Donut Demo

Open Now

Now Closed

My friends are gem! They got us a huge box of freshly made donuts to share as they knew that we were working hard near the promenade. The blue paper box was extremely chic and eye catchy. We had a box of six, the original flavours and one chocolate. It came with mochi texture inside, and they told me that these rings were served hot at the shop. The original flavour was right up my alley and it’s covered with snowy powdered sugar. Fresh, chewy and yummy! Snack on!

位於觀塘開聯工業中心A座9樓，位置比較隱秘，店入面有靚靚打卡位，亦有位堂食。🍩Donut有十幾款口味，全部即叫即整，落單後等十分鐘左右，可用payme付款。我試左三款口味👇🏻⭐原味$25一打開紙盒就聞到好香嘅油炸味，表面灑左糖霜，咬落去口感煙韌，有啲似麻糬波波同煎堆，唔會好甜亦唔油膩，啱啱炸好嘅真好好味，忍唔住一啖接一啖。⭐玫瑰泰奶$35表面係玫瑰奶醬+玫瑰花瓣，玫瑰花香味濃郁，奶醬好甜，食到最後會有啲膩，適合配茶或咖啡。⭐開心果$38開心果醬唔甜，加左開心果碎增加口感，可能因為我先食偏甜嘅玫瑰泰奶，再食開心果所以覺得味道好淡。個人認為最好食係原味，新鮮出爐即刻食最正，另外兩款冇太大驚喜，價錢嘅話偏貴。

Lunch 完有少少時間，上左去食個Donut開心下。$30幾蚊一件，貴唔貴都好睇個人。咁間唔中開心下都要嘅，因為即炸都要預等一陣。可以打下咭先囉，開心果就無咁甜。食完大滿足。😋

話說有一次同事散水餅買咗Donut Demo嘅冬甩俾大家食🍩OMG 太好吃了吧！(⁎⁍̴̛ᴗ⁍̴̛⁎)然後一直心心念念。今日去開附近，就Walk in入去買!! 原來係即叫即整㗎!!坐低一陣大約等咗7至8分鐘，就有得食了!!小店入面嘅裝修佈置非常心思，好靚好適合打卡。所以坐喺度等一陣都唔會悶。講返個冬甩! 冬甩非常之煙靭，甜度剛剛好!! 非常之好味!!超級推介! 又好睇又好食😋送禮自用都係一個非常好嘅選擇。好想試晒所有味道呀🤣

🍩去朋友新居🏘️買咗啲冬甩🍩好好味呀🥳🍦海鹽雲呢拿：顏色超吸晴😍上面鋪左色彩繽紛嘅毂物❤️靚到唔捨得食呀🥳做下午茶就啱曬喇💯🍪奶油曲奇：即叫即做🔥唔好意思掛住影相呀📸外脆內軟✅正呀💯🍵抹茶牛奶：充滿住抹茶牛奶嘅味道👍呢個好得💯🥝開心果：最喜歡就係開心果囗味💕冬甩上面鋪左好多好多開心果碎碎😍好推介比鍾意開心果迷呀💯🍫牛奶朱古力配焦糖脆餅：好香朱古力味道👅入口脆脆🔥唔錯噃✅🫘芝麻糊：呢個口味好新頴呀😍第一次食芝麻糊味嘅冬甩✅新鮮感滿滿呢🥳

呢間啲 donuts 🍩 唔會淨係得個甜！首先講佢個包先，去到落order，即叫即整，所以要俾啲時間等。食落係有煙煙韌韌嘅感覺，好似食緊麻糬咁，因為即叫即炸，所以個皮又會有脆卜卜嘅口感。佢都有好多口味選擇，個人比較鍾意開心果、鹹蛋黃、同埋焦糖朱古力🤤因為要時間等，所以舖頭入邊都設有打卡位，同埋仲會枱凳俾你即場食，仲細心到有埋手套，等你唔會整污糟雙手。選址就比較偏僻，喺工廠大廈入邊，附近又唔係有食肆，所以搵嗰陣時候成日以為自己搵錯地方😅

冬甩控表示，食完呢間返唔到轉頭🫠一定一定要即場order一舊黎食！新鮮熱辣辣最好食！店內有得坐住係到等出爐，仲可以順便打卡👍🏼-原味 $25糖霜唔會太多，岩岩好！雖然係原味，味道比如cafe賣嘅甜點，夠香噴噴～-Cookies & Cream $30食落唔漏👍🏼曲奇味算重，咬落去勁有口感🤩超級推薦！-金莎朱古力 $30真係好似食緊金莎咁🤤唔算太甜，凍食都依然有口感👍🏼就算唔想即場食都可以外賣返屋企，第二日食都冇問題～佢哋會定時推出新口味/特別口味，有興趣就多啲留意啦！

