點心到 MIX·大排檔

Open Now

Now Closed

好耐冇食中菜了，今日好有興致想食，搜尋一下，見到碟「冰鎮咕嚕肉」吸引咗我🤩所以就嚟咗「點心到 Mix.大排檔」，餐廳午市主打點心，而晚市以小菜為主。餐廳環境寬敞，有原枱及卡座，仲設有魚缸，提供新鮮海鮮。🥢紅燒乳鴿 $55 見到好多人都叫紅燒乳鴿，望到幾靚，都好想試吓。乳鴿外皮燒到色澤均勻，有光澤。外皮入口脆卜卜，入邊肉質鮮嫩香滑，保留到肉汁。配上淮鹽同醋調味，但隻乳鴿本身已經好鮮味，原汁原味更好，都唔需要用調味料😋🥢冰鎮咕嚕肉 $88賣相顏色色彩鮮艷，炸到香脆熱辣辣咕嚕肉，即以冰鎮降溫，令外皮香脆可口。咕嚕肉肉質半肥瘦，醬汁酸甜度適中，用上菠蘿，紅椒及青椒作配料，健康又好食😋🥢花膠海鮮小米粥（細鍋） $99呢窩小米粥，以南瓜蓉融入小米粥，所以粥底呈橙黃色。材料非常豐富，有大大粒鮮甜帶子，好爽嘅大蝦，仲有花膠，同埋魷魚。粥底濃稠度剛好，啖啖都有南瓜同海鮮味。雖然係細鍋，但絕對唔少，有3至4人份量，非常大滿足！🥢榴槤雪媚娘 $16名稱有趣，引起我留意，原來係榴槤糯米糍💚糯米皮好薄同煙靭，入邊包裹住新鮮榴槤肉同埋忌廉，啖啖肉，陣陣榴槤香滲出嚟，大顛🤩🤩🤩🥢茶芥每位$10

今日小編就帶大家嚟呢間位於金雞廣場嘅點心到MIX·大排檔，睇下佢地點樣將傳統粵菜玩出新花款！💫一嚟就先點咗佢哋嘅招牌熱情百香果蒸鮑魚，聽個名已經知唔係普通嘅鮑魚！金黃色嘅百香果醬搭配住新鮮鮑魚，酸甜開胃又保留住鮑魚嘅鮮味，真係好大驚喜！🤤英式芥末牛柳粒絕對係我嘅心頭好！啲牛肉嫩到爆，配埋英式芥末醬，食落口香辣過癮，完全停唔到口！仲要夠晒創新feel，等你食完仲諗住再嗌多份！🥩紅燒乳鴿就真係一絕！皮脆肉嫩，醬汁香濃，連骨都香脆到想食埋！絕對係打卡必影嘅一道菜！🦆秋葵野菌扒雙色豆腐就清新健康啲，豆腐滑嫩，野菌香濃，配埋新鮮秋葵，真係完美配搭！素食者嘅福音嚟㗎！🥬壓軸嘅椒鹽鮮魷真係超級惹味！外脆內軟，椒鹽味香噴噴，完全體現到大排檔嘅精髓！絕對係下酒嘅最佳拍檔！🦑價錢：人均$150-250環境：新式懷舊風，超級打卡位！評分：8.5/10 ⭐️

同朋友去左金雞廣場嘅點心到食嘢☺️閒日人流都幾多，好彩都唔使等好耐位✌️我哋嗌咗好多點心鮑汁鳳爪鮮嫩多汁，鹹香味濃，口感滑腻，令人一試，回味無窮。榴槤雪媚娘外皮柔軟，內餡香濃滑順，濃郁的榴槤香氣撲鼻而來，令人欲罷不能，回味無窮。蝦餃皮薄透，口感滑嫩，內餡鮮蝦彈牙，鮮美多汁，令人垂涎欲滴。欖仁馬拉糕鬆軟濕潤，帶有香濃的欖仁味，口感細膩，甜而不膩，令人回味。山竹牛肉球牛肉球嘅味道濃郁鮮美。咬下去時嘎吱作響，釋放出肉汁，令人回味無窮。整體感覺柔滑而彈牙，偶爾會有一絲肉香同調味料嘅香氣，令味蕾愉悅。📍點心到 MIX·大排檔 (旺角)旺角洗衣街39號金雞廣場地下1A, 1B, 1C號舖#點心到 #金雞廣場 #旺角 #旺角美食 #

