鼎記 (Closed)

行過旺角覺得肚餓，見到呢一間茶餐廳咁多人等位嘅，就試吓係咪真係咁好食。發現佢都唔算係一般茶餐廳，因為又有車仔麵食又有燒味食。我就叫咗一碗招牌燒鴨腩瀨粉，加咗冬菇同滷水豬大腸，而我朋友就食蜜香叉燒同脆皮燒腩飯。先唔講佢嘅嘢食，俾大家睇吓佢杯熱鴛鴦先，佢奶茶咖啡味溝得好均勻，有晒兩樣嘅香味。招牌燒鴨腩瀨粉份量就好多，雖然比起一般就咁嗌車仔麵係會貴咗啲，但係佢咁大份加上佢嘅冬菇炆得好入味，而且豬大腸嘅質素都好好，唔會話太多肥膏喺入面令到你食都唔想食咁，所以我都覺得幾高質。叉燒同脆皮燒腩飯，睇佢嘅叉燒我唔記得咗叫半肥瘦叉燒，所以佢比嘅算係偏瘦，都叫做正常，佢嘅燒腩仔加埋芥茉醬，再配埋飯食真係一流呀，我同朋友都食唔晒。所以我會推介招牌燒鴨瀨粉多啲！因為有得揀埋車仔麵餸好似會開心啲咁哈哈

#fafafoodblog #fafafoodblog茶餐廳 #fafafoodblog旺角🍴招牌鴨腩麵48 蚊要粗麵鹵水汁🍜🦆粗麵係好粗身既黃麵 好爽口彈牙 醬汁 鹵水咸度適中 湯底十分唔錯糖心蘿蔔🥕 蠔皇冬菇各加9 蚊🍄 蘿蔔好夠軟淋 冬菇唔算大粒 但夠厚身香甜秘製濃香牛腩🐮牛腩燘得好淋 仲有肥美既鹵水豬大腸 🐷各加12 蚊 豬大腸滷水味香濃 當然仲有主角鴨腩 鴨腩 比較有口感 煙韌彈牙 帶 d筋位 鴨香味濃 同粗麵一齊食配搭都好好味🦆🍴新鮮黃沙豬潤粥 40 蚊🐷加皮蛋半隻5 蚊 加葱花花生黃沙豬潤有4,5 件切得夠厚身 煮到熟啱啱好 而且好夠爽口 加 d薑中和番豬潤味 皮蛋都整得夠軟棉棉 同豬潤都襯 最正係佢 d粥 勁棉 聽老板講話好早就整同煲定 😍🍴炸芋圓 🍡Menu上冇 係同老板吹水 佢話食唔食甜品 未有 menu呢個超好食 外面香脆 帶 d淋口感 中間黃色有少少芋圓既彈牙甜味 最入面係芋泥 熱辣辣 夠香濃 好好味🍠🍴天下第一鴿 69 蚊🔥好味乳鴿 外皮香脆 肉唔會燒得太勁 夠口感同 d彈牙 感度適中 就算唔點准鹽 都好夠味#乳鴿 #燒乳鴿 #芋圓 #茶餐廳 #豬潤 #粥

最近吃肥膩東西有點多，有點點罪惡感😊工作前早點吃個清淡一點早餐吧！在旺角新寶戲院隨意找了鼎記試試看～ 粥套餐中挑選了艇仔粥、腸粉及豆漿 😌粥底不錯，熱騰騰粥入口軟綿綿的～ 相當暖胃。內有魷魚、豬皮、花生等材料 😍腸粉軟滑，最愛沾上多醬汁後😂凍豆漿，可選擇無糖又不錯播！ 除了中式粥品外，也有西式歐陸早餐、車仔麵、燒味、糖水～ 🤗 點餐紙落單，簡單明瞭👍🏻這裡燈光通明，地方潔淨，座位也多。 餐廳基本防疫做足如量體溫、隔板、正確的帶上口罩，使客人都食得放心。 服務員態度有禮，落單、上菜快捷而沒出錯

朋友推薦有間新茶記在旺角開張，係疫市都咁有膽識，一於去試吓有乜野食。餐廳在旺角新寶戲院旁邊，以前好似係許留山。地方都幾大，門口有招牌車仔麵擋口，招牌主打鴨腩車仔麵，幾有驚喜喎。招牌菜幾堅，鴨腩麵，好似圍村盆菜咁，湯底腩汁底味濃，配油麵味道突出。燒鴨好嫩滑，牛腩炆得好淋，入口即化。另外加左西生菜，連1杯奶茶。西生菜最特別係分量好公道。可以話係大份左㖭。奶茶色澤金黃，茶味濃，口感不算厚身。總括價錢適中，份量公道，菜式有驚喜，下次要試吓d燒味。因為場中好多人食。

