盛意小館點心粥麵

Open Now

Now Closed

某日等車經過呢間點心舖盛意小館，見佢有米芝蓮師傅，又唔似某名氣點咁大排長龍，咪搵日過嚟試下囉。同咗個係尖沙咀返工嘅朋友嚟試試，原來除咗點心，仲有雲吞麵、牛腩麵、炒小菜等，甚至乎而家仲推出咗羊腩煲添，睇完一輪餐牌，都係決定食點心飲個夜茶😋⭐柱侯牛腩麵朋友放工話佢好肚餓，先食一碗牛腩麵頂頂肚，牛腩軟腍入味，幼麵煙韌仲好大碗添，湯頭鮮甜，但美中不足就係個湯唔夠熱。⭐香煎鮮肉餃子大大隻煎得香口，入面係椰菜豬肉餡，幾鮮味。⭐經典蘿蔔絲酥又長又幼身，個造型好得意，外皮酥香蘿蔔餡鮮甜，上枱時熱辣辣夠新鮮😋⭐真材實料叉燒包包身鬆軟餡料多，叉燒半肥瘦醬汁調味好，又真係幾真材實料喎。⭐霸王小籠包湯汁滿滿的小籠包，質素拍得住上海舖。⭐魚籽流心鵪鶉蛋燒賣造型不似預期的鵪鶉蛋燒賣，原來粒鵪鶉蛋放咗喺燒賣入面，蝦膠彈牙都幾好食。⭐雲南野菌餃餃皮煙韌唔會一夾就穿，雜菌切粒，菌味十足又有口感，正😍⭐椒鹽脆皮魷魚鬚粗身魷魚鬚有咬口，炸得朝身唔油膩，作為香口小食確實不錯。茶錢五蚊一位，但一枱只能叫一款茶。小店無加一服務費，所以就真係無乜…😆整體嚟講點心係好食嘅，比一般茶樓水準高好多👍

好耐冇同老公嚟個一盅兩件🥢以前成日陪老爺奶奶去飲茶，而家兩老唔係香港又真係少咗好多食點心餐廳係科學館附近，見到仲有夜茶飲，幾唔錯wor菜式選擇好多，除咗傳統點心之外，仲有湯麵小炒同燉湯老公叫咗個姬松茸花膠響螺湯，湯盅好特別，係一個茶壺嘅形狀，將功夫茶變功夫湯🤩材料十足，仲要係用烏雞燉，姬松茸都有三四隻，成個湯好甜好濃郁，好耐冇飲過咁好飲嘅燉湯鮮蝦豆苗餃晶瑩剔透，睇到入邊有原隻蝦仁😍豆苗顏色好翠綠，外皮煙靭蝦仁爽脆蒜蓉粉絲鮮魷好大碗，墊底有非常之邪惡嘅豆腐卜🤤鮮魷好爽脆彈牙，調味唔算太重，唔錯老公最鍾意嘅懷舊點心百花釀魚肚竟然呢度都有🤩🤩🤩魚肚腍滑，蝦膠非常之厚身！好彈牙！呢個必食呀！！老公第二最愛嘅山竹牛肉球非常之大粒😳入面馬蹄好多，而且牛肉球好彈牙，唔似出面有啲山竹牛肉口感好霉好爛咁，真係幾出色我最鍾意既蘿蔔絲酥餅外型同平時食開嘅有少少唔同，有啲似忌廉筒(出賣年齡🤫熱焫焫焫焫焫焫到呢，入面蘿蔔絲好鮮甜，酥皮好鬆化，真係要趁熱食！馬拉糕超鬆軟！冇果種難食馬拉糕會食到人牙唔舒服既感覺，而且好香黑糖味，隱約好似有種桂圓味咁😳好特別最後仲叫咗個十勝紅豆奶凍，與其話佢奶凍，佢口感更加似布甸，好

去左尖沙咀飲茶食點心，呢間餐廳除左提供點心、粥麵，仲有小炒，茶位$5，仲唔洗加一，價錢都幾平，值得一試😜招牌蝦餃皇 $38蝦餃大粒又飽滿，餡料滿滿嘅鮮蝦肉，餃皮煙韌，蝦肉爽口彈牙豬仔流心包 $32賣相非常吸引嘅豬仔飽，好cute😆餡料無邪惡嘅咸蛋黃奶黃，仲要流心😍手制牛肉腸 $28牛肉腸好滑溜，餡料有牛肉，味道都唔錯霸王小籠包 $33小籠包必食，皮薄餡靚🤩咬落超多湯汁，好juicy,豬肉亦好香好食🤤🤤鮮蝦嫩滑豆苗餃 $32餃皮夠煙韌，餡料除左有彈牙蝦肉仲有豆苗，兩者味道夠平衡🥰雲吞牛肚麵 $47雲吞麵雙併牛肚，湯底係牛腩汁，味道濃郁雲吞食落有啖啖蝦肉，牛肚炆得軟腍經典蘿蔔絲酥 $38外層係香脆嘅酥皮，內裡係香甜嘅蘿蔔絲，味道唔錯👍🏻

