糖水雄

Open Now

Now Closed

佐敦糖水雄，平民小店，街坊街里最鐘意黎。有時行開佐敦都會同朋友過黎。黎親呢到，我都會食腸粉，同食芋圓，呢到芋圓幾好食呀！我朋友就食呢個雞翼尖同炒麵，雖然我無食，不過我朋友都好中意呢！呢到地方雖小，但伙記都好好人，她熱情同好傾，特別係糖水店的老闆的兒子，十分熱情好客，非常喜歡同客吹水傾下計。呢到有傳統糖水外，仲有一些新款沙冰等出售，好有趣，好多新鮮甜品與中式糖水混合。糖水雄的味道我覺得算正常，都係傳統糖水最出食。不過呢到好有親切感！

生存太辛苦，要呃下自已，我可以生活唔係生存緊，所以決定食好野。今次嚟到「糖水雄」。蜜瓜涼粉（$25）可能我想食d濕口d嘅野啦😅但呢碗野真係夠乾身👎，最尾杯底果2粒涼粉先有小小煉奶汁。今次食呢碗麻麻地。可能係個碗問題，唔可以倒太多汁水落去。紫米西米露（$25）呢個好食過上面蜜瓜涼粉多多聲，食紫米有紫米味。最重要係真係緊中糖水，每一啖都甜甜地，又有水，唔會乾吞👍。Xo醬炒麵（$25）個炒麵好夠味道，不過小咗d風味，例如鑊氣味，Xo醬自家製之類，只係食到好普通嘅屋企炒麵味。芋圓蕃薯糖水（$27）呢個芋圓糖水比紫米西米露更加出色，蕃薯唔會淡口同食粉咁，真係食到軟糯嘅口感👍。不過芋圓就食唔到本身嘅味，味道非常淡，乾吞麵團咁，唔知食緊咩。一拳雞鎚（$39）呢個雞鎚非常之出色👍👍👍。味道夠香，炸得非常香口，又唔會有陣燶味。內裡嫩滑，唔會太乾身。家鄉炒米粉（$20）呢個炒米粉有d遜色，因為米粉完全無炒鑊味，食落好似蒸米粉咁，淡口無味。唔建議叫呢個食。薯絲蝦卷（$20）🤦🏻‍♂️🤦🏻‍♂️呢個真係超失望，一上枱就知咁樣炸法唔會好食，結果真係唔好食。食落口全部都係粉咁，薯絲炸到乾身有粉口感覺都話正常，連d蝦都

第一次去食糖水係有老闆同我傾談， 佢問我飲咩 ，我話我諗唔到飲咩 ，我諗諗先 。我話我好開心 ，收到老公送唧花 ，佢話不如我幫你果朵花整成甜品 ，真的很神奇。是出奇的好味。走的時候，他話你好像很累，要多點休息呀。其實最累的是他們吧，謝謝你們的用心招待，把我們當成VIP了。這裹很多糖水都好食，價錢更比外面的平易，我問老闆為什麼不加價，他說我們掙的不是金錢，是你們每一位的笑容，看到你們吃我們的糖水，笑著走出店是我們用錢買不到的。

香港街頭小食，舊時擺街邊，宜家入鋪頭，風味不同了。舊時街邊檔，每檔小食買既食物都不同，五花八門各有特色， 又平又抵食，因為不用交租成本低所以價錢平。現在入鋪小食，選擇種類不多，價錢比較貴，因為香港租金非常貴，已沒特色了。但今次比我遇到一間糖水加小食店，食到童年回憶的食物，所以今次一定要介紹比大家。狗仔粉，碗仔翅，潮州粉果，炸雞比，蘿蔔糕，混帳腸粉，魚蛋，燒賣，菜乾豬骨粥，炒米粉，辣味雞翼尖，雞中翼，各種串燒，花枝丸，還有各種糖水，沙冰，雪糕.....

晚餐吃得不太飽，照相又用了差不多兩小時，開始肚餓了。飯後甜品，大家都決定去吃糖水，由某位在油麻地附近工作的朋友帶路，走到佐敦，去光顧一間他朋友經營的糖水舖，店名頗有趣，叫糖水雄。店內環境頗大，不過坐位密密麻麻，朋友跟店主打完招呼後，便下單了。我叫的是白果腐竹糖水配榴槤雪糕，友人則選了喳咋。白果腐竹十分香甜，質感香滑，雪糕則偏硬，榴槤味不重，雲尼拿味則明顯得很。友人叫的是喳咋，據說味道也不錯。老板送的小食雞翼尖，辣得過癮，是下酒良伴。其中一位朋友，則品嚐廚師發板，由店主親自設計的聖誕特飲，內有生果、朱古力、忌廉等等，簡直是邪惡之最，如果有讀者想品嚐，可叫老板親手炮製，價錢自已問老板！甜品食完，話也談完了，各自捧著肚子，各散東西去也，下次再聚！糖水雄 (佐敦)人均消費 40元 抵玩指數2/3佐敦渡船角文匯街30號文景樓地舖初心為本，喜歡簡單用文字及相片分享我的味覺之旅，有興趣請follow～緣食魔宮。抵玩指數最高為三星，所有不用自掏錢包者， 將不給予任何指數。