《點心到MX大排檔》我係呢度食過幾次晚餐，今次 daytime 嚟主力食下點心。而午市茶錢只是$5。✨️韭黃鮮蝦腸韭黃味香濃，蝦肉Q彈，腸粉滑溜。✨️蜜汁义燒包3小個义燒包，蜜味很香，餡料飽滿。✨️晶瑩鮮蝦餃晶瑩剔透，皮薄餡靚，蝦肉Q彈，好好味。✨️蒜蓉炒時菜今次是菜心，非常新鮮，冇渣。✨️杏汁燉白肺我有少少咳，飲呢個湯最啱，飲完覺得很潤喉。✨️榴槤雪媚娘糕米皮很薄，內有鮮榴槤肉和忌廉，多層口味, 這個甜點係我至愛。

今天嚟到旺角《點心到MX大排檔》，呢度午市賣點心；夜晚供應餸菜。我哋今晚來叫左：《$1 鼓汁炒蜆》炒蜆雖然只不過是$1，絕不欺場，目測約20隻。味道微辣惹味，正！《生滾螺片滑雞粥》$115內有好多骨雞件，肉質嫩口。螺片已經㷛到軟腍，吞下吾會頂胃。《杏汁燉白肺湯》$45杏汁味香濃，熱辣辣成盅上枱，飲落感到舒暢。《蒜蓉炒菠菜》$68大大碟，蒜香撲鼻，菠菜翠綠新鮮，鑊氣十足。《榴槤雪媚娘》$16薄薄嘅糕米皮包著榴槤和Cream,齒頰留香！

點心到 (旺角)旺角洗衣街39號金雞廣場地下1A, 1B, 1C號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：蒜香骨 $82，漁香茄子煲 $78，大肚婆炒飯 $82蒜香骨：肥大肉厚的五花腩肉, 肥瘦均勻相間,肉質嫩滑, 非炸至金黃酥脆又可口, 賣相華麗很吸引, 蒜蓉亦炒至香噴噴, 非常惹味, 搭配炒飯飯或白飯吃一流 ！漁香茄子煲：茄子煲大大煲好好味, 茄子煮軟後吸收了肉汁和咸香調味醬汁的香氣, 口感綿軟, 外觀也十分誘人。蒜、蔥等香料提升了茄子煲整體口味, 讓這道菜香氣四溢！大肚婆炒飯：材料有鮮蝦、帶子、叉燒粒、香葱及青瓜, 色澤鮮艷誘人, 金黃色的飯粒看起來炒得恰到好處,蝦肉肉質新鮮, 軟嫩多汁。帶子鮮美可口, 咬下去有彈牙的口感。叉燒粒增加了鹹香和油潤感,與飯粒搭配的滋味動人。香葱及青瓜提供了清脆的口感和清香, 值得一試！

平日呢間餐廳晏晝係食點心，原來夜晚係食小菜，又幾特別喎！所以今次經過就同朋友試試佢😍🌽椒鹽黃金甜粟米朋友最鍾意食粟米，⼀見到呢碟招牌菜即刻話要點😆粟米充滿蛋黃香味 炸到脆卜卜!🐽冰鎮咕嚕肉咕嚕醬汁酸酸甜甜，冰鎮後咕嚕肉質更加爽口！夏天食一流👍🏻🥬蒜蓉炒芥蘭食小菜點少得叫炒菜！雖然唔係正宗大排檔，但個蒜蓉炒菜又幾有鑊氣，芥蘭份量仲幾多添!最後仲叫埋甜品楊枝甘露👍🏻夜晚如果想食小菜，呢間係平平哋唔錯嘅選擇😊