行完美麗華，散步由加連威老道走到尾，轉彎見到呢間點心舖，見裝修骨子招牌又光猛就走左入去食，茶位又幾抵wo，$5位only，望下室內至知原來師傅係有名氣既，二星米芝蓮主廚，仲望到啲點心賣相幾吸引，即刻多左期待。侍應服務態度幾好，主要後生仔女多，我都嗌左唔少野，又要佢過黎幾轉都仍然好態度，呢個位要讚下，食物方面紅米脆皮蘿蔔絲腸見佢餐牌上面有手指公就嗌啦，果然係好味既，外皮係健康紅米製成，上枱果時好似壽司，拎起咬入口就已經食到果種健康既味道，雖然絲係油炸，但外皮同蔬菜充分令佢唔會油膩，好味！鮮茄魚湯浸鮮竹卷魚湯清香，食鮮竹卷既時候入口清甜，唔會因為浸左就散開，反而令個味道多左種層次，推介古法馬拉糕有時好怕啲馬拉糕好甜，呢個甜度適中，糕身鬆軟又夠大個姬松茸花膠嚮螺湯上枱係好似壺茶咁，附加一個小杯仔，真係自己沖出黎，輕輕飲的，打開個蓋，入面都幾足料下，難得係隻雞腳煲到綿哂，連骨都食得，正！楊枝甘露正路的甜品，作為飯後甜點可以一試鮮脘魚片粥魚肉彈牙有咬牙，粥底夠熱又大碗，兩個人食連埋啲點心都真係幾飽下，值得既雲南野菌餃個人幾鍾意呢個餃子既涵，濃濃既菇味充斥係入面，咬開就會撲入舌頭，配合頗薄既皮，又

喺尖沙咀同屋企人食飯，搵咗間中餐，呢間夜晚都有得食點心啱我哋share一齊食。茶錢全日都係$5一位，仲要冇加一，都幾吸引！平時閒閒哋去茶樓飲茶都唔止。流心鴨仔包，一咬開真係好多流心蛋黃喺入面，個包新鮮升起熱辣辣好鬆軟。蝦餃大大粒好飽滿！灌湯餃現在不是很多地方都有，而我係好鍾意食！所以見到都會叫！燒賣都係每次食點心必點的，豬肉味都幾香。叉燒腸粉好足料，好多粒粒叉燒。叫咗一個龍仔蒸飯都唔係好貴，蒜香好惹味呢度都有燒乳鴿食，皮脆肉嫩都不錯！

而家食點心已經唔再係局限於喺茶樓飲早茶再加埋米芝蓮師傅主打一於試吓佢地方非常之闊落好光猛得來感覺好整潔餐牌嘅選擇非常之多元化除咗有點心之外粥粉麵飯，基本上樣樣齊重點係仲要價錢一啲都唔貴仲要全日免收加一招牌蝦餃王大大粒得黎皮薄餡靚香芒大蝦脆脆卷好酥脆，芒果同大蝦嘅口感相當之夾翠綠小梨子鹹水角外型一流，入口亦都唔會過於油膩黑糖年糕伴黃金糕非常煙韌，甜度亦都適中椒鹽脆皮魷魚鬚嘅炸粉不會過厚份量亦都好多非常之抵食香滑馬蹄牛肉腸同韭黃鮮蝦腸粉嘅腸粉皮都做得相當之嫩滑無論係牛肉又抑或係鮮蝦都食得出相當新鮮煎蛋牛肉飯嘅份量大得驚人煎蛋同牛肉嘅比例同飯係幾乎一半基本上食晒上面嘅點心之後去到臨尾已經係非常之飽再加上呢個煎蛋飯仲好有心機用咗荷葉做底相當值得一讚