下午剛剛在渡船角越南菜法式長麵包食店「添X法式三文治」裡面，食完一條味道酸酸甜甜又飽肚的「小法包」之後，我趁自己還有留在渡船角的寶貴時間，再幫襯多一間渡船角的食店。今次我選擇了，幫襯位於渡船角一眾樓宇最外的舖位位置，「文匯街」旁邊的港式甜品食店「糖水雄」。「糖水雄」最讓我印象深刻的地方，是店舖裡面居然設置了一部電視機，正在播放電視新聞臺。我直接進入「糖水雄」店舖內，選擇背向「糖水雄」那礙眼的電視機，然後開始研究「糖水雄」餐牌，和開始向「糖水雄」的侍應點菜了。「糖水雄」的主要熱門時段，是在晚上宵夜時間，所以我下午來到幫襯「糖水雄」，「糖水雄」實際樓面環境裡面，幾乎一個食客都沒有，讓我可以隨意選擇座位，不想看電視的話背向電視就行了。「糖水雄」跟很多坊間港式糖水甜品店一樣，除了有售賣一般港式糖水甜品之外，還有鹹味小食可以選擇，跟新界西北著名的甜品店「佳X甜品」幾乎一模一樣。恰巧「糖水雄」原來也有推出下午茶套餐，售賣一些港式甜品店都會有提供的港式小食，我立刻同時研究「糖水雄」的下午茶餐牌，看看「糖水雄」有什麼鹹味小食可以一試。「糖水雄」的下午茶茶餐餐牌裡面，有兩款下午茶是純粹鹹味小食，另外兩款

有時人就係犯賤，例如明知失戀痛苦，卻不自主地嗌左杯<失戀特飲>。 與其話係失戀痛苦，不如話甜酸苦辣皆夾雜。。。 最諷刺既係，一杯失戀特飲竟然係色彩繽紛奪目🙈 就好似連杯野飲都嘲笑緊自己🤦🏼‍♀️ 全世界只有自己5開心 (🎵我的天空今天有點灰 🎶...... ) 小時候最中意既彩虹色🌈脆條，人生若只如初見，美好的夢幻的有光圈的泡沫卻破滅。 然後是中間的朱古力碎粒，苦苦的又不完全，最底是紅豆： “有時候~有時候，我願相信一切有盡頭 相聚離開 都有時候 沒有什麼會永垂不朽...... ” 好像到頭來，愛了甜了傷了痛了卻很懷念，人生就是矛盾的化身。同是天涯淪落人，失戀互勉。 話說回來，碗仔翅好足料好濃郁入味！而芋圓芒果西米露就好煙韌好新鮮，甜度啱啱好！令失戀自虐的人懷念過後有個安慰，至少人生還是有其他希望的！

今日真係直落食到飽死🤫就甘係條街到行行下見到間糖水店就走人去食🤩糖水雄😅我估係到男人開的其實d 糖水名都真係幾好笑😂不過款式多今日同朋友就叫左兩種1️⃣密瓜涼粉密瓜好甜，份量都好多唔會話食兩啖就無晒，加上花奶可以加😋2️⃣椰汁芋丸好搞笑成個椰果甘上，靚相都靚d💕椰汁味好濃，芋丸好好味

間中老公都會帶我去試食新甜品雖然老公唔鍾意食甜野，但佢都會搵新嘅甜品店帶我去食今次老公就話俾我聽佢發現佐敦有一間好特別嘅糖水舖，話想帶我去試我一聽到佢話腐竹蛋糖水嘅沙冰，沙冰呢兩個字我就想試😱😱😱完全想像晤到點樣成為沙冰第一啖飲落去好嘅時候真係覺得係腐竹蛋糖水味，又有沙冰，雖然冇蛋🤣好似真係一碗腐竹白果糖水叼落去攪拌機度同D冰一齊搞爛咁😋😋😋鍾意腐竹白果糖水嘅朋友星期唔好錯過👍🏻👍🏻👍🏻

糖水雄喺該區好出名，經過就黎試下，發現呢度除左傳統中式糖水，仲有好多新式甜品，叫左個宇治金時沙冰，好中意佢個沙冰質感，係好綿但係又咬到一粒粒冰粒咁，不過略嫌抹茶味真係好淡，做得比較好既係啲沙冰食到最後一啖都有抹茶味，唔會係水，同埋喺底啲紅豆都幾好食。仲叫左個煎餃子，普通貨但佢煎得都幾脆。我諗會令我想回頭去食既原因係店員既態度好親切，見到在場都好似係熟客咁，突然感受到一份人情味😂

