熱狗狂熱 (Closed)

今日係灣仔做野，偏偏撞正Lunch時間，周圍都勁多人，諗起克街附近有間熱狗店，心諗應該少D人，就黎左呢度食個包再返HKU。大概 1:00 去到，果然有位，中間有一群中學生係度言談什歡食緊熱狗，而我就坐左係側邊啦。先買票再吃東西，有多款腸仔選擇，最後要了紐倫堡睇，再可選兩款醬汁，最後我要了酸瓜汁加千島醬(純粹個人喜歡)。佢可以跟餐架，不過我就無跟，因為唔算太肚餓，而且亦唔想食咁多熱氣野。就咁買熱狗就$22。睇黎似係溫馨小店，因為見到有個仔仔係度靜靜咁打機，媽咪就努力煮野食! 等左 5 分鐘都唔駛就有啦。熱狗有少少熱辣辣，溫度剛好。麵包外邊有少少脆，但入面就好鬆軟，感覺好軟綿綿，好食。開頭驚D醬汁味道會唔係好夾，但又無咩呢個問題喎。醬汁酸酸地好開胃，一D都唔會過酸，同腸仔幾夾。腸仔唔算大條，不過就好香肉味，而且肉質幾實，唔錯，一路食到尾非常滿足! 其實一隻熱狗一D都唔少架，最起碼我食完已經有飽既感覺，相信中學生會喜歡這類店子，因為又唔係太貴，又有香口美食，下次再黎開又試下另一款先。=)

新開既點都要試下既，之前已經有人外賣過比我食，PACK得好靚，個腸係辣肉既，但係唔知係唔係耐左所以個包唔韌左D~今次即場食，試另一個味先，來個芝腸，我坐BAR睇住姐姐整，都幾乾淨，帶住口罩同手套整，同埋見我兩個人叫一隻，佢主動問我地要唔要分開，好NICE呀~新鮮熱辣出到來，嘩今次個包好好多，雖然唔係脆皮麵包，都只少咬落去佢係會自動分開既~個腸不得了喇~有CHEESE爆出來架，好香，同佢個SAUCE配埋，一大享受呀!佢除左連包既狗，仲可以ON STICK架，即係只係要腸，唔係要再食飯，一定只係叫一條腸食下呀~不過總括，都係水街既BIG DOG包好味，汁仲好味D~

dec 21, 09無意中食完腸粉,影完相,就發現佢,原來都計劃去老銅食熱狗,咁唔洗2頭撲啦,叫咗 : 1) 熱狗+飲品 (hk$36)i) 多來+腸熱狗-腸仔有15款選擇,大約上分幼身腸/粗身腸-因貪食得有實在感1點,所以揀咗粗身腸-覺得多來+腸個名比較特別,問過喺豬肉腸,所以揀咗呢個-先咬1口包,個包幾鬆,烘到邊位有點微脆,很不錯-腸肥嘟嘟,皮亦脆身,1咬層皮就開,唔會死纏爛打,要"且"先甩得,也有點香草味,肉雖已攪碎,但也食到質感-個醬從6款中揀來2種 : 秘製醬汁+酸瓜醬-店主解釋秘製醬汁喺用菜再+番茄煮的,味道自然,好足料嘅新鮮番茄蓉,好味-綠色嘅酸瓜醬就無明顯嘅酸味,淨望個樣似牛油果醬-會夾以番茄片同生菜片 ii) 熱水蜜桃果汁-唔甜,也潤喉

9-12-2009是日要到銅記「搜羅」一 d 嘢, 搞掂後到灣仔陪又要開夜的朋友食個 quick dinner. 想去的 Rosé (http://www.openrice.com/restaurant/commentdetail.htm?commentid=2041756) 無位, 又見附近呢間熱狗店好似幾企理, 試試吧.叫了「法蘭克福腸熱狗」combo, 熱狗跟兩款醬汁, 另跟炸洋蔥圈及一杯飲品:是日珍珠售罄, 結果我杯凍台式「鴛鴦珍珠」(combo 加 $3) 變了「鴛鴦珍珠走珍珠」 : 夠凍, 甜度唔高, 第一啖先嗒到咖啡味, 跟住奶味慢慢滲出, 繼而有茶香, 幾有層次的味道喎 熱狗包烘得微燶, 賣相幾靚, 食落幾軟熟, 不過如果烘得外鬆脆, 應該仲好食; 法蘭克福腸夠脆皮, 味道穩穩陣陣, 不過熱辣辣又多汁, 都係 bonus 來的, 而且加了半溶 cheddar 真係香好多; 兩款醬汁係 mustard 及店方的 homemade sauce, 店員話落了洋蔥做, 但食落我覺得同普通 tomato & pesto sauce 差不多味, 唔係特別 impressive.

