Double K Kitchen

Open Now

Now Closed

東大街出名美食多，多到唔知揀邊間好，不過如果佢能夠屹立係呢條街，相信一定有佢過人之處🤔正當我行下行下，1516嘅時候，比呢間叫「Double K Kitchen」的藍色招牌同琳琅目錄嘅MENU吸引住，結果就行咗入去了！鋪內主色都係藍色，整到好靚，好似係水族館咁！鵝肝多士：蒜蓉包熱辣辣，再加埋鵝肝同啫喱粒，餐前小食👍安格斯牛脷意粉：用料十足，食落都無咩雪藏味，味道都唔會太咸，抵食高汁！德國咸豬手配芥末：份量太小了！只有5-6件，仲要當中有部份係成舊骨黎，望下張相都見到薯仔多得濟，妹仔大過主人婆，不推介🤧甜品 提拉米蘇：落單到上菜要花成5-10分鐘，原來內有乾坤！十分花心思嘅擺碟， 蛋糕朱古力味酒味適中，值得一推😍夏威夷，紫藍夢幻： 左邊係Hawaii ，即係fruit punch，幾多生果料係底，正正常常咁！右邊係蝶豆花，清香花茶味道，飲落去令人豁然開朗🤓🤓 Recommended!!

行經筲箕灣食個午餐，呢條東大街有如食街一樣，餐廳林林總總，見Double K Kitchen 食客不少，就即管一試。 午餐選擇有成48款，有選擇困難症的話應該有排揀，一於無痛苦甘選擇熱賣款同女士最愛款啦。 招牌椰香咖哩香草雞(配薯菜)$56雞扒大大塊，煎得香嫩 ，上面舖上一層咖哩汁，咖哩汁唔算太辣，椰香味較濃，唔食辣既客人亦可選擇。薯角份量多到嚇親人，仲要熱辣辣脆卜卜，令人忍唔住一件接一件。 煙肉蘑菇忌廉天使麵配温泉蛋$60份量超多，細食既二人分享都足夠，香濃忌廉汁掛滿每條天使麵，大量煙肉同蘑菇，配埋温泉蛋汁一流。 套餐包括餐包及忌廉湯/ 羅宋湯，兩款餐湯味道屬正常水準，用蒜蓉包沾忌廉湯味道亦不錯。 跟餐飲品：凍奶茶加$3；桂圓紅棗肉加$5凍奶茶正正常常，桂圓紅棗肉茶不算太甜，可以接受。 餐廳不設加一，食物質素佳，CP值高，難怪不斷有客人等位入座。

店舖門外已經有餐牌可以睇，食物款式超多選擇，價錢仲非常親民，有選擇困難症嘅人可能會揀到頭痛，因為好似樣樣都好啱食🤣店舖天花掛咗各式各樣嘅海洋生物掛飾，燈光亦比較暗，十足十去左水族館嘅感覺🐬🐋•🍛下午茶 - 鮮茄焗豬扒飯(HKD 34)嘩面頭超多芝士🥰拉絲效果完全無問題！飯雖然不是炒飯底，但亦有蛋絲。總共有三件豬扒，下午茶份量來說都尚算足夠！味道不錯～·🍝下午茶 - 煙肉蘑菇忌廉炒意粉(HKD 34)見餐牌寫呢個意粉係推介菜式，一於就試試佢啦！意粉質感一流，軟硬度恰到好處，忌廉汁鮮香滑溜，再加蘑菇片，低卡低脂嘅食材最適合用嚟配意粉😍一邊食野店舖一邊播住純音樂，感覺都幾舒適～希望下次有機會再嚟試埋其他食物，因為餐牌上真係有太多都好想食😌

