鼎泰豐

Open Now

Now Closed

辣味黃瓜 $60酸酸辣辣 黃瓜好脆好新鮮 紹興醉雞🐔 $80酒味適中，雞肉全部去晒骨，好多時都會有雞髀位😽小籠包 $66一籠6粒，每粒都係皮薄多汁 睇住師傅喺出邊逐隻包 王牌必食🤩台式酸辣湯 $58好足料的酸辣湯 有好多木耳絲豆腐乾筍絲 仲有少少肉絲，胡椒粉同埋辣椒油都擺咗喺面 食之前撈勻佢 唔算好辣😋油豆腐粉絲湯 $58清淡的另一選擇 油豆腐入邊讓咗啲肉碎，清清地嘅湯再配爽滑粉絲🥰蝦肉紅油抄手 $68好大粒蝦肉 嗰汁少少辣，咬開入邊再點多少少汁 又辣又爽口😂雞絲蝦仁春卷 $56有蝦肉有雞絲仲有好多木耳絲係入邊 炸到好脆口 食之前小心辣親😌肉絲蛋炒飯 $85珍珠米粒粒分明 肉絲同埋蛋都好多，加埋少少蔥花好香口，如果覺得淡嘅話可以落少少抄手嘅汁或者醉雞嘅汁，撈埋啲飯食好正😚🤪黃金流沙包 $40我最鍾意嘅甜品之一，未食之前已經感覺到佢啲汁係入邊浪來浪去

台式酸辣湯酸辣度剛剛好，係一道令人好開胃既酸辣湯，足料🤩，喜歡酸辣既朋友仔，真的好啱你，食過翻尋味🤤😋小籠包相信大家對佢地店既小籠包一d都唔陌生吧，大眾都係好評👍，皮薄餡靚😍，難怪咁多食客一致認同係好好味😋，值得推介比身邊嘅朋友去食😂排骨蛋炒飯（胡椒味）呢道一送上檯，平平無奇，真係要食落先知咩事😱，絕大部份人都有食過，只係不是在這店食😅，首啖一試排骨，啖啖肉，肉質好嫩滑，仲好香，調味調到剛剛好，正🤤食完一舊，不得不再食第二舊⋯⋯⋯🤣，太誘人啦⋯⋯⋯舊肉😋😙，飯炒到粒粒都是有撈到雞蛋的，色澤均勻，漂亮😍

味道让人失望，除了鸡汤正常，醉鸡水准偏下，其他没有一个正常，干馄饨葱位过重，醉鸡偏咸，小笼不鲜美，葱姜味过重，丝瓜小龙苦味没处理好，鸡丝春卷火候不到，没炸到位。

青燉牛展湯，好耐冇食啦！依然咁好味😋，但價錢再貴啲囉同埋覺得牛展每片都薄左！ 呢啖湯我飲晒咁滯，感覺有啲藥材味同埋都幾重薑味而且冇乜味精清炒油麥菜，正正常常，只係為咗食啲菜健康啲均衡啲～嘩都係無可避免地油咗啲海蜇伴蘿蔔絲！呢個同飲茶嘅唔同，冇麻油又冇芝麻架我好鍾意食！呢個天氣食啲涼涼地，又咁清甜嘅野好舒服😌口感一流！非常爽口如果唔係食青燉牛展，我平時會食紅燒牛肉湯，呢個個味就會重啲，同埋會有牛筋！一樣咁好味我今日仲嗌咗個香菇素包食完真係超滿足呀！因為平時比較少食，佢嘅包質好唔同！係人手初成，又煙un 但又唔會好實嘅包皮好正！香菇素包入面嘅料同香菇素餃相同嘅～清得來又唔會好齋，有少少紛絲碎、菇粒、菜粒、豆干粒～好台灣feel總結而然，鼎泰豐只係太貴！

