Double K Kitchen

Open Now

Now Closed

呢間Double K食過好多次，每次水準都好穩定，食過焗豬扒飯、燒春雞，咖哩雞飯等等等，今次lunch食得輕盈d,食左個沙律配美式炸雞～～～～～～～！ 雖然只是茶記，等食時竟然都有期待因為即場生炸關係，都等左一陣先上～～～上左後食左一啖都已經覺得值得等～～首先，脆就基本啦，入面雞肉仲要多汁軟軟的，同日本炸雞有得fight~~~~~~~~!!!!!!!!下次黎要再encore!是次掛左食，都唔記得影張相 哈哈疫情期間都幾多人，就知水準有番咁上下！信心保證

同事話搬咗之後，睇來以後都唔會再過嚟 #手筲箕灣，既然係咁🤪我哋呢日專登走過嚟 Double K Kitchen 食lunch，留低啲腳毛等有機會返嚟攞返🤣 #DoubleKKitchen 可以話係一間傳統 #豉油西餐廳，餐牌上有各式各樣嘅食物，同 #意粉🍝#飯🍚#薯菜🥔做配搭，價錢大概都係幾十蚊一款好親民。而且好難得今時今日仲有餐廳肯佈置吓，整間餐廳都充滿聖誕氣氛，好有童年回憶😘因為都係第一次嚟幫襯，所以我跟女 #餐牌 上嘅 #推介，叫咗個 #西冷牛扒配意粉🍝 又估佢唔到塊 #西冷牛扒 都幾有肉味，配埋 #蘑菇汁 撈喺 #意粉 上邊，味道都幾合拍😋 不過羅宋湯就酸咗啲、#蒜蓉多士 食落口感似 #紙皮😅 不過呢類型餐廳喺 #香港 已經買少見少，食物的確可以帶嚟回憶，有機會嘅話 #小秘書 一定會再嚟㗎😄

今晚dinner叫咗鮮茄豬扒飯 豬扒太乾身 咬唔開 紅酒煮和牛面頰 牛肉夠軟但亦冇味 配意粉冇汁既 整體超淡 最後係海鮮長通粉 主要都係得tabasco味 檸茶茶很苦味道相當一般 唔會再回頭 已說拜拜The entire meal is so bland. We ordered 3 dishes. The sauce has either just the taste of tobasco or no taste at all. If you like healthy cooking, the lack of salt may be a plus but you would probably rather stay home and do your own cooking instead of dining out then.

午餐點了雜扒餐可以配飯或意粉或薯菜，而這天我點了薯菜，餐前配上餐湯可選羅宋湯或忌廉湯，小多士是蒜蓉味很爽脆，味道和份量足夠且不錯，價錢公道，是一間平民的西餐廳。

場地非常之舒服， 好多卡位可以選擇抬起頭好多白雲同埋熱氣球，感覺好似係夢幻嘅世界一樣。無論係同小朋友或者情人，都係一個非常之唔錯嘅選擇。食物方面賣相都係非常之靚， 鰻魚味道都ok, 不過仲有進步空間，飲品更加很特別。最後佢哋仲送咗個甜品， 雖然份量好少，但係味道都真係好好食。可能我唔太識叫嘢食， 下次要搵其他朋友過嚟試下其他嘢食，睇下會唔會好啲。不過值得一讚既係，服務員非常之好禮貌， 就算已經到咗關門嘅時間， 完全都沒有趕客。

先說說店內的招牌菜牛扒吧了 說要六成熟 哎喲我去！ 咬下去一口就見血呀 還有那裏的香蕉 太硬了 咬下去像咬到未解凍的冰鮮雞一樣 大家想要吃點特別的就來這吃吧 不會讓你失望的.หหบ

超平民高質西餐廳。Double K Kitchen#筲箕灣美食#樂食人生.1.紅酒燴和牛面肉 配 炒滑蛋包飯 $65 🍛-和牛面肉超級腍，但唔夠入味，醬汁紅酒味幾濃，唔算太咸-滑蛋真係處理等非常好，有香香牛油味-飯係炒飯底，仲有少許增菇，每一啖飯都好有味，甜甜地好好食！.2.自家製日式漢堡扒 配 炸薯角 $52-漢堡扒有三塊，混合咗牛肉同蔬菜，食落口感幾清新-薯角幾好食，唔會太油膩.3.香濃咖啡 ☕️-好香好滑唔會太苦，必點！.4.套湯及餐包 🥖.小結：抵食，好味，環境好！重點推介小店！！！！口水指數🤤：4.5/5分

工作需要係東大街放lunch，同事介紹左黎呢個港式西餐度食。一入到去覺得環境企理清潔，午餐黎講價錢適中（最貴～$70），味道係呢個價黎講唔錯。下次經過都會考慮再食多次。

