點一龍 (海港城) (Closed)

話說海港城定期都會推出美食優惠卷，咁我前排買完包包換左好多卷，就約左朋友去海港城食飯～因為我自己想食中菜，最後揀左食點一龍^_^佢個位置有Ｄ難搵，如果朋友唔識去，建議佢搵左中港城先，間餐廳就海港城最埋邊，近中港城的停車場入口。我地四個女仔食，環境好舒服，傾計可以好放心，店員服務態度都好好！今次我點左最傳統的蝦餃、大蝦燒賣、芝麻卷、奶皇流沙包。小炒方面，我地點左豬頸肉炒烏東、金沙蘭花海蝦球、鮮菌炒時菜（去到果日腸粉機壞左.....冇腸粉食....　）基本上你係點一龍叫傳統點心，一定唔會失望，好好味！！特別係奶皇流沙包入面Ｄ奶皇真係好流質，食ge時候真係要好小心，要幫個包做massage，禁佢幾下先好食，如果唔係真係會流晒Ｄ奶皇出黎，嘻嘻～小炒方面，鑊氣好夠，唔會浪費你Quota（你知啦，有時點完Ｄ小炒又唔好味，晒錢又晒quota真係激死！）金沙蘭花海蝦球我真係highly recommend !!!!! 佢用咸蛋黃撈左D蝦再去炸,真係好香口,唔係成日都食到咁精緻的小菜呀!! 炒時菜都唔差，唔怕叫黎食！！我４個女仔都細食，用完卷每人比左唔洗一百蚊，好平呀！值得ｅｎｃｏｒｅ！！

裝橫一盞紅色大燈，枱與枱之間嘅距離都尚算闊落，不過真心以依個價錢嚟計嘅服務質數同人手嚟講就真係差咗啲。飲茶最基本坐低就會有服務員問飲咩茶，但係估唔到嘅係，已經洗好哂所有碗碟都仲未有人嚟問飲咩茶🤣。仲要叫一輪先有人嚟，好在叫做服務員態度都正常，可能真係太過忙又或者係經濟不景要縮減人手。到食物質數，同我預期中都有出入，原因係睇落呢間鋪第一眼睇落都叫做有啲特色。諗住會有一啲特色嘅小點同埋味道都會有啲唔一樣，點知道食物真係算一般，唔算差。但係依個價錢，依個地段，依個服務，真心唔會下一次。🤣

因為疫情及限聚關係，很久都沒有跟同事出外午餐，都是叫外賣多，疫情稍緩，限聚人數又放寬，所以決定一起出外吃午餐，就選了這間點心店。點心店比我想像中大，座位都算寬敞，點心選擇都okay, 覺得比一般點心店多，這裏的點心是即叫即蒸，所以需時較耐，另外因為掛住食同吹水，有啲點心無影😂： 雪影金腿叉燒包、奶皇流沙包、馬拉糕、蝦餃、大燒賣、海蝦脆春卷、網腸粉、咸水角、乾炒牛河、魷魚、蛋白杏仁茶。整體點心質素都okay, 叉燒包係出名，皮係類似墨西哥包咁，都幾好食，但有少少過咸。奶皇流沙包好流沙，另外個脆脆腸粉好食，內裏脆脆，雙重口感。乾炒牛河稍嫌唔夠色水，味道亦略嫌唔夠味。

喜歡川菜的朋友，一定聽過「德哥」陳啓德師傅的大名，最近他跟點一龍合作，炮製以「川味」為主題的11道特色川菜；推出日期由即日至7月31日止。香芋仙草奶茶($32)～本想叫珍珠奶茶，因珍珠售罄改以仙草(又稱涼粉)替代；奶茶芋頭味超濃，口感香滑，解辣一流。夫妻肺片($88)～刀功細膩、肉質極薄，掛汁力強，帶強烈的麻香及辣度，吃得辣的友人當然食得津津有味，且說辣得有層次，唔係得個死辣，非常惹味。重慶口水雞($118)～雞肉嫩滑、肥膏爽口，紅油的強烈的麻香及辣度，會令人吃一便想二，同樣地；奶茶也是一件雞後便喝一口。雲片白肉($88)～薄切的豬肉片肥瘦相間，口感嫩滑；加上辣椒及蒜蓉，更加惹味，辣度不會過高，適合想吃辣但不擅辣的人。歌樂山辣子雞($108)～以辣椒、花椒及胡椒帶出川菜的精妙，加上大量的辣椒乾及花椒混炒，增加了不少麻香味；雞肉切粒後再炸，口感酥脆；肉質幼嫩，食落有點像台灣的鹽酥雞，非常香口惹味！水煮牛肉($148)～牛肉薄切，肉質細嫩，醬汁麻香帶後勁，友人食得滿頭大汗，但還是一件接一件的吃，味道應該也很不錯。魚香蝦球($108)～蝦球爽彈，醬汁中加入豆瓣醬及酒釀，不但令蝦球帶陣陣咸鮮味

