龍城冰室

Open Now

Now Closed

龍城冰室一向都是自己在旺角的飯堂，無論食物質素還是員工嘅工作效率都非常高，上菜速度快，今晚自己一個食飯，由於晚飯時間尚早，吾洗等位就入到座。天氣悶熱，選左海鮮湯龍躉泡飯 ，同埋菠蘿包，飲品就選咗凍檸茶。 先來菠蘿包，菠蘿包一貫水準，包微暖，酥油皮脆口，是好好的餐前小食。跟著到海鮮湯龍躉泡飯，一來見到泡飯上面有3大嚿龍躉肉、好多勝瓜同雜菌，好足料。海鮮湯係龍蝦湯的味道，好飲又暖胃，龍躉肉泡過油，魚肉肉質彈牙香口，泡飯易入口連埋其他配料，不知不覺已經食晒成碗，份量充夠，簡單滿足的一餐。😋😋

好耐都冇食過港式味道鐵板餐。網上翻查資料，見到旺角#龍城冰室 評價唔錯，決定就黎呢邊試試。餐牌選擇眾多，種類有煎炒煮炸煲等，連小菜都有。鐵板餐都系$100左右 ，特飲都只係加$9。招牌鐵板黑椒牛柳配黑椒汁 $118牛扒係好淋身， 7成熟加黑椒汁，味道更勝一籌，呢度嘅扒都係淋身有口感，仲包埋餐湯，餐包，鍾意食淋身扒一定唔好錯過！鐵板照燒鰻魚雞扒$108雞扒相信燒左一陣，不過肉質都仲好嫩滑，而且大大件勁抵食，唔食牛嘅朋友都絕對推介，仲有塊鰻魚食!!雜果冰+9紅豆冰+9 店家坐落於旺角鬧市區域，座位寬闊，坐得舒適，百零蚊食得好飽，晚市時間已經開始滿座，好快就現人龍，預留時間等位。

咖喱香煎牛脷飯 $69馬來咖喱正常嘅有d「結」，不過牛脷煎過咗火，都幾乾幾柴🥴另叫檸檬茶，茶好淡冇乜茶味。店員雖然好忙，不過服務態度ok嘅。特別溫馨提示：餐廳地下好油好滑，要小心哦😅

果日有d忙, 做完野返到旺角附近已經好晏心念念想食龍城以前係觀塘開果時已經有幫襯開, 野食質素係好正的過黎旺角呢間, 人流好多好旺不過衛生係差少少, 就算佢地keep著拖掃地, 都會見到有d野食跌左落地下我去到已經係11點左右有宵夜食不過我個人鍾愛食和風牛柳轉意粉牛柳量黎講真係唔少而且味道不錯, 好岩我口味雖然旺角而家開左紅x, 但龍城始終係我首選其實佢都仲有其他野食我會之後再試, 有機會再寫多d佢個酸菜魚我見d人食得好滋味但係我一個人就無嗌之後睇返餐牌先知原來係有一人份量

香港人最鍾意就係食茶記，有6間分店嘅龍城冰室長期爆棚，分店包括在觀塘、旺角、尖沙咀、銅鑼灣等非常就腳👍🏻今日咁崎約左朋友去旺中行街，行完就立即去醫下肚仔～⋄食物款式種類非常多～有小食、現焗麵包、炒粉麵飯、小菜、燒味，炸物、川菜等，應有盡有，未能盡錄😍食物質素挺好，價錢親民，環境舒適有很多卡位🛋️====—====—====—====—✦ 麵包 ✦🥯🧈招牌冰火菠蘿油（$14）麵包是現場烘焙，新鮮出爐😛招牌冰火菠蘿油結合了冰涼的凍油與熱騰騰的菠蘿包，冰火交融，口感豐富👍🏻⋄✦ 小食 ✦🐷🥗香煎豬扒包配沙律（$38）豬扒煎得香脆多汁，麵包軟熟，搭配新鮮的沙律，口感鮮美😝—🍗🍟脆炸雞髀配薯條（$39）雞髀炸得酥脆，雞肉嫩滑，搭配香脆美味薯條非常滋味😙 ⋄✦ 龍城辣辣一人套餐 ✦🐟招牌酸菜魚（$88）配白飯🍚｜附送熱飲｜凍飲加$3｜特飲加$9酸辣烹煮的湯汁搭配酸菜，酸辣開胃，充滿風味，魚肉鮮嫩，非常開胃。⋄✦ 皇牌鐵板套餐 ✦🥘美式雜扒（豬、牛、雞、紐倫堡腸、煙肉）（$108）配黑椒汁🖤配香酥丹麥多士🍞｜意粉🍝｜附送熱飲｜凍飲加$3｜特飲加$9以鐵板盛住，上桌時餐滋滋作響，各種肉類烤出美味的香氣，