想食下香蔥拌麵，所以黎左鼎泰豐。可能是日落雨，少人出去食，等位唔算等左好耐就入得～入到去即點我既香蔥拌麵，再點左碟蝦肉煎餃～朋友點左紅油拌麵同蝦肉餛飩湯麵（不過冇影到相🙈）。上菜算快，但咁快上碗香蔥拌麵都真係唔太熱，就算拌麵冇湯麵咁熱，都未至於咁…如果熱啲，香蔥味應該可以散發出黎，聞到又食到，諗起都正！可惜，而家就各方面都只係正正常常～蝦肉煎餃就比較好，熱既！皮薄同夠脆～可能知佢係一星米芝蓮，期望少不免會高啲。

今日食評有✍🏻 鼎泰豐@沙田店試食指數⭐️⭐⭐店舖衛生⭐️⭐️⭐⭐侍應態度⭐️⭐⭐⭐⭐((每項5⭐️為滿分)) ·沙田第一城超多人每間食肆都見人龍我哋等了50分鐘才入座尖沙咀兩店都比較易等位·等位係耐咗啲不過入座後有一件事即刻加分職員會為孕婦捧上一壺熱水十分窩心·今晚點了1️⃣燉牛𦟌湯麵⭐️⭐️⭐⭐/5燉牛𦟌湯底正我每次必食同飲晒啲湯汁可惜今晚嘅牛𦟌老咗少少扣分位2️⃣菜肉雲吞湯麵⭐️⭐️⭐⭐/5菜肉雲吞係新鮮好味湯麵同大部分店一樣滾水淥完即刻捲埋放上碗索唔到湯底嘅味道3️⃣菜肉包⭐️⭐️⭐/5菜肉餡味道唔錯可惜包厚食落口包同餡50/50好乾4️⃣香菇素菜包⭐️⭐/5相比菜肉餡更乾加上包厚食落好乾爭爭5️⃣雜菜蛋炒飯⭐️⭐️⭐/5啲雜菜切得好粗炒飯冇乜油健康角度係好但從味道出發就唔係咁香口6️⃣溫豆漿⭐️⭐️⭐/5甜度適中溫度的確係「溫」係易飲啲但我個人就喜歡熱啲·二人364·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

從來都冇食過鼎泰豐，一直都好想試下! 咁岩今日黎到沙田，搵唔到食咩之下又度度都好多人之下,就黎左呢度食個小小地既下午茶了，星期六既下午當然多人，我地3點到 等左10分鐘左右,算係咁....由於之前已經食左午餐, 所以只係點左幾樣野﹐包括小籠包, 台式擔擔撈面, 蒜香粉皮肉同埋黃金流沙包。個小籠包就好似唔夠熱，如果唔係應該會好味好多，特別要推介蒜香粉皮肉同黃金流沙包!兩款都好好食，食完好似仲肚餓過之前! 下次再來既時候，應該會再點呢兩樣，再試其他推介既美食!

今日自己一個人走咗去呢一間鼎泰豐度食嘢，咁其實都有人等，不過都唔係等咗好耐，咁我就叫咗個排骨飯炒，咁其實呢個排骨飯炒飯都幾好食，因為抄飯都乾爽，而仲有我叫多咗個小籠包，咁小籠包入面啲湯都整得唔錯，起碼冇爆曬出嚟， 下次自己一個會翻兜。

因疫情關係好耐都冇去過台灣旅行🇹🇼想念台灣的美食🥺好彩有鼎泰豐望梅止渴住先💡下午茶時段人數唔算多💁🏻‍♀️等咗5分鐘就可以入座⏰今日唔太肚餓👀所以只係叫咗幾款小食😗🔸招牌小籠包（$66/6個）小籠包皮薄餡靚🤠湯汁濃而不膩夠鮮味👏🏻肉餡味道稍為淡咗啲🙍🏻‍♀️不過上枱温度啱啱好唔辣口✅整體嚟講不過不失😺🔸原味水晶肉（$64/碟）鼎泰豐嘅經典菜式之一🔥以晶瑩通透嘅外表同特別嘅彈滑質感為吸引之處💛口感豐富有層次👍🏻配搭香醋更能平衡肴肉嘅膩滯感🐷冷盤必選美食✨🔸紹興酒醉雞（$66/碟）雞皮爽口🐔雞肉軟嫩🐓佐以紹興酒提味🍾酒香撲鼻👃🏻不過紹興酒酒味較重🤔怕酒味嘅朋友可能要三思🙈若將台灣同香港嘅鼎泰豐比較⚡️味道當然係台灣更勝一籌😶希望香港嘅分店食物質素可以更緊貼台灣🗯

