鼎記 (Closed)

鼎記是一間燒臘茶餐廳，除一眾燒味外，亦有車仔麵食及客飯供應。店內裝潢光猛，衛生情況 OK，餐桌擺位密度略高。翻看午餐餐牌，黯然燒魂飯是最能吸引小編眼球的選項。未知店員是否聆聽得到小編與友在選菜時的對話，主動向小編推介了兩客食品，一是招牌鴨腩麵，二是黯然燒魂飯。有了店員的加持，順理成章點了所好。黯然燒魂飯即是叉燒煎蛋飯，在坊間其他餐廳也並不罕見，個別連鎖餐店亦以此作招牌菜之一。叉燒屬飯食的重點，外層色澤紅潤自然，火喉控制剛好而沒有過份燒焦的部份。肉質方面，叉燒肥瘦適中，紋理清楚，口感軟腍。味道亦很不錯，豚味香濃。至於煎蛋，最愛金黃水汪汪的蛋黃，破開蛋黃以蛋汁拌飯吃一流。午市飯餐包送例湯熱飲。冬瓜雞湯清甜可口，以例湯來説優於預期。凍奶茶不論茶底奶香均偏淡，普通。是日 walk-in 進店吃一頓平常午飯，事前沒有任何期待。最後吃到一碗優質的黯然燒魂飯，當然更感滿足。有機會再來鼎記另一招牌菜鴨腩麵！

星期一晚上我光顧位於「豉油街」和「花園街」交界的港式燒臘茶餐廳「鼎記」，還意外發現「鼎記」竟然有製作和發售「咖喱牛腩飯」食品，可惜我詢問後才發現「鼎記」的「絕鼎咖喱牛腩飯」竟然已經售罄。所以我放棄享用「鼎記」製造的「絕鼎咖喱牛腩飯」，打算享用「鼎記」的自選車仔麵食品就算數。怎料原來「鼎記」「車仔麵」無法選擇「白飯」底，冥冥中已經註定我在「鼎記」裡面難以享用一般飯類食品晚餐。所以我最後只能夠在「鼎記」裡面，簡單食個不能夠配「白飯」的「車仔麵」食品，食完「鼎記」「車仔麵」晚餐，結賬後再在附近尋找其他食店享用「牛腩飯」。至於「鼎記」實際上的「車仔麵」食品，除了無法選擇「白飯」做底層材料，被迫改為選擇「河粉」作為麵底之外，其他「車仔麵」餸菜食品大致上跟平日差不多，都是「秘製牛腩」加「鹵水雞翼」加「蘿蔔」。至於「鼎記」「車仔麵」裡面的「湯底」，「鼎記」自助點餐紙裡面的「湯底」包括有「秘製腩汁」，我已經沒有再想「腩汁」裡面的味道是鹹還是甜，反正我之後還會選擇再在其他食店享用「牛腩飯」。結果我發現「鼎記」「車仔麵」裡面的「秘製腩汁」實際味道，原來是一半甜味跟一半鹹味，總算「腩汁」湯底最後沒有變成味道

作為香港人 正宗既茶餐廳 係日常生活入面當然唔少得，旺角呢間鼎記一直都係我心水茶餐廳今日一坐低叫碗招牌鴨腩麵食先，鴨腩牛腩好爽口，唔會腥，皮夠脆，次次黎都必點。面底好多，就算晚餐食都夠飽。湯底一如概往甘濃郁，但唔會太膩。湯底係圍村風味手法煮出黎，唔係好多地方都有呢個煮法,推介！朋友就點左招牌暗然銷魂飯，煎蛋都有2隻，叉燒多到排晒落個碗度,而且有肉汁之餘唔會鞋口，60蚊都唔洗，抵食又好食。之後我地點左西多士做甜品，好邪惡呀！4塊細細舊甘食，方便同唔會切到淋晒，好正！

全靠黯然銷魂飯，終於可以說服到女朋友陪我食茶記☕️ 黯然銷魂飯 $58叉燒好明顯食得出係自己有工場燒出嚟嘅味道🍖做到半肥瘦嘅要求😍 再加埋兩隻流心荷包蛋🥚其實就似港式「sukiya 牛肉飯」嘅配搭 米飯跟傳統果隻甜豉油嘅味道😋 三種野混為一體係好正。好食過敏華😂滑蛋蝦仁牛肉煎米 $58一直我對菜遠牛肉炒河類嘅濕炒河都係敬而遠之🤭 但係餐廳成功令我改觀😂首先1. 濕而唔黐/黏，入口保持到滑嘅口感2. 煎米口感幾有趣，唔會太濕濟/濕得濟3. 配辣椒醬昇華咗成個味道去new level 👍🏻金磚西多士 $25牛油🧈有一塊，西多士有四件，比例係啱啱好1:4😂 裡面有花生醬🥜 正常水準嘅發揮，唔會令你失望，亦都唔係超級正（比起黯然銷魂飯）但如果唔介意邪惡食物，可以食埋😂飲品奶茶🥤 用得黑白淡奶，就只能夠相信佢係用黑白淡奶沖製。有足夠茶味，幾澀😛 唔落糖我都覺得夠好柚子蜜： 女朋友覺得甜咗啲，要拎杯熱水溝返稀少少🤏

