神屋流博多道場 (Closed)

第二次來這家餐廳，仍然是非常好。每次去到，都以為自己在日本，非常多的日本朋友，所以相信他們的九州料理是正宗的．坐下，先點了蔥花鹽味牛舌作小食，$32/串，味道非常好。再來一個蔥吞拿魚腩碎卷壽司，$38/客，算抵食，因為吞拿魚腩的份量也多，而且非常新鮮。主菜：博多牛腸鍋配蕃茄湯底，$74/客，但最少要 order 2客，如果可以order 1客，再配其他配料更好。最後點了博多一口餃子，$52，有9只，餃子的料很新鮮，可惜的是油了一點。上次去的時候，試過烤榮螺，感覺沒有什麼特別，所以今次沒有叫了。另外，他們的壽司也非常出色，值得一試。建議3人同行，因為可以吃多2款食物，否則吃完個鍋已經很飽。

睇評分幾高的, 便來一試。 鱈魚胃-這個調味得好, 我都唔理哪塊係魚、泡菜定好似芝士便放落口食。 鹿兒島豚肉沙律-沙律汁好好味(雖然不少日本鋪也做到相同汁）。 串燒-抱歉地我食唔出備長炭優勝地方。牛舌頗韌，灑鹽落得唔均勻；三文魚腩仲有d腥..... 博多豬骨拉麵-湯：唔係好覺平日飲開的(無咩豬骨或豬肉味），反而伴菜(醃過的）令到個湯好鹹, 失敗！ d 麵唔彈牙同幼身, 好似超市一d平貨。牛肉烏冬-湯同做到日本店基本要求。 不過個人不喜歡吃這麼幼同唔煙韌烏冬，接近百元一碗的，也覺物非所值。 鐵板牛腸- 聽聞牛腸係招牌，可惜我覺得個汁好平庸，牛腸也頗韌的，抱歉我不懂欣賞。 最後多謝一位漂亮主管靈活地made a table for me （I just walked in 無預先booking), 所以Service值得加分.

飯局一堆堆，每時要諗食咩真係都幾頭痛，是日又一個飯局，前一日都仲未訂位，朋友只係叫我搞掂佢.... 咁我一上openrice就見到呢間野彈出黎，咁我就諗都無諗就決定左呢間啦。前一日打去訂星期六晚上都有位，我地準時到達店方已一早留左張六人檯俾我地。呢度環境都ok，不過覺得位同位之間都幾迫下，距離有d近，成日聽到身邊既人講野。我地五個人決議一人係menu度揀一樣自己想叫既野，首先揀左牛腸窩，因為見好似幾出名的，店員話有幾隻湯底揀，我就要左師傅推介既鹽味湯底。佢一定要叫二人份量的，份量都唔算太少，另外仲好似打邊爐咁可以追其他食物的。牛腸食落好香，內裡脂肪入口即溶，不過佢都幾靱，但都未至於難咀嚼的。另外仲有配料筍絲，韭菜等等，加埋鮮味既鹽味湯底，味道惹味幾好食的。因為無叫飯個d所以我地就加左個珍寶麵，另外仲有黑豚肉同埋雞脾肉，好似打邊爐咁。珍寶麵即係好似拉麵咁，無咩特別。黑豚肉得幾片但又幾好食，咬落脂肪分佈平均而且又夠鮮味。至於雞脾肉就麻麻地啦，肉質唔嫩，仲幾靱下添。串燒我地就叫左蔥花牛舌同埋什錦串燒，什錦串燒係師傅決定燒咩的，不過個人覺得牛舌就好食，什錦串燒就好似麻麻。牛舌燒得好香口，又唔會

