鼎尚燒鵝湯館

Open Now

Now Closed

我點了燒鵝瀨粉，$108，可是一見到那碟燒鵝已經覺得賣相不好，吃下去好鹹，好油… 完全不值得這個價格！ 然後我還聽到後面那一台跟那個侍應反映： 街市入邊任何一間燒味店都好食過你哋！講真，真係唔好入去食！！！坦白說，唔期望喺山頂食嘢會平，但係以呢一個價錢，我寧願食麥當勞囉！甚至乎敏華都好食過佢！根本就係攞住頂爺呢個招牌嚟到吸引遊客去試，但係可一不可再，任何一個人試過，我諗都唔會返轉頭啦！仲有就係裏面嘅侍應，粗魯啦，不停講是非啦，根本上個服務係都係劣評，簡單嚟講，千祈唔好去！

說這家好吃的都是騙人的第一差：燒鵝，不像燒鵝，很少肉！像鴨肉！第二差：飲料，沒味道，凍檸茶完全沒味道！第三差：態度差下次不要再來，也不介紹給人也不會建議遊客來！

國慶同朋友喺山頂睇煙花，決定早啲食飯，好多餐廳都有人龍，呢間就唔駛掛隊，可能係因為比其他餐廳貴啲？我地六點前入座，即刻有二人位。不過當我地問店員比兩杯水時，個店員好大聲話「水係自助架」！我心想，又不見告示，第一次光顧又點會知呢？我同朋友要左一樣的燒鵝瀨，每碗$108，都真係幾貴。燒鵝係分開上，都幾好，咁就唔會搞到碗麵好油，另外又跟酸甜醬。我就唔係好知點先係好味嘅燒鵝，朋友就話呢度一定好味過太X、X哥，有鴨油又有肉，我都唔係好識聽。不過隨離檯遲黎就慘，聽到佢地話冇肉食，好多骨，我同朋友即刻暗歎早入黎好彩！我地大約食左半小時，離開時就見到出面好多人排。總結而言，想食到肉，最好早少少入座，咁就大啲機會有啖啖鵝肉食喇！

上山頂行吓街由於山頂所有嘢都好貴反而呢間燒味舖都算合理少少的價錢叫咗一個叉燒飯同埋燒鴨飯再加例湯本身都有少少期待一個燒味飯會可以有幾驚喜^_^但係其實都係咁上下老實講，真係覺得冇乜特別唔會再幫襯

新年初四去山頂食飯行個大運，間間餐廳都大排長龍，可能因為佢寫明新年加二，加上餐廳價格定位唔平，唯獨呢間條龍叫做短少少有希望，就排咗呢間餐廳。入到去零服務，擺低幾張墊餐紙同碗筷店員就行開咗，預你自己擺位，而餐具都有少少唔乾淨，不過太繁忙，費事叫佢換自己抹咗。然後店員好快不斷叫你落單。舖頭不斷有人排隊食嘢，但上菜嘅燒味全部都係凍。燒腩仔係脆，但係凍，燒鵝比較鹹又無肉，又係凍。以山頂地段黎講八九十蚊(未加二)份量還可接受，小貴但都明白，但凍係不可接受。點心蒸點係熱既，但份量少得離譜。牛肉球得兩粒，叉燒包得兩個，燒賣係三粒。都未到最誇張，六十幾蚊一份既春卷，係兩條一開二得四舊仔，炸腐皮卷仲慘，六十幾都係兩條一開二仲要係營養不良又瘦又皺，睇見都唔開胃。香港人真係唔好去交智商稅，留返比鄰國旅客食。

實在太過分，一班同事到山頂廣場的鼎爺燒鵝湯館食午飯，大家叫凍檸茶竟然上個小膠杯給我們，旁邊的食客都是用正常大杯，投訴時告訴我們不夠杯用！無嘢吖嘛⋯⋯又要我們在港消費，又唔爭氣，正垃圾 🤬

🇭🇰鼎尚燒鵝湯館·我哋嗰日去山頂就試咗呢一間餐廳 食完飯之後我哋仲好fancy咁樣去咗同啲遊客一齊搭山頂纜車🚠但我哋完全醒唔起 原來纜車係要坐右邊先係望到景嘅 我哋仲揀左坐左邊 超蠢 明明我哋上車嘅時候右邊係仲有空位嘅😂·二人套餐$398佢呢個餐係有一份例牌燒鵝 一份你自己揀既燒味 一碟油菜 兩碗燉湯同埋兩個白飯 都幾豐富😎燒味嘅話我哋就揀咗燒腩仔 佢個皮都真係做得幾鬆化 而且肥瘦都適中 唔會乾身🐷之後個燒鵝我地好好彩 佢俾咗個鴨髀我哋 不過唔知係咪因為我哋太夜食 佢嗰燒鵝皮好似有啲淋左咁 所以冇咁好食🫢之後佢個燉湯都唔錯 我自己就比較鍾意佢嗰燉雞湯 佢呢個飲落超滋補 而且入邊超多料😈😈·#rbyeat#rby港式#rby中環·📍山頂山頂道118號山頂廣場1樓107號舖