旺角有間茶餐廳叫「鼎記」沒有 ABC餐，以燒味殺出重圍，我哋今日又去食鎭店之寶「黯然銷魂飯」價錢仲要好貼地，套餐只係$58。「黯然銷魂飯」看似簡單，但實在有不少細節位。「黯然銷魂飯」以半肥瘦叉燒、燶邊荷包蛋、絲苗米和自加製豉油合成。「半肥瘦叉燒」軟稔冇根位，蜜汁味突出送飯一流。但最吸引我反而系配角嘅白飯，我先篤穿荷包蛋，令蛋汁流入白飯裡，再和自家製豉油撈埋一齊送入口，平凡的白飯變成又香又滑又好味，真係每次食都覺得好味到流眼淚。難怪每日賣過百碗一定有理由。朋友點左份量不少嘅「招牌鴨腩麵」$48先試淡湯底，又幾甜喎，一問之下，原來湯底用上大地魚、豬骨、蝦殻和燒臘骨等熬湯，所以每口都超鮮甜可口。牛腩、牛根大大件而且一啲都唔靱，又冇渣，炆得甘香入味；燒鴨亦都係鼎記嘅名物，皮脆肉嫩，甘香惹味，亦冇過多脂肪，確是出色；配蛋味十足嘅油麪，好味又夠飽，誠意推介。最後食埋甜品「金磚西多」$25 已經切好咗一粒一粒，牛油被熱力溶掉，最後加上糖漿在金黃的西多上，之後立即啪一粒西多再喝一口即磨咖啡，感覺超正，一甜一苦的味道在口腔內徘徊著，咖啡亦無多餘的酸味，幾岩我口味，我即刻覺得快樂其實可以好簡單。最後還飲埋

今日嚟到旺角睇吓附近有啲咩食，太耐冇食中餐，之前bookmark 左鼎記，見到鼎記招牌好似有好多名物😍朋友亦都好想食，就決定去試吓啦。佢個環境係比較高檔既茶餐廳！裝修都好好。最想試係佢個招牌暗然銷魂飯😍😍好似勁正咁，心心眼😍Menu其他野都好吸引！最後我哋叫咗一個暗然銷魂飯，招牌鴨腩麵，加多份西多士😍😍勁靚嘅叉燒雙蛋飯😍加杯凍齋啡。好好食，叉燒整得好好，仲有例湯送。果然係招牌😚值得一試。另外叫咗個招牌鴨腩麵，佢有燒鴨牛腩同埋牛筋，我就叫左車仔麵王之油麵😍佢嘅燒味都唔錯，大家都可以試吓啦！西多士好好味，多糖漿牛油，無敵！成個好鬆軟😊佢喺旺角波鞋街附近，地點非常之方便，基本上去旺角都一定會經過，同埋價錢來講都真係非常經濟實惠，所以是Mark低會再去😍

朝早同男朋友約咗係旺角等，一齊食早餐！香港人嘅早餐當然要去食茶餐廳啦！ 經過豉油街，見到「鼎記」嗰招牌設計得古色古香咁，幾特別，就諗住行入去試下😋茶餐廳啲姐姐好熱情招待我哋，人情味十足😚早餐套餐價錢太多在$40留下，非常適合小資一族！我們分別點咗一個沙嗲牛肉通粉加烘底牛油方包加雙煎太陽蛋，同一個麻油出前一丁配烤雞扒。飲品方面有熱咖啡同熱檸茶。沙嗲牛肉通粉：沙嗲醬很濃郁，溝咗落啲湯之後都有濃濃的沙嗲味。牛肉食得出係鮮牛肉，肉質有軟淋但有咬口，大大塊，一碗的數量不少。一碗通粉非常飽肚！😋烘底牛油方包加雙煎太陽蛋：不過不失，流心太陽蛋煎得岩岩好😋麻油出前一丁配烤雞扒：香濃麻油味，雞扒煎得酥脆，大大塊，男朋友食得好飽！非常推薦熱咖啡😋咖啡飲落唔似係咖啡粉沖，比較似即磨咖啡☕️黑啡同奶分開上，可自己調教味道！非常推薦😋兩個人嘅早餐：$77 飽肚又抵食！味道仲要唔錯😋

