瀛喜日本料理 (Closed)

平時都唔多鍾意食放題，呢間放題嘅質素唔錯，刺身好新鮮同埋最盞鬼嘅就係有海鮮可以自己燒，自己調味，個人覺得平時放題個啲燒物系燒定先攞出嚟，覺得唔係咁新鮮同唔夠熱，呢度有得自己燒，會比較新鮮啲！特別推介帆立貝壽司，平時放題嗰啲壽司鬼死咁大件，但呢間細件得來又好食，唔會食幾件就飽左！嘢飲方面種類好多，仲有啤酒飲添！個人喜歡飲維他檸檬茶！去到見到有好興奮！因為好少見放題會有維他檸檬茶！甜品有豆腐花，比平時超級市場嗰啲細啲，係百福豆腐花唔會話太大盒，食完仲可以食埋雪條，有好多種味道， 椰子，黑芝麻，榴槤，紅豆等等。

係日本食過磯燒之後念念不忘，今日同朋友黎食放題終於可以再食啦😍佢仲有蒜蓉，辣椒，鹽俾你再調味，但海鮮都好新鮮，加少少清酒，食佢地既鮮味都好夠👍🏾黎食放題一定要叫刺身船！仲送多板海膽，平時好少放題有海膽壽司都好多選擇，質素都好高，軍艦既紫菜都好脆身，即另即整另外叫左d熟食，有天婦羅同炸物，選擇都幾多最值得一讚係呢個羊架👍🏾半瘦半肥，仲有醬汁提供，食落好多肉汁但唔會太過油膩，正啊！瘋狂encore😍

今日同朋友慶祝生日，又諗唔到食咩好，就決定食放題，貪佢咩都有之前聽同事講話呢到有磯燒放題，食過唔錯，於是就決定食呢間😋燒下d海鮮先～新鮮無腥味之後開始要食下d刺生，佢種類都算多，即刻要狂食返一round先得！仲要有個乾冰一齊上，好夢幻好似仙境咁，一定要相機食先啊！食完生野，就叫返個粥暖下胃，個粥底好綿，份量岩岩好，唔會太稀都唔會太傑，而且仲有蟹係入邊，好真材實料😍其實佢以呢個價錢同咁多選擇黎講，真係好抵食，如果下次再食放題，我都會首選呢間👍 同埋好方便，一落樓下就好多甜品店，可以再有下場

刺身同熟食都正啊！都有幾多款魚生啊！三文魚！吞拿魚！甜蝦！仲有其他！油甘魚夠哂肥！元貝又夠鮮！而且好甜啊！芝麻雞翼勁香啊！仲有放題必食既炸榴連同炸香芋丸！個榴連勁香！一咬落哂汁出黎！好耐無食芝士年糕！都係咁好食！有口感！又有流心芝士！魷魚好辣但好好食啊！用黎送酒好正！有海膽軍艦！個海膽好甜！依個西式焗蠔好特別啊！係有辣既香腸！仲有芝士同茄汁！好似食緊pizza 咁啊！燒菇好香！個蝦都好彈牙！仲有藍梅雪糕！

鍾意飲酒又鍾意食刺身嘅我真係啱晒食放題！其實都有一段時間冇食啦，因為前幾年放題啱啱興起嗰陣，真係成日食。。今次係因為太太見到呢間放題除咗有刺身同埋平時嘅嘢食之外，雖然仲有即時嘅自助燒烤，見咁特別，就去試吓啦！呢度嘅刺身款式其實都真係幾多嘅，不過間間放題都有架啦！反而個人應為最特別嘅地方，就係今晚第一樣野上枱嘅勁大隻生蠔！雖然唔可以話係超級超級好食，但係對於平平哋咁嘅價錢，食放題黎講，居然可以有即燒即食嘅燒烤，其實都可以話幾吸引。。啲豪食落都幾新鮮。。加上坐係枱，兩個人可以喺室內冷氣地方咁樣燒烤，其實對於夏天同埋怕熱嘅我來講都幾舒服嘅！所以我覺得鍾意食放題但係又鍾意食燒烤嘅朋友都幾啱呢度。

