Donkey & Sheep (Closed)

難得今日5。1 勞動節，約左好友食 lunch =]聽佢介紹，我地黎左 Donkey & sheep，佢話之前食過味道唔錯，最重要係價錢合理 ~ 一坐低，先睇睇餐牌，果然價錢真係唔貴，$100有找~一個餐包：沙律/ 餐湯，一個main 再一杯餐茶。 先黎個栗米湯，暖笠笠而且有少少 creamy，飲落好溫暖～ 另外，我地２個都揀左D & S 海三寶既 Risotto ~呢個 Risotto 有海膽、帶子、日本皇帝蟹棒，材料豐富，份量十足，Risotto creamy 得黎又唔膩，而且飯粒軟硬適中，食完真係好滿足！ 最後我點左杯玫瑰朱古力作餐茶，朱古力味好濃，好正！ 朋友要左杯 hazelnut coffee，拉花拉得好靚 =] 小評：味道：★★★★★環境：★★★★☆服務：★★★★★衛生：★★★★☆抵食：★★★★★

今次黎到位於銅鑼灣百樂中心的Donkey & Sheep店鋪門口裝修已經用彷草鋪牆身，同店名已經十分貼切。店鋪還展示出各不同傳媒報導，感覺幾有名氣。水準應該不會令我失望吧。原來有款招牌菜法國藍帶菜式，係每日限量。所以同朋友都讚同必叫。鋪頭裝修以簡潔清新為主，感覺舒服自在。大約有十枱座位，有空間感，不多太逼。是日餐湯，甘荀濃湯，質地杰身，味道較甜。前菜黑醋沙律，清新開胃。我地叫左一份鵝肝西冷，味道香濃，鵝肝肥美，西冷煎的生熟適中，火喉控制得不錯，令肉質嫩滑。不錯。主角法國藍帶菜式---熔岩哥頓布出場賣相吸引，外面香脆，裡面充滿芝士及煙肉，配搭一流。當日是友人生日，店員好好人咁幫我地係甜點碟上寫上祝福，真的十分窩心服務好好。

最近經常加班每天工作到很夜，收工馬上跟男友相約銅鑼灣揾食，決定試試網上看到評價不錯的Donkey&Sheep，聽說抵食又有質素。 選了set dinner ，是日餐湯海鮮粟米忌廉湯，非常濃郁幼滑，更有大量海鮮及粟米，好足料。 主菜紐西蘭肉眼拼法國鴨肝。 鴨肝煎得外脆內軟，充滿油香惹味到不得了。 超大件肉眼一上枱牛肉香氣撲鼻而來，輕輕切開，是嫩紅的牛肉，正是我心目中五成熟最美味的狀態。油脂適中，讓肉質嫩滑有咬口，咀嚼時會感受到充滿肉汁。 配菜有原個薯仔及少量蔬菜，煎得香口，吃完非常之滿足。 男友的主菜美國牛柳拼帶子 ，厚身牛柳肉質更淋滑，也不錯。 相對上飲品有點失色，我選的凍薄荷朱古力，薄荷味太淡，只有在喝朱古力的感覺。

難得朋友平日放假, 我地相約在銅鑼灣嘆個lunch! 朋友建議試這間fusion餐廳, 我先被餐廳的名吸引了!餐廳環境不算太大, 但裝修都幾modern和舒服~ 但加上兩邊的大窗, 坐下不會感到焗促! 由於我地下午兩點才到, 剛巧有幾枱客人埋單了~ 餐廳也開始被我地包場~ 環境更變得寧靜和舒服!午餐選擇都算多, 有飯有漢堡或沙律, 而且價錢都不貴, 很不錯!朋友選了香草紐西蘭肉眼扒配紅酒燒汁, 賣相都幾吸引~ 值得一讚的是肉眼要求5成熟, 完全煮得剛剛好! 不會過生出血汁又或者over cook! 我試了一口, 感覺肉眼嫩淋多汁, 好好味! 至於我的D&S極上三寶 (海膽 帶子 海蝦) 意大利飯就令我好驚喜! 黑松露或雜菇意大利飯就吃得多, 估不到以這三款海鮮煮的意大利飯竟然是出奇地夾! 海膽和帶子都好新鮮, 加上creamy risotto一起吃絕對是滿有口感的!最後我地餐飲轉了特色咖啡(需加HK$8)! 朋友選了海鹽焦糖咖啡~ 平時飲開咖啡的他讚這杯好香滑又不太甜, 很適合他口味! 而我的Rose Latte, 簡單的拉花再配上玫瑰花碎已經足夠打動我的心! 未飲已經愛上, 哈哈..

