點點心 (Moved) New Location

坐小巴一落車就見到點點心晚上10點鐘想食點心就沖左入去啦！環境都算OK，餐廳冇咩人，兩個人就揀咗四個點心蒜蓉蒸鮮魷，鳳爪排骨飯，金山肥豬仔既流沙豬仔包，白灼生菜，諗住兩個人食少少野，當消夜。之前來食過幾次都好好味。蒜蓉蒸鮮魷，必食我連個蒜蓉湯都飲埋啦！清左底^_^。流沙豬仔包個樣好得意，一咬落去個餡就留咗出嚟啦⋯wa~~好正啊啊！仲有好香嘅蛋黃味，鳳爪排骨飯一人一半share。食完豬仔包仲好想好想再食最後埋單＄99兩位，好抵食呀！下次再嚟食消夜～

🍍旺角先達附近出名嘅點心店，遊客仲多過本地人，平時繁忙時間最少都要等半個鐘先有得食，但係食物質素同價錢都可以接受，全部點心都熱辣辣上枱，有幾款點心仲要係必叫。金沙肥豬仔 (流沙包) $22賣相可愛，一咬開奶黃餡流出嚟，唔會太甜，而且有蛋黃嘅鹹香。好食👍🏻-脆皮鮮蝦腸 $30腸粉皮包住炸網同蝦，中間炸網好脆口，腸粉幾夠滑但厚咗少少，食到尾有啲膩。-燒汁虎皮尖椒 $22即係釀尖椒，入面爽口彈牙加埋個燒汁，必點❗️

I'm totally loving this place. Food is very delicious, and quality is good. Food was fresh cooked, served separately, also the fact of 3 prices a plate is very comfortable as you can try mostly everything. Not too spicy, perfectly salted and sweetened. A lot for people had to share a treble, but it was nice as people are polite and kind. Recommend for sure. . One of the best places I've ever been to.

同朋友黎左呢間飲夜茶，好彩有book位唔洗等！野食有質素，全部都熱辣辣，好好食！但茶就無味，店員又唔主動加茶，扣哂分！叫左脆皮鮮蝦腸, 真係菠蘿包, 蝦餃，牛肉飯同肉餅飯都好足料！要讚一讚個脆皮鮮蝦腸，外軟內脆！有大大粒蝦肉，值得叫！5個人食埋單都係每人都係67蚊，好抵食啊！

同朋友想食點心就行行下，是但篤就篤左呢間點點心❤❤兩個女仔呢樣又想叫，果樣又想叫，最後揀左：金莎豬仔包，無論味道定個樣，贏晒，必嗌！！真係菠蘿包（係，又係包）真係有菠蘿包既菠蘿包，必嗌！！芥末咸水角，連我唔食wasabi既人都覺得好食,嗌嗌！黑松露野菌腸，好香黑松露味，出面比較少有。另外，嗌左正常既蒸鮮魷。下次可以再試其他點心

夜晚去咗食點心，由於最鍾意食嗰間點心沒開門，所以隨便入咗間旺角嘅點心店。等左五至10分鐘到就上咗菜，叫咗兩三碟野， 都係時間太晏所以怕食得太多會肥。脆皮鮮蝦腸嘅外皮有腸粉包住。入邊係脆卜卜，呢款幾值得推介，不過要點啲醬汁如果唔係就會太淡。另外叫咗鹹水角，不過味道就一般，芥末鹹水個係素食嚟嘅，但係芥末味唔係話好重，有啲失色係入邊嘅餡好少，如果啲餡多番啲，咁就好。 或者可能係甘岩食到呢一隻個餡太少掛。去開旺角如果夜晚冇嘢食，都可以來呢間試吓嘅。

又係收工夜麻麻，肚餓既時候，兩條友又起飮夜茶引今次去依間又係多次光顧既舖頭咁岩有位一坐底兩個就掛住寫要食咩，太肚餓喇首先黎到既係馬拉糕，睇下幾高身，唔似某某果間咁扁金銭肚，我係食得好清淡既人黎，對我黎講太重味，對我老公黎講好好食，出開去食飯既人應該都習慣，我覺得墊底既羅白好好食囉夠清丫嘛芥蘭，咩味唔洗講白烚可以有咩味重點係大碟鳳爪排骨飯，出去食飯排骨例排一定有用梳打粉拿過架喇肉質就梗係唔係我鍾意食果種喇，對我黎講正常咁囉茄子，依個其實我係其他分店/依間都食過好多次，但唔知點解今次特别好食架wor好奇怪

第二次黎食，都明白人手係唔夠既😑🤷🏻‍♀️但成間店空左有位都唔比人入 仲要態度超級差🤷🏿‍♀️等左一個鐘 但裡面係有位既🤷🏿‍♀️ 啲單擺係度 唔明收錢既係唔識收錢既 成村人五個一齊係收銀個度 真係食咁耐野 平時等其他餐廳都算 因為人地做緊野 但呢間係無人做野既🤷🏿‍♀️🤷🏿‍♀️無下次隔離哥仔話：「佢地好似唔知做緊咩。」我極認同。食物夠熱 但已經一肚都係火 。真係未試過嬲到打食評 佢都係第一次😊👍🏻

