在家居酒屋 (Closed)

🍴柚子沙律（跟餐）爆汁柚子清甜甘香，令平平無奇嘅沙律更加清新。🍴餐湯（跟餐）唔係常見嘅麵豉湯，而係蝦湯，又香又清甜。🍴旋風滑蛋雞扒丼 HK$68燒雞扒有少少蛋黃醬增添風味，幾香幾嫩滑。🍴家丼 HK$108呢碗午市期間限定陣容鼎盛，有拖羅蓉、帆立貝、櫻花魷魚、海膽、三文魚子、玉子、蟹棒，刺身好鮮甜，餸仲多過飯，飯加左飯素，味道豐富。🍴燒味噌牛腸串 HK$38外層燒得幾香，咬落微微煙韌，甘香入味。🍴兵庫縣生蠔 HK$28肥美嫩滑，海水味淡，蠔味頗濃，極之鮮甜。🍴芥辣生八爪魚 HK$38八爪魚好軟滑，就咁食辛辣刺激，配埋紫菜飯食幾滋味。📍在家居酒屋大圍下徑口村154號地舗

今日有啲野去大圍整到晚飯時間就諗住解決埋先啦～記得之前見過有人介紹田心村附近有間抵食居酒屋就去試下呢間居酒屋都幾大，佔左兩個鋪位牆上黑板有當日有咩新鮮貨同推介價錢真係實惠！因為得一個人又叫唔到好多野食所以叫左個上盛壽司拼盤試下睇睇下仲發現呢度仲有九州名物牛腸窩添！但我唯有叫串牛腸串燒黎感受下啦～牛腸串燒到好靚～牛腸圓潤食落去甜甜地入口甘香之餘有種油潤感幾特別！上盛壽司拼盤好啱我食4款刺身包括有紅鰤，平鱸，油甘魚同三文魚仲有赤蝦同帆立貝另外仲有炸蝦卷同三文魚籽配米餅刺身魚新鮮油潤尤其油甘魚配上柚子胡椒味道更突出！帆立貝好甜配上一少片青檸更鮮味三文魚籽配米餅米餅香脆一咬三文魚籽同米餅同在口內迸發！令人印象深刻

[ #caloriefoodie大圍 ]• 在 家 居 酒 屋•🐿餐廳位於大圍同顯徑站既中間被喻為沙田區既隱世居酒屋因為係屬於村屋既地舖 所以比較難發現即使咁偏僻 當日都滿座 要等半小時以上可惜既係 個日胃口唔太好 無食到二人𝚂𝙴𝚃-三色魚丼 💰$108有三文魚、油甘魚、赤身 前面兩者還好赤身就十分普通 無咩味另外仲有三文魚籽同埋玉子可能嗌左啲唔係餐廳主打既野食所以呢個丼飯覺得好普通 亦食剩好多飯如果有飯素或者有其他配料 應該會更好食不過呢個價錢咁多野 性價比算係感啦-炸芝士年糕 💰$48只有三粒!! 超級好食 即叫即炸 炸得啱啱好芝士味濃 而且完全做到拉絲效果 超滿足!!-overall環境味道都不過不失 而且餐牌都有好多唔同類型既食物所以應該會再去食串燒炸物 -📍大圍下徑口村154號地舖-#caloriefoodie​💛 #caloriefoodie