放學專登黎左d度試下,地方吾難搵,只系ive附近,很方便!!d間有成22種腸俾你choose!!不過就咁叫條腸刀成$11-20到,吾抵!!所以同老公叫左2個熱狗No.15 意大利辣腸熱狗($22)----配thousand island同mustard!!不太辣,好似食緊黑胡椒腸咁lol!!!!包亦刀烤過黎!No.13 swiss司華力腸熱狗 ($21)----配ketshup同thousand island夠大條,皮很脆!!!also配有生菜,蕃茄!!所有刀系freshly made for you!!!所以夠熱辣辣....每個刀可以choose 2個醬汁有 home made sauce, ketchup, mustard, mayonnaise, pickled relish sauce and thousand island)仲有d set meal咖,不過否系太抵!!坐系張bar table到食刀幾舒服,吾洗好似其他shop咁要企,值得試!

男友想食熱狗~咁我抱住懷疑的心態~搵到呢一間~得11個食評~但可以上到十大的dog lovers2,3個月前~我個個星期經過呢條巷~都冇人入去食~搞到我都冇乜意慾去食~今次去到~都係冇人...明明係星期六下午一點多~但得我地一枱客叫了一個精選餐墨西哥肉醬熱狗~送嘢飲~薯角~粟米唔好見個盤好似好大咁~其實係平時快餐店d餐盤的3分之二唔夠~而且等左好耐先有可能因為佢要焗脆個包吧~腸沒有特色的味道~肉醬d肉粒好乾~但個醬味本身ok~粟米同薯角~有冇都冇乜所謂~男友嗰個係司華力腸~配千島汁司華力腸本身比我嗰個幼的好味~整體而言~ok~但冇驚喜~冇乜意慾再食~而且荃灣那一間~用心製作很多呢~人情味更好呢~

香港很少有用熱狗作主打的美式快餐店，灣仔最近開左一間熱狗店，下午茶時段有特價餐供應，要了匈牙利牛肉腸的熱狗，一般以為熱狗是很少型的一種，但是比預期大很多，有生菜、蕃茄醬汁等，腸仔有少許的辣，腸仔和麵包是即烤煮食，熱狗包熱辣辣很好，而腸仔質感不是一般的腸仔的味道，應該是新鮮製造，可以加添加其他的醬料，薯條、粟米和雜菜湯就比較一般，環境和服務都算唔錯，衛生水平算唔錯，服務生很年青，當中的落單妹妹很勤力sell他們的食物，38蚊食到飽一飽，唔錯的一餐。http://icuteee.mysinablog.com/index.php?op=ViewArticle&articleId=1839751

早幾日同朋友經過灣仔,打算吃個午餐,見到這間開張不久的熱狗店,就打算進去試試,因為大家都好久沒有吃過熱狗了,而且這間舖頭專做熱狗,相信水平還是不錯的,結果也真的是值得一試!好味ㄚ新鮮,熱辣辣

之前路過，都已決定要試一試。慨然今日一個人食飯，就試試吧!!做一隻好食熱狗，腸、醬汁同包都係重點。呢間熱狗店都算是做得不錯。今次就order一個法蘭克福雞肉腸加$5 with cheddar cheese熱狗、薯角同soft drink. 由於是open kitchen，一路坐住等一路睇職員準備食物。好，我個餐ok啦!!呢個時候一個男職員一言不發，就"隊"一袋食物過來!! 我問個店員係唔係我，呢個時候佢先出聲話係我!!! 想不到呢位店員連茶餐廳侍應的禮貌都無!!!!Take back to home enjoy it sin!打開個Box一隻熱辣辣的熱狗就在我面前 一咬落去，腸很不錯，介末醬配cheddar cheese - 是我筆墨不能形容的絕配美味 加上辣薯角，呢一個一人晚餐-很滿足餐廳負責人都要記住-質素同服務都好重要!! 不然客人都被嚇走!!!

今天-星期日下午四時許order左4 紐論堡腸 9 慕尼黑白肉腸 22 珍寶蘇碧力 跟住過番去睇下貓仔,稔住點都要一兩個字啦!到我地反來,以經整好入袋,我地仲個姐姐拿個膠袋添(下雨麻)點知反到屋企,一瀝d腸出來睇(白硒硒),再食d入口(淡某某),同弟一次食簡直系兩間吾同鋪頭呀!今次全部是用水霎熟,難食到爆!!!!打電話去,個又扮吾只,又問人,又吾解適,又吾道歉,仲一味問系一條定兩條腸.所以嬲得滯,要警惕下大家小心里姦野!!!!!