去旺角做完運動之後，唔知一條友食乜嘢好，可以試吓豉油街呢一間新式嘅茶餐廳話就話係茶餐廳，但係佢嘅裝修都唔錯就算一個女仔去食都唔會覺得唔方便～嚟到呢度梗係要試吓佢哋嘅招牌菜黯然燒魂飯 $58 煎雙荷包蛋，半生熟，淋上白飯，正！燒得焦香的叉燒，蜜汁滿滿，流囗水了。叉燒分量多，肉質軟熟。金磚西多 $25 超大粒的西多士，炸到好脆，上面仲有好多牛油，岩哂我乳鴿叉燒飯 $68好少茶餐廳有得食乳鴿今次就是買佢哋嘅乳鴿叉燒飯～份量好多啊～一個人都唔會食得晒～而且乳鴿有半隻咁多～外皮揸得好香肉質鮮嫩 拍得住酒樓

此店裝潢雖是傳統茶餐廳格局不過勝在夠晒光猛整齊又乾淨令人坐得幾舒服餐廳主打車仔麵、燒味及粥品既然大大幅招牌寫著「招牌鴨腩麵」當然要俾面試試除油麵外，亦可改配瀨粉或粗幼麵一上桌，還有熱哄哄的蒸氣飄散著先飲湯底，唔會太濃，清清地都唔錯油麵亦爽口彈牙，鹵水咸度適中主角鴨腩其實是指燒鴨同牛腩燒鴨外皮香口，鴨肉亦嫩口還有點油脂香重點是真係有鴨肉食，唔會偷工減料得舊骨牛腩則咬落鬆軟，又淋又入味果然是招牌菜，值得一讚至於黯然燒魂飯雖然食完沒有像家燕媽媽般感動落淚不過，係好食既！上桌賣相已經好靚兩隻太陽蛋好吸引單是以蛋黃撈飯亦好食厚切叉燒肥瘦比例亦剛剛好肉質不會好乾好柴皮，軟軟嫩嫩好易咬加上小小燶邊夠香口個人喜好而言，如果再肥多少少就更好味再配上特製香甜豉油，味道好到位

今日嚟到旺角食午餐好想食燒味飯 但旺角有冇咩舖頭有咁啱就搵到呢間鼎記 價錢合理 而且入面坐得舒服內埋採用半open kitchen 可以睇到靚燒味但又唔會成間鋪油煙午市 同 下午茶 時段有炒炒麵飯/碟頭飯/車仔麵/三文治等款式都夠多同齊 我就叫咗招牌既黯然銷魂飯呢個餐配有湯同埋飲品個湯好甜係西洋菜煲紅蘿蔔有一啲肉絲嘅入邊嘅飲完唔會覺得口渴冇落味精我係好少會飲晒餐廳嘅中湯但呢個湯真係非常之好食甜同好飲我係會飲晒食埋湯渣個飯比我想像中大碗除咗面頭嗰兩條菜叉燒底下亦都有啲菜墊住嘅叉燒望落去仲以為好瘦點知原來食落去鬆軟有肉汁仲食得出有蜜糖嘅甜味同埋柴火嘅煙熏味唔似普通燒臘檔咁咬落去又乾又柴飯入邊本身已經加左豉油但係一啲都唔會過鹹飯粒每一粒都分明唔會太濕呢一個係一個超高質嘅燒味飯最後呢度嘅奶茶亦都好有茶味 凍飲大大杯呢個餐都真係幾抵食食完之後我飽到夜晚

套餐註明$58半價$29包熱飲及湯，凍飲加3元，埋單時收銀員表示用餐券不包熱飲要加$6，我已將openrice內版頁圖片給對方看，她堅持老板交帶要收，反正所謂招牌叉燒，食後感覺跟燒臘店$20一盒普通貨式無分別！跟宣傳廣告借周星馳電影食神內黯然銷魂飯真的是兩回事,那煎蛋反有點驚喜，蛋黃味特濃，應該是用湖北蛋吧，不會有下次，做生意出品固然重要,誠信亦同樣重要！

今日出旺角做啲嘢，完左都12點，就喺附近搵啲嘢食~係豪大大望去對面，零零舍舍見到呢間茶餐廳，心諗與其再搵，都係立即醫肚好過~就入去試下入到去，見到啲裝修仲好新簇，用左令人感覺舒服嘅淡金黃色，加上兩部大大嘅電視機，啱哂人睇電視送飯~點咗個黯然銷魂飯加凍可力，睇嚟老闆係食神嘅fans~唔洗兩分鐘，嘢食就送到，果然開在鬧市中，效率都高啲~兩隻蛋煎得勁靚，有一層透明嘅油膜係面，令蛋黃感覺特別動L，輕輕切開，蛋汁爆溢，浸滿了乾身又粒粒分明嘅白飯，同豉油混和埋一齊，極之滋味！至於一排鮮豔的蜜汁叉燒，感覺比較嫰身，唔似平時嘅比較老鞋。總結，感覺呢間都幾唔錯，環境舒服，嘢食製作用心，店員仲好friendly~