大圍顯徑俾我嘅感覺喺茶餐廳居多，今日竟然發現咗一間新開試業中的日式居酒屋🤩😲。餐廳外觀都好顯眼，水泥石牆，有幅老虎🐯的塗鴉牆，帶點工業風。午餐定食有A-E選擇，例如：刺身丼、滑蛋丼、烏冬等，包前菜及餐湯，飲品需另加$10，有3個選擇：宇治抺茶、水果茶、咖啡。前菜：柚子醋沙律 (跟餐)  沙律菜新鮮，有柚子粒喺面，柚子醋偏酸。餐湯 (跟餐) 味道正常，有海帶、豆腐、白蘿蔔片。🔸旋風滑蛋炭雞丼 ($78)  7/10旋風蛋幾滑，唔會過熟，仲有啲蛋液可以送飯🤪。蛋下面藏咗雞塊，約有5-6件，如果雞皮脆的話會更好😙。飯面頭有啲沙律醬，沙律醬+飯 = 💯。🔸日式胡麻冷烏冬 ($68)  6.5/10餸方面，有腐皮2片、蟹柳2條、鳴門卷1片、溏心蛋半隻、少量蛋絲及沙律菜。溏心蛋👍🏻 喺流心的～腐皮索咗啲汁都好味🥳～烏冬喺粗身的，唯獨胡麻醬唔太夠🙈，唔夠撈烏冬，搞到烏冬淡味咗啲。🔸鹽燒牛舌心串  ($48) 7/10去襯居酒屋必嗌—牛舌😝！牛舌厚身，幾juicy，黑椒味較搶。🔸七味豚肉串 ($28)  6/10水果茶 (+$10) 5/10似喺加香精味的水果茶，沒什麼特別，可以唔洗加$10🧐。

喺網上睇到好多食評，諗住去試吓！點知完全中晒伏！OpenRice訂咗枱去食飯，去到門口企左兩個服務員喺度，但係唔係招呼你入去，兩個服務員淨係望住部電腦。你眼望我眼，叫都唔睬你！要自己行入去舖頭話訂咗枱，跟住先至得閒幫你安排！前後都擾攘左幾分鐘！混亂不堪！Ok. 終於坐低咗，想叫嘢食都唔係咁容易，又係要攪一輪先埋嚟同你寫單。個個喺度扮忙碌，其實心照啦！因為第一次嚟，諗住慢慢叫，先叫咗三樣嘢食！雞翼串燒，牛脷串燒，同埋雜錦壽司拼盤。雞翼真係大開眼界，牙籤咁細隻雞翼，真係第一次食到！仲要浸雪藏味厲害都好緊要！牛脷都係差唔多，嗰d雪味真係頂唔蒲！跟住一直等個壽司拼盤，等咗半個鐘頭，第一次同個侍應反映叫佢幫我睇睇佢話差唔多ok等多陣! 點知再等多15分鐘，跟住見唔對路！再問佢搞掂未! 都係未得，根本完全冇跟過，亦都冇人做呢盤壽司！全程老點人！咁嘅服務同食物質素，想叫人再嚟都幾難！以後都唔敢再相信呢度嘅食評.🤬🤬🤬🤬

大圍村屋到新開左間日式居酒屋，除左一般嘅串燒、壽司、刺身、丼飯外，仲有好少見嘅牛腸鍋 帆立貝甜蝦海膽丼($138)帆立貝、甜蝦同海膽而三樣野已經係不敗嘅組合，加上佢地食材夠新鮮，魚生飯一定要叫款試試三色魚丼 ($108)🍣🍣三色魚包括左三文魚、赤身同油甘魚，刺身切得都好厚身同新鮮😋😋😋秘製日式味增牛腸鍋 ($88)🍲🍲🍲本來食完丼飯都夠飽，但係見到有牛腸鍋食咁特別，都叫左試一試😚😚😚 佢嘅湯底唔算好鹹，配料有南瓜、冬菇，仲有粉絲，食完好滿足，如果係冬天食應該一流🤓🤓🤓

