點心到 MIX·大排檔

Open Now

Now Closed

一心諗住夜晩去呢間點心店食晚餐好似“功夫點心”有點心食，點知一入到去坐底，店員完全冇提過冇點心，只係可以叫小菜，白飯仲要係散叫，啲白飯細碗到小朋友份量。途中都見到啲人入黎坐低，我相信佢地一心都以為有點心食，點知睇完個menu 冇點心食，拿拿聲起身走人。如果我唔係有老人家係度，我都一早起身走去食food court 無咁嬲！！！！另外,員工態度（阿姐）好似好趕住問你啲野食完未，係咁想收哂枱面啲野迫你走咁呢間野真係唔洗再指意去食，返大陸仲好！！

6:30左右已經見到好多人排緊隊見到咁受歡迎，就知道高質！地點又方便 可近地鐵站我哋隔籬嗰台仲見到一家韓國人原來連外國人都咁識食價錢又抵 嘆住冷氣食大排檔檔小炒最正最正係而家做緊推廣有$1豉椒炒蜆當然要早啲去食啦限量供應好彩我早到！入到去記得快啲落單金沙海鮮蛋白炒飯$86最愛炒飯之一 超有鑊氣 而且粒粒分明最鍾意鹹蛋黃的金沙味道好開胃材料唔複雜 但真係幾好食秋葵炒牛柳粒$108呢款小菜送飯超正，牛柳粒每一啖都勁入味，而且肉質好腍 份量入好多加埋少少秋葵，覺得健康啲另外出名嘅有佢嘅飛天通菜煲同埋冰鎮咕嚕肉不過今次我哋唔多人就冇點到另外一個隱藏位就係凍檸茶好好飲 值得試吓—————————————————點心到 MIX·大排檔 (旺角)旺角洗衣街39-55號金雞廣場地下1A,1B,1C號舖

沙拉骨 $88味道清新爽口，肉質軟淋，而且搭配沙拉醬後口感更豐富惹味炸大腸配鳳梨 $88 鳳梨的甜味和炸大腸的鹹香搭配起來非常美味。鳳梨的清爽口感和炸大腸的酥脆口感相互襯托，口感豐富馬拉盞炒時蔬(通菜) $72有好多款菜揀，最後揀咗通菜😚好重口味岩哂用黎送飯，通菜新鮮亦嫩口鑊氣豉椒炒蜆 $1究竟一蚊可以做到啲乜嘢？呢到⼀至四夜晚17:30後一蚊就可以換碟蜆😍今日岩岩好我地可以換到好開心😂🤣睇返個份量都好多，而且色水好夠，食落去無沙又入味，好happy😝😝點心到 MIX·大排檔 (旺角)旺角洗衣街39號金雞廣場地下1A, 1B, 1C號舖

第一次食，見comment好好，點知完全中伏。野食分量少，出菜慢，咸到洗腎。七點三十五分落單個咕嚕肉，九點都未出。第2輪野食都食晒喇，白飯又係要追先出。你個廚房要等幾多個人叫先可以一齊炒呀。同埋追單好似追你錢咁，你出到菜人地唔追你啦。

上次食過油麻地分店覺得唔錯，今日經過金雞又幫襯下~呢到食小菜為主，都有啲點心食下，裝修新穎，入面有個魚缸，好有酒樓、大排檔嘅fusion~🔹紅燒乳鴿🔹 $55嘅價錢唔算貴，因為都幾大隻，分左4件都感覺啖啖肉~🔹鑊氣豉椒炒蜆🔹$1真係勁抵~以為好細碟~但隻隻有肉，仲要好野味，又無沙~🔹魚香茄子煲🔹熱到滾，啲汁滾到起泡泡~茄子紫色好翠嫩~啲肉醉都好多~又唔會死鹹~🔹金沙海鮮蛋白炒飯🔹呢個不得了~好有鑊氣，啲飯每粒都有鹹蛋黄，乾濕炒到剛剛好~好味~🔹榴槤雪媚娘🔹榴槤勁多，塞滿左入面，少少cream，更加滑溜~

