瀛喜日本料理 (Closed)

平時都唔多鍾意食放題，呢間放題嘅質素唔錯，刺身好新鮮同埋最盞鬼嘅就係有海鮮可以自己燒，自己調味，個人覺得平時放題個啲燒物系燒定先攞出嚟，覺得唔係咁新鮮同唔夠熱，呢度有得自己燒，會比較新鮮啲！特別推介帆立貝壽司，平時放題嗰啲壽司鬼死咁大件，但呢間細件得來又好食，唔會食幾件就飽左！嘢飲方面種類好多，仲有啤酒飲添！個人喜歡飲維他檸檬茶！去到見到有好興奮！因為好少見放題會有維他檸檬茶！甜品有豆腐花，比平時超級市場嗰啲細啲，係百福豆腐花唔會話太大盒，食完仲可以食埋雪條，有好多種味道， 椰子，黑芝麻，榴槤，紅豆等等。