陪朋友吃晚飯,他說想試這間新開的熱狗店,其實這也是我"Try List"之列,但剛吃過極飽的晚餐,我只好做陪君.熱狗腸款式的確多不勝數,共22款,一定可以找到合心水的.友人本想選黑胡椒腸,但店員表示份量會較少,所以最後要了辣椒雞肉腸熱狗套餐($29).所有食物都是即點即做,加上採用開放式廚房,可以邊看邊等.可能是晚上關係,只有2名店員,製作時間尚可接受.辣椒雞肉腸熱狗份量對女孩子而言絕對能飽肚,熱狗包除香腸外,沒有任何配料,每款額外另加$5,要製作一個有蕃茄,生菜,青瓜,酸瓜等賣相吸引的熱狗,也至少要花上40-50元,這樣子又不是很吸引.至於味道,極飽的我忍不住吃了一口,麵包雖然有烘過,但時間不夠,所以只有表面是微暖,而且不脆.辣椒雞肉腸微辣,但不算很特別.醬汁方面也有好幾款選擇,友人選的是秘製醬汁,只茄醬加一些特製醬料,但坦白說,感覺就只是茄醬,沒有甚麼特別.套餐包括一款小食,可選薯條,薯角或洋蔥圈.要了前者.剛炸起的薯條,熱辣辣,很燙口,不錯.飲品以罐裝飲品為主.朋友這樣一試,令我失去來這裏吃的動力."Try list"名單少了一員,抱歉.

小時候,去英國,印象最深刻既係周圍都有既熱狗同某可能已經吾係到小店既蘋果批熱狗,香港吾盛行,所以有既地方吾多,有既都未必好味而好味既我首推呢度同中環既永樂園永樂園係中環老字號,我就吾介紹喇而呢度就勝在多款色,消費亦吾貴門面吾太顯眼,入左去就有少少小店既風情開放式既廚房,同幾個座位腸方面有成二十種,配料亦非常多選擇(雖然要加$5),但為左食一隻好味既熱狗,無所謂啦是日我食左農村肉腸+肉醬熱狗(set)加另外兩條腸(黑胡椒腸+紐倫堡白腸,好飽呀熱狗味道豐富,加上肉醬同汁料既點綴,非常惹味不過,肉醬可以再辣D同洋蔥圈份量比較小,汽水亦可以再冰凍D熱狗我找到了,那蘋果批呢....

嘩... 有成廿幾種熱狗腸, 花多眼亂!!!! 應該同多Ｄ fans去或者外賣, 可以試多幾樣. 我今次就試咗墨西哥腸. 都幾辣但very 好味!!!!!!! 聽老闆講仲試緊Ｄ新腸, 好似將會有素腸潻, 真過癮!!!!

good hotdog好食我以經癀過了,有水準,有禮,不防去食就知道有機好,不過坐位很小,有七至八個,但好吃以經得了,特別有個好味自家汁,原來都有外國人去吃,不要多廣

自從吃過Hot Dog Stage後，好像上了熱狗癮，知道在公司附近開了一間新既熱狗專門店，放工來拜會一下。這裡的熱狗並不標榜其材料十足，而是著重腸仔的款式，有二十二種腸仔的選擇，認真巴閉。事實上，這熱狗只有飽、腸仔和醬汁，什麼洋蔥、蕃茄、甜生菜、芝士、肉醬等等，通通要收錢，每款五元正。今次我就沒有要toppings，就揀了瑞士豬肉腸，醬汁是mustard，要套餐(即有洋蔥圈及汽水)。只是普通麵包，沒有烘過，但那瑞士豬肉腸確是不錯，脆皮、豬肉味濃郁、瘦肉之中夾雜著一些肥肉，吃起來更加有層次感。芥末辣味適中，不會搶去香腸本身的味道，恰如其分。洋蔥圈是新鮮烤起，熱得燙口。香脆的洋蔥圈，粉漿不過多，洋蔥本身亦帶有香味，點上茄汁，是很稱職的配角。汽水只是罐裝可樂，不多講。服務這一項又是要讚，店員禮貌周周，也會出來問客人comments，亦不會過煩。適可而止的服務，正是我想要的。埋單三十幾蚊，價錢可以接受，值得再來。