一個人lunch，自己食唔到太多野，所以叫唔到好多，但我最想食呢個豬仔包。所以就叫左呢個，3個包當lunch其實都已經夠飽了。呢個包叫金沙肥豬仔，整得好特別同埋好有心思，製作到成個豬樣咁，小朋友食就應該好開心，佢係一個流沙包黎既，入面超級熱辣辣，咬一口d流沙已經湧住出黎，不過食時要好小心，因為真係好熱，要小心熱親。脆皮鮮蝦腸軟軟既腸粉皮，加上裡面脆脆既餡料豐富多彩，食落去個口感好特別，外面軟林林但入面係脆卜卜，值得推介

比起台北店，這間實在太差了（若是聯營）就可以叫做（比佢做衰哂），冇靚茶，D位仲窄過籠屋；D食物一D也不及台北車站吃過的。若論新鮮美味：sorry！若論食物做型：sorry!最後建議可以的話，試試台北車站的（等也值得）

行開旺角想食個下午茶朋友想食點心所以嚟到呢度呢度嘅點心款式都幾多同埋都幾特別系出邊比較少見叫咗個冬菇包賣相真係一個冬菇咁樣食落去先至真係一個包淨係睇個樣會俾佢呃到個包好林好軟熟個餡就OK啦跟住點左個蒸餃個皮嘅厚薄恰到好處入邊嘅菜都好新鮮唔會蒸到梅晒咁下次會再嚟食午飯

點點心已經食左好多次 入面D點心差唔多都食過曬頭2次食 好好味！ 後來質素差咗D 冇咁好食 不過整體都OK排骨鳯爪 燒賣蝦餃 哩D次次都會叫 但最好食嘅系脆皮蝦腸粉🙆🏻❤️😘第一次食真係好好！ 但係之後就質素麻麻 不過都ok 只係冇頭幾次咁好食 佢嘅煎釀三寶 茄子 尖椒 🙅🏻🙅🏻個汁好甜 吾香 D包類 叉燒包...吾夠熱 😖整體上都OK

我黎嘅時間係5點鐘，冇記錯係有7折。店內9成係遊客，可能旅遊書介紹？茶錢$3/位，點心都屬於正常價格，唔會覺得特別平貴。晶瑩鮮蝦餃、醬皇蒸鳳爪、白灼菜心、鮮蝦脆雲吞呢4樣我都覺得算唔錯。蝦餃皮少少厚，但蝦都多鳳爪個醬都係幾好食炸雲吞都係即炸 冇油膩感叉燒腸皮都算薄，不過莞西嘅量有點多…裡面d叉燒都唔係又肥又乾嗰隻上面嗰d傳點心就冇乜大問題，因為我都唔會話叫好多創意點心，免得中伏。以下呢兩款要講下:真係菠蘿包就係真係有菠蘿喺入面嘅包，不過除左塊菠蘿就空空如也。除左gimmick，都唔知有乜作用。脆皮流心香蕉類似炸香蕉糕 香蕉味唔突出 冇流心油淋淋 食一啖放棄左因為有折嘅關係，埋單都唔算貴，ok啦未至好好食，亦都唔叫難食。

第一次食到咁有衝動post上黎openrice 咩101間全球必食餐廳 係唔係少左個「不」字？所有'創新點心'都係難食到噁 特色只有創新 - 好有創意咁整左一味新食物 冇質量可言黎食下傳統點心可能都ok (本人係到淨係食過燒賣，正正常常）芥末咸水角 - 個饀ok的 但係極細份量 個皮勁油又冇味乜乜乜茄子 - 得頂上面舊魚肉加粉食得落口 下面個茄子夾左落碗放左三分鐘左右就有第二幅圖咁多既油滴左出黎 滴完舊茄子擺落口都重係飲油咁 街邊煎釀三寶個d都冇佢咁油脆皮流心香蕉 - 入面個饀既味就係超淡味版香蕉糕，冇乜甜味得個香味 我不如自己買香蕉糕食唔駛食舊油淋淋既外皮真係菠蘿包 - 「包」版鳳梨穌 點解係「包」唔係包？因為得個皮 冇味 冇口感 空心得塊皮 根本唔可以叫包燒賣 - 正常 不過不失順便 你見咁多食評話流沙包唔係流心絕對係堅 我冇叫但係見到隔離枱個d 只係奶黃包唔係流沙包叫左以上五樣野 多謝$111 除左燒賣同芥末咸水角（淨係食晒入面d饀）之外係全部野都係食左幾啖放左係到我俾三蚊買個公仔麵煮都好食過佢

滋味蜂巢糕好好味，淡淡蜜糖味又唔會超甜，又煙韌彈牙，蒸得剛剛好，推介!賣相可愛的奶黃包，一咬落棉棉的奶黃流沙流瀉出來，包與流沙比例剛好，混合食不會膩。芋蓉小靈精--一上檯已經覺得好得意，裡面的芋蓉好香，包皮好軟滑，夾雜一粒粒芋頭多左層次口感，難怪店舖推介。