尋日自己一個人又唔知食咩好就四維行。行到去尖沙咀一間叫 博多道場 開頭仲以為佢偽一個道場, 再睇真d,原來係間食館。就係咁就入左去開始一個人的dinner一入去 d 服務員已經好有禮貌, 招呼非常好同埋個場好多日本人係度食。 好快就有位,可能自己一個人所以位都快有d一坐底睇睇個餐牌, d 野食ok多, 而且個價錢都一般。叫左個 三段丼 set ($98) 同 明太子煎蛋卷 ( $48)三段丼有甜蝦三隻,鮭魚三片,鮭魚鬆,螺片及魚卵刺身底舖滿蛋絲刺身都夠新鮮,冇雪味燒鮪魚 夠曬香, 魚油夠所以燒完都唔會好乾身, 非常正一般食開既鮪魚味道通常好淡，顏色淺粉紅色既但呢舊係深褐色d肉係結實得又唔會起渣而佢跟座塊紫蘇葉, 夾落條鮪魚度係match到既, 而且仲更加帶出魚既香味食開榴槤既人應該會好鐘意,因為佢幾陣味真係幾似榴槤明太子煎蛋卷蛋卷幾鬆軟,味道唔錯, 夾住微辣既明太子一齊個味道出乎意料合拍,值得一讚, 而且仲唔似出面食開d蛋卷咁好甜同易散, 佢既蛋甜岩岩好, 唔食得太甜既人應該都可以一嘗, 同埋佢地做得夠實, 咬上去有口感。環境ok同埋私隱度好夠,唔會你眼望我眼咁, 會再黎幫襯。

父親一直很想試牛腸鍋, 於是決定這星期的家庭聚就在博多道場. 金馬倫道再轉入金馬倫里進入太興廣場, 每層都是吃不同料理的餐廳. 到達3樓一出電梯, 就看到餐廳門. 餐廳內只有寥寥數檯客, 我們被安排坐在旁邊有布簾的卡位, 餐廳中間也有些桌子, 近廚房更有Bar檯. 點菜是得知原本牛腸鍋是在晚餐Menu的, 但大概有很多人也在午市時慕名而來, 侍應表示晚餐Menu上的食物除了串燒以外都可order.烤榮螺是最早上桌的, 連著一個烤爐, 侍應放下後會隨即為你點火. 看著榮螺慢慢的烤著, 啵啵的數聲, 殼內的汁滾起便可吃. 本來也擔心該怎樣把螺肉取出, 但原來一早已被剪開了小塊的. 夾進口內, 鮮甜爽口. 數起來也有約8塊, 是挺大的一隻榮螺吧.Set lunch要了2個. 由於牛腸鍋的爐一早已放了在桌上, 店員把兩盤定食上桌時也細心的問我們要不要不用盤子而把定食內容分拆而放. 鰻魚飯定食, 一盒鰻魚飯, 打開只見金黃玉子絲上鋪著一大塊鰻魚, 澆上了香甜的燒汁. 鰻魚絕對新鮮, 沒有醒味. 燒汁加上玉子甜甜的混著飯吃, 就像是蜜汁叉燒飯的蜜汁加甜鼓油飯底. 隨定食附上4片新鮮三文魚刺身, 味

跟舊同學晚飯，地點由我選。或許由於對方是半個日本人既關係，很自然的想到了日本菜，在Wish List中揀選了神屋流博多道場。環境以木制傢俬為主，有卡位又有吧檯，加上昏暗的燈光，而且都是以日本客人為主，感覺是很地道的。預早訂好位，被安排坐卡位，私隱度足，挺不錯。不過，七點多的時間，為何客人那麼少呢?頭一輪先點幾款東西，若然不夠再加。白飯魚乾忌廉芝士沙律幾特別，大家都有興趣，打頭陣就要這款。白飯魚乾脆口又充滿咸香，份量亦多，跟不太濃味的忌廉芝士，是異常的合拍，再夾雜清新的生菜以及甜美既蓄茄，新鮮又好吃，是個很不錯的頭盤選擇。我都愛吃蛋的，所以也叫了明太子燒玉子。蛋卷鬆軟，有點蛋香，而夾著少許辣度的明太子吃，味遁很對辦。對方嫌玉子溫度稍稍不足，但我就已經滿意了。對方是串燒迷，見這裡也標榜炭火串燒，看看其水準如何！要了一客什麼串燒，有八款，全由師傅發板。我會說，這兒的串燒很一般，譬如帆立貝質感全不彈牙，調味不夠狠，淡淡的，沒啥好吃；雞軟骨亦燒得不夠香脆，雞肉也像冇厘火氣咁。較好的是八爪魚鬚，有咬口之餘亦不會過韌，也香口；煙肉包車厘茄，車厘茄甜美多汁，煙肉則香脆，是最好的了；其次是露筍，粗身爽脆