食過兩次，一次帶阿媽去食，食物味道還好，某些樓面態度差到爆，第一次知道原來服務行業還可以鬧客人痴線😅冇惹佢，鬧我就算，鬧嘅係自己父母。脾氣差到呢⋯唔知仲以為佢係顧客我哋要氹住佢服務佢，好心啦，躁底就唔好做啦。最後都係經理出面道歉，自己匿埋鬧完就走。

今日喺旺角食晚餐喺旺中行完街見到呢間冰室就搵咗呢間冰室食晚餐餐廳入面有好多客人我喺出面等咗幾分鐘就有位坐餐廳嘅食物類型好豐富👍🏻有韓式、日式、中式、西式、咖哩等等🤤相片睇落好吸引🤤🤤最後我揀咗餐廳推薦嘅菠菜汁焗魚柳飯嘢飲就揀咗最愛嘅紅豆冰🤤等咗一陣 先上嘅係紅豆冰🤤奶味好濃 仲有好多紅豆喺底味道都唔錯 飲落唔會好甜👍🏻平時喺其他餐廳都有食魚柳焗飯但多數都係焗芝士或者白汁今次見到餐牌上面菠菜汁焗魚柳飯有推薦嘅標誌所以就想試下到底菠菜汁焗魚柳飯好唔好食☺️結果菠菜汁焗魚柳飯味道好正👍🏻上面鋪滿芝士 同埋飯底係炒飯而且雖然餐牌上寫係菠菜汁 但其實佢都有放好多菠菜係面鍾意食菠菜嘅人就會覺得呢個飯好正🤤

今日中午過左旺角嗰頭，試下呢間。辣水魷麵成個idea係好的，水魷發得十分好、算幾入味，爽口又彈牙，但個汁可以再改善下，係帶點柱侯咖哩既味道，或者可以加少少蘿蔔或肉類去煲增加鮮甜味。但另外嗰個拼左榨菜肉絲，搞到湯底咸到Gg個焗豬又係一般，炒飯底係就係粒粒分明，但就十分乾，可能因為預先炒好一大兜擺喺度…蕃茄汁又唔夠！豬扒乸得不算太甘，但個炸粉太過厚！焗就只係焗到個面既芝士溶，入面唔熱煎蛋芝士菠蘿油就成件事無harmony…芝士不太濃味，包包中規中距，烘得不夠熱，脆皮粉粉地？個奶茶濃就幾濃，但有苦澀味同有中藥味既aftertaste唔明要排隊既位喺邊？

啲外國friend話最近都係見網上啲人講香港既街頭美食，我話其實點只得街頭野呀，茶記都好正架。 因為咁，今日食茶記都特登影下相比friend 睇下先。雖然成日食茶記其實都係個啲，但都有好唔好食既。 今日同朋友食旺角呢間龍城冰室，係正地鐵口，一出就係。 以為咁大間又新又盛，冇呢特別啦，又唔係wor。 叫左個下午茶餐： 豬扒腸米粉，跟火腿蛋同丹麥包，最傳統既花生醬西多，紅豆冰，同熱檸水。第一次黎，冇諗過佢下午茶餐都咁大份，碗米粉好多，塊豬扒手版咁大塊，犀利wor。 而且都應該係即煮，因為豬扒唔係好油，連份西多上既牛油都仲熱到有泡泡。 西多好厚，切完都唔會淋，落單哥哥話流心芝士西多仲受歡迎，因冇咁甜，但我地就係鍾意傳統個種。 最正係杯紅豆冰，超多紅豆同好大粒，飲落唔會好水，係真係細個飲個隻味，奶同紅豆比例好得。 呢間真係可以再黎。

