丼丼屋 (Closed)

丼丼屋以前都食過, 黎親都係食滑蛋飯印象中不過不失。果晚唔知食咩好, 見好耐冇食過丼丼屋於是上去回味一下。我們二個人,點了一份小食和兩份主餐, 試下未食過既小食同鳥冬。可能那天店舖人手不夠, 所以點餐和上菜都慢了一點辛苦了店員啦。這份芝士肉丸很不錯!超多芝士的而且上菜時仲熱laklak~肉丸口感和味道都不錯!滑蛋雞肉飯, 隻蛋真的超夠滑!好多汁好juicy好味啊。食到最尾還夠汁撈飯。雞肉還可以, 如果係雞味出d會再好食d這份忌廉烏冬,比想像中好吃啊!成餐飯最喜歡就係呢個!朋友只吃了幾啖, 我就問佢我可唔可以成個成晒,哈哈!忌廉好香又夠味道,烏冬又入味, 勁match!都幾特別,未食過呢種撈烏冬。下次我會再order呢份,再食過!

特上盛大蝦海鮮丼定食 特大牡丹蝦配不同的刺身 例如三文魚，呑拿魚，魚籽，帶子等。定食會跟麵士湯，沙律，小食。整體好一般 刺身吾算好新鮮同肥美 普普通通，特大牡丹蝦系好大隻，但不夠鮮甜 ，飯都不是做珍珠米煮成，壽司醋也不夠，配菜無咩特別🙄 好失望 咖喱吉列豬扒烏冬 咖哩汁幾香，而且夠濃分量足，吉列豬扒炸得岩岩好，不算太厚身，鳥冬都彈牙，整體不錯 。日式炸雞沙律好難食，因為雞肉不新鮮，食落有''蘇''味，就算系炸左都食得出😖又一道失望嘅菜式。

由於個日好熱，所以想食啲凍既野，咁岩經過丼丼屋，就入去食下野啦😁入面好多位，唔會同人迫，坐得幾舒服丼丼屋3.6牛乳特飲 $32呢個超級好飲！個奶好香好滑，下面又有啲紅豆可以食下。雖然佢上面啲cream頗甜同埋冇咩綠茶味，不過整體黎講都幾好同解渴一流！特上盛大蝦海鮮丼 $128隻蝦真係好大隻😁，幾鮮甜。跟住其他料都好足下，不過嫌啲飯熱咗少少，搞到啲魚生都暖暖哋😯😯有咁多料黎講個價都算合理👍整體黎講唔錯，食住野加埋啲冷氣吹下，涼爽哂😃

本身見佢menu同埋Openrice都有推介，叫左滑蛋雞肉丼，黎到賣相唔差，超期待，點知一咬落去覺得怪怪地，d蛋好似壞壞地，再試下d雞，又好似騷騷地咁，最後頂唔順，問個staff可唔可以cancel，之後換左咖喱吉列豬排烏東，穩陣好多，個咖喱汁又夠濃，豬排份量又多，早知一早叫里個啦！

丼丼屋一直以黎都係間評價幾好既連鎖餐廳 滿心期待結果大失所望夜晚去到只有兩三枱客人 打開餐牌見到好多款式既小食 大部分都係炸物 仲有其他丼飯 甜品 飲品等天婦羅魷魚鬚 ($38)其實炸漿根本並唔似天婦羅 一上枱已經係凍既 炸漿已經又乾又硬 而魷魚鬚本身都超韌 好似食擦膠一樣鐵板黑椒腸餅拼薯條 ($38)呢款鐵板黑椒腸餅相對上熱好多 不過皮好韌好厚 但係都幾Juicy 只係薯條一樣凍冰冰又無味 連鹽味都無 麥當當既薯條絕對好食十萬倍 起碼又熱又脆炸芝士薯餅 ($38)呢個真係好好食 尤其是係其他凍冰冰既小食既對比下更加好味 起碼係即叫即炸熱辣辣外層非常脆 薯蓉軟綿綿 真正既外脆內軟 入面既芝士亦好多而且好流心 不過芝士味就無乜 比薯蓉既味道蓋過芝士玉子卷 ($43)當然唔少得丼丼屋名物芝士玉子卷啦 成餐飯最期待就係佢 不過結果勁失望 上枱既時候已經凍左 只有十分微微地暖 立即夾起諗住會有好震撼既拉絲效果 結果絲就得一小條 夾第二件已經拉唔到絲因為已經徹底凍曬 食落芝士味係零 蛋味亦淡 同預期中相差極大滑蛋吉列豬扒丼 ($83)一人點左一款丼飯 朋友話佢既十勝豚丼都好食 豚肉幾Juicy