鼎泰豐嘅小籠包永遠都保持到一定水準個人鍾意原味 試過其他味覺得麻麻每次去都有叫佢嗰個排骨飯好足料 食晒其他嘢之後填肚一流另外唔建議叫菜食 因為真係冇乜特別但就真係幾貴吓

之前去台灣都無食過估唔到第一次居然係香港食🔶排骨蛋炒飯($90)炒飯超乾身好食，米飯粒粒分明排骨肉質有啲淋🔶絲瓜蝦仁小籠包($68)比較少見唔係豬肉做餡料嘅小籠包食落比較清新同清淡🔶香菇素餃($66)味道普通，無咩特別🔶春菜肉絲拌麵($60)雪菜好味但比較咸麵唔會煮得太淋身仲有爽口嘅口感🔶迷你芝麻包($36)芝麻味好重，無乜甜味同平時食開嘅芝麻包有啲分別______________________________鼎泰豐 (沙田)沙田沙田正街18號新城市廣場1期1樓166號舖

好耐都冇去過旅行原本台灣係我第二個家而家唯有食啲台灣嘢頂住先幸好鼎泰豐都keep到台灣嘅味道滷水牛肚夠入味好似平平無奇嘅通菜其實都炒得好好味小籠包保持水準 皮薄多汁熱度十足鮮蝦煎餃個底夠脆不過燶咗少少🤏🏻醉雞嘅酒味好夠將牛肚點啲醉雞汁 別有一番風味紅燒牛肉麵幾乎係我每次必點嘅牛肉夠淋 個湯可以辣多少少就perfect喇杏仁豆腐&荔芋西米露西米露值得一提係將芋頭磨蓉整嘅啖啖都有芋頭味 好正杏仁豆腐就淡淡地 全靠上面嘅糖水要揀都係揀西米露

講真我係超級耐冇食過鼎泰豐，記得係佢初初嚟香港插旗嘅時候食過，跟住咁多年都冇試過，原因係太多人…. 不過，今日下午入咗沙田，見佢都坐滿晒人但係就話下一張枱到我，咪等一陣入去食，好期待一有枱，入去，坐低，樓面就好快遞上熱茶，冇得揀$10一位茶。叫嘢食就要自己mark係張落單紙，不過，都有個圖文並茂嘅餐牌俾你去睇吓。燉湯非常足料，兩個人share一盅燉湯，有一人一碗小籠包就叫咗一籠原味嘅，size 比一般小，女仕們都可以把整粒一口咁食，肉質鮮嫩，點上有薑絲的黑醋，提升咗豬肉的鮮味。

✨滷水牛肚凍食 牛肚薄切 口感爽彈 入味但滷水味道唔係好濃好豐富嗰種 所以滷水味略淡✨小籠包皮薄 多汁 肉餡鮮味 但調味略淡✨排骨蛋炒飯排骨入味 肉質鬆化 有蛋香 炒飯夠乾身 飯粒分明✨荔芋小籠包荔芋小籠包細細隻 薄薄既皮 包住綿綿既芋蓉芋蓉香甜幼滑 係甜品既好選擇總結：食物環境服務都唔錯 如果調味方面再濃少少就更好

好難食 味道又淡 完全唔明點解啲人話好食 熱又唔夠熱😩 特別係牛肉面 個湯底完全唔識形容 味道超怪出邊是但一間個湯底都好食過鼎泰豐 完全冇下次 😫 全家一致差評但員工服務好好！