三個人去食飯，叫咗三個餐，就快食完之際，侍應話要安排一個客人坐嚟我哋張枱，我哋都無反對，但就聽到個侍應喺背後講「三個人食飯又唔係俾四個人錢⋯」，趕客使唔使講到出口呀！？

前兩日同朋友聚舊， 近近地揀左去東大街食， 見間餐廳裝修都幾別緻， 價錢又可接受， 就試下。德國鹹豬手配芥末燒汁 $118 豬手皮脆煙韌，肉質嫩滑，但比較細隻。咸豬手通常佐以酸椰菜，有助消化，但這裡改為涼伴脆肉瓜及紅蘿蔔，比較合我怪口味。芥末燒汁與普通燒汁一樣，食不出有芥末味。紅酒燒汁燴和牛面頬肉 $108推介～雖然不肯定是否和牛，但牛面頬肉炆得好淋，食落口感豐富，牛味濃郁，值得一試。香煎美國極佳級牛板腱 $138因為碟上我選擇7成熟， 入口肉汁多，都幾嫩， 份量偏少， 有點貴。

2019年4月21和5月4號都去過，第一次去感覺是喜出望外的。所以帶埋朋友再去，點知就出事，同樣地兩次都係點煎牛脷，第二次賣相非常差，原舊牛脷尖上（即係等同叫燒味飯上舊雞頭！？）舊牛脷係好硬，完全冇煎過就加香草，難食到不得了。食物質素太唔穩定，時好時壞，唔想滿心歡喜帶朋友去令朋友失望，好似賭博咁，所以唔會再去亦唔會推介！

這家餐廳我朋友經常午市去食因為實在太多選擇大概都有40款野食我會形容佢係港式西餐廳質素係可以的 性價比正常餐廳座位比一般茶餐廳好坐不過其實午市時間相當多人一到一點鐘幾乎已經滿座如果12點幾去到位置會比較鬆動嗰度嘅紅湯都可以 裏面有紅蘿蔔食下配一片蒜蓉包 比較乾身 之前試過芥末雞塊意粉 味道都唔錯 $48係醬汁太多 感覺比較肥膩另外試過三文魚通粉 $56今次個汁就唔會好杰 味道唔錯之餘亦都唔會太膩不過三文魚唔多 嗰度有即磨咖啡不過味道唔係太濃 普通食下係可以嘅

東大街搵個下午茶食下，這間茶餐廳做的意粉竟然可以同一般茶餐廳唔同，裡面仲有少少硬硬地，另外芝士味都非常之重，性價比極高。再來的焗豬扒飯是我最鍾意的類型就是夠多汁同埋夠多芝士，塊豬扒就薄少少但都唔鞋，食每一啖飯都充滿醬汁我最喜歡。檸水就冇苦味，咖啡就不過不失，這餐都唔錯輕鬆位置寬敞，最緊要就是環境幾靚，老闆都好有心思成日都轉裝飾佈置。味道: 有味精要扣分環境: 非常有特色老闆時常轉佈景衛生: 尚算可以服務: 不過不失抵食: 非常超值

今天和幾位友人相約在double k，好耐無黎食了，以往經驗都覺得十分好，所以趁著與友人的聚會再來享受餐廳前陣子換了土耳其風的裝飾，藍色天幕，輕盈的雲朵及氫氣球裝飾，簡直給人一種全新的感覺！打卡一流！平時餐單是單叫的，呢度可以叫做西餐私房菜，我地提早跟餐廳溝通好想以海鮮為主的菜單，他們便為我們精心設計了帶子十分新鮮並配上蕃茄洋蔥配菜，十分配合本人最愛的龍蝦湯這款沙律名字好特別，「萬物生長」，令我有深深的記憶。清一清味蕾後就到主菜出場了！超好味的三文魚👍🏽👍🏽鎖住到水份，肉質超滑👍🏽另外我們再點了十分有睇頭的「斧頭扒」簡直比臉還大，職員給我們拍過照後便幫我們切好，十分細心。肉質煮得剛剛好，不會太老，抵贊最後當然一定要食番個甜品做Ending整體：已經不是第一次食水準一直都很好，員工友善，環境傾計一流，私房菜西餐更是我最喜愛的，可根據自己的口味去製定，而且菜色CP值都是超高的，起埋比外面的西餐廳平一半，所以我同朋友們都會選擇這裡

與家人和朋友及同事都是一個很好聚腳地方，午餐有多樣款式選擇，同同事去食每天都可以有不的選擇，價錢平味道超好由$40-50，一定會有一款啱你口味。朋友和家人食晚餐更好，因為廚師注重食物質素要求，每次去食都有驚喜！