之前已經聽朋輩講過呢間 "點心到 MIX大排檔" 幾好食架喇 ~ 今日抽時間就去咗依度食，另外有兩間店係佐敦及油麻地。呢度坐得舒服，比起傳統酒樓嘅熱鬧喧嘩，更可以享受點心嘅美味。入到店舖，裡面裝修簡約明亮，地方都幾闊落，枱與枱之間唔會覺得擠迫，感覺舒服。依家所有點心即叫即蒸，更設有香港工場，確保食物新鮮。茶芥每位$5，無另收加一。黑蒜螺片燉肉排湯     $40燉盅熱騰騰嘅，湯內真係好多材料，有螺片、黑蒜、淮山、雞腳、肉排、紅棗、杞子及桂圓等，湯濃郁而不油膩，帶有淡淡嘅黑蒜香，非常足料。晶瑩鮮蝦餃     $17    蝦餃餡料飽滿，爽口足料，蝦肉新鮮都好大隻，外皮晶瑩剔透，皮薄餡靚，可以揀2粒或4粒。原隻蝦燒賣     $17依度啲燒賣包著鮮肉同原隻蝦肉，爽口嫩滑，配合脆卜卜嘅蟹子，多重口感嘅燒賣。蜆介鯪魚球     $30炸得金黃香脆嘅鯪魚球，肉質鮮嫩，裡面加左蔥粒，爽口彈牙，沾上蜆介醬食，更加惹味。鮮竹牛肉球     $26山竹牛肉球係飲茶時最受歡迎嘅點心，牛肉入口嫩而無渣，肉味濃郁，帶陳皮果香，咀嚼時就更爽口。蜜汁叉燒包     $24叉燒包都幾大個好飽滿，外軟內嫩，叉燒餡料夠

門口招牌$1一碟蜆，唔怪之得6:30已經坐滿人。👉🏻$1 豉椒炒蜆一蚊可以做到啲咩？可以叫到碟豉椒炒蜆🙂‍↔️咁岩見到有呢個優惠，緊係叫左先。估唔到都唔細碟，例牌咁上下，炒得有鑊氣，只係有幾粒有沙，幾好食。👉🏻酥炸羅漢齋卷👉🏻魚香茄子煲🍆咋咋滾住咁上菜，令人食指大動。叫左呢味餸好難唔整番碗白飯。肉碎冇乜肥肉，食到最後都唔會一汪油，呢樣幾好。👉🏻京都骨味道酸酸甜甜，幾好送飯。一碟有7、8嚿骨，塊塊都有番咁上下，食肉獸一定中意。炸得有小小過火。

前排成日落雨，我又夜訓又鍾意食熱氣嘢，搞到個人潮濕，又熱氣，所以諗住食得清淡啲☺️lunch time去食下點心飲啖茶都唔錯😆沙參玉竹燉土雞呢個湯可以补血养阴的，对改善女性月经不调及降火，有很好的改善作用🥰湯飲落清而濃郁入味，好岩我口味🤤佢哋仲有其他燉湯都正👍晶瑩鮮蝦餃(2粒）蝦餃晶瑩剔透，皮薄餡靚🤤入口非常彈牙濃湯鮮竹卷平時食開其他酒樓點心嘅鮮竹卷，全部都係炸！呢個用濃湯就相對更加健康及味道清甜😋上海小籠包餡料肉汁Juice，味道濃郁🤤🤤點埋醋食，認真唔錯👍原隻蝦燒賣（2粒）蝦肉大大粒，又係好新鮮彈牙，好食👍欖仁馬拉糕呢個估唔到又幾好食，口感鬆軟彈牙，令人回味！下次一定要再次encore🤤🤤📍點心到 MIX·大排檔 (旺角)旺角洗衣街39號金雞廣場地下1A, 1B, 1C號舖#點心推介 #必食點心餐廳 #旺角金雞廣場 #人氣點心店 #點心到 #美食推介 #旺角美食 #dimsum #香港特色 #飲茶食包