於「周禮．天官．膳夫」一文中，有謂「珍用八物」，鄭玄註：謂淳熬淳母炮豚炮牂擣珍漬熬肝膋也。膋即腸脂，我國先民精飲食，已寫出腸脂的甘美，惟現代人以脂肪危害健康為名，將脂肪視同毒物，甚麼豬腸鵝腸，去膏而後快，脫膋腸子即如橡筋。韌並耐嚼，真不知我咬豬腸還是豬腸咬我。鵝腸更不用多說。歎之曰今謂之美食者已失其精髓！！有聞博多的牛腸鍋腸肥料足，老饕告慰。牛腸開邊切小段，清其污穢。膋衣腸壁，美哉！腸者耐火之物，先大火大滾，及後文火細燜，待腸軟滑。試味之道，先淡後濃，點個刺身，店員謂廚師推薦的才有榮螺，雖則貴少少也來一份試試。魚生每款只得三數片，但片片晶瑩，厚切鮮甜，薄切通透。榮螺入口鮮脆，咬口十足，過足口癮！問店員可否取其螺殼，店員即用餐巾包裹，這樣服務劉華都話得。食過刺身，再試牛腸鍋，腸脂溶入熱湯，蔬菜滿是油脂，色亮清甜。好！牛腸軟滑有嚼頭，又一妙品。食過牛腸，仍未飽。銀兩有限，點算？點個飯團頂頂肚。嘩，個魚子飯團份量及用料十足，魚子多，價錢公道。細食美女大可不用考慮，免得浪費！善哉！善哉！又是一個富足的晚上！

I went to this Japanese Rest' with my friend ..for my b-day dinner. EGG OMELETTE WITH MENTAIKO FISH ROE 甜蛋明太子卷 蛋汁免治雞肉鮮冬菇牛油燒串 are my favorite dishes.. IT's Yummy especially the 蛋汁免治雞肉.. very Juicy and BBQ taste so good.~

今日同女友出去食飯，係尖咀勁多人呀．．就中左上呢間日本菜原來好多日本人去食架，我地左右前后都係日本人今日我地食左牛腸鍋，海鮮大根沙律，牛舌，”魚花”魚本身以為同平時Ｄ大型日本居酒屋差唔多，點知味道幾特別ＷＯＲ，平時都唔會食到牛腸呢樣野原來係九州既特式食品海鮮大根沙律　－　＄　６Ｘ（好似）幾ＦＲＥＳＨ既感覺既大根沙律！本身好驚下Ｄ白蘿蔔會好苦，呢度Ｄ白蘿蔔又幾甜下ＷＯＲ牛腸鍋　－　＄　唔記得　好好味　唔會有內臟腥臭味　女友好鐘意　ＨＡＨＡ牛舌　－　＄　３４定３７串燒得岩岩好唔會太熟，加上大量蔥粒　正！！”魚花”魚　－　＄　８８條　有別於”魚青”魚　好重魚味！好特別　同埋真係好大條！

2010.9請朋友吃飯，選了這裡。來這裡，當然是為了那個牛腸鍋，而這個牛腸鍋，就讓我嚐到世上最美味的雜炊。博多道場開業不到一年，早前還在銅鑼灣開了分店。九龍店就在地鐵站出口附近，非常就腳。餐廳面積頗大，有兩邊大廳，十分光猛，也十分嘈吵，但算寬敞企理。點了：1) Asahi樽裝啤 ($22) X 4 天氣熱，加上我們張檯位置近門口，冷氣不足，怕熱的我坐著也不停出汗，凍啤是救星。2) 烤榮螺 ($48) 榮螺切粒後放回殼內再加木魚汁，上檯用火燒熱才吃，螺肉還算鮮甜，也不韌，收貨。燒榮螺的汁一定要喝，很鮮甜的。3) 滑蛋韮菜牛腸 ($48) 之前吃過幾次牛腸，覺得非常韌，未知這裡的水準如何，所以先叫這個份量較少的來試試。雖然蛋和韮菜的份量不夠，但主角牛腸就很不錯。牛腸的外皮稍韌，但仍能嚼得下，中間包著的油脂膏就真的不得了，是甘香、甘香和甘香！我十分喜歡吃內臟，所以當然也喜歡吃牛腸，但之前在香港和日本吃過的都十分韌，可能因為是燒的原固吧。炆煮的牛腸，效果真的很不同。4) 明太子煎蛋卷 ($48) 蛋卷頗鬆軟，味道不錯，中間的明太子則不太有味。5) 日本豆乳豆腐窩 ($45) 上檯後要等幾分鐘

