點心到 MIX·大排檔

Open Now

Now Closed

12月中，同朋友慶祝生日，佢選擇咗小菜，太好了，又可以試間未食過嘅中菜小館。選擇呢度係因為未試過，有多好評，餐廳環境唔差，地點旺角又方便大家。我哋6人叫咗，幾個小菜，待應推介龍蝦伊麵，記得只係2百幾，出嚟份量好夠，龍蝦多肉，伊面都好夠，同平時酒樓食嗰啲差唔多，可以試吓，雞煲內有蒜頭，洋蔥，炒理好惹味，我好鐘意食啲配菜。冰鎮咕嚕肉，鼓椒炒蜆，飛天通菜，秋葵野菌扒豆腐都好味。地方對比舊式小菜館，實在好好多，而且價錢唔貴，地方有方便，係一個食小菜聚會好地方。希望餐廳保持到水準。

兩個人夜晚食飯想食酒樓又驚茶水消費高發現旺角有間點心店晚市兼做小菜 茶水5蚊位 菜品同酒樓一樣都有小炒海鮮價錢便宜小小 椒鹽鮮魷色澤好靚 炸粉薄透夾起有雲朶感覺 件件飽滿唔散收收 入面魷魚塊大大條本身味道偏淡伴碟酸汁同椒鹽就自行調味XO醬爆豬頸肉不得了 重口味既人一定好鍾意炒得好有鑊氣豬頸肉大件彈牙用xo醬爆香後 送飯一流金沙海鮮蛋白炒飯一樣好似大排檔咁有鑊氣鹹蛋黃壓碎做出金黃色澤 一見就令人食指大動飯質乾爽 粒粒飯都有咬口蝦仁大大件 高質晚市客似雲來唔係冇原因 會再去食

同愛人食生日飯佢要食得清清地呀所以呢就同佢嚟返食中菜啦😁朝頭早就食點心夜晚就食小菜叫餸食飯樣樣都好有鑊氣㗎👍涼瓜火腩煲 嘩！ 一嚟到咋咋聲真係熱辣辣嘅煲仔上㗎👍👍 好有鑊氣呀😋打開香噴噴勁香呀👍 涼瓜大大塊好惹味好爽脆喎❤️仲有啲燒腩仔好大舊㗎😁肥瘦啱啱好，咬落勁多汁又啖啖肉好惹味好香口😋😋仲好入味添👍呢個係值得推介㗎😉價錢仲好實惠有經濟😊😊乾炒牛河， 牛肉好多呀😍啲河粉又爽又彈牙，牛肉好嘢味喎，連唔好食牛肉嘅我都食呀😁😁因為一啲騷味都冇👍👍呢個都值得推介啫❤️黑金流心包💗第一次食流心包😋d奶黃真係流出嚟㗎流到成隻手都係呀😍仲好好味添呀👍成個包好薄裏面全部都係流心又軟淋淋， 大人細路都鍾意❤️❤️點心到 旺角洗衣街39號金雞廣場地下1A, 1B, 1C號舖

室內食大排檔餸 坐得舒服整體夠獲氣芥蘭菜煲蔬菜新鮮，而且10分惹味。乳鴿肉質都多。魚雲煲偏鹹，送白飯就啱啱好，不過餘韻肉質比較少，所以不太推薦。絲苗白飯唔會太硬/太冧 正常白飯

同屋企人食飯多數都會揀中餐今次食咗成日途經嘅呢間餐廳原來晏晝係食點心 夜晚就食小菜連新鮮海鮮都有㗎！🔸杏汁燉白肺湯 HKD45食飯之前飲返盅湯先呢度嘅燉湯有4-5種平時喺屋企真係好難煲到豬肺湯所以特登叫盅試吓先湯底好足料 用上大量豬肉燉豬肺每啖都可以飲到杏汁 相當滋補！🔹冰鎮咕嚕肉 HKD88咕嚕肉就食得多 冰鎮又有咩唔同呢食落咕嚕肉個脆漿特別脆！又凍又熱嘅好過癮~醬汁甜中帶點酸 撘配好甜嘅新鮮菠蘿🍍非常開胃！🔸鑊氣小炒王 HKD98小炒王上枱已經聞到陣陣香味韮菜之中有炸過嘅芋頭絲 雙重口感仲有新鮮又彈牙嘅魷魚 蝦仁加埋蝦乾嘅咸香味 特別惹味🚩點心到 MIX·大排檔 旺角洗衣街39號金雞廣場地下1A, 1B, 1C號舖