為了收朋友於外地幫忙購買的物品, 當然要約她吃飯啦, 剛巧在銅鑼灣工作, 便順道到 Donkey & Sheep 晚餐囉, 未到達餐廳前, 首先要耐心地等候大廈電梯呢~ 選了 set dinner, 可加錢享用是日餐湯、甜品、特色咖啡或花茶,以扒類為主, 也有意粉及意大利飯呀~ 美國牛柳拼帶子 $178賣相不錯, 也配有蔬菜, 點了七成熟恰到好處, 不會太過血腥,亦不會難於咀嚼, 厚切牛柳肉質軟腍, 帶子也鮮味呀~ 紅粉緋緋有玫瑰花、迷迭香、歐薄荷、檸檬草, 蠻足料呀, 因當天感冒未清,聽聞歐薄荷、檸檬草有舒緩之效, 飲下去時確實感到舒暢點啊~

銅鑼灣SHOP完PING ，朋友話時代廣場後面開了不少上樓食店，因為買太多不想走遠，於是就近一試。整間鋪小小的，不過MANU卻有很多選擇：這兒的飲品名字都很有趣： 這杯叫蘋水相逢，有蘋果肉，芙蓉花，薔威果，檸檬香矛味道微酸而清新。非常適合餐前飲 是晚餐湯是海鮮周打湯極之足料，啖啖海鮮，特別是魚肉最多，但又無骨，而且非一般的滑。REI點的是美國牛柳拼帶子 牛柳牛味很濃，煎得外脆內JUICY看！真是7成熟！肉汁滿滿！ 帶子也是煎過，很是香口小薯仔也不是平價貨，爽脆而甘香後來才發現原來加$35可以配紅酒呢！就此, 多謝收看(鞠躬)

有時候拍拖食飯都幾大消費！ 尤其是今時今日香港地， 想食一餐好少少環境優美少少的， 動輒過千元埋單， 一般打工仔的人工就這樣沒有了一節， 都不是不心痛的！ 今晚來的這間西餐廳， 地點在高尚地段銅鑼灣， 佈置也十分得體， 氣氛也很不錯， 非常適合小情人嚟拍拖或進行慶祝， 一點也不失禮！ 最重要是價錢相宜公道， 食物水準也十分ok！ 而且這裏晚餐的選擇也挺多， 不過晚餐的就是一個簡單的煮菜家飲品， 如果想要飲湯或沙律或甜品等， 只需另外再加錢就可以。 變相客人可以多一個選擇，不愛甜品或不愛飲湯的可以不加，節省開支。 而我就是一個貪吃的人， 所以全部都加了，哈哈！ 今日是日餐湯是海鮮湯， 海鮮湯用料十足， 以周打蜆湯為湯底 ，吃到淡淡鮮味~ 飲品方面選擇了火紅玫瑰茶~ 感覺挺細杯的。 不過算落足料， 厚厚的一層玫瑰花苞， 陣陣玫瑰芳香飄逸，令人陪感舒泰。不過茶膽的味道對我來說較為苦澀，我想並不是人人接受到這種。 晚餐的主菜一如以往的我要了肉眼扒， 就是擺脫不到那滿滿牛肉香氣的誘惑！ 肉眼扒原本是配鵝肝的， 店家很sweet 地容許我把鵝肝轉了成薯條， 而且是一大盤的薯條！ 完全心心眼中！ 比