東大街呢到食肆林立餐廳出品質數無番咁上下都好難係度企得穩呢間double k kitchen係到都好耐一直都係我飯堂，久不久我都黎食今次再食呢度個招牌 咁耐以來我都未食過今次要比機會招牌咖哩雞扒飯佢個咖哩調較到幾口Cream得黎有小小甜又香咖哩味都幾杰身👍👍😂😂😂😂😂😂😂👍👍唔錯唔錯凍檸茶又清甜，好怕茶底又黑又苦😢😢😢😢😢😢😢😢總之 呢間飯堂抵食又好食成日黎都唔會厭👍👍👍

👣 Double K Kitchen👣🐋🦈🦭🐳🐬🐟🐠🐡🐋🦈🦭🐳🐬🐟🐠🐡🐋🦈🦭🐳🐬🐟🐠🐡 呢間位於東大街的港式西餐廳裝潢以海洋為主題🐳天花板吊著好多唔同嘅海洋生物同裝飾午市餐單超多選擇🤩午餐時間去都係滿座 都幾多人價錢都算合理 一個套餐包埋餐湯🥣餐包🍞加一杯熱飲🥤不過食物質素就普普通通 食得飽！如果你之後去行山 行鶴嘴 都可以選擇黎試下！⭐️⭐ 邪惡美國雞伴蜜糖芥末汁 HKD$48⭐️⭐️《套餐可揀白飯/意粉/薯菜》雞髀煎得香口🍗肉質幾嫩滑蜜糖芥末汁甜甜地幾好食不過意粉質素普通😛有點硬同又點乾身 所以我都食唔晒伴菜有少少沙律菜一齊食所以好啲以呢個價錢來說可接受的😂味道：🌕🌕🌕🌑🌑價錢：💰💰

早前的公眾假期，住在筲箕灣的好姊妹帶我到筲箕灣掃街！ 除了兩位好姊妹住在筲箕灣之外，當時，post 筲箕灣遊的相上  社交平台 後，還有一位男性朋友都是！ 數吓數吓，原來我有3位朋友住在筲箕灣！筲箕灣掃街第三站：筲箕灣東大街 Double K Kitchen我們經過這裡，除了見到門外其琳瑯滿目的下午茶餐牌非常吸引！  ，主題裝潢又吸引我們影相打卡！反正，我們就算食過 <呂仔記> 的港式街頭小食 及 <Madera cafe> 飲咖啡，肚子依然未飽！當時，踏進餐廳，被那海洋主題的掛飾佈置吸引眼球！ 掛上很多魚魚掛飾，藍色背景，猶如置身海洋世界！至於下午茶餐牌，款式亦多，價錢合理！ 連飲品選擇也不少！朱古力金字塔西多 $30粒粒西多士表面金黃色，還掛有一絲絲的蛋漿，口感更均勻香口！迷戀洛神花洛神花入口酸咪咪，亦有助減膩！

一入去的感覺是似酒巴多一點，可能是燈光較暗的原因，加上還有一種五顏六色好colorful 的感覺。坐定後望真一點，感覺又好不一樣。為什麼？因為有好多海洋生物的掛飾，例如海豚🐬、水母、鯊魚🐋以及很多不同顏色和形狀的魚🐠🐟🐡，其中一邊墻也有很大塊海底的海報，很繽紛的感覺，營造一種海底的氣氛。而另一邊座位則有個”窗”，有很多”花”🌷🌻🌹🌼🌸🌺和”蝴蝶”🦋🦋下午茶的選擇很多，有飯🍚、意粉🍝、三文治🥪、沙律🥗等，價錢很平，$30多便可，如需飲品，也只是加幾蚊，對於像我一樣不喜歡飲品的食客，我更喜歡不包飲品價錢平點，而想要飲品的食客可以平價加，推👍👍😊午餐餐牌也同樣很多選擇另還有多一個餐牌下午茶焗豬扒飯 $34⭐️⭐️⭐️⭐️ 不包飲品。因為是下午茶，所以份量的確是細份些，這個價錢這個份量是合理，加上優點是好好食，真的很不錯，夠多芝士，有拉絲感 (見下圖) ，亦夠多汁。豬扒都有3件肉 (見下圖) 加一舊T骨位。另外值得一提是背景音樂，是一些放鬆relaxing的類似去做spa的感覺，又有海底feel，全餐好enjoy😊😊.📌總結:✅好色彩繽紛好開心的感覺✅食物款式多✅味道好👍😋✅價錢平🉐推介😊😊