我真係好鍾意去飲茶，食個包嘆杯茶真係人生一大樂事今日帶姑婆去呢間旺角人氣點心店，真係食到Lam lam 脷，難怪人流絡繹不絕🧑‍🤝‍🧑👭👬👫🥢口水雞雞肉嫩滑，口水汁送白飯一流，清甜爽脆青瓜伴碟🥢蒜蓉炒菜心夠鑊氣，菜心莖炒得夠鮮嫩，鍾意爽口嘅朋友一定唔失望🥢$1 鑊氣豉椒炒蜆雖然係1蚊，但份量唔少，仲要全部都冇沙🥢蜆蚧鯪魚球份量有10粒，新鮮即炸，魚肉彈牙，蜆蚧醬味道夠鹹鮮🥢大肚婆炒飯有蝦仁、叉燒、炒蛋、翠肉瓜等配料，飯粒炒得夠乾身🥢杏汁燉白肺湯好足料燉湯，有豬肺、瘦肉、雞肉、淮山、南杏、桂圓聞到微微杏汁味🥢黑金流沙包比茶樓嘅Size細咗少少，雖然我攤凍先食，但仍然做到流沙效果🤤見到呢度晚市有海鮮食，下次拉大隊再嚟食先

味道不過不失但是前台的態度已經很差到入座後與朋友坐了一個半鐘 其實就係為咗可以坐耐啲先去大排檔 而且我們帶了蛋糕 都有比到切餅費 加上其實我哋等嘢食都等咗好一段時間 但係喺期間有個女侍應經過 然後好大聲咁講 食幾百蚊都坐咁耐 （其實我哋唔明幾百蚊有啲咩問題？） 落單嗰陣佢嘅態度已經好差 我哋有時唔小心讀錯咗字 佢都要捉住唔放 係咁要你讀啱為止 然後講完話我哋食幾百蚊都坐咁耐之後 不斷望我哋 最後我們埋單走人 埋單都$700 但係直接出聲趕人走 體驗非常差 原本開開心心同朋友慶祝生日態度非常之惡劣 好難再幫襯

同一班朋友食飯，係openrice揾左呢間似乎幾正嘅餐廳，我地被安排最角位坐，但呢到真係好熱，由於多人，所以我地都唔接受左個位置。椒鹽班馬瀨尿蝦 $236惹味之算豬潤雞煲 $96太濃味了秋葵野菌扒豆腐 $82呢個餸有驚喜，好食金銀蛋浸白菜 $78應該好難會唔好食嘅餸椒鹽白飯魚一黎到得一半滿，都80幾蚊，我地問返待應，竟然話係咁，但呢個唔係小食價錢喎一人一條冇晒啦喎，最後再問先加返多d比我地。呢到愈坐愈熱，阿姐比把風傘我地，仲要係有溫度嘅風扇，唔睇好地地，keep住29度嘅溫度，一路食一路流汗，佢把風扇仲要一d都唔涼，同阿姐講又唔話冇得較大d冷氣同埋唔係好想理我地咁，咁嘅態度認真唔得，呢個溫度仲熱過係大排檔食，要食真係要3思！

平時都好鍾意嗌餸食飯嘅餐廳，彈性高選擇又多！依間真係keep住幫襯都係高水準，難怪平日夜晚都咁滿座今晚試左椒鹽九肚魚（ $98 ），炸得好酥脆好香口，魚肉都幾大塊，食落乾身得黎又滑，配埋炸蒜粒食落好惹味另外叫左啫啫生菜煲($78)，一黎到已經好香鹹香味，生菜軟滑香口，仲有好多肉碎、蒜蓉撈飯食一流最後仲叫咗XO醬爆豬頸肉($82)，除咗豬頸肉之外，仲有西芹、冬菇，豬頸肉肉質爽口，XO醬鮮中帶辣同呢幾款配料都好夾呢間小菜嘅選擇真係好多！