十大一細食首輪，5:10出面已經好多人，未入得，又焗又熱，個個打尖，有個老人家，明明book大枱，點知話其他家庭有幾個老人家，所以讓比佢地，去到見到個枱，原來都係得一個老人家，都算，然後安排既位窄到好似bb餐椅咁，張枱係平時餐廳既一半，放兩碟都唔洗再放其他野，個個手臂貼手臂。環境黑蚊蚊，地下油林林，已經冇胃口食。食物普通，刺身無味不新鮮，職員態度散慢，黑面，大家真係唔洗去試，雖然第二位半價，但比錢買難受，放題荃灣頌有好多選擇，

磯燒放題最近試了很多間，相信除了要比較磯燒海鮮種類及新鮮度以外還要比較其他熟食,刺身,甜品等等....今次嘗的這間位於荃灣的瀛喜，感覺各方便都不錯，值得跟大家分享一下。 刺身新鮮度無可挑剔！連榮螺這裏都有喔！ 甜蝦刺身鮮甜，必須加單之一！ 除了有蝦,大蜆,扇貝,青口等海鮮任燒外，還可加$30燒手掌大的生蠔扇貝，每次加單都一樣新鮮，果真抵食！ 大大隻，淡淡肉，食海鮮已滿足呢！ 燒蔬菜，燒蒜芯時落點清酒很野味！ 蟹粥很鮮味，粥底軟綿綿！ 雖然這裏沒有甜品自助吧題供很多款甜品，但這裏的腐竹薏米西米露很美味，依稀有點杏仁香！

貓貓係荃灣食左個正放題。想講刺身好甜，新鮮貨，食到貓貓濕左個嘴。重點係，有吞拿魚刺身任叫。平時食吞拿魚都係會連壽司飯糰一齊，今日終於可以盡情咁叫吞拿魚刺身。貓貓order左個鵝肝手卷，點知原來鵝肝係好大塊，超級抵食，大大塊既鵝肝，入口鵝肝味滲曬出黎，肥美既口感真係令貓貓濕左個嘴。無限喪追加鵝肝手卷。泰式虎蝦刺身夠彈牙，酸辣醬惹味，點解呢度既泰式野都可以整到咁正，貓貓受不了啦！蟹柳壽司經過火槍噴一噴，味道特別出黎，勁好味。芝士鰻魚壽司味道搭配得好夾。食完真心覺得呢度壽司整得好味過好多放題。貓貓今次無黎錯！

之前上網睇到呢個優惠，即刻約埋幾個朋友訂位去試下啦～真係送左一板海膽架～好鮮甜而且重有紫菜提供，比你包住d海膽黎食而且佢地既刺身都好新鮮～值得一讚同一般放題有少少唔同呢到有磯燒系列，比個爐你可以自己燒有海鮮類又有蔬菜類本身已經有好幾種海鮮可以點如果鍾意食生蠔既+$30就可以任食埋生蠔同扇貝珍寶系列果然好大隻～ 枱面重有提供左蒜蓉⋯辣椒⋯海鹽等等比你做調味～其他炸物類同壽司類都非常唔錯～我同朋友們都食到好滿足

已經有一段時間冇食放題，因為減肥嘅緣故，呢排見體操開始向下滑，於是乎當係奬勵下自己去食放題！呢間放題嘅地方都幾大，野飲，啤酒，清酒，梅酒，都有提供，不過撞啱今晚有啲唔舒服所以冇飲酒，不過居然有韓國粟米鬚茶，呢一個茶其實真係好啱食放題飲，好有消滯嘅感覺！讚！另外甜品都係自己出去拎嘅！因為都好鍾意食甜品所以一去到已經拎左泡芙，Tiramisu，同埋一個白色嘅奶凍！呢度嘅泡芙好特別，個餡係士多啤梨忌廉！幾好食！Tiramisu都好好食，我都食咗好多件刺身船一向都係放題裏面嘅焦點，呢度嘅款式好多，海膽係成版咁樣上，仲有象拔蚌刺身！好正近近地喺荃灣，啱晒我呢啲住屯門嘅人，下次都會再去！