身為芝士控 見到菜色有芝士超想試（減月巴大業呢？！ ）所以點了明太子芝士玉子卷滿心期待 終於到了 飽滿的燒玉子包裹著芝士+明太子但事實明顯整體造型跟普通玉子卷沒有太大分別 都是黃色一卷我原以為芝士+明太子會滿滿的有點漏出來的說玉子卷味道： 玉子卷正常的味道甜甜, 由多層蛋漿製作而成食的就是手工!!!如果單吃味道甜甜的玉子卷是可以接受的（因為芝士明太子集中一邊 所以有半件感覺像正常玉子卷 ）到食重點部分了 芝士+明太子芝士+明太子 一開始只嘗到咸咸的味道, 層次完全分不出來真的!!!要認真細心咀嚼才食到明太子味道 不過真的好少好少!!!芝士+明太子 跟玉子卷起不到化學作用, 沒有一口咬下去溶在口腔的感覺可能期望太多 注定難過 少少失望

出旺角工作，未食午餐路過搵好野食揀左丼丼屋，服務員好有禮貌同親切叫左個牛肉烏冬定食（附圖）湯味清甜，烏冬有勁牛肉很足夠大塊，夠味道，切得厚薄適中番茄沙津和薯仔兩碟前菜都好正鮮甜之外我很喜歡薯仔既醬有機會會再試下其他

聽好多人講話丼丼屋好食，今日黎左試，果然名不虛傳，叫左滑蛋吉列豬扒定食，刺身沙律同豚肉定食，完全無失望份量多，價錢又平，好抵食，野食又黎得快。以後又多一個飯堂了

一向都是"丼丼屋"的擁護者。雖然食物水準不算十分標青但勝在價位收費合理而且食品類型夠多樣化，除了丼之外亦有如烏冬或魚生飯等的選擇....今天太太和小友不約而同皆要了烏冬來醫肚，小弟則貪心大食一些，一個人獨享了一份吉列海老吉列蠔定食....定食裡頭有兩件蠔加上大只大蝦。醮上的麵包糠層不算太厚蠻鬆脆不油膩；蠔與蝦相比之下前者就著實優勝得多了，入口甚飽滿多汁甜鮮盎然，相反蝦則只爽身但味卻十分淡沒甚麼甜味跑出來；旁邊放有一個盛了少許芝蔴的小碗，熟知吃日式吉列物事的都知道這是用來調醬用的，不過於我而言，這主要是用醮吉豬才最美味的。今天吃的若只是蠔及蝦這些海鮮類別的話，只用最簡單的檸檬汁去化膩已是最佳之選了；近年已不太敢喝太多的麵豉湯，總覺出面食肆弄的都會調得味太鹹。只呷了一小口，感覺一般；前菜則是兩小片八爪魚片，質感頗為軟熟，不錯；白米飯勝在熱騰騰，在這情況底下米香是更形突出....只試了一小片太太點的牛肉烏冬內的肉及一口湯，肉是軟淰的而湯也嚐得出甜度色水也不混濁來....萬料不到，全場最出色的竟是為小友隨意叫的煙肉玉子忌亷烏冬....烏冬非常有咬勁煙齦不已；忌亷汁亦十分的杰稠真夠creamy甜