係大圍踩完單車, 朋友話要帶我去食一間隱世日式小店佢話只有街坊先識去, 原來呢間餐廳係顯徑同大圍站之間門口既佈置好有日本風格, 簡約得黎旁邊又有一幅大貓拎住串燒既壁畫店鋪有兩個門口, 因為我同朋友得兩個人, 就被安排左坐, 細D嗰邊, 店入面係小店格局, 地方好乾淨企理食物方面, 有串燒, 刺身, 日式小食, 丼飯, 牆上面仲有當日日本宜直送既海鮮, 同廚師既精選我同朋友就各自叫左個丼飯:醬燒明太子比目魚邊丼: 比目魚燒過, 令佢個魚油味更加出, 份量都好多, 佢個飯當然係用珍珠米, 煮得岩岩好, 軟硬適中, 配埋明太子, 整體配合得唔錯鴛鴦鰻魚丼: 朋友好鍾食鰻魚, 見到呢個鰻魚竟然有兩種食法, 仲要係平時好少見既吉烈炸鰻魚, 佢就忍住叫左, 呢個丼有兩大塊鰻魚, 一邊係用醬燒而一邊係吉烈, 鋪滿左個丼, 醬燒既鰻魚魚肉夠唔會燒到好乾, 而吉烈既鰻魚, 估唔到都咁襯, 外皮脆之餘, 入面既鰻魚都仲好鮮嫩呢間小店既食物真係幾有水準, 下次有機會可以約多D朋友黎飲酒食串燒

今次呢間居酒屋位置真係比較偏僻 唔係幾近地鐵站 但咁啱去開嗰頭就諗住一試😋💛我平日午市去 唔洗排隊 位置唔多 但係坐落都舒服 平日有午市套餐 跟餐有一個沙律同湯 個沙律好開胃😋沙律菜好新鮮 柚子醋同面頭既西柚粒酸酸甜甜👍🏼個湯一上菜就好香 係蝦湯嚟 清清甜甜 飲得出蝦既鮮味 咸度適中 絕對唔係味精湯 綜合粒粒魚刺身丼 $78 其實都幾大碗 刺身份量絕不欺場 食到最後都仲有好多刺身 有三文魚 吞拿魚 八爪魚 希靈魚等等 又唔會切得好細粒 咬落幾有口感 刺身冇筋 又夠肥美😆玉子燒都好香蛋味好滑👍🏼👍🏼😭呢個價錢絕對合理 而且食得好飽😆環境舒服 可以Encore 👍🏼👍🏼💛

今日同完男朋友響大圍踩單車，見肚餓就響OpenRice度搵咗一間日式黃店食嘢。舖頭附近全部都係大排檔，得佢一間係日式餐廳，所以都幾易搵，舖頭出面仲有一幅好靚嘅貓貓壁畫，打下卡都唔錯。餐廳裝修都幾靚，枱與枱之間唔會坐到好迫，入去之前店員都會幫你探熱，再用搓手液消毒雙手，之後再叫你寫返紙仔，防疫措施都做得足夠。套餐價錢實惠，野食都幾多元化。蟹膏海膽丼：有一半都係蟹膏，意想不到咁足料，馬糞海膽色澤金黃、外形飽滿，口感creamy，好新鮮清甜，食完好滿足！日式味噌牛腸鍋：牛腸鍋係福岡名物，好少日本餐廳會做，味噌湯濃郁，牛腸煮到軟淋淋，入口油香四溢，好邪惡呀，但係其實牛腸有豐富膠原蛋白，係美容養顏嘅佳品。配料有粉絲、椰菜同埋南瓜，一個人食呢個鍋都會好飽。自選壽司拼盤：本身驚唔夠飽，就揀咗幾舊壽司食，質素都唔錯，配搭都有花心思度過，例如：帆立貝壽司會用青檸吊味；鰻魚壽司面頭會有蛋絲。當中油甘魚壽司肥美甘甜，強烈推薦。金磚炸豆腐：唔太油膩，炸到皮脆內軟，一舊一舊食唔停口，話咁快就食咗一碟。要讚嘅係店員態度好好，本身我箍緊牙，啲嘢食要剪碎先可以食，男朋友食完收返把剪刀嗰陣唔小心整傷隻手，店員都即刻攞膠

