無計啦！人都坐低，唯有照嗌set，再望清楚個餐牌，原來得6款，加上其中兩款係牛，我朋友唔食，最後唯有叫一個魚生飯同一個手握壽司set lunch。 個魚生飯好大碗，我地兩個人share食都覺得好夠，不過料就唔係特別新鮮，只屬一般。 至於個手握壽司就真係好普通，一碟八款加幾件太卷，同出面迴轉壽司差唔多，重要紫菜好乾，唔係咁好食。 wasabi屬於唔辣，唔"貢"鼻果隻，個人口味亦都唔多鐘意。 其實睇返介紹，呢度真係有好多特別款式，唔明係點解淨係晚市先提供。灣仔食日本地方都唔多，既然開得，好應該襯午市用呢菜式吸引多人。食set，我駛乜揀佢？

新餐廳仲有一陣裝修味,叫左個手握壽司set lunch, 非常唔得, D魚生好唔新鮮, 好腥有陣味. 未食過d咁唔掂壽司間餐廳好奇怪, 會主動走埋黎殷勤咁服待人客, 但你叫佢就永遠無反應...............真係好特別