今晚遲左收工，媽媽又吾想煮飯，所以我地2個就去左屋企附近既點心到食小菜❤️❤️🩵主食：涼瓜肉碎煎蛋$72平時都好小食呢個餸，見到有就想試下，配料份量十足，有好多涼瓜同肉碎，咬落去啖啖都好足料，蛋仲煎到金黃色，真係好有特色😙🩵主食：魚香茄子煲$78最中意食茄子既我，一定要叫魚香茄子煲，拎尼送飯一流，食落味道適中，仲有好多肉碎，茄子都好入味🍆🩵主食：黑金流沙包$30黑金流沙包熱辣辣，係啱啱蒸起，將包餡打開，裡面奶黃流出尼，又吾會太甜太膩，好好味啊😋🩵主食：白飯$12因為叫咗魚香茄子煲，所以特登叫碗白飯，拎尼送飯真係一流，即刻胃口大開🤭🩵甜品：楊枝甘露$25媽媽就叫咗楊枝甘露，入面好足料，有好多芒果粒，食落好清甜，做飯後甜品就啱啱好👍🏻

新式點心快餐，飲茶一定要飲中茶，食點心配搭一杯凍咖啡，突顯香港中西文化交融特色，而且杯咖啡比起好多茶餐廳更好飲喎，二次再黎到呢間旺角百分百香港製造嘅《點心到》🥢韭菜鮮蝦腸粉彈牙嘅大蝦配搭韭黃，仲有淡淡嘅胡椒粉味道，加上腸粉皮爽滑，配搭特色豉油，味道冇得彈，推介！🥢上海小籠包嘩！小籠包啲皮好薄爭啲夾爆😂入面裝住啲湯，掛住影相爭啲整爆粒小籠包。雖然「點心到」係點心快餐店，但味道唔會輸蝕過上海專門店的小籠包🥢原隻鮮蝦燒賣（4粒）呢度好細心，燒賣可以order兩粒或者四粒。對於我呢個燒賣控嚟講，咁係一次過食四粒啦！大大隻新鮮蝦放喺燒賣上面，燒賣餡料啲豬肉唔會太肥，而且咬落爽彈🥢四寶滑雞扎魚肚、鮮芋、雞肉、蟹柳，組成嘅雞扎，軟軟嘅腐竹扎埋一齊清蒸，唔需要過夠調味料，主要是品嚐食材料嘅新鮮及原味，簡約味道🥢燒汁釀虎皮椒唔食唔知邊隻辣，就是釀虎皮椒的吸引之處。釀喺上面既魚肉彈，煎嘅時間啱啱好，保留入邊魚肉的鮮嫩，魚肉唔單止Q彈仲好香魚味

同好姐妹向旺角搵地方食飯聚聚，好姐妹們話想食中餐，咁啱經過金雞廣場見到呢間點心到MIX大排檔，睇睇佢哋Menu菜單好似唔錯，價錢又公道，好一於試吓啦。我哋3條友仔點咗4個餸加每人一個流沙包😆💚黑金流沙包（1只）$10熱辣辣新鮮上枱軟綿綿既包包配上流心既奶皇味口感順滑綿密還帶點鹹蛋黃味道好正🤤💚豉汁蒸大鱔 $138超級肥美嘅大鱔新鮮彈口大大件真係食唔停口💚冰鎮咕嚕肉 $88甜甜酸酸好開胃炸粉唔太厚冰鎮過後咬落係脆口的豬肉肥瘦適中配上鮮菠蘿及三色椒讚👍🏾💚椒鹽鮮魷 $86新鮮炸起熱辣辣炸粉薄、椒鹽味好味但冇魷魚味💚紅燒乳鴿（1只）$55乳鴿皮炸到好酥脆肥味多肉肉質嫩滑真正外脆內軟💚奶茶紅豆冰Red Bean Fleecy Mike Tea $24奶茶味道唔錯正宗港式style配上紅豆🫘好味😋總括，價錢抵食，菜單款式多選擇而且質素亦高，配有茶餐廳特色飲品，好值得再來幫襯，下次想試埋佢地既點心。大大力推👍🏾推介指數：9/10