很久前已很想嚐嚐這磯燒海鮮放題😋，但這一試就以後不想了。因為六人各一隻蠔、大扇貝、帶子、蝦及大蜆，已足足燒了一晚時間。同場有多枱都傳送來驚叫聲，因為蠔殻彈，汁淺出等。刺身款式都算多，但太厚了，而且三文魚常連著未切斷。wasabi 異常攻鼻，我不喜歡。羊架第一轉，很香及羶👍🏻，但第二轉超靭。天婦羅蝦粉太厚，壽司味道一般，款式不算多。炸物正常，牛肉粒都正常。職員很忙，但態度良好。糟糕的是，在尾聲時，全店突然停電。歷時差不多廿分鐘，本來想食支雪條便走。但職員話停電冇冷氣，開櫃會溶了雪條，叫我之後才取。😑我不會再選擇這裡，因為我光顧這店午、夜都數次。一次比一次食物質素退步。還有，同枱的朋友原來也試過這裡停電，試問一間食肆常或偶然有這情況，刺身又怎會新鮮？！🤔

今日有個friend生日，約左去荃灣灜喜食放題，依間食左第二次，食第一次時感覺幾好，但今次食就扣曬分，刺身黎左1次後再order，等成20分鐘都未有，仲有d串燒唔夠熱～今期 no good~~

同姐妹試下呢間放題+磯燒海鮮，食物選擇夠多，仲有清酒任飲 有蒜蓉同辣椒，蒜蓉同磯燒海鮮，簡直襯到絕！ 加30蚊任食生蠔同扇貝，咁抵點可以唔加呢？ 壽司，油甘魚好清新，三文魚子海膽亦係大愛！ 期待嘅大蠔同扇貝嚟啦，嘩！都好大隻，值得一讚嘅係，侍應服務非常好，會走過嚟教我每樣海鮮應該燒幾耐，幾時落蒜蓉辣椒，仲落手幫手燒添呀！生蠔鮮甜肥美，扇貝新鮮，絕對係新鮮貨！ 蟹子沙律、螺肉、呢兩樣唔駛點介紹啦！焗扇貝、焗得岩岩好，唔過火，正！泰式生蝦，個汁岩岩好，帶出鮮味！ 蟹粥，粥底夠綿，蟹鮮味十足！ 刺身，樣樣都咁鍾意食，海膽簡直停唔到手，油甘魚同蝦又係嗌完再嗌！ 羊架，冇羶味，肉味夠香！生熟岩岩好！ 清酒任飲，酒逢知己千杯小，邊傾邊食邊飲，實在太開心喇！

呢間野第一次食見食評都唔差咪試下讚得既只有 上野食算快..食野方面我只可以講除左鮑片全部刺身都冇味道羊架夠羶但咬唔開..燒鯖魚好似濕立立牛柳粒夠味有啲咬到有啲咬唔開熟食完全冇味..天婦羅冇味口感似食炸粉..個原條穴子壽司我原條吐返出泥..做埋啲咩磯燒，搞到成個場都勁大煙，一大陣味，又唔似韓燒咁大大條喉抽煙唯一讚嘅係有維他檸檬茶.....唔知自己到底食左啲咩落肚未試過食放題食到咁難食😧已入黑名單.....

D野難食到一個點! D扇貝大隻係好大隻呀, 上黎仲有好大舊黑色既物體係到, 你可以話:整走佢咪得囉~我都係咁諗,點知一整,臭到一個點! 叫人點食呀! 刺身又唔新鮮, 熟食無一樣係好食~伏到一個點, 嬲到要即刻開ACC 黎比食評~要去食既朋友請三思~