星期五行完山到此開餐，座位比較舒適，五點多到，還可以享用下午茶，餐單選擇很多，可以選擇加飲品或不加飲品。三人同行，一份午餐，三份下午茶，原因係 侍應說午餐比較大份， 有餐湯、餐包及飲品， 於是叫了一客午餐 。實情我覺得午餐 跟下午茶分別不大， 只是多了餐湯餐包， 很多飲品也需要加錢，只不過加得比下午茶餐少。 所以如果兩個餐牌都有還是選擇下午茶餐比較抵食。 另外可能已經過了午餐時間很久， 所以午餐餐汁比較凍。椰香咖喱雞飯（午餐）味道不錯，只是不夠熱，雞扒不夠嫩滑。鮮茄焗豬扒飯好吃飯有些過硬，味道不錯。西冷牛扒配薯條很大的一塊，性價比高，薯條熱辣辣，炸得好脆。正！如果可以揀選牛扒熟度就更好。吃到六點左右，店鋪開了燈光，店內有海洋裝飾，好似置身於海洋之中。

尼條街好好多選擇！不過比起以前少咗好多人嚟尼渡食嘢下午茶時間梗係搵返晚有下午茶餐嘅餐廳啦見尼間好似幾多選擇！決定試吓下午茶餐～煙肉蘑菇忌廉炒意粉🍝（$34）+熱菜蜜（$6）～味道普通，無嘜料，唔夠香下午茶餐～鮮茄焗猪扒飯（$34）+熱檸茶（$6）～麻麻哋，猪扒只得3件！好似唔係炒飯底返而見到好多人叫西多！賣相都OK！下次有以試吓

🇭🇰Double K Kitchen (筲箕灣)筲箕灣筲箕灣東大街33號地舖星期一至日11:45-22:30🍝三文魚蘑菇溫泉蛋忌廉意粉•HKD56味道: 6️⃣環境: 7️⃣性價比:7️⃣推介度:6️⃣-午餐餐湯揀咗羅宋湯🥣好濃郁嘅蕃茄味🍅其他雜菜都已經煮到好淋😍餐包有一片蒜蓉包但焗得唔夠脆蒜蓉同牛油味都欠奉😭意粉好夠熱份量多👍🏻有蘑菇洋蔥溫泉蛋同少量嘅三文魚但調味好淡要自己加芝士粉😅跟餐杯熱奶茶好難飲冇茶味冇奶味得個苦字🤢呢間餐廳新開張嘅時候食過幾次都唔錯性價比好高但依家再食已經冇之前咁好味💔🥺-#香港美食#hongkongfood#筲箕灣美食#shaukeiwanfood#東大街#doublekkitchen#意粉#pasta#foodie#食#foodaholic#吃貨#hungry#飢餓#hungry_dieary#2020

係筲箕灣食Lunch路徑呢間茶記就比佢門口兩塊大紙板吸引住👀，望一望多達50款Lunch Set價錢唔算好貴，最重要係選擇夠多！有意粉🍝飯、薯菜🍟、沙律🥗都有，可以講一定有款啱你口味🤗！/環境其實係幾特別，天花上吊住好多🐠🐡🦑🐙🐬🐟裝飾，感覺好海洋feel😆！/有選擇困難症真係唔好嚟呢間食，因為真係諗左好耐🙉，最後叫左《招牌椰香咖喱香草雞配意粉🍛》，醬汁似葡汁多過咖喱，比較杰身椰香味較重，雞扒大塊煎得夠香脆👌🏻，比較出色另一款《煙肉蘑菇忌廉天使麵》溫泉蛋煮得啱啱好♨️，醬汁香濃配上天使麵恰到好處，以茶記嚟講水準係可以接受，份量夠大又足料，飽肚首選✔️！