今日放工同朋友係旺角行正一陣，之後去食大排檔～👅「點心到 𝐌𝐈𝐗·大排檔」提供優質而創新嘅點心之餘仲有粥粉麵飯🍚 晚市主打小菜，供應各式各樣大排檔小食、煲仔菜、炒粉麵、海鮮、撚手小菜、鑊氣小炒一應俱全😋👍🏻⋄⋄====—====—====—====—✦ 海鮮類✦🐚鑊氣豉椒炒蜆（$1）晚市而家做緊優惠$1就可以食到（原價$89），優惠以兩位起，每檯祇限叫1碟，優惠適用於星期一至四（五、六、日假期除外，只適用於旺角分店—$1炒蜆份量唔算細，新鮮爽口，肥美大隻，配上豉椒等配菜炒得非常開口，濃郁美味🤤⋄🐟豉汁蒸大鱔（$138）大鱔即叫即蒸，選用最新鮮的鱔，鮮味豉汁香味陣陣，件件滲入豉汁，色味香濃均勻，啖啖肉好滋味😍⋄✦ 招牌菜✦☘️鑊氣小炒王（$98）小炒王鑊氣滿滿，韭菜新鮮爽脆鮮香，沒有丁點泥腥味，加上大大隻蝦乾、脆脆芋絲、香口腰果和木魚絲等，再配埋靈魂XO醬一齊炒，超級惹味😋配白飯食一流，配大啤無得彈🍺====—====—====—====—.📌店名：點心到 MIX·大排檔 ’📍地址：旺角洗衣街39號金雞廣場地下1A, 1B, 1C號舖

一蚊可以做到啲乜，係點心到原來一蚊可以叫一碟豉椒炒蜆，肥美新鮮蜆肉配埋惹味香濃嘅蒜蓉豆豉，十分有鑊氣。-冰鎮咕嚕肉 $88.0真係好誇張，整盤冰墊底，熱辣辣嘅咕嚕肉遇上冰塊，咕嚕肉外層更加香脆內軟，配上新鮮嘅菠蘿，酸酸甜甜，口感豐富-秘製粉絲蝦煲 $138.0熱辣辣嘅煲仔菜，新鮮大蝦，蝦肉彈牙鮮甜, 蝦頭勁多蝦膏，粉絲索曬所有嘅精華，十分惹味，好食到停唔到口-楊枝甘露 $25.0香滑嘅楊枝甘露內有大量芒果肉及柚子配埋西米，十分圓滿

點心到 MIX·大排檔今次係我第二次回訪「點心到 MIX·大排檔」，仲記得上年年頭第一次食，最掛住係佢哋嘅黃金炸蝦球，今次再次回訪就見到佢哋推出$1豉椒炒蜆嘅優惠，每兩位可以叫一碟，供應時間為星期一至四1730開始，優惠有限，做完即止！呢間餐廳門口係有一級，輪椅人士都係要自備斜板進入餐廳，店員好好人會幫我搵適合嘅位置比我坐，一坐低就會遞上用不銹鋼水壺裝住一壺普洱茶，茶位每位$5，呢度餐廳係唔收加一服務費，想食點心又得，想食鑊氣夠嘅小菜又得，兩者MIX埋好正，又有充足嘅冷氣，非常正！1.豉椒炒蜆$1（每兩位先有一碟）（9.5/10）呢碟豉椒炒蜆無將貨就價，每粒蜆食落都唔會有沙，其他配料油洋蔥青椒等一齊炒，雖然$1一碟，但係份量都唔少，大家想食$1豉椒炒蜆就快d嚟啦！2.紅燒乳鴿（隻）$55（8.5/10）呢隻紅燒乳鴿外皮好脆，乳鴿肉質嫩滑唔鞋！3.深海墨汁海鮮麵$98（9/10）呢碟深海蜜汁海鮮麵份量好多，其他配料有三隻彈牙嘅大蝦仁、三舊帶子、魷魚仔、木魚絲同蕃茄仔等，麵就掛滿滿墨汁，咬落好彈牙，軟硬程度啱啱好，好唔錯！4.黃金桂花蝦球$108（10/10）呢個黃金桂花蝦球嚟呢度一定必叫