秋風起，放工去旺角行街，忽然想食煲仔飯，路過見到裝修新淨又光猛既<鼎記>，望下門口餐牌，見到餐廳有提供燒味飯、車仔麵、乳鴿、煲仔飯、二人套餐等，全部都係抵食價位，便進店一試。<脆皮燒腩仔>先來脆皮燒腩仔，燒腩仔用上高質嘅豬腩肉，一層肥一層瘦，咬落去脂肪瘦肉比例均勻，而且個皮係極脆，屬高水準之作。<天下第一鴿 $69>紅燒乳鴿燒得非常香口，鴿皮烤得微脆而薄，以乳鴿這個size來講，咬落去都吾少肉，味道亦非常惹味好食。<鹹魚肉餅煲仔飯 $68>時令煲仔飯，今次我哋揀咗鹹魚肉餅煲仔飯，煲仔飯一上枱熱辣辣，想吃多點飯焦的朋友，建議可以將煲仔飯的飯煲蓋，蓋上一陣，焗多一下，飯焦會更多更好味。打開煲蓋，詁唔到餐廳提供嘅鹹魚都吾細件，而且充滿鹹香，令到鋪喺飯面嘅肉餅更加惹味好食，以$68呢個價格來講，真心抵食又好食。另外我仲叫左杯凍奶茶，夠大杯夠濃滑，抵飲吖!!~整體來講，餐廳乾淨企理整齊，下單快，上菜快，好有效率。食物質素亦唔錯，而且價錢非常抵食，下次有機會一定要再來啦!！～

今日難得放假，黎到旺角行街買野，行到餓餓地，就想搵好耐無食過既燒味飯食。呢間鼎記好似都開左一排，但從來無食過，見到入面咁多人，我都排埋一份！雖然係食中式燒味車仔面粥品，但裝潢絕不輸蝕。呢到車仔面、粥、燒味飯都齊全。我就叫左個燒味三拼飯，燒腩仔、燒鴨、頭抽豉油雞脾。份量好足，有時出面食既雙拼三拼，份量係等同單拼，不過就有兩款燒味，價錢就收足，相當呃秤。呢到就份份咁多，絕無欺詐。而且調味料亦上足：油雞配蔥油、燒腩仔配芥辣、燒鴨配酸梅醬，是但少左一樣就等於食炸雞唔食雞皮、食pizza唔食餅底，咁同一條無靈魂、無夢想既咸魚有咩分別！？有啲餐廳叫佢比酸梅醬夠膽死收我錢！呢啲應該唔洗講都一定要有！講返啲燒味，燒腩仔皮好脆，而且件件都係半肥瘦，唔會話有幾舊淨係得脂肪，見到都唔開胃。腩仔亦唔會太咸，唔會話食完好口渴要狂灌水。油雞好嫩滑唔會老，亦無見血色，食落安心又放心。叫燒味仲會送碗中湯，飲落唔飲味精。另外想講既係佢地餐具好有特色，大家見到呢隻公雞有無啲懷念呢?最後埋單87蚊，食一餐燒味價錢唔算好平，但我覺得以呢個份量同質素黎講，絕對合理，唔信大家去試下就知！

夜晚放學又去搵野食 見佢新開又光猛乾淨重要咁多人就入去試下啦～店員話煲仔飯係今日新出，見天氣都開始轉涼所以就嗌左個🍚臘味煲仔飯 $68開始凍凍地當然要食個煲仔飯，店員幫我哋首先係出面倒豉油再焗多一兩分鐘開蓋，成個味道出晒嚟！佢既臘味浸晒落飯到，加埋小小飯焦真係口感爆棚！重有個老火例湯添可樂 $12柚子蜜 (跟餐) $9🍜車仔麵 $69油麵加秘製辣汁車仔麵當然要叫多啲餸配合番好耐無食既油麵，首先呢咖哩豬皮又冧又夠入味，叉燒雖然瘦咗少少，不過都好肉地，仲有夠味既蘿蔔同埋冬菇！最緊要係個秘製辣汁真係將整個油麵豐富左層次！我覺得可以再辣啲🥬腐乳生菜 $18雖然無左通菜太好賣，但係店員都提議我地今日生菜靚可以試下，又真係幾新鮮，加埋腐乳汁又幾襯幾好味！

好味～豬紅，豬腸，蘿蔔，咖喱牛腩飯～ 下午茶餐 即叫即炒 抵食 好味 ～服務態度好 ～地方好座～清潔乾淨～有心機做嘅餐廳， 睇得出好用心機 做嘅餐廳， 依家唔易搵到有心機做嘅餐廳～ 相信日後會做得更加好～加油

不用一，不用再。見佢開左一段時間，雖然價錢都唔係平，都有啲人流，就諗住醜婦終需見家翁，唯有試一試。點知一試真醜婦，紅燒乳鴿變老鴿，叉燒差過唔燒，啲飯又干身，杯茶真係茶⋯⋯想親身體驗就黎試下啦