朋友請食飯話今晚帶我去間又靚又好食嘅餐廳， 所以我專誠遊由新界 入到嚟港島呢邊，山長水遠就係為咗一試到底餐廳嘅裝修真係好靚好特別呀第一次見有西餐廳係用 海洋做主題感覺自己好似潛咗水，去咗水底咁見到好多水母同埋魚仔囉～哈哈超得意，又靚又色彩繽紛由於時間尚早，啱啱入到餐廳得一台客 我哋係第二台，感覺上好似包場咁濟睇咗好耐餐牌都唔知食咩好因為真係有好多選擇，佢嘅西餐嘅種類有好多，最後我同朋友決定都嗌扒兩條友一齊鋸扒，嗌嘅都係薯菜我哋唔想配飯或者意粉，因為驚食太飽啲炸薯仔好大粒好香口，好好食點茄汁一流，真係唔使食飯都夠飽不過舊扒我嗌咗七成熟，唔知點解食落反而覺得有啲似九成熟咁，肉質有點鞋俾我感覺有點韌，好難切得開囉但係入面啲肉又的確係七成熟嘅質感咁喎....有點兒失望， 而且食落唔夠熱，好似凍咗咁不過淋埋啲汁嘅話又幾好食嘅，佢啲汁ok啦餐湯方面，我同朋友一個嗌咗一個白湯一個紅湯， 佢啲蒜蓉包味道雖然唔算濃但因為夠脆，脆卜卜咁幾香口 成塊放落啲忌廉湯度浸嚟食咁就最好啦嘢飲我哋就嗌咗啲特飲，我依杯紫色嘅係蝶豆花嚟嘅，朋友嗰杯橙色係雜果賓治入面有好多蒟蒻，好正好有口感，因為我好鍾意食蒟蒻杯嘢嘅顏色真

限聚今放寬左，於是同男朋友落街搵野食，行入東大街，見到呢間double k kitchen裝修得幾有格調，嘢食款式又多，就入咗去試吓。西餐來講，唔算貴，又多選擇，下次會再嚟幫襯。

如果有選擇困難症的話唔建議你黎呢間餐廳食但對於在附近工作的人同一星期都有不同選擇今次點了牛柳燴長通粉美國牛柳粒煎得幾好味我仲可以搵到蕃茄蓉架配埋杯熱咖啡精神一振$68有餐湯主菜飲品價錢合理差啲留咗蒜蓉包，可能因為佢唔夠脆醒唔起

環境寬敞，冷氣足餐牌好多選擇要加$25 先有餐湯，沙律及飲品。食晚餐好難唔飲野，二人加左一份。 法包唔新鮮，沙律同湯都無咩好講，好普通。餐湯略鹹。焗豬，個樣同色既靚幾大碟豬排鞋口，無肉汁無底味，事前無醃過完全無調味，唔係汁多就蓋到塊肉本身乾同無味既，okay?飯量多，有炒過，唔算濕，不過可能係因為我地成日試唔同餐廳既焗豬，所以慣左即刻巢起個飯底~德國豬手配意粉，賣相不錯豬手醃得夠裡面都夠味，但食多一兩舊就覺得太鹹，做到外面脆皮，同肉的外面都因距咁，燒得太乾，外面完全硬晒。可取之處係切好晒起晒骨。意粉食左一兩條，完全無彈性無油香(如果落欖油煮或炒), 意粉可以不試，無特別 .配菜有茄子，翠肉瓜同小甘荀，青青地配番豬手無咁漏。原本諗緊，味道都正常既，可唔可以評為okay呢？ 但睇埋個價錢，收加一，食物質素令我聯想起唱k 時既餐飲質素，$122 一個人既話，就算係東大街都好多選擇啦！收呢個價錢唔緊要，但我要食番同樣既質素嘛，呢間性價比偏低了！