好多年無出旺角嘞，可能今日星期六整個旺角人山人海，見到呢間無人等便入左去，試過食下午飯都唔錯豚肉無乜味，但個汁都惹味嘅，飯就用左珍珠米個雞翼有陣雪藏味，唔係幾食到明太子嘅味道燒牛肉就好惹味而且好軟身，但個他他汁個味有點怪

一度再能回味嘅三文魚粒蟹籽丼雖然去丼丼屋食飯比較貴，不過質素同味道相當一流，絕對一分錢一分貨。我叫咗三文魚粒蟹籽丼，三文魚切粒上，每粒呈方形又粒，三文魚粒味道新鮮，每一粒唔會太凍或者有雪藏味。而且份量非常多，入口即溶，基本上每啖飯搭埋三文魚粒食都幾滿足，而且比起吃三文魚壽司更豐富！蟹籽同樣夠大粒，跟平日吃壽司的細粒蟹籽較大粒，每咬一口蟹籽就爆開，口感很好。而且味道很新鮮，很飯粒一起吃的時候是非常特別感覺。當吃魚生飯時，我很注意飯粒的表現。如果飯粒太黏或太軟就會影響魚生飯整體的感覺。而這個丼的飯粒加上醋之後，味道大增，飯粒每粒分明，而且黏稠度適中，加上三文魚粒共同吃用，非常夾。

今天早上去了旺角見客人，午餐順道在旺角解決。附近有丼丼屋，便快快吃個Quick Lunch。咖喱吉列魚棒定食還包括麵豉湯、沙律及飲品一杯。日式咖喱偏甜但不夠熱，味道沒什麼層次，十分普通。飯採用了珍珠米，與日式咖喱較為搭配。吉列魚柳香脆，且炸粉不厚，魚柳還有肉汁並且嫩滑，做得不錯。炭燒熱咖啡香濃，咖啡香而不澀，味道可真不錯。

其實佢岩岩開既時候好鐘意!隔左一排再去食物質素可以,不過價錢偏貴一飯一粉一沙律 $24x 賣單 ($2x服務費)叫左碟魚生沙律,d魚生好唔新鮮,吞拿魚更加有怪味~食完出去賣單個服務員唔知咩事黑口黑面,出左單之後一野撻上張枱到簽完卡佢就勁冇禮貌咁一路hea住講一路掟返張單俾我地 @___@! 呢位先生你冇野呀? 有事都唔係搵客人出氣掛? 命令咁叫人俾錢?!  咁唔高興唔該你唔好做服務業啦!唔該你邊位老闆見到即刻炒左呢條友! 29/11/2016 晚上約7時 33枱

旺角的餐廳食肆種類非常多，是晚我們選擇了’丼丼屋’晚膳。選擇它有幾個原因，其一是環境較為寧靜，其二是食物質素不錯、且價錢合理，所以是晚就選擇了它。天婦羅餅配烏冬 ($70)烏冬肥嘟嘟的，口感煙韌有咬口。天婦羅餅不過不失，如果少幾件茄子，多幾隻天婦羅蝦會更好呢。十勝帶廣名物豚丼(特盛) ($108)6片豬肉片鋪滿整個碗，感覺很豪華。醬汁甜甜的，但醬汁味道只在肉片出面，所以肉片不算很入味，但味道可接受的。丼丼屋3.6牛乳特飲 $32友人極速選擇了這個飲品，質素應該有保證。每口除了飲到香濃的奶味，也有淡淡抹茶香味，這個特飲值得推薦啊。丼丼屋紫芋特飲 $32相比下，我較喜歡友人的牛乳特飲，這個特飲比牛乳特飲較為遜色。紫芋本身味道不算濃，所以飲品味道偏淡，冰溶化後，紫芋的味道更加少。 

星期五收工后同同事就腳係花園街附近食飯，對日本菜毫無抵抗力的我，係同事建議下選擇了丼丼屋食堂。我地7點半到已經滿座，大概等左10分鐘到就有侍應帶我地入座係我太期待，所以最後都失望。鰻魚飯好普通，D蛋都唔係蛋絲，而且米飯太糊了。