食川菜真係一件好有趣既事，怕既人，掂少少入口都慘叫，鍾意既就越食越過癮，最好標埋汗，嘴角發麻，差不多靈魂出竅的境界。90年代上深圳開始接觸麻辣燙，點解會越食越心癮起？原來係某部份不良商販在湯頭中加入罌粟殼，所以要食，都係幫趁返有商譽的食肆吧！與陳啟德師傅結緣，應該是多年前的雲陽閣川菜館，一碗青幽的素菜麵，完全把我KO，連半碗都支撐不了，但其他菜色，將川菜的「一菜一格，百菜百味」演繹得淋漓盡致。多年來都先後在不同場合再品嚐德哥的菜色，每一次都感到比之前的更進一步。今次德哥與點一龍合作，推出點一龍x陳啟德師傅「川味」。由前菜都甜品，總共11道菜色，訂價都是由$38起跳，最貴都不過$148，實在相當親民。夫妻肺片🌶🌶🌶（$88）Marinated Ox Tripe with Chilli Sauce川菜中的名物，雖然有三隻辣椒的勁度，但金錢肚及牛舌切得非常薄及入味，仍有嚼口，越食越開胃。重慶口水雞🌶🌶🌶（$118）Marinated Cold Chicken with Peanuts in Chilli Sauce選用雞腿下莊，基本上係啖啖肉，雞肉絲毫沒有給辣味搶去味道，辣得有層次，我鍾意。

傳承真的是非常重要...以往太多老師傅將自己的技藝收埋收埋，怕教識徒弟無師傅，唔肯教授俾後輩，結果很多傳統技藝/菜色失傳，實屬可惜。川菜大師德哥就比較開明，毫不吝嗇地傳授俾有志做麻與辣的後輩。最近德哥再次出山，與海港城點一龍合作，推出十一道川菜，為期至七月底。食辣要做足準備，先來杯冰凍的蜂蜜愛玉。萬一辣到噴火，遠水救唔到近火，後悔就太遲。先來幾款涼菜，口水雞賣相對辦，辣中滲出點點麻香，有層次的。雞肉嫩滑，唔係用啲雪到死實實的貨色來做辣，有分加。夫妻肺片也不俗，牛內臟每片切得薄薄的，但不失口感，沾埋麻辣度與剛才口水雞相若的汁醬，吃得過癮。個人素來喜歡愛雲片白肉，薄身而肥瘦有致的豬肉，入口鬆軟帶脂香，結合辣味、微甜，以及大埋的蒜香，十分醒胃。理應辣度最強的辣子雞，反而唔算太刺激。雞粒比正常的切得較大粒，還好入口鬆脆，有點點像吃台式鹽酥雞的影子，但食古不化既筆者，始終鍾情要在辣椒埋中尋找小雞粒的正宗歌樂山出品。在座有一半朋友不吃牛，但作為牛魔王，又總唔會錯過水煮牛肉的。牛肉片幾嫩口的，又唔會失晒真咁，加上麻香，可以。不吃牛的，就只能向墊底的芽菜進攻了。以往多半會吃乾燒蝦球，今次就選來味型稍有

有睇過我個blog咁上下嘅年資，一定記得我講過川流同雲陽，咁你又點會唔記得陳啟德師傅。好耐冇見嘅德哥，前一排係鰂魚涌搞咗一個限時Crossover嗜辣晚宴，可惜太遲join唔到，耿耿於懷等咗半年，佢終於再次出場，同點一龍合佢親自監督嘅川味menu。兩個人的晚飯，都叫咗好多個唔同嘅種類，如果你多啲人嚟食，基本上可以掃晒成個Menu，先上場嘅夫妻肺片，最深得我心，因為辣度最強，而且切得薄薄的牛腎，牛肚，令我想起的是之前德哥嘅拿手好戲燈影牛肉。看到重慶口水雞的紅油已經眼睛發光，雞肉當然夠滑，雞皮同個紅油才是最夾的柏檔，呢一刻我即刻想食碗白飯。雲片白肉層次最高，吃下去你會食到糖味，原因德哥詳細講左，主力都係因為其辣椒嘅原味令到你食到有少少原材料嘅甜味，而白肉肥瘦各有千秋，看你愛什麼位置，我就全吃就是了。看歌樂山辣子雞以為會好辣，少年，你錯了。感覺完全唔辣，而且雞皮勁脆，又香口又有少少辣勁，之後我攞咗啲辣椒番去再炒左個意粉，勁正。原來歌樂山係重慶一個地方，google一下後，更想去來個辣味之旅。一上次就聞到香味嘅水煮牛肉，牛肉唔會太大舊，每口剛剛好食到嘅係牛肉同水煮渾然天成嘅合拍，我同德哥講就係