.‼️❤️ 記得CLICK我PROFILE關注我呀 ❤️‼️.🇭🇰 𝕐𝕦𝕞 𝕐𝕦𝕞 ℂ𝕒𝕟𝕥𝕠𝕟𝕖𝕤𝕖 ℂ𝕦𝕚𝕤𝕚𝕟𝕖 @ 🌟 鼎尚燒鵝湯館《👽食神大媽食中餐》.💁‍♀️ 圖片展示美食為：二人套餐 HKD 399- 醬皇燒鵝 拼 秘製叉燒（例牌）- 西洋菜陳腎無花果湯- 升級杏汁花膠燉白肺湯 HKD 20- 白飯- 轉豬骨湯底瀨粉 HKD 15- 檸檬利賓納 HKD 10.👽 大媽趁春天上山頂郊遊，行完一輪當然要補充體力，今次要同大家介紹嘅係非常之受歡迎，有好多遊客慕名而至嘅地道燉湯燒味專門店「鼎尚」😍 出品優質好味之餘，喺呢個地段咁嘅價位簡直係非常之抵食！.😝 飢腸轆轆淨係想快啲開餐，唔想諗咁多，一於嗌個二人餐包羅萬有。.🍗 講到地道特色，開餐又點可以冇燒味？！食燒味，又點可以唔食燒鵝同叉燒？！但係一講起燒鵝，通常都覺得好鬼貴。唔貴嘅話，就通常唔好食，一係就部位麻麻得彭骨。但係呢度嘅燒鵝，啖啖肉，唔使額外點酸梅醬都已經超級好味。.😋 叉燒就半肥瘦，肉質嫩得黎夠脆。唔好睇佢肥肥大大，咬落無油膩感，皮脆肉嫩，層次豐富。仲要價錢非常抵，例牌都咁大碟，絕對必點！👍.🌰 除咗大大碟燒味，個餐仲包括兩個自

上到山頂很多人都會在這順便解決一下晚餐或午餐什麼的，但在山頂吃飯一般都會比較貴，所以要選味道好又有性價比的就可能有點難！不過這間燒味店我就覺得挺不錯，而且叫套餐的話又真的是比較便宜的！醬皇燒鵝（例牌）（188元）今天運氣不錯，拿到了燒鵝下庄，大大隻燒鵝腿！燒鵝吃起來皮脆肉嫩，鵝腿肉質彈牙，而且帶有油脂，吃起來特別香，味道鹹香中帶點回甜！鵝汁拌飯真的很香！燉湯套餐（188元）（雙拼＋10元）燉湯我們選擇了杏汁花膠燉白肺湯，湯挺大一碗，內裡也有很多料，花膠豬肺肯定少不了！花膠滑嫩有膠質，豬肺滑嫩，湯喝起來清甜，帶有淡淡的杏仁香。燒味飯就選了雙拼，分別是燒腩仔和油雞。燒腩仔還是很香脆，肉質爽滑！油雞又拿到雞腿，份量挺多，吃起來肉質滑嫩有彈性，又有淡淡的玫瑰露的香味！白飯（15元）

上次上山頂時已經食過一次LUNCH，今次趁生日上山頂睇夜景又去食過. 睇得出餐廳經過悉心佈置，走懷舊老香港路線， 播放著八九十年代的經典金曲, 好有親切感. 鐘意佢每枱都有壺熱水, 可以自斟自飲好方便.我地叫左個二人套餐， 包括：醬皇燒鵝例牌大大隻既燒鵝脾，好多肉汁, 又多肉，好好送飯燒腩仔例牌豬腩肉好嫩口，加埋脆卜卜的燒肉皮，簡直係邪惡之選除左有碟菜心食, 仲有2個燉湯可以揀: 老公叫左陳皮綠豆章魚蓮藕湯，佢話章魚好入味，蓮藕好甜，難得出街食有燉湯飲我最鐘意飲杏汁花膠燉白肺湯, 好多料, 有2舊花膠, 4件豬肺, 火喉十足, 飲落好舒服