食點心到有樣野好，嘆住冷氣食唔使熱辣辣～👉🏻$1 豉椒炒蜆枱枱都有叫🤓$1明顯係噱頭但質素其實唔錯，蜆肉新鮮無沙。醬汁偏杰左小小，但調味唔錯，幾惹味。👉🏻金沙蛋白海鮮炒飯金黃色炒飯令人食指大動，有鑊氣，炒得乾身，調味偏清淡，口感清爽。👉🏻魚香茄子煲每條茄子都好粗，調味唔太咸，彩椒粒增加口感，咸魚好香。👉🏻酥炸鮮蝦春卷有6條，幾抵食👍🏻春卷即點即炸超級熱辣辣，而且有新鮮蝦肉，大滿足。

餐廳燈光柔和，座位坐得舒服，唔會有人貼人既感覺，晚市餐牌選擇好多，我地今次叫左咸魚雞粒炒飯😋咸魚咸香惹味，炒飯飯粒粒粒分明，仲有D雞粒令個炒飯味道同口感更豐富，如果份量再多D就更好喇!紅燒乳鴿 ❤乳鴿皮脆肉嫩，一D唔都唔嚡口，面層仲有令笠笠既油脂，入口一D唔油膩，夠惹味黃金桂花蝦球 ❤隻隻蝦球入口先係香脆，一咬就好爽口彈牙，隻隻都大大件，鹹蛋味濃，送飯一流。豉椒炒蜆 ❤一蚊碟，全場最抵食!! 一蚊價錢但係係一百蚊既份量同味道，零沙爽甜，夾埋洋蔥 椒等配料，夠惹味可口。

朋友相聚就一定係坐低飲茶食點心，見到隔離幾枱人叫乳鴿，即刻燒到了乳鴿控。55蚊1隻乳鴿，朋友一落就2隻😂乳鴿呈現金黄光澤，外皮微微酥脆，內裏肉質細嫩，一口就滿戴獨特肉香晶瑩鮮蝦餃 -蝦餃皮薄透光，蝦肉鮮甜爽口原隻蝦燒賣-蝦肉大大隻配合豬肉餡，口感豐富，重點係豬肉唔會太肥!蜜汁叉燒腸 -腸粉皮爽滑配埋蜜汁叉燒，好夾黑金流沙包-温馨提示食個陣真係要好小心，真係做到流沙，大啖咬就一定會辣親，仲要小心一手都係流沙，流沙奶黃唔太甜，好味!

親愛嘅女兒話好耐冇飲茶🫖食點心，咁就三母女自私食✨點心到MIX·大排檔✨自助落單，點心即叫即蒸，咁就夠哂熱辣辣🔥晶瑩鮮蝦餃 $34皮薄餡靚，啖啖彈牙蝦肉🦐原隻蝦燒賣 $34餡料好足，每粒燒賣頂有一粒大蝦仁🦐，食落爽口彈牙，好新鮮黑金流沙包 $27黑色麵包入面有滿滿流沙奶黃，唔算太甜膩，食落好暖心🥰。鮮蝦腐皮卷 $30腐皮卷炸到好香脆，內餡包入碎蝦肉🦐同香菜，口感薄酥不油膩。蜜汁叉燒腸 $28腸粉滑捋捋，用料足，啖啖食到叉燒五香鹹水角 $25酥脆外皮一咬就食到煙煙靭靭的口感，咸中帶一絲絲甜味楊枝甘露 $25細女要食一個餐後甜品，咁就落一個楊枝甘露，兩姊妹分甘同味，好多芒果🥭好足料，一個甜品滿足到兩個女兒。