一般點心都有，仲有部分小炒每人茶位$5都抵，香片清淡甘香沙巴鮮蝦燒賣皇皮薄餡多，蝦肉鮮甜彈牙。燒賣皮薄軟綿，入口即化，蝦肉鮮美，帶嚟一種鮮甜又滑嫩嘅口感豬仔流沙包流沙餡料香甜濃郁，入口即化，帶嚟一種麥香味同濃濃奶香，每一口都可以感受到包子酥皮同流沙餡的絕妙結合啫啫雞煲煲裡面有嫩滑多汁嘅雞肉，配合薑蒜同其他調味料炒煮而成。雞肉鮮嫩多汁，入口即化，配合薑蒜嘅香氣，帶嚟一種濃郁又鮮美嘅味道百花蝦煎釀蘿蔔糕蘿蔔糕外酥內軟，煎至金黃酥脆。蝦子鮮甜彈牙，釀入蘿蔔糕內，煎至香脆，感受到蘿蔔糕的軟糯口感花膠老火湯用青蘿蔔、粟米做配搭，同平日花膠湯較為唔同，花膠用上花膠片以作提鮮，湯底都濃

約了朋友在尖沙咀，找這間店舖吃晚飯。我們叫了以下食物:1. 招牌蝦餃王：這道菜是餐廳的招牌之一，蝦餃皮薄透明，餡料豐富且鮮嫩，蝦的鮮甜味道令人驚艷。2. 真材實料料叉燒包：這款叉燒包以精選的叉燒作為餡料，肉質鮮嫩多汁，包裹著鬆軟的包皮，口感十分出色。3. 霸王小籠包：這些小籠包有著豐富的湯汁和美味的餡料，皮薄酥脆，一口咬下時湯汁會溢出，帶來滿滿的滿足感。4. 混帳腸粉：這道腸粉以柔軟的米粉包裹著多種餡料，包括鮮蝦、叉燒和韭菜等，口感豐富多樣，味道鮮美。5. 紅油抄手：這些抄手外皮薄軟，餡料豐富，搭配著辣椒油和香菜的調味，帶來一種麻辣鮮香的口感，十分開胃。6. 楊枝甘露：這是一道清涼的甜品，以鳳眼、西米和芒果等新鮮水果入饌，加上椰汁和糖水，口感清爽，甜度適中。7. 鮮蝦腸春卷：這道春卷以鮮蝦為主要餡料，外層炸至酥脆，內部鮮嫩多汁，搭配蘸醬享用更加美味。8. 沙巴鮮蝦燒賣王：這款燒賣以新鮮的鮮蝦為主要成分，口感鮮美，搭配特製的醬汁更加增添風味。9. 玫瑰百桃：這是一道精緻的甜品，以玫瑰花茶和白桃為基礎，口感柔滑，帶著淡淡的花香，給人一種舒適的感覺。10. 檸樂：這是一種清新的汽水飲料，具有

放工想去飲個夜茶，就嚟到呢間點心店試一試～位置都好易搵～座位都好闊落，坐得好舒服😗呢度除咗點心，仲有好多粉麵同小炒可以選擇😋🥚流心鵪鶉蛋燒賣 - $38粒鵪鶉蛋係個燒賣入邊，第一次食咁樣樣嘅鵪鶉蛋燒賣🤣口感好豐富🦐百花蝦煎釀蘿蔔糕 - $29個蘿蔔糕外脆內軟，煎得好香口👍🏻🧆叉燒腸粉 $29皮薄餡靚，望住張相應該都見到入邊有好多叉燒😂🦐招牌蝦餃王 - $38食落去啖啖肉，食到爽口蝦仁嘅口感🥟霸王小籠包 - $33咬落去好Juicy, 超多汁，個肉餡都好嫩滑🍲是日足料花膠老火湯 - $28以呢個價錢嚟講，呢碗湯真係好抵飲，勁大碗，又多湯料😂🥟紅油抄手 - $33呢個紅油抄手嘅味道比較特別，同平時食嗰啲唔同，應該係落咗豆瓣醬，除咗個辣味之外，仲多咗個鹹香味🍚剁椒香蒜鮮魷籠仔飯 - $78呢個飯要壓軸介紹，白飯粒粒分明，蒜蓉粉絲蒸鮮魷嘅味道滲晒入個白飯入邊，好香口好惹味😋👍🏻-總結：兩個人食咗$300左右，個人認為嗌少一兩樣點心應該啱啱好🤣而家食完超飽😂😂😂坐得舒服，又好食嘅點心～值得推薦

