Doppio Caffé (Closed)

在家home office 了數天，決定走遠一點，到牽晴間下的一間西式cafe食lunch，午餐的選擇也挺多，有意粉、焗飯、all day breakfast 和麵食。我們最後點了水波蛋三文魚配農夫包和一份英式早餐，可配綠茶、紅茶，或加錢配其他飲料。水波蛋三文魚配農夫包水波蛋做法一點也不簡單，所以有餐廳提供我多數會點水波蛋，這裡的味道也不錯，只是配上農夫包時被蛋汁整淋了～英式早餐這裡有幾款英式早餐，餐牌內會提供不同款式內所包含的材料，也挺貼心的！食完這餐豐富的午餐後，又要回家繼續工作了！

星期日起床落樓下食個飽飽的早午餐再去投票，上次來這裡食了個晚餐，今天來個All days breakfast 。🍴牛魔王早餐 $87是薄切牛扒班尼狄蛋，蛋半生熟入口流心，牛扒軟腍醃料小點會好一些，粟米大大粒口感爽脆！🍴熱香餅早餐 $68熱香餅配以蜂蜜糖漿健康又好味，煙肉香煎不過火不錯，薯餅脆口食落不會滿口油。👍🍴法式牛角包早餐 $52是豬肉腸牛角飽的組合，我欣賞二隻太陽蛋看到都令人陽光十足感覺。跟餐咖啡另加 $4呷一口感受一下是香醇靚咖啡豆👍不錯！這個價錢都算是街坊價。

Weekend唔想出去人迫人，想安安靜靜 舒舒服服過個星期六揀左位置比較偏遠既牽晴間悠悠閒閒食個all day breakfast地方算寛敞，加上落地玻璃令環境更開揚雖然得街景，但採光唔錯，坐得幾舒服星期六既三點幾四點，人唔算多，揀左角落頭位坐梳化餐牌唔係薄廁廁一張紙，係有啲質感既板唔會用得耐啲邊位皺晒晦晒咁餐廳都有啲裝飾，細節位ok餐廳選擇都算多，小食沙律意粉飯漢堡每樣分別都有好幾個選擇今日專程黎食all day breakfast，叫左最大份既怪獸早餐 加多$15 要多份pancake 兩個人share跟餐有杯野飲，奶茶/紅茶/綠茶 冷熱都唔洗加錢亦可轉特飲-$10有諗過飲Match Latte，但最後都係叫左凍奶茶奶茶落左比較多奶，比較淺色既奶茶飲落茶味唔算突出，淡淡既茶味奶味就好出，係類似茶餐廳咖啡奶/食涼粉個隻奶既味道成杯感覺唔係茶餐廳港式奶茶，類似英式奶茶唔算甜，個人幾滿意杯奶茶，黎到食西式早餐就係想飲番杯英式奶茶All day 都等左一陣子先到，好足料既一碟 $128比較特別係egg benedict唔係用muffin which我幾鐘意因為平時muffin乾淨淨又偏硬，

呢間餐廳以all day breakfast 聞名，其實之前都食過好幾次。今次平日黎，估唔到都幾多人，要等一陣，不過都好快，大概5分鐘就有位。朋友都照樣叫了之前食左幾次既all day breakfast，份量足，味道正，選擇多。而我就決定試新野，叫了豬排喇沙米線，估唔到咁好味，食完之後發現自己鍾意食喇沙多過all day breakfast，個湯好正！不過唔記得叫豬排另上，如果另上既話，我諗d豬排會脆d，咁應該會更好食。比較起黎，其實食麵性價比仲高過食all day breakfast呢！呢道環境舒服，適合傾偈，服務好好，姨姨好親切，會keep住再黎食！

星期五晚經過這裡，入去試一試佢哋嘅西餐先！我們晚上七點前已經到，可以很舒服的坐下來，不用排隊等位。我們點了香蒜蜆肉意粉（不辣），意粉加1個餐湯及飲品，飲品可以減$10，是日餐湯係甘筍粟米湯配一個小蒜蓉包，意粉不俗，喜愛蒜味的真的要試吓，因為有很多蒜粒，只是蜆肉有少少沙，炸魷魚薯條都幾好食，配兩款醬汁，茄汁帶少少辣有別於一般的茄汁，另外一個類似海鮮醬汁，飲品方面我們點了十勝紅豆茶及菠蘿綠茶，十勝紅豆茉茶我個人覺得好好飲唔會很甜紅豆一粒粒好好食，菠蘿綠茶內有蒟蒻。侍應們的服務都很好及親切，會提議一些優惠套餐給你。消費滿$100可獲印花一個！沒有加一服務收費。下次會再光顧。

雖然位置有d偏逼， 但勝在有落地玻璃，環境舒服，座位好坐。餐廳有提供Bb椅同兒童餐具，但數量有限先到先得平日 Lunch set （12點至4點）飯/意粉/頂級西冷牛扒 有包埋湯/沙律同一杯指定飲品, 價錢合理 味道都唔錯 。如果想揀其他特飲原價減10蚊 。要先到收銀處買飛，之後員工會送餐黎 。其實依個方法用係午市係幾好，因為大家都係得果一兩個鐘食飯。如果同一時間人多 ，個個職員都去晒落單，再入單落電腦其實都幾晒時間，咁樣就冇人出餐 沖野飲同執枱。所以由一個職員落晏晝既單係👍👍相反，夜晚6點後就職員黎落單，食完先埋單唔洗客人出去買飛，因為夜晚多左食物同set選擇 ，如果個個都出黎落 就有排落果張單，後邊等買飛既食客就會唔耐煩。所以欣賞佢地既做法。餐廳雖然係開12點，但有 all day breakfast提供到6點 （提供12款選擇.包指定飲品）下午茶餐2點半開始到6點 （除左綠茶，紅茶，奶茶，仲包 cuppuncino, latte同朱古力）晚市就6點至9點 （唔包飲品），但有set同 pizza可以order*全日都設有外賣自取*6點後歡迎訂座*咖啡可用 skim milk /有機

今次真係驚喜，估唔到粉嶺區會有咁舒適嘅cafe。不過唔易搵，要行入屋苑嘅內圍先至見到。Cafe嘅牆上掛住幅好大嘅地圖，旁邊就掛住兩架裝飾嘅單車，感覺文青，而坐位都好舒適，可以hea上兩三小時。我點咗香草雞肉意粉，跟餐可以選沙律/湯+飲品。意粉較乾身，雞肉整得幾好食，賣相唔錯，份量都算足。我選餐湯，是清甜嘅甘筍粟米蕃茄湯，材料都係打碎嘅，幾好味，餐飲我要熱蜂蜜菊花茶，感覺似紙包飲品果d菊花茶。由於係客人先去柜枱付款，然後拎個數字牌搵位坐低等待應送餐，所以冇加一，價錢$62﹐合理。