成日經過呢條街，見呢間新面口鼎記，門口一大個牌棟喺度推介招牌鴨腩麵，望落都幾有趣，咁就入去一試。其實呢間食肆主打車仔麵、燒咪同幾款粥品，我就決定叫招牌鴨腩麵要油麵，大佬就叫咗個絕鼎咖喱牛腩飯要大辣。鴨腩麵顧名思義係燒鴨同腩，腩係牛腩，件件大大嚿，咬落軟淋冇渣，可惜牛腩味欠奉，只覺得自己食緊肉類。燒鴨同一般燒腊店無異，皮當然唔會脆啦，皮下脂肪過剩，咬落去成口油，而且啲鴨肉韌到不得了，我個人咬唔開，俾大佬試試，佢都不約而同選擇放棄。湯底類似一貫車仔麵清湯，但係淡而無味。反而跟麵另上碗節瓜鴨湯仲好味。而咖喱牛腩飯啲牛腩口感同就同以上鴨腩麵個腩一樣，只不過煮喺咖喱汁度，所以味道咪只嘗到咖喱。咖喱汁濃稠，味道單調，內有少量洋蔥同幾件薯仔。大辣應該係嚟自落咗大量辣紅油，所以成個碟都係油好肥膩。而辣度喺啱啱入口時有少少刺激，不過後勁就冇咩。飲品方面叫咗凍檸茶。食物份量都幾足，目測到隔離檯都係算大大碟，要食飽一定冇問題。場內檯與檯都幾貼，好在嗰日食晏時段之前去到，有卡位就寬敞啲。冷氣就好不足，可能因為門常開關係。向服務員提出開大啲冷氣嘅要求，佢哋都算樂意配合。當我哋食完離開時，正值食晏時段，都坐無虛席

今日經過，係門口睇緊餐牌，有個服務員出黎話，新開張可以入黎試下喎，我地有招牌鴨腩麵............etc再望下入面乾乾淨淨，咁我就俾佢既誠意打動到入左去喇可能個時間有啲尷尬，餓餓地，但又未夠鐘食晚餐，想食少少野，咁我就叫左個鮮油多，塊牛油真係唔會好似其他地方咁慳住慳住讚！食完之後見餐牌有粥賣，濕下口都好喎，就叫左個碎牛粥，個粥底味淡啲，但都夠棉，加埋啲碎牛我就岩岩好，埋單50蚊都唔使，會再幫襯

行經旺角，見到新開茶餐廳，難得裝修乾淨又寬敞舒適，即刻走入去試下，點左流沙豬潤面同招牌鴨腩面，嘩，估唔到個牛潤好食過維記好多，好冧，而鴨腩都好正呀，唔會太肥，皮仲好脆，牛腩炆很好入味，而且湯底好清甜，絕對落足料，我地連湯底都清左一半。menu仲有好多野食，粥品同燒味，下次再試下招牌乳鴿同車仔面😍仲有服務員好好，主動提供自家製辣椒醬，好惹味，食辣人士恩物，而且價錢好抵，比起其他茶餐廳相宜，又多一個食堂選擇。

叫左個外賣番公司食拎到番上去準備食既時候見到佢比錯左個湯底我我打電話去同佢講番佢話冇人行開送番過黎比我即係又要我行番去攞等得耐都冇問題仲要比錯，我都唔想麻煩人但我唔食得牛仲要比腩汁我..真係叻到震。

女友叫左鴨腩麵，從口中得知，好一般，招牌黎講有失水準，眼見鴨腩，同你去燒味鋪斬料一樣，見唔到，食唔到個特色之處。我叫秘制咖哩牛腩飯，牛腩唔夠淋，配菜薯仔係凍既，仲有一堆洋蔥好似無煮過，切完就掉落去，咖哩有分微辣大辣，我揀微辣，洋蔥仲辣過咖哩，所有配料都唔夾，成碟飯都唔夠熱，咖哩汁不過不失，間鋪新開張就試下，希望廚房有進步空間，價錢公道，地方因為新開較新淨。女友話呢餐飲品比較滿意，佢飲柚子蜜，即係即沖即飲個隻。

和朋友下午茶經過這家店，應該是新開的一家茶餐廳。門口的招牌做得金碧輝煌非常吸引眼球。餐廳內的裝修也不錯。牆上寫住招牌鴨腩面五個大字，相信是這裏的招牌菜。點了招牌鴨腩面。叉燒一碟，燒肉一碟，一碟銀針粉。招牌鴨腩面果然名不虛傳，牛腩非常入味，鴨肉也算不錯。重點是湯底很好味。難怪成為招牌菜。叉燒更加沒得說肥瘦適中。香口爽脆。絕對是必點之選。反而燒肉有點肥，本人吃得比較清淡不喜歡太肥的燒肉。銀針粉比較淡口。小小略嫌失色。但整體還算可以。服務絕對沒話好說。一定會再來。