以前山頂同而家山頂係完全唔同，以前嘅山頂就係只行山，但而家山頂廣場多咗好多好多好多美食，😋所以行山前後都可以嘗盡唔同嘅美食😙今次我哋又來鼎尚燒鵝湯館，佢哋嘅燉湯套餐隔一段時間就會轉其他款。貨真價實真材實料佢哋嘅燉湯套餐，裏面有用了係非常之足。👇🏻燉湯套餐👇🏻孿神川芎天麻燉雞湯燒味飯-叉燒一睇個燉湯名，就知係滋補養顏，去頭風，足料新鮮無添加，必試燉湯。叉燒味濃郁，半肥瘦剛剛好。花膠杏汁豬肺湯燒味飯-燒腩仔真係有好大舊花膠喺裏面㗎，香濃清甜嘅杏汁配合埋鮮甜嘅豬肺湯，真係好飲到不得了。脆皮肉嫩嘅燒腩仔，配埋粒粒彈牙嘅香米，真係一大碗都唔夠🤫凍檸茶凍梅水🍴餐廳資料🍴餐廳：鼎尚燒鵝湯館地址：山頂廣場1樓107號舖#燉湯套餐#鼎尚燒鵝湯館#山頂美食#孿神川芎天麻燉雞湯#燒味飯#花膠杏汁豬肺湯

去山頂行完山，見到呢到有燉湯套餐就入去試吓，一入到去就覺得好有懷舊feel，無論係環境、餐具➕音樂都係十分之懷舊叫咗2️⃣個燉湯配雙拼燒味飯套餐見到🈶杏汁花膠燉白肺湯就即刻叫黎試吓，個湯真係香甜到不得了，杏香味十足，仲好足料，有一塊塊花膠同埋豬肺另一個湯就係我其中一個最鍾意飲嘅寧神川芎白芷天麻燉雞湯，味道非常香濃，落足料，真係好好飲，呢度嘅燉湯真係冇得頂👍🏻燒味飯叫咗燒鵝燻蹄飯，燒鵝又香又滑，咬落皮脆肉嫩，燻蹄冇羶味，點上醬汁一齊食就更滋味仲有個飯揀咗叉燒燒腩仔飯，叉燒肥瘦適中，食落又香口又軟腍，配埋個汁真係好正😋 燒腩仔個皮好脆口，一層肥一層瘦，點埋黃芥末食，口感一流

中午1點到排隊等候入餐廳，前面有一組客人，我們排第二組，之後第三組客人問第一組是否在排隊，知道需排隊後，第三組客人分兩批人，一人排隊其他人就直接入餐廳搵位，第一組客人安排入去後，突然第三組客人直接入位，完全沒有人理由在出面排隊的客人，同店員反應，回覆話睇唔到，之後不了了之，好似係我地排隊反而有問題一樣，體驗十分之差。

除夕晚上6點多上到山頂, 周圍行左一陣7點半左右找餐廳食飯, 但好多餐廳一係已經LAST ORDER,一係就要等位.找到鼎尚燒鵝湯館, 而且不用等位!餐廳設計懷舊,主要食燒味為主.我們二人點了一碟涼伴,忘記了名稱類似話梅醉蝦. 話梅味很香很開胃,蝦很入味,蝦身已經剝殼了方便進食!!再點了一碟清蒸紅友, 魚不太大條, 二人剛剛好原本想點䱽魚, 但店員推薦紅友較有鮮味. 的確沒有推薦錯! 魚肉很滑,而且魚肚還很肥美!再點了一碟例牌燒味雙拼(叉燒+燒肉)和清菜. 加上米飯和懶粉,二人已經吃得很飽. 埋單5百多蚊. 山頂晚飯價錢也算合理

山頂遊客玩哂？其實山頂都啱本地人去食同玩有狗人士仲正，成個商場都係pet friendly狗仔可以落地今日去食個中菜lunch水準好ok門口可以打卡平日冇咩人menu狗仔仲可以坐入面幫手睇住d 野食花膠杏汁豬肺湯燒鵝拼叉飯成個set total $188 雙拼飯再加$10天氣凍凍地，飲個靚湯補補佢可以仲足料過屋企煲果d燒味水準唔洗講，唔差得過出面，分分鐘，山頂嘅燒味好食過出面果dhaha鮮蝦菜苖餃 $58又健康，又大粒點心ok香滑奶黃包 $48正正常常，唔係流沙蒜蓉蒸排骨 $48味道正常鮮蝦腐皮卷 $48新鮮炸出，夠脆不過有芫茜