今日同屋企人去呢間位於尖沙咀嘅茶樓 🫖 見到啲點心幾精緻有啲都幾得意可以打吓卡仔🤣❤️招牌蝦餃皇平時酒樓嘅蝦餃一般都係四粒，我同朋友兩個人食，想試多啲嘢，依間酒樓竟然有得嗌四粒同兩粒！ 我覺得都好細心 可以適合想試唔同款式嘅客人👍🏻味道嚟講蝦餃皮好薄裏面嘅餡都好好食 蝦大大隻 個調味都唔錯 松露餃裏面有餡料好多，睇相就知道好醬爆 。有菇菌同翠玉瓜粒粒 一咬開好豐富嘅黑松露味😍😍😍😍 又唔會太濃郁 配合埋翠玉瓜 💯 大推介蟲草花燉雞湯裏面有蟲草花，雞， 蜜棗蟲草花份量好多 所以煲出嚟嘅湯底都好深色味道酸酸地鹹鹹地 但係就食得岀一定冇味精 🤣皇子鴿 (一隻) 皮好脆 好入味蠔油芥蘭唔會烚太耐 ，仲係有d 爽脆豆沙金桔棵大驚喜！ 外表好精緻， 味道好驚艷！ 首先外表真係好似一個🍊 上邊係用薄荷葉做塊葉， 外皮咬入去竟然都有清清地嘅橙味 ！ 裏面嘅豆沙亦都加咗金桔皮 食落去甜甜地清清地 ！同埋成個係新鮮炸出嚟❤️❤️❤️豬仔流沙包好可愛嘅流沙包🐷🥰裏面嘅流沙夠晒熱 所以拮落係流心嘅 🐽整體嚟講位置好方便位置都好舒服 卡位夠大 PS : 好抵食，全日免+1 同茶界$5 / 人 👍🏻 朋友係品茶之鬼，佢

想食點心都唔一定要去傳統茶樓嘅😎尖沙咀漆咸道南有一間新開嘅點心小店，店面光猛簡潔，「盛意小館點心粥麵」除咗有港式點心之外，仲有粥粉麵飯同大排檔小炒添，重點係可以用親民貼地價錢就可以享用由米芝蓮星級主廚烹調嘅美食🤩🤩重點重點係茶位都係由$5起，想特別少少揀人蔘烏龍都係每位$10😲😲另外仲要全日免收加一，完全係佛心價錢🤓🤓講返食物方面，點三都有超過20款，煎炸香口嘢、腸粉、生滾粥、蒸飯、蒸點樣樣有齊，仲有啲係自創特色點心📸📸流心鵪鶉蛋燒賣巨型大燒賣😲大大粒彈牙嘅蝦膠混豬肉再蒸熟，上面有一粒流心嘅鵪鶉蛋，蛋黃汁加添滑順感沙巴鮮蝦燒賣王 （2粒）可以兩粒咁叫就啱哂少人聚會😆啖啖肉夠彈牙花膠瑤柱灌湯餃拳頭咁大粒嘅灌湯餃內餡相當豐富，湯頭鮮甜可口，仲有大大件花膠😋😋翠綠小李子鹹水角細細粒啤梨🍐形狀好可愛，外皮軟糯香芋叉燒天鵝酥非常igable📸芋泥包住叉燒粒炸成芋角再裝扮成天鵝模樣🦢豬仔流沙包🐷豬仔樣可愛到唔捨得食😍金沙流心奶黃包記得要趁熱食蒜香煎海蝦籠仔飯籠仔飯都幾大籠🙊籠底鋪咗荷葉增加香氣，面頭鋪滿惹味蒜香粉絲，就算唔落豉油都好夠味👍🏻八年陳皮牛肉球粒粒大到好似網球咁大🤣🤣正常發揮椰香蜜糖脆蛋

返工又係尖沙咀 放假其實都係尖沙咀冇計啦 尖沙咀實在太多好嘢食😝😝😝呢間點心店 成日行過都好想食但係一個人又食唔到啲乜 所以放假就捉埋屋企人一齊去試吓 聽聞係米芝蓮廚師開嘅 就試吓係咪咁堅料 😏首先 值得一讚 茶介$5/位 當然某些茶 收費就會貴啲 不過都係$10/位 是日我哋order咗人蔘烏龍 茶香濃厚👍👍👍 仲要係免+1 好抵呀😂蝦真係好彈牙👍👍👍 但係腸粉就真係厚咗蝦餃 呢個絕對有水準 皮薄餡靚 最重要係隻蝦 都係好彈牙 👍👍👍呢個真係第一次食 其他地方都未見過大大粒 肉質彈牙 鵪鶉蛋流心做得啱啱好 一個字形容 正！後加每人一盅灌湯餃CP值高 湯味清甜 有一粒細細花膠 湯餃質感不錯 下次要試吓佢嘅蒸飯先😝😝 睇相就好正 唔知味道係咪都成正比？！