先後看到食家讚賞這裡的牛腸鍋，我其實不太敢吃動物內臟，但食友描述得實在太引人了，就冒死試一試了！到了那裡才獲知原來午市不提供牛腸鍋，但我說來這裡就是為了吃這個，餐廳還蠻好的，也幫我整了一鍋。等牛腸鍋開鍋的當兒，我們先吃了不少東西『熱身』：吉列炸蠔：最近好像對炸蠔上了癮，逢去日本餐廳必點，這裡的質素著實是我吃過的最美味的，炸粉薄身酥脆也不油膩，內裡的蠔格外鮮美軟滑，一咬下去既有汁液爆出。於是又慶幸TC不吃蠔，我剛好可以獨吞三件。也叫了一份鐵板牛肉配魚生飯定食，鐵板牛肉和魚生飯都很大碟，可印象中價錢才HK$78，實在很抵食。牛肉炒得乾身不油，但味道太淡，不夠香口，所配的醬汁又過咸，而且無論是鐵板牛肉還是魚生飯配著醬汁來吃，好像都奇怪了點。魚生飯份量十足，內有甜蝦、魚籽、蟹籽、油甘魚、三文魚、八爪魚。其實份量倒是其次，勝在每款魚生都頗為新鮮，尤其是魚籽和甜蝦。當然以上這些都是配角，主角牛腸鍋一登場，我倆就迫不及待的撇下其他，專心去品嚐這雜炊。湯是泛著油光的，膩不膩呢？膩，可還是會把它吞下去！牛腸嫩滑豐腴，脂香四溢，明知致肥又不健康卻還是欲罷不能；連那些盡收湯汁之精華的韭菜、椰菜亦不可錯過。蕃

一班姊妹因工作關係，相約飯敍確實有點難，但難得今次大家都到，縱然腸胃炎亦一赴約會，最多唔食.......咁多！因天雨關係遲到，朋友先取位，甫坐下即投訴有無攪錯咁遲架，鬼咁肚餓仲要俾隔離台食物的香氣吸引，想引死人咩，所以不等我吔已點了炸雞和和式沙律了！炸雞：肉嫩多汁，好味（本來不敢食，但豬朋話食一件應該不會有事嘅，跟住狗友又加嘴話咬咗D皮唔好食咪無咁油囉，就係咁冒死食咗一件啦！）和式沙律（其實唔知咩名）：份量比較細，不過幾新鮮，有菜、魚生粒、芝士粒、炸魚仔碎，整體不俗，尤其炸魚仔好惹味串燒：牛舌、煙肉露荀卷、煙肉毛茄卷、八爪魚鬚，元貝、冬菇、雞肉，水準不俗，尤以牛舌唔蘇又厚又多汁，絕不是趙牛舌乾！三色刺身：無食，因真的不敢吃，以免回頭太難，唔係講食物，係講個肚！甜蛋明太子卷：我覺得不太夾，因蛋卷是甜甜地，但中間又夾咗少許辣的明太子，唔可以話唔好食，但係我覺得麻麻博多湯烏冬（熱）：呢個係我全晚食得最多，一來凊，二來確實不俗麵質軟硬適中，唯獨湯底比較咸，配料亦只有幾片海帶及海草絲！黑芝麻辣雞翼：雞翼醃得入味，夠脆好好味，但太細隻啦，仲要開2成碟加埋只有total 3隻喳少吖！燒花魚：魚應該有