本身都收藏左依間都一段時間 ， 但一直都唔去開觀塘就冇試。 對上一次黎咁岩撞正黑雨冇開😂咁岩依幾日去開觀塘，就特登試下睇下會唔會撞到開門位置係接近地鐵站既工廈， 大堂幾新淨的。 去到9樓 見到好fresh既藍色就到一入到去， 見到好Y2K風， 岩哂打卡。 有時咁岩職員會入左去整野食 所以唔見職員可以試下㩒下個🛎️🛎️ 職員會9秒9走出黎🤪口味方面選擇都幾多， 除左一啲經典口味好似香芋、牛奶朱古力外， 仲有啲特別口味，例如 桂花烏龍、芝麻糊、鹹蛋奶酥等等。 同朋友分別叫左「芝麻糊」同「豆沙煉奶」因為即叫即整關係 ， 需要預左大概5-10分鐘。 係等待既時間可以係店內影下相影下Y2K相「芝麻糊波堤冬甩」（$30） ： 雖然圖片係藍色，但係其實如果用電腦睇（職員有出示過電腦圖片參考） 其實係灰色的😅 即制既冬甩表面既芝麻糊cream好creamy ，芝麻糊味都幾濃郁， 個人會比較健康堂食，因為即制新鮮做會比較好食， 冬甩軟綿綿得黎又唔會林哂 都有啲啲脆身。 「豆奶煉奶波堤冬甩」（$35） ： 如上面所述 ， 電腦色是顯示粉紅色 ，實際係偏肉色， 上面有啲類似煉奶咁。 味道方面偏甜， 中意食甜既人

Y2K風格冬甩店非常打卡，主打波堤冬甩，炸得外表香脆，內裡煙韌有咬口，雙重口感非常好食!!所有冬甩都即叫即製，保證一定香脆!! 🍩🍩📺- 薄荷朱古力 HK$35 🌱🍩期間限定味道!!淡淡薄荷香氣糖漿非常順滑，朱古力脆脆口感增添層次，非常好食!!- Monster x 白桃烏龍 HK$35 🍑🍩另一期間限定!!香甜白桃與清香烏龍茶味道，加入Monster能量飲品香甜氣息，超Monster!!- 焦糖狂熱 HK$38 🍮🍩焦糖爽脆!!醬料味道香甜，微微焦香焦糖醬及砂糖的脆感，爽脆又甜美!!- 香芋 HK$30 🍠🍩香芋味道不突出!!香芋醬汁有少少似奶酥質地，入口鬆化。- 海鹽牛奶朱古力 HK$30 🧂🍩完美結合!!海鹽味道突出朱古力香甜，牛奶香氣非常有存在感!!

作為🍩冬甩控嘅我，每逢香港有啲咩新進嘅冬甩店一定會去試吓😆，好似呢一間💙藍調復古美式波堤冬甩店🩵咁，今日就嚟到觀塘朝聖，佢係位於工廠大廈裡面既其中一個單位，一入到去周圍都係打卡位😍，佢哋搜羅咗唔同嘅藍色擺設，無論係牆身定係枱凳滿滿都係💙🩵，Y2K風格之餘牆邊仲有一排美式CD，旁邊仲有一部復古黑膠碟機，懷舊電視機等嘅佈置，每一個角落都充滿着美式色彩，重點係佢哋嘅波堤冬甩🍩，色彩繽紛，雖然味道選擇唔多，但係每一款賣相吸引，真係好想試晒咁多個味道，做散水餅一流🤤我就買咗四款味嘅波提冬甩，期間限定款有🌼桂花烏龍同埋🍫薄荷朱古力味，為$35/1件，另外嘅經典味道有💜香芋$30 同埋🧋奶茶味$35 ,佢哋仲有自己嘅工場，所以都係即叫即整，大概等15分鐘就可以👏🏻👏🏻🍩Donut Demo既波堤冬甩入口Q彈鬆軟😋口感帶點煙靭，好似麻糬咁，佢哋嘅甜度適中，食落都唔油膩👍🏻，價錢都合理🙌🏻🙌🏻除左外賣仲可以堂食嫁，邊食邊打卡一流，我就幾中意佢個桂花烏龍味，有淡淡既花香，唔會死甜，整體幾夾🤤，下次試埋其他味先😌😌

今次專登嚟咗觀塘呢間冬甩舖試吓佢哋嘅波提冬甩，估唔到佢哋嘅門面咁靚！好打卡able，今次淨係買咗五個冬甩外賣走！而且老闆仲要超級好人，下次經過一定會上嚟堂食🥹🥹—————————————每個波堤中間都有好多麻糬好煙韌，完美複製Mister donut嘅口味🫶🏻每個冬甩都係即叫即整！今次試左開心果、奶茶、焦糖狂熱、海鹽牛奶朱古力同黑朱古力味～焦糖狂熱係四月突發新口味超級好食！當然唔少得開心控最鍾意嘅開心果味🫶🏻🫶🏻