今次再次黎到旺角食點心到，一樣人很多爆場，但等咗一陣就有位啦，所有食物都係即叫即整，好新鮮熱辣辣 👍🏻熱情百香果蒸鮑魚 (兩隻)今次見到推介有百香果蒸鮑魚，未試過一於試下，鮑魚喺熱情果裏面，仲有一啲熱情果種子和汁佈滿鮑魚，令到鮑魚更軟熟，同埋有酸酸微微嘅奇幻感覺 😜紅燒乳鴿 (兩隻)一人一隻紅燒乳鴿，大細剛剛好，肉質鮮嫩，外皮好脆，味道調教得好好，不需要加豉油或者椒鹽已經好夠，風味十足 🤗鑊氣豉椒炒蜆而家做緊特價，一蚊一碟豉椒炒蜆，仲炒得好夠鑊氣，好軟熟，份量都好多， 唔會因為一蚊而份量少咗 😊乾炒牛肉腸粉第一次食乾炒牛肉腸粉，係將腸粉代替咗河粉，原條上幾有特色，牛肉都炒得好有鑊氣 😝

呢間點心到下晝做點心，夜晚做大排檔小炒，今日同個朋友兩個人又想食點心食呢間就啱啱好，樣樣都比較細碟~黑金流沙包 $27每次黎都必食🔥鬆軟嘅黑色麵包包住流沙鹹蛋奶黃🤩仲有3粒咁多~原隻蝦燒賣（2粒） $17可以叫2粒實在太好了~蝦肉大大粒飽滿黑松露菜苗餃 $30幾特別嘅點心，有菜有蝦有黑松露，少量嘅黑松露放面都帶來陣陣香氣鮑汁鳳爪 $32炆到好入味好軟腍鮮竹牛肉球 $26醬皇金錢肚 $28香茜牛肉腸 $28其餘都係酒樓嘅水準✨

最近旅行完返黎，好想食中式嘢，去咗旺角見到呢間點心到就啱曬啦😍不過夜晚無點心供應，啱曬食小炒小菜🥰餐廳環境光線充足，空間坐位寬敞，唔會好逼，餐排選擇豐富💗._.🦆| 紅燒乳鴿 |🦆乳鴿燒到好香脆，乳鴿唔會太細隻，配上豉油同鹽可以點，乳鴿本身整得已夠味，唔點都可以，肉質嫩滑唔鞋口·🦑| 椒鹽鮮魷 |🦑椒鹽夠香夠味，熱辣辣上枱，鮮魷大隻厚肉，數量多，好啱點黎送飲食，兩個人食的話份量足夠。·🥢| 肉絲炒麵 |🥢我最鐘意呢種乾炒嘅炒麵，脆身嘅面質，配埋濕嘅汁一齊食，好惹味，浸咗汁嘅面帶有少淋身，又可以索埋啲汁一齊食，好正！💓._.

已经是吃了好几次的了，除了环境好还有离我家近，比起其它大排档没有任何优势，今天去的晚了安排在门口，开门一直有风吹，特别难受，明明有好多空位置，比我们后面来的情侣反而能坐在卡位，我们要求换位置死活都不肯，直接不吃走了，态度太差，游客千万别来，省得气死。之前提交的差评还不给通过，我现在放上之前吃的照片，这个评论我就想让大家看到，什么时候这种价格又贵，装修可以的餐厅能找好一点的服务人员？？？让用户体验很差。