上星期五放工後happy Friday, 便相約在銅鑼灣工作的友人食飯. 佢帶我去Donkey & Sheep食飯. 店內地方不算好大, 怖置幾簡約為主, 而且座位與座位之間不會太迫, 坐得幾舒服. 我點了西班牙黑毛豬架拼日本帶子. 想配湯或沙律, 加$15. 我選了周打忌廉湯. 味道還可以. 西班牙黑毛豬架拼日本帶子上枱. 賣相幾精緻. 由於我唔食生嘢, 特別要求帶子要整全熟. 帶子幾彈牙. 黑毛豬架都幾大份. 肉質尚算嫩滑, 烹調時間控制不錯, 不會太乾身和硬. 我自己鍾意食薯仔, 所以見到以佢作為配料特別開心. 薯仔軟硬度適中, 薯味較薯條濃, 又無咁熱氣. 我加錢變特飲, 選了蘋水相逢. 這是水果花茶, 當中包括蘋果果肉, 芙蓉花, 檸檬香茅等. 入口有淡淡的蘋果味道, 感覺清新, 食完飯飲番杯茶消化一下非常好.

因為見這間有好多好評....所以今晚決定去試下！去到個時，得另一枱食客，環境好優靜，好適合同班fds一路食，一路傾計😄到食物方面，我們叫了帶子沙津、雞翼拼盤、青口意粉、豬鞍和海膽海鮮意粉！由於同行的朋友不食得spicy... so 想將鷄翼拼盤中鷄翼中spicy 個2隻轉埋另外兩款咩....可惜唔ok... 咁都算喇！可能要特別凖備....所以不能改動！因此滿心期待🤤但一上鷄翼拼盤....😅😅😅😅就咁係鷄翼上搽D醬上去！心即刻潛一潛，心想可以好好味呢？！點知D醬還醬，鷄翼又唔太脆，真的有點失望！🙈好彩其他的食物都算正常....而且waiters也很友善！否則成餐飯咁就浪費哂！

見有很多好評 相片亦吸引 決定一試晚餐上到去 晚飯peak hr時間 只得人影兩三個客坐低後 看到明明就黎聖誕 四周郤仍是 Halloween 裝飾打開menu 感覺散叫比套餐吸引亦想試試很多人推薦的冬陰公焗薯誰不知 來了一碟感覺似是 水煮薯仔 切片 再淋上淡淡的冬陰公湯汁可能我期望太高但真的有點失望之後 叫左個 雞翼三重奏相片與現實 有差距黎到的 是六隻炸雞翼 再係表面搽上不同的醬而已(老實說m記雞翼唔落醬都好食過佢 )整體而言 這個價錢 哩個水準真係好唔抵各位 想去的三思三思

如果你想同閨蜜好友、情人、伴侶靜靜地吃個舒適的生日晚飯，這裡是個不錯的選擇。地方不大，全場最多坐上二十多人，但座位空間是足夠、舒適的。員工服務貼心、態度友善，也很能主動留意顧客的需要。是晚食物不錯，滿意整體水平餐酒每杯加$35，但質素不俗！所用之杯亦見到餐廳心思到最後送上生日蛋糕時，餐廳會特意較暗我們所在位置的燈光，讓氣氛更濃。付錢時知道餐廳免了這件蛋糕的價錢，十分欣賞餐廳的心意

記得有次跟胖boy在銅鑼灣逛街逛到肚都打響才發覺是時候要去晚餐，他提議去吃炸雞，我便拿主意去百樂中心，殊不知一步出電梯人多到不行，於是我倆開始洗樓模式，但晚上八點多的時候，基本上那裡的餐廳都滿，望著電梯中樓層數目旁一塊又一塊的小磚刻劃每間餐廳名卻吃不了就更餓。最後，那次我倆轉移陣地決定回家煮飯仔，不用跟人迫之餘胖boy亦肯跟我一起享受廚房之樂。但那次洗樓當中留意到一家西式小店想去，於是找好機會連位都訂好就帶胖boy來。要在電梯中找到小店也不容易，因為店家沒有跟其他餐廳一樣有貼小磚於樓層旁邊，要不是那次洗樓電梯停在這樓層也或許未有機會讓我品嚐。小店裝修很簡單一系列線條簡潔的黑色再加上紅色和綠色便點綴，餐牌亦用上令人舒服的綠色配上他們小店的logo。晚餐有Set Dinner選擇，可以有餐湯或廚師精選沙律二揀一，配上主菜之後會有餐飲，價錢大約近二百至二百中左右，可接受。餐牌的散點項目偏和西式、意大利式，唯有看到有兩項出現冬蔭公吸引了我倆注意，所以決定散點。胖boy喜歡凱撒沙律，我卻喜歡加煙三文魚，非點凱撒沙律配煙三文魚($88)，用煙三文魚捲成幾粒煙三文魚花，配上多水份夠爽的沙律菜再加上大