前一日打去訂位, 今日終於同太座去試博多道場 (主要試牛腸鍋)...整體來講味道一般般, 但服務幾好...講下食左d野先..Asahi 生啤 - $38 夠凍又抵飲..吉列生蠔 - 夠脆有鮮味, 好食..串燒拼盤 - 一般般, 吾夠熱, 好似無燒過, 亦吾夠味..串燒牛舌 - 幾軟熟, 但都吾夠熱同吾夠味..牛腸鍋 - d牛腸煮完吾會好淋, 肥羔好香, 但有咬口, miso湯底好入味, 但二人前d蔬菜同牛腸煮完其實吾算多, 最後都要追加一份牛腸, 好好食...綠茶布甸 - 老婆話好滑, 吾太甜...下次重會為牛腸鍋而來...

又到星之好友八月聚會,一行八人,當然瘋狂掃食!串燒類:- 大蒜韮菜免治雞肉串x2: 平常食普通免治雞肉串多,今次加有大蒜韮菜,都幾特別同惹味.- 蛋汁免治雞肉串x2: 普通免治雞肉串配生蛋自己點,令雞肉更滑,不錯.- 鹽燒牛舌/汁燒豬腩肉x2(各): 一般.- 鹽燒雞腎/鹽燒雞軟骨x2(各): 脆而不乾,好味.- 蕃茄烟肉串x2: ok- 汁燒牛肉x3: 一般.- 八爪魚軟骨x2: 香又不會變乾,好!- 燒雞翼x3: ok- 牛油燒露筍x3: 一眾以為用錫紙包牛油露筍燒,但原來是已燒的露筍旁放有一小塊硬牛油. 真係估唔到 煮物類:- 玉子燒明太子卷: 蛋滑配帶有微辣的明太子,讚!- 炸蠔: 炸漿不太厚,蠔不會過熟,不錯.- 牛筋煮豆腐: 筋夠稔,味道濃,不錯.- 南蠻炸雞x2: 雞肉嫩而juicy,完全不覺油膩或熱氣,好得!- 明太子海蝦球: 有中式沙律明蝦球感覺,但只沙拉醬乃日式加有明太子,幾好味.- 燒鰻魚: 為食貓不好此,但賣相ok.- 飯團x4: 送上來的時候,我們都不禁驚呼了一下,因為這兒的飯團份量十足,比為食貓的拳頭還要大,絕對可俾趣! 可幸本貓沒份,見友人們吃得蠻吃力的

本來西打想把神屋流‧博多道場的名物牛腸鍋直接作為封面照，但礙於牛腸過於肥美，怕會嚇到大家，還是換成這個珍味三點。原來去年香港的日本菜又多了一個新的競者，從日本九州直接引入的神屋流‧博多道場為香港食客提供有別於一般香港化日本菜的美味，把香港人少見的九洲日本菜帶到香港。除了九洲菜外，店內另一賣點是全店均用備長炭製作串燒，備長炭乃炭中名種，利用接近上千度的高溫，迅速把食材燒熟，達至外脆內軟，保持肉嫰多汁！好了好了，不囉唆，跟大家介紹這頓美味的九洲菜吧！金馬倫道太興廣場真的是超方便，在地鐵站口一上來幾步就到達。到了3樓，電梯門一打開就見到這個超大的招牌。 為了配合道場的概念，連筷子套都設計成柔道袍的模樣。非常喜歡這個設計！研究餐牌時，西打喚了服務人員過來問了一些問題；同時，服務人員也介紹了當天的廚師推介(おすすめ)。當時服務人員對著日本菜牌一道一道的介紹時，到了其中一道寫著コロケ時，服務人員竟然說：這道菜我忘了是甚麼。西打真的整個人楞住了一下，接著說，這道我認識，是炸馬鈴薯餅。還是第一次遇到這麼坦率的服務人員。最快送上來的是牛腸鍋的瓦斯爐二人份(最少點二人)的牛腸鍋 HK$148牛腸鍋分成三種