喜歡吃川菜的朋友相信對川菜大師陳啟德師傅並不陌生，過著半退休生活的德哥久不久技癢時便是我們有口福的時候了！因為他正與點一龍聯手設計了以川味為題的菜單，限時呈獻共十一道經典美味的川菜，作為德哥粉絲的我當然要立刻去捧場。我只到過荃灣點一龍吃過點心尖沙咀店還是第一次到訪，店家以紅、黑色作主調的裝潢摩登中仍帶出中國風，加上夠高的樓底坐得相當舒適。我們在十一道菜中選上了八道來品嚐，全部也是經典的四川菜未吃已經流口水了！先上檯是三道經典的四川涼菜！重慶口水雞＄118淋上了令人心動的紅油，配襯皮爽肉嫩的滑溜雞件，面頭再以花生粒來增添香氣令口水雞味道更加完滿。緊接力的是夫妻肺片＄88，片大而薄的牛食材弄得非常入味亦麻辣鮮香，雖然只能吃牛肚但足以吃得我滿心歡喜。最後一味涼菜是我吃川菜幾乎必點的雲片白肉＄88，肥瘦均稱的腩肉片口感挺軟嫩，濃郁的蒜香加甜美醬汁便是它的靈魂所在。然後到熱騰騰上檯的歌樂山辣子雞＄108，炸至酥香脆口的雞肉沾滿了辣椒乾和花椒的香氣，辣度經過調整後不嗆喉之餘變得更為親民，但仍然是惹味可口的令人不禁地吃完一塊又一塊。海鮮迷則可選這個魚香蝦球＄108，鹹鮮的魚香汁將爽彈大蝦球緊緊擁抱著

因為友人好想食點心放題，又想坐夠兩個鐘，所以就揀咗呢間。因為一早book了枱，諗住可以坐得舒服一點，但安排了我們坐門口⋯⋯結果經我們的要求，又能安排我們入內進食。點心選擇不多，每樣叫少少試試。炸物比較高質素，一來熱，二來脆，餡料是一般酒樓的質素。奶黃飽有流心的，但飽皮厚，欣賞飽皮仍軟淋淋。蝦餃成隻都係蝦，皮薄。春卷值得推介，皮脆又薄，裡面的餡有菜的脆，也有適中的蝦和肉。鮑魚入味和淋，size適中，曲奇撻皮鬆化，餡就一般。服務方面滿意，你叫人就有人理你，不過我自己不會再幫襯，同預期有點出入，下次都是回去酒店吃放題算了。

早前同女朋友到港威中心shopping無意中發現呢間隱蔽小店，前身係港威戲院地址。全日供應點心，蝦餃、燒賣、牛肉球及即蒸腸粉一應俱全，而且只收30多元起跳，在尖沙咀區非常罕有，更加吸引我哋係有提供正宗嘅四川菜辣菜🌶，水煮魚、口水雞、麻辣炸子雞、夫妻肺片一應俱備，幾個女仔食到欲罷不能味道真好，滋味野味（食完完全冇口渴👏🏼）😋😋。聽經理講佢哋有德哥師傅（前雲陽閣及川流大師傅）做顧問，確保出品質素。

已經有一段時間無食過點心，今日一於去試下位於海港城間點心專門店"點一龍"，裏面樓底很高，環境唔會太嘈，地方都寬敞。這裏除左單點之外還有放題！今次我地選擇任食，款式種類都多，全部都即叫即蒸， 每位客人會贈送鮑魚酥或燕窩撻其中一款。梨子鹹水角 外形成個啤梨，味道同普通鹹水角無分別，但食落偏油香煎素鍋貼一咬落去成口油， 又硬又乾，唔好食雪影金腿叉燒包皮脆內軟，面層帶微甜，入面好多叉燒餡，而且又唔會有太多肥膏晶瑩海蝦餃皮做得很薄，蝦又大又新鮮，食落爽口大蝦燒賣燒賣大大粒，蝦肉彈牙爽口，口感豐富鳳爪排骨飯超多排骨鋪滿飯面，排骨好香蒜蓉味，配埋熱辣辣嘅飯一流醬油蒸鳳爪鳳爪好大隻，整得好淋加埋醬汁味道剛好芝麻小卷出面已經好少有這款甜品，芝麻味好香又濃，味道唔會太甜棗泥小煎推平時煎推都係豆沙，芝麻餡，今次係棗蓉餡，幾特別，炸得剛剛好，食落好鬆軟極品鮑魚酥及養顏燕窩撻鮑魚味道一般，鮑魚酥底部有雞粒同菇，唔夠熱味道麻麻。 燕窩撻正常味道，不過不失薑蔥牛柏葉牛柏葉浸到好淋，湯好鹹 ，唔好食茶樹菌嫩雞餃茶樹菇好香，餡料爆滿爽口，味道清新，口感豐富海蝦脆春卷春卷非常足料， 蝦肉夠曬爽口， 炸到熱辣辣好香口，唔太