一家人出黎食飯，是晚揀了之前吃過不錯的donkey & sheep，位於銅鑼灣的百樂中心，餐廳環境幽靜，窗外夜景亦不錯，唯一不滿的是排隊等吧，在熱辣辣的天氣下排半個鐘先入到真係好辛苦。坐低涼下冷氣慢慢點餐，叫了一人一份晚餐，再加點別的已經好豐富了。跟餐的沙律，菜新鮮爽脆，唯那個黑醋汁太甜了點。主菜之一的牛扒，大大塊甚有份量，牛味不錯，要了五成熟，果真做到應有的生熟度，抵讚！另一個要了豬脾，說用的是黑毛豬，上枱時同樣份量十足，厚厚的令人流哂口水呢。肥膏部份煎得甘香，肉質嫩滑，甜甜的醬汁亦十分對胃。追點的雜菌意粉，賣相不錯啊～炒得香口彈牙，散發著淡淡的蒜香味呢。飲品要了donkey，朱古力同凍latte，雖然用上普通的玻璃杯，但三杯都很好飲。自己杯donkey朱味濃帶薄荷香，另外兩杯家人說很讚。晚餐還有甜品呢，要了提拉米蘇同綠茶芒果，前者很香的咖啡味，後者是很特別的配撘，綠茶苦澀，芒果香甜，配埋一齊又好好味喎，又香又滑。食完仲可吹下水，不用急著離坐實在太好了，現在要搵一間可慢食的餐廳不容易呢。

剛好今日放假,與友人閒逛銅鑼灣 下午茶時間,當然要吃一吃,悠閒一刻一下 Saturday afternoon, i went shopping with my friend Before that, we found a place to have our tea time 上開飯找找,發現這家餐廳環境不錯,感覺恬靜,而且這個時段都營業,加上有我愛飲的薑餅鮮奶咖啡 於是就選了這個地方 We found this restaurant ~ Donkey & Sheep from openrice The environment looks nice and relaxing 由於我的友人不飲咖啡,所以選了英式奶茶HKD29 十分精緻 My friend won’t drink coffee She chose English tea with milk Looks refinement 茶味不算太濃,大概是英式跟港式的分別吧 English tea is different with Chinese Tea As this is not too rich 我當然點了 薑餅鮮奶咖啡H

要在銅鑼灣有位置食一餐舒服的晚飯不容易，不是等位等到痴線，就是限時九十分鐘交枱…和朋友聚舊當然想再坐一會，意外地發現世外桃源，推介一下donkey and sheep給想傾偈慢慢吃的朋友。 晚餐二百元左右，包餐湯或沙律，份量不少，味道對胃的，不可說上佳，湯是南瓜湯？老公說甜到一個點…廚師似乎失準了。沙律我覺得ok，用黑醋但沒橄欖油，酸之外就是欠一點甜。 主菜我們要了肉眼五成熟，份量大，超靚，配菜都不錯，不是求求其的！ 五成熟啱啱好，功架不錯啊！ 媽媽的豬肋骨，看顏色覺得煎得幾靚～自己沒試，不過媽媽很滿意就夠了！ 阿妹的虎蝦漢堡排，這個超大份！適合喜歡啖啖肉的你！這裡的扒餐不似茶記般有不同醬汁給客人選擇，想食黑椒汁就難免有點失望了。 我的乾蕃茄意粉，意粉煮得不錯，乾身彈牙的，份量亦多，感覺這裡的西餐走精緻港式路線，個人最喜歡這種，給客人輕鬆沒壓力的，而且最重要是好味又吃得飽。 加$可轉特飲，强烈建議加錢，因為好好飲！！這是rose latte, salted caramel latte和donkey mint chocolate，沒有過甜，夏日炎炎學冰咖啡最棒！ 每兩份晚