天寒地凍，都係係室內活動好，行完圓坊掃完貨，行落佐敦食野都好方便，點知行左條天橋已經好凍，男友話不如食個糖水熱熱地，慢慢行睇下食咩做晚飯糖水雄剛剛係圓坊落佐敦天橋旁邊一眼睇到，唔洗特別搵20幾蚊中式糖水唔算平又唔算貴，男友叫左腐竹薏米白果糖水，估唔到出奇好味，第一唔係死甜，第二腐竹完全溶晒，好滑口同濃稠，第三好多白果，呢d咪功夫錢咯我叫左喳咋，同其他食既唔同，配既豆唔同，但我數唔晒有幾多款豆，芋頭好諗，碗喳咋係好杰，食完唔會飽飽滯滯，但d豆全部有豆沙，唔似出貓雪過既豆拎去煲，係煲好耐果種沙，可惜中式糖水無咩賣面可言，無影相食糖水之前其實仲食左碗仔翅，有蜆肉ga,仲好多tin,無味精唔會好口乾，好多肉絲同冬菇絲，正呀！下次可以係呢度食小食放題

終於揾到一間b仔以外好食既雞翼尖位於佐敦一間小店糖水雄，除咗有得食甜品，仲有好多小食。例如燒賣，腸粉，雞翼，雞尖，味道都幾好黑椒鐵板雞翼尖($20) 一上枱已經聞到黑椒既香味 佢既黑椒唔係乾爭爭果啲，而係仲有啲黑椒汁係雞翼尖既面，皮煎到微脆，好香好正，第一次食十分驚喜最後食完要食多碟雞翼先夠喉！甜品揀咗芒果西米露($26)，個西米底係超重既椰汁底！唔會話太稀身，足料西米露！既西米都粒粒分明，口感不錯。配埋雞翼同雞尖食簡直係絕配

喺附近食完晚飯 ，周圍行下睇下有乜糖水食 ，見呢間都有啲人流， 今日去試下啦！ 餐牌上有好多嘢揀 ，仲有好多小食， 可惜食飽咗食唔到咁多嘢， 都係揀返甜品 。我個人比較悶， 食嚟食去 ，都係揀蕃薯糖水， 今次加咗地瓜圓 ，番薯好林 ，好粉， 好甜 ，糖水都夠薑味， 好味 ，地瓜圓夠qq， 啲芋圓唔太甜， 都好味 ！另外老公叫咗芋圓紫米露， 芋圓都好qq ！紫米露無得比較溶， 較小原粒紫米，有少少椰汁， 好香 ！係高手雲集嘅佐敦開舖 ，的確有啲料到！

今晚即興同黃sir練車，由沙田出發，踩上青沙公路，風馳十五分鐘，到達佐敦「糖水雄」食宵夜糖水。傳統餐牌design，配以傳統及創新美食， 迎合香港三代人口味。友人黃sir點了混醬腸粉 $10，不會比太子爺招牌XO醬腸粉 $14 比下去。傳統糖水 $19-25 左右，豐儉由人。角切馬蹄粒，爽口滑溜，加上甘潤糖水底，清涼馬蹄露$19 便成為入秋佳之選。把譚仔阿姐炸勿演，變成Q彈炸花枝丸$26/6粒， 演活人生。似是餐前小食，實為我地既填肚良方。冬菇蜆肉仲多過翅既碗仔翅$23午夜鐵板黑椒雞翼 $19 味道清幽，肉味更出，不過我更鍾情鐵板黑椒雞翼尖。食完咁多熱氣嘢，整返碗白果腐竹加紫薯圓$29 潤喉解秋燥。質素高，人情味，價錢平；最後去郵輪碼頭練車瞭夜.維港。

都算幾常經過柯士甸，但因為該店門面實在令人卻步，故一直未有光顧嘗試今晚與友人飯後諗住食甜品，無奈另一家糖水店關門唯有轉食呢間糖水雄一入店內頭腦就有點錯亂，因為望住糖水雄三隻字入去，眼前嘅食客係食緊粥，炒麵，蘿蔔糕之類餐單夠多元化值得一讚係餐牌好有心思，有好多潮語之類芋頭西米露餐牌上呢款糖水寫有冷熱選擇，但店員話無曬熱嘅，咁唯有食凍作為一碗糖水黎講，實在唔合格椰汁過多，甜度太重，芋頭西米露就真係只係加兩三舊又硬又無味嘅芋頭X_X馬蹄露眼見朋友食左一半就食唔落去我試左一啖，竟然仲甜過我果碗西米露係真正成碗都係糖嘅糖水咁款或者糖水以外其他食品可能不錯，但已不會再來