今晚收工嚟旺角做facial，經過「鼎記」食埋個晚飯先。餐廳裝修簡潔新穎、夠光猛，環境乾淨企理，坐位又夠闊落，食得好放心。見餐牌有唔同種類野食，好似中式小菜、燒味、車仔麵、懷舊小食等...招牌菜係以燒味為主，見到啲燒鴨，燒肉，油雞等等賣相都唔錯。最終我叫左個叉燒乳鴿飯。乳鴿因為係落單先即燒嘅，整得外脆內軟、皮薄又無乜油，肉汁仲保留住，好味道！另外叉燒個蜜汁都好食，味道甜甜地、肥瘦適中。今日嘅例湯係蓮藕湯，真材實料，冇味精，幾清甜。我最欣賞係呢度嘅侍應同啲食客有傾有講，多左份人情味！

旺角餐廳小店非常多，行行下比鼎記門面吸引咗，因為少有茶餐廳整到咁輝煌。餐廳應該是新開的，環境好乾淨整潔，餐牌都有幾多特別既菜式，例如黯然燒魂飯，招牌鴨腩麵或金磚西多等等。晚飯時間關係，食唔到佢哋嘅下午茶。我哋叫咗招牌鴨腩麵、紅燒乳鴿叉燒飯、蠔油烚菜、一杯熱咖啡、一杯熱奶茶。老闆仲俾咗一人一碗例湯！招牌鴨腩麵 $48鴨腩麵係等於燒鴨加牛腩，非常新穎既配搭。冇諗過鴨同牛可以放埋一齊，啱晒我哋呢啲食肉獸！湯底頓時變得好特別，有鴨同牛既油香味，令湯底更上一層。燒鴨沾甜酸醬很好吃。除了半肥瘦牛腩，仲有一兩件牛筋，真係好滿足。而麵是用油麵，非常配搭湯底。呢個價錢，滿足咁多需求真係好抵食！推薦：5/5（必食之選）紅燒乳鴿叉燒飯$68平時食開乳鴿都係食炸乳鴿，估唔到紅燒到咁好味！一碟飯有半邊乳鴿切半，一排半肥瘦叉燒，份量相當多。叉燒入口有爽口感覺，油脂分佈適中，是吃過叉燒之中算是數一數二。會令人再想返去食既叉燒！推薦：5/5（必食之選）例湯味道同老火湯一樣，夠味夠濃郁！一啲都唔Hea，無味精感。推薦：4.5/5蠔油烚菜菜心和白菜都非常鮮甜及大份。推薦：4.5/5咖啡&奶茶估唔到連餐飲都有驚喜，特別係咖

燒味是廣東美食精粹，也是香港人至愛美食。小弟當然也不例外，祗要係正燒味，都不會錯過。香港燒味店多如繁星，好似有乜爺物爺、乜哥物哥、乜記物記。但不論品牌，總之好味才是硬道理。今日係旺角豉油街鼎記，吃了一個不錯的燒味，值得同大家分享一下。鼎記係豉油街60-120號鴻都大廈地下，佈置屬茶餐廳格局，地方尚算寬敞。食物除燒味、乳鴿外，還有車仔面、秘製咖哩飯、精選飯餐和懷舊美食如金磚西多等。一入門口，就見到「招牌鴨腩麵」五個搶眼大字，二話不說，先來個招牌鴨腩，可自由配搭粉麵，於是改配瀨粉。招牌鴨腩瀨粉用大湯碗上，超大碗。燒鴨和牛腩都份量十足，沒有欺場。燒鴨鴨肉味鮮，牛腩又淋又入味，瀨粉幼滑，湯底香濃，有水準，不愧為招牌菜式。黯然燒魂飯當然也是必吃之選。鼎記义燒，用的是特選梅頭肉，配上等醬料醃製，烤至焦香，賣相誘人。厚切义燒肥瘦比例恰好，帶點脂肪，肉質鬆化，肉香充沛，加上流心荷包蛋和精晶瑩剔透飯粒，再配上特製香甜豉油，味道好到位。黯然燒魂飯套餐，配例湯及熱飲。例湯是青紅蘿蔔南北杏豬骨湯，湯清且甜，不錯。再來飯後飲品凍龍鳳檸樂和凍奶茶，2個人完滿一餐都係佰零蚊搞掂，真係街坊價錢，「鼎」級享受。