#chuchu食在旺角📍 點心到 MIX·大排檔上次食過晚餐都幾好食，今次諗住試埋佢啲點心，兩點左右嚟到都要等一陣！好生意，一定有品質保證，果然冇決定錯！💡 冇加一‼️淨係收茶位每位$5！唔洗係酒樓咁貴！—————————————————————❣️ 原隻蝦燒賣（2粒） $17酒樓燒賣係🐷嘅favourite ！好鍾意可以叫兩粒，就可以留肚食多D其他款式👍🏻豬肉新鮮，食到有原隻蝦，啖啖肉.❣️ 香煎蘿白糕 $25煎得好香！雖然唔係好多蘿蔔，但係煎得好好，加埋辣椒醬好食！.❣️ 鮮竹牛肉球 $26超多芫荽加牛肉，粒粒都好似乒乓波咁大！.❣️ 蜜汁叉燒腸 $28超多芫荽😍啖啖都食到芫荽！好似妹仔大過主人婆😂不過真係好加分，皮又唔算話好厚，都好滑！.❣️ 欖仁馬拉糕 $24啱啱好個蒸籠咁大，好鬆軟！ .❣️ 黑蒜螺片燉肉排 $40黑蚊蚊以為會唔好飲，點知好好飲！見到入面有好多料，好夠味！.💬如果想食點心真係一個好好嘅選擇，比起酒樓又抵，唔駛比酒樓多幾十蚊！—————————————————————不專業評分👅好味指數: 7.5/10 💰性價比: 8.5/10👍🏻推薦: 8/10 —————————————

💠黑金流沙包輕輕一咬柔軟嘅薄薄流沙包外皮，就已經有熱辣辣嘅好濃郁嘅奶黃流沙餡流哂出黎😍又唔會太甜太膩，好正😊💠黑松露菜苗餃菜苗餃皮好煙韌，入面嘅餡料好多，有大大隻蝦🦐再加埋黑松露同埋紅蘿蔔絲，清清淡淡😀💠金沙脆皮銀蘿腸，包住脆皮油炸鬼，再加埋甜甜嘅蘿蔔👏🏻💠晶瑩鮮蝦餃，薄而透亮嘅鮮蝦餃皮，蝦爽滑彈牙🦐🤩💠原隻蝦燒賣，豬肉有肥有瘦，口感都幾彈牙😀👌🏻💠籠仔金銀蒜海蝦飯🦐一上枱已經香氣撲鼻😍大大籠蒸飯，米飯粒粒分明，仲有幾隻蝦一齊蒸🎀😊餐廳環境都算闊落，都有好多堂食座位！亦提供唔同創新嘅點心🥧👍🏻🌟

內面空間夠大，乾淨企理，坐得又舒服，就決定同朋友試吓呢間香煎蠔餅 $88🐚平時食開炸蠔餅，今次試吓煎蠔餅，配料份量十足，煎到金黃色，加埋魚露一齊食夠晒鮮味🥰老乾媽青椒爆牛肉 $88🐃用左大蒜，青椒，紅椒一齊炒，外相夠晒吸引，炒得夠晒鑊氣。牛肉一D都唔硬，送飯一流😋😋😋馬拉盞炒通菜 $72 🥬常見菜色，一樣炒得夠鑊氣，夠晒惹味😍金沙海鮮蛋白炒飯 $86🦐🍚炒到好乾身既炒飯，配上蔥花 ，蛋白，蝦仁 同埋蛋黃，口感十足😆