新春不去拜年，悶得忍不住約友人往海港城分店點心放題。疫情下，店內防疫設施足夠，還設有U形卡位，很有格調。放題點心紙上有各款粵式點心，甜品，另有小菜粥飯，選擇不算少。年年有餘蘿蔔糕竟用鰻魚，令人有驚喜。春卷熱上又香脆，是必選食品。蝦餃、燒賣、流沙包有水準，楊枝甘露足料好味，吃一碗不夠。如果想試特飲，還可享半價。服務員與店長非常有禮貌，態度殷勤，值得表揚。每二人還加送乳鴿一隻或鮑魚酥兩件，點心精緻，價錢合理，是良朋共聚，輕鬆下午茶首選。

今日一早去海港城 買嘢 所以嚟呢度飲茶 仲可以用coupon 不過點心水準好普通 最好味有特色嘅係龍蝦湯三皇餃 龍蝦中湯唔錯 兩隻蝦餃 湯夠熱脆網皮海皇腸粉皮炸得好乾 唔係太好食 蛋煎糯米雞 最差! 因為蛋煎大部份餐廳係兩面你蛋煎單邊唔合格！ 雪影金腿叉燒包 皮脆包軟係正常但係呢個包好似放咗落氣炸鍋咁全脆 …唯一好係叉燒冇咩肥膏梨子鹹水角Ok 概 其實只係梨子外表 不會有梨子味有關燒賣/鳳爪/棉花雞都只係一般普通嘅菜式冇咩特別性價比普普通通可以有其他選擇

臨近年尾去商場血拼，行到攰搵個地方嘆個下午茶，見佢d點心價錢唔算貴就試下～幾鍾意店內呢盞超大既紅色水晶吊燈，有中式味道又唔會太古板。先黎上左個雪影叉燒包，麵包皮唔會太厚，微甜既雪山外層鬆脆，同入面咸香既叉燒餡好夾。整個都算係幾好食，係可惜唔夠熱度，如果剛出爐咁會超正！另一樣叫左龍蝦湯三皇餃，係店外已經俾menu張圖吸引到。好似灌湯餃咁上法，不過入面係兩隻蝦餃咁既蒸餃。夾起既時候餃皮個底已經浸到淋晒，一夾就爛開...至於個餡，食落爽口唔錯既，不過係邊「三皇」就食唔出～menu仲有一款個名同賣相都好特別既「牛肉手袋」，外樣似蘿蔔絲酥個種酥皮，不過厚身左少少，手袋入面「袋住」既係牛肉碎粒。賣相的確好得意，可惜焗得d牛肉太老太鞋，食多兩啖個口仲好乾，冇咩肉汁keep到。以尖沙咀地段黎講，呢間點心性價比都算ok，食物水準就有改善空間，有機會都會想試下佢晚飯小菜睇睇～

以前吃點心一定要到酒樓，晚上就很少地方可以有點心吃，不過現在很多點心專門店，無論任何時刻，都可以享受美味的點心了。菠蘿咕嚕肉$83，咕嚕肉的外表香脆，內裏的豬肉和脂肪比例適中，脂肪的甘香，留在口中令人回味無窮。酸酸甜甜的醬汁，令到這個咕嚕肉就算吃多了，都不會覺得油膩。粉晶海蝦餃$39，表皮爽口彈牙，餡料十足，蝦肉味道鮮甜，值得推薦。杞子鮮蝦燒賣$39，蝦肉和豬肉的份量均勻，味道鮮甜美味。瑤柱XO醬煙肉脆脆炒飯$103，油炸鬼切碎放在炒飯表面上，令到這個炒飯非常有口感，加上每粒飯都炒得均勻，這個炒飯實在不錯。楊枝甘露$38，芒果味凍香濃，甜度適中，內裏的爆爆珠，令到這個甜品的口感更加豐富。香芒滑布甸$44，布甸的造型與雙魚為主，口感爽口嫩滑，加些花奶，味道更佳。