在家係我既觀塘愛店之一，旋風滑蛋飯係世界級的正，刺身丼又鮮甜，佢既健康沙律餐飽肚又好味，我個個星期都至少食一次🥰 在家係大圍既新店進化成居酒屋，多左好多野食🤗 除左必點既旋風滑蛋鰻魚丼，今次仲試左壽司同埋串燒🤗香蔥吞拿魚腩碎海膽卷 ($88)卷物上舖滿海膽同呑拿魚蓉，呑拿魚蓉感覺用上近魚腩既位置，打成蓉亦甘香肥美，而海膽都好鮮甜。底部既蟹柳卷都唔馬虎，包住粗身蟹棒啖啖肉，足料抵食！七味豚肉串($28)調味恰到好處，肉質爽彈好喜歡！自家製月見免治雞肉棒 ($38) 免治雞肉棒混入左雞軟骨碎有咬口，沾上溫泉蛋汁一齊食好滋味！旋風滑蛋鰻魚丼（$98）超掛住呢個滑蛋飯，真心係我喺香港食過最好味既日式滑蛋飯🥰 大大座旋風形蛋塔賣相一流，半熟滑蛋非常滑溜，蛋香濃郁🤤 飯入面藏有多片鰻魚，肥美而且蒲燒得非常入味，連埋沾滿蛋汁既珍珠米一齊食超惹味！

有日見到朋友story po左間日本野好正，於是問落先知原來大圍有間咁靚既居酒屋！咁就搵日去左試下正唔正先～餐廳位於顯徑同大圍站中間，我自己嗰日就喺大圍站行過去，都有少少遠，當係為咗美食而運動🤣🤣🤣蟹膏海膽丼 $138朋友叫既丼飯，佢都一路食一路大讚好抵食。飯上面有滿滿既蟹肉都蟹膏，側邊就有幾塊海膽同埋玉子😋鮮味十足，而且啖啖都係肉，飯既軟硬度及濕度亦岩岩好，我同朋友都好滿意呢個丼飯！在家七色卷(六件) $88呢一款真係打卡必備！雖然心裏有個疑惑，點解七色卷會得六件😹😹但黎到嘅時候影相真係好靚～～每條飯卷入面都包住蟹柳，面頭就有六款唔同嘅刺身🤫自己就最鍾意三文魚同埋吞拿魚🤤個人覺得呢一款幾有創意，但如果份卷入面可以有唔同料或者豐富啲就會更加吸引😍三文魚(五片) $58個人覺得除咗牛腸串，三文魚刺身都係呢幾個餐點入點我較鐘意既😗三文魚好新鮮肥美，仲要厚切大大塊，食落真係幾滿足😍燒味噌牛腸串 $38本身都鍾意食內臟嘅我見到連眼都發哂光🤣食落同豬腸好唔同，感覺有啲似一層皮包住咗豬潤，口感有啲粉粉，但我自己覺得係有驚喜同幾好味😗京蔥雞腿肉 $28呢串雞腿肉就中規中矩，唔算好特別，肉質可以更好！

最近發現呢間匿藏於大圍村屋內新開業嘅日式居酒屋主打都係串燒、丼飯，聽講最高人氣嘅係旋風滑蛋丼不過比較吸引自己嘅反而係本地較少見嘅日式牛腸鍋門面僅以灰調水泥風設計，居酒屋裝潢簡潔，略帶型格風出面有戶外茶座，室內亦有正常餐廳座位小店內大多係年輕人，客人就似附近街坊多於街外人丼飯係主打菜式之一，上枱材料同色彩分佈平均滿碗魚生刺身，顏色亦吸睛以松露油甘魚海膽丼$148 為例橙黃色調海膽甘甜細膩，略有Creamy感覺，入口即溶油甘魚唔算薄切，油花平均，魚肉滑嫩，較清甜松露略有菌香，相對比較重味，鹹味稍重，份量充足，適宜撈飯口痕加兩件三文魚壽司$32，三文魚近腩位，夠新鮮，軟嫩而有油香從日本福岡品嚐過當地牛腸鍋後，先發現原來牛腸鍋有幾好味日本嗰煲有肥牛香，不過香港比較難搵到牛腸鍋原來呢間新開嘅小店都有一款秘製日式味噌牛腸鍋$88熱辣辣上枱，可暖身，湯底似為白味噌，比較淡身，容易入口，唔會太鹹一鍋牛腸鍋甚豐富，既有牛腸，亦內藏粗身粉絲配料則有娃娃菜、金菇、冬菇、京蔥等唔算非常高水準，但總算唔錯，可以止吓旅行癮不過，如果同日本當地嘅牛腸鍋比較，的確爭咁啲似乎有欠公平，所以自己盡量唔搵日本嗰煲去比較飲品