話說我都好享受一個人去飲茶，俗語有話飲杯茶喫個包！我通常有樣必點嘅就係蝦餃或燒賣，呢間旺角點心到真係啱晒我，因為佢可以有啲點心係兩粒，咁我就唔使食晒四粒咁飽😂最近天氣熱咗我都細食咗，少少地叫咗兩粒蝦餃，蝦餃皮不會太薄亦不會太厚👍🏻而且蝦肉幾彈牙兩粒原隻蝦燒賣：呢個需時，即叫即蒸，一咬落去熱辣辣正，而燒賣皮薄👍🏻蝦肉一樣彈牙薑蔥牛柏葉：有啲蘿白，薑絲，蔥，牛柏葉幾淋，帶少少辣黑金流沙包：淨係賣相已經好吸睛，黑色嘅包再用金筆劃，一咬落去嘅時候流心奶黃已經流出來😂

之前去過油麻地分店，今日來旺角門店有驚喜。港式點心就梗係有啦，但係旺角呢間仲可以點小炒。難怪個店名有特別說明係Mix 大排檔啦。啱曬我地呢啲懶煮飯嘅人。今次點佐三樣野，全部食曬。薑蔥魚雲煲，92睇錯menu，以為係魚腩，大家都睇真滴，其實係魚頭啊。好在薑蔥煲同乜嘢配搭都唔會出錯，實在惹味。椒鹽鮮魷，89主打一個即叫即整嘅新鮮，熱辣辣上台，外脆內嫩，罪惡感同滿足感爆棚。生滾螺片滑雞粥，79以上兩味鮮味鹹香，搭配雞粥更出彩。綿滑料多嘅雞粥，份量兩個人啱好。👌環境幾好，係有香港傳統美食又不失現代感裝修嘅茶室。

成日經過旺角呢一間餐廳都冇機會試 上星期終於有機會
放學之後就同同學一齊去旺角食呢一間餐廳
之前一直都比佢哋門口招牌 寫住有冰鎮咕嚕肉小編真係孤陋寡聞之前冇食過 原來咕嚕肉都可以冰鎮.🐷冰鎮咕嚕肉
如果大家想試吓新口味嘅咕嚕肉 呢間餐廳嘅咕嚕肉外脆 被甜甜酸酸嘅甜酸醬包裹着 入面嘅肉質都唔錯 但係出面有啲冰墊住 所以啲三色燈籠椒都係凍凍地非常特別 而且咁樣食落去好似有一種更加爽口嘅錯覺 而且啲咕嚕肉都特別 凍嘅但係有保留到佢嘅口感.🐷紅燒豆腐
紅燒豆腐軟綿綿 醬汁香濃得嚟唔膩口 可以話係非常之下飯.🐷黑金流沙包
一咬落去 熱辣辣嘅奶黃流沙就會流出嚟 甜而不膩 仲有淡淡嘅鹹香味.🐷榴槤雪媚娘
榴槤控點可以錯過？榴槤雪媚娘用上真材實料嘅榴槤肉 香甜綿密 跟上一層軟糯嘅外皮 小編啲同學好鍾意食.點心到 MIX·大排檔
.📍旺角洗衣街39號金雞廣場地下1A, 1B, 1C號舖
.#吃貨日常 #香港 #茶餐廳 #Cafe #麵包 #西餐 #中餐 #日本菜 #韓國菜 #泰國菜 #堂食 #好西 #食 #香港美食 #hkfoodie #foodiehk #旺角 #旺角好去處 #旺角美食

概括嘢食係偏咸叫咗6樣餸黃金桂花炒蝦球係ok 夠熱 粉唔算多 但咸蛋味完全蓋過哂桂花味秋葵豆腐算係有啲新意 但賣相同圖示相差太遠蠔餅正正常常 但蠔肉唔算多 蛋老咗少少中式牛柳 都係正正常常 乾炒牛肉腸粉 牛肉太咸 其他正常魚香茄子煲 味道偏咸 冇咸魚香味但影響最大係 侍應態度唔好一入嚟嗰陣 態度已經唔友善埋單嗰陣 收錢要等佢整完自己啲單，佢先肯錢 收到一半又走去聽電話，簽完名，又要提佢㩒制 之後第一張收據錯手俾左我，就冇解釋直接拎走張單，仲一邊講緊電話 還完卡同單佢仲繼續講緊電話，一句多謝哂都冇。