叫外賣一個小時還沒有整好，打電話去問，態度差話整要時間，要整一個小時，沒有說完直接掛掉電話等外賣要1個小時，不會說太多人整不了要不就是叫外賣送過來就好像一定要給小費一樣，一點禮貌也沒有

今朝收工諗住嗱嗱淋叫個外賣早餐返屋企食...食完趕住陪老媽子睇醫生...0810落order叫咗個沙爹牛雙蛋通加杯熱飲…點知等咗成十五分鐘都未見到個餐…於是就好聲好氣走去問個收銀係咪漏咗單啦~~~~點知佢竟然好串咁答我等十五分鐘係好正常囉!!!🙄🙄🙄佢單就落咗,唔知廚房有無漏單喎~~~但又無行動去幫我問...ok...之後我又等多五分鐘...竟然見到後過我叫外賣嘅餐都出咗嚟,都仲未見到自己嗰份早餐,於是又揾個侍應再問啦...最後先攞到個餐...返到屋企(前後唔到三分鐘路程)食嘅時候竟然發現,個餐啲蛋黃穿晒...啲蛋漿都已經熟晒...隻煎雙蛋入面仲勁多蛋殼碎!!!呢間保證以後無幫襯!!!

夜晚上堂前，需要食一個快飯，黑板上面嘅飯麵一般比較快啲有。上次講過如果冰室有飯食，其實就係近年開嘅茶記 ，咁所以我都叫左一個有少少創新嘅晚餐選擇。攞餐牌睇下有咩食睇完，都係決定食晚餐 睇下舖頭環境 瑤柱海鮮帆立貝福建炒飯 $69大眾認知嘅福建炒飯，都係炒飯上面有一個蠔油芡，啲餸有雞粒、蝦仁，同少少芥蘭粒，可能會有瑤柱碎。既然蝦本身係海鮮，要特登強調海鮮舖頭環境係咁嘅，就會想睇下呢碟飯有咩多左。上菜時候，見到早餐粉麵好出名嘅水魷魚，都有雞粒、小蝦仁、蜆仔、瑤柱碎，芡汁好濃好送飯。下面嘅蛋炒飯夠乾身，粒粒分明，仲有蛋香。食到咁上下，仲會搵到一隻帆立貝，好有尋寶感覺。唯一一個美中不足嘅地方，係用三色豆炒飯，好多人接受唔到嘅嘢，令呢樣嘢感覺變得西化左少少。紅湯羅宋湯番茄味濃，配料有大量番茄🍅同西芹。飲到一半，仲有幾大塊嘅牛腩，認真足料。黑松露炒蛋多士(散)$28炒蛋好滑，上面嘅黑松露醬都好重手，幾鍾意個蛋。炒蛋喺烘脆多士上面係咁流蛋汁，雖然令中間變腍，但外脆內軟，層次多左，感覺變得更好。凍OT 少甜少冰 $3有茶味，但無咩澀味，自己篤得夠檸檬🍋，就會甜酸適中

我今日約左好友去旺角行街，聽聞龍城冰室的扒餐好有水準。於是，我就去位於亞皆老街65號旺角新之城地舖的龍城冰室朝聖，環境闊落，卡位坐得舒服。我點左鐵板招牌黑椒牛柳配薯菜$128，好友就要招牌鐵板西冷牛扒配蒜蓉汁$118。餐湯要羅宋湯，餐飲是熱咖啡。牛柳及牛扒要八成熟，外脆而內裏肉汁豐富，味道不錯；薯菜是原個薯仔焗的，很有風味，值得推介！餐湯是羅宋湯，材料豐富，好味又好飲！餐飲的熱咖啡，熱辣辣的非常好味道！

早餐蛋等20分鐘都未到, 侍應只熱心招呼客人入來, 毫不跟進漏單, 服務奇差, 下次不會再來侍應只看重大陸客食物可以, 質素不錯, 餐廳俾一班不夠水準的侍應搞壞地點適中如果點餐電腦化會更好,

我今日出去旺角行街，順道去亞皆老街的龍城冰室食午餐。這位置真係好方便好快捷呀！我點左個406號韓式泡菜魚片花甲豆腐石鍋配白飯$88，白飯份量不少，石鍋的材料新鮮，魚片花甲好食，豆腐滑溜，鮮蛋好味，值得推介！