沙田區多美食，今日去到顯徑附近既村屋美食，試下呢間新開日本料理，附近環境清幽，裝修樸實雅緻感覺好浪漫，座位好舒服，食物味道相當出色。食得非常滿足，呢個價錢算抵食。職員招呼一流，食物水準好高，整體評分很高，適合2人世界或者一家大細聚餐，必試既炸物香脆惹味可口，刺身相當鮮味出色，我最愛既串燒多汁美味，絕對會食過番尋味！！

點解話隱世呢，呢到一條街都係啲村屋茶餐廳，估唔到最近開左日本野，見到塊靚靚壁畫先留意到！餐廳近顯徑站，如果大圍站過黎要轉巴士或者小巴，唔係既話要行20至25分鐘！🔸燒味噌牛腸串🐮見呢到咁特別有牛腸，叫左黎試下！估唔到又幾好食，搽左味噌黎燒，食落幾入味甜甜地。牛腸質感彈牙無咩肥膏，同豬大腸完全唔同，好有嚼勁！🔸鹽燒雞翼串燒得好香，不過係單邊雞翼，全隻會好啲😛🔸明太子玉子燒😋玉子燒加左明太子醬同木魚絲，同啲玉子好夾，想食多串🤣🔸旋風滑蛋炭雞丼🐣賣相係好靚既旋風滑蛋😍炭燒雞扒就係滑蛋下面，一揭開就見到。雞扒用照燒汁燒過，相當入味。半熟滑蛋汁加埋味素同食到少少明太子醬，味道好豐富😋🔸醬油海膽冷烏冬😍想食海膽所以叫呢個🤪海膽新鮮而且份量都多，疊住有兩大舊。隻溏心蛋都好好食！有碗醬油用黎點烏冬，食落好清新，加上係冷烏冬，好啱宜家夏天食！

“旋風滑蛋炭雞丼”($98)“三色魚丼”($108)“燒味噌牛腸串”($38)“五花腩荔枝串”($25) 之前位於觀塘嘅在家最近搬咗嚟大圍趁住星期六特登過嚟食😛一去到已經比牆上面幅貓貓壁畫吸引住🐱😍舖頭分咗2邊,坐位都算多~Menu上食物種類豐富🤩除咗一般居酒屋會提供嘅串燒,炸物,壽司刺身之外仲有多款幾有特色嘅丼飯 嚟到呢道當然唔可以唔叫最出名嘅旋風蛋系列😇我就要咗旋風滑蛋炭雞丼🐔個旋風滑蛋成座小山咁好得意好靚😆滑蛋下面就係一大塊切好咗嘅炭燒雞扒😍個滑蛋真心夠哂滑☺一篤開仲有少少蛋汁流出嚟雞扒食落有炭香仲幾嫩滑😋 男朋友就叫咗個三色丼即係有三文魚,赤身同油甘魚😛魚生食落幾鮮甜🥰而且份量都幾足☺幾欣賞餐廳會加埋三文魚籽,玉子,芝麻同紫菜絲令口感同味道都更加豐富😝 另外我地仲叫咗2串串燒分別係幾少見嘅味噌牛腸串🐮同五花腩荔枝串🐷牛腸串燒到外層有啲微焦好香口😍食落質地有啲粉粉地,有啲似豬膶🤣鍾意食內臟嘅朋友一定會鍾意食🤤五花腩荔枝串一串有3件用五花腩包住荔枝嚟燒,食落幾香甜又唔膩估唔到2樣嘢可以咁夾😙 呢道食物性價比都算高唔怪得位置偏遠少少都咁多捧場客啦😆