今日行經尖沙咀東，見到一間點心店，突然心思思想飲杯茶食個包😁，於是決定入去食個下午茶。店舖空間感足，環境衛生整潔，座位舒適闊落。用code落單，亦可剔紙仔👍。招牌蝦餃王 $20.- 及鮮蝦燒賣 $18.-蝦餃一口一粒，皮薄蝦肉餡料足，味道鮮香。燒賣蝦肉同猪肉比例剛好，同樣皮薄，肉味香濃。蒸鳳爪 $28.-鳳爪煮得非常入味，醬汁味道香甜。叉燒腸粉 $29.-腸粉滑漏軟熟，叉燒切成細細粒，質感軟腍又有蜜糖香味，幾好食。薑蔥牛柏葉 $35.-牛柏葉煮得入味軟腍，口感爽彈帶薑蔥香味。乾炒牛河 $98.-河粉炒得乾身唔油膩，鼓油色均勻又條條分明。牛肉質感軟腍無筋，配菜有韭黃、蔥段及芽菜，味道香口又有鑊氣。蠔皇鮮竹卷 $30.-薄薄的腐皮包住滿滿的餡料，餡料豐富肉味鮮香，配埋蠔油醬汁一齊食，更添鮮味。見點餐紙可選擇茶品，價錢最平每位$5.-又無需加一收費，響尖沙咀兩個人飲茶食到飽飽，都無需$300.-，而且食物質素好，真心抵😊！

在尖東的這間點心粥麵店，是由曾出任米芝蓮二星餐廳的師傅主理😆點心賣相精緻❣️週末來尖沙咀逛街，順便與朋友前來試一下 🥢 松露餃（$38）黑松露味香，內餡為菇菌，又爽口又香 🥢 百花響鈴脆皮腸（$53）軟滑腸粉皮內包著酥脆響鈴及脆炸蝦仁🍤一併吃有種在吃炸雞的感覺 🥢 翠綠小梨子鹹水角（$28）梨型外表很可愛🍐是外皮香甜軟糯的鹹水角 🥢 牛肝菌蟹肉酥（$42）可愛的牛牛造型，內餡有海鮮的味道❣️還有菇菌的鮮味，外皮非常酥脆 🥢 招牌蝦餃皇（$20/2粒）新鮮彈牙又大粒 🥢 沙巴鮮蝦燒賣皇（$18/2粒） 大粒又夠鮮味，用到大蝦🍤所以同樣彈牙 🥢 鮮竹卷（$30）以汁煮，比一般鮮竹卷更濃味 🥢 名醬蒸鳳爪（$28）濃味又不會過咸 🍵 茶芥$5位，免加一

今日約咗個外國返嚟嘅朋友去食點心，揀咗呢間喺佢酒店附近嘅點心舖，裝修新淨企理,叫咗以下呢幾款食物招牌蝦餃霸王小籠包香滑馬蹄牛肉腸香芋叉燒天鵝酥黑白蘿蔔糕餐廳裏面都有唔少人，食物即叫即製，不過美食係值得等待，點心熱辣辣好好味。蝦餃好大粒而且皮亦夠薄又少少煙韌，蝦肉除咗大之外亦非常彈牙，唔會霉小籠包係好食到朋友狂比讚，我亦覺得喺香港試過好多小籠包但係呢度嘅小籠包真係好，首先佢嘅皮厚薄得宜，薄又唔會穿但係又唔會太厚身，肉汁非常之多，仲好夠香，單張上寫米芝蓮點心師父主理，食物真係出色。本身我就好鍾意食薑所以佢嘅肉餡已經加咗薑我就大愛，覺得更加香！牛肉腸粉加咗馬蹄多咗一層咬口同香味，而且腸粉亦都係粉張漿比例好好腸粉，食落唔會太厚太薄，夾起嚟唔會爛曬蒸到過曬時間，好食！天鵝酥出面比較少有，佢嘅外貌夠別緻，外皮炸得夠酥脆，裏面嘅芋頭餡就軟軟嫩嫩，熱辣辣好夠香！至於呢個黑白蘿蔔糕真係第一次食，出面坊間少有，黑色嘅蘿蔔糕用上墨魚汁去整，食落好香而且好有咬口，白蘿蔔糕被一般點心舖食到嘅蘿蔔糕好味好多，串串方式又幾得意。整體餐廳嘅所有食物我同朋友都覺得非常滿意，推介！