甜品絕對係抗拒唔到嘅美食😍特別係放假就更加想食😍觀塘呢間donut店近期火熱，好多人幫襯，donut即叫即整，好多口味，色彩繽紛，打卡一流😋🤎焦糖狂熱最鐘意Lotus 焦糖味，唔算太甜，用上優質焦糖醬、脆脆焦糖餅乾醬、Lotus 焦糖餅乾，香脆餅乾增加口感😋好好食🤤💚抹茶先生最鐘意抹茶口味，不甜不膩👍🏻🍪OREO必定好食嘅Oreo味道，又係唔算太甜，又餅乾碎一齊好正🙌🏻🎌大阪燒第一次見有咁特別嘅味道，估唔到呢個crossover幾好👍🏻

每次去旅行🧳不論係日本🇯🇵、台灣、泰國🇹🇭，都會忍唔住去Mister Donuts買冬甩波堤，Mister Donut 經典不敗招牌甜甜圈，Q彈煙靭口感，說不出來的好滋味🤤不管大朋友小朋友，咬一口，絕對會深深愛上它👍🏻但係偏偏可惜香港係仲未有得買，要食一係親身去旅行，一係請代購🙂‍↔️而家終於香港🇭🇰有屬於自己嘅donuts luuu🍩見到社交平台不停出現一個叫Donuts Demo廣告🪧，趁住放假特登同男朋友揸車去觀塘買donuts🍩首先成間Y2K風格，喺等緊嘅時候完全可以影相打卡，另外呢到既donut🍩🍩係即買即整，店員話等10分鐘左右，但其實10分鐘都冇😂👍🏻咁我哋就叫左一個開心果味同桂花烏龍味，咁因為我自己唔鍾意食桂花，所以我就冇食過啦🥹咁我講吓我嗰隻開心果😈開心果好濃郁，店員拎俾我嗰陣我已經聞到開心果味，口感同Mister donut嘅口感唔一樣，反而有啲似西班牙油條，唔錯🌟由於呢度有啲隔涉，如果下次經開觀塘附近，我會過去食。推薦指數: 🍩🍩🍩🍩🍩

唔知由幾時開始去旅行見到一間名為「Mister Donut」嘅舖頭都會買佢哋嘅波提嚟食，不論去到台灣、泰國、日本亦都係一樣。早兩日喺社交平台見到原來觀塘亦都有一間可以食到波提嘅小店叫做「Donut Demo」即刻提起我嘅興趣，於是今個星期六我就同我女朋友去到呢間Donut Demo試一試佢嘅波提，睇下究竟能唔能夠令我重拾回憶嘅味道。一上到去見到佢成間鋪都冇人，而櫥櫃裏面亦一個冬甩或者波提都見唔到，我心諗：唔係咁黑仔啩😮‍💨之後個店員走出嚟先話，原來佢哋嘅冬甩係即叫即做，咁我當堂都冇咁驚，不過呢個時候心裏面又諗起另一個問題：即叫即做咁咪有排等？但係店員就拍心口同我講10分鐘內一定有！於是我就叫咗一個開心果味波提同埋一個限定嘅桂花烏龍味😋喺等食嘅期間我參觀舖頭，發覺呢間舖頭嘅裝修配合咗時興Y2K嘅味道，好似返返去以前咁，有一部好舊式嘅電視機，店內亦都播放住黑膠唱片，非常之有味道！等咗5分鐘之後店員就將我哋所叫嘅冬甩送到，果然佢冇呃我😂一咬落去，我覺得波提嘅質感同之前喺Mister Donut嘅時候有啲唔同佢係有啲外脆內軟嘅感覺，而且非常鬆軟，佢個開心果醬唔係太濃，但係可以食到陣陣嘅開心果香

呢間位於觀塘嘅冬甩店行Y2K風格，環境裝修唔至特別用心，後面仲自設工場，新鮮製作，冬甩味道更有好多唔同味道，吸引咗我去買嚟試吓！˵¯̴͒ꇴ¯̴͒˵✎ 黑朱古力冬甩 麵包圈煙靭有咬口，味道微甜，一啲都唔苦，雖然話係黑朱古力味～表面亦灑上椒鹽味嘅脆餅碎，甜鹹交疊，幾可口！✎ 抹茶牛奶冬甩 呢個嘅麵包圈相對朱古力冬甩嘅麵包圈腍，煙靭返少少會好啲。表面灑滿綠茶粉，散發岀淡淡抹茶香味，如果好鍾意抹茶嘅人食落可能會覺得佢唔夠濃味´༥`✎ 牛油煙肉冬甩 呢個係三個冬甩之中味道最甜，雖然有啲煙肉碎係面，帶點淡淡煙肉味，但係份量唔夠多，煙肉同牛油味幾乎都俾甜味遮蓋，唔係幾食得出個味，整體嚟講一個字，甜！