龍城冰室

Open Now

Now Closed

明明屋企樓下就有間龍城冰室，點解仲要喺旺角食呢😂？仲要呢間又多人又要排隊。無他，因為夠快夠平靚正囉。呢個常餐食過好多次，次次都食沙嗲牛，就係未試過招牌香辣魷魚公仔麵。叫得招牌，果然唔錯，辣汁香而不太辣，有啲似街邊辣魚蛋個汁，幾啱我口味。魷魚亦食得出少少鮮味，冇咩雪藏味。另一次下午茶時間嚟到，叫咗個流心芝士西多士，入面嘅芝士夠澎湃，不過出面塊麵包就有朕雞味，我估可能鑊油之前炸過雞翼雞肶，影響味道😆。

咁岩行開旺角，晏啲要去比賽又唔想食咁飽，就打算快食個Dinner，呢間食店座落新之城轉角位大地舖，無論邊條街行過黎，過馬路時一眼就見，望下外裝內裝，見佢裝修都幾企理，等左一陣，人潮無停過咁出出入入，連門外面賣麵包既都有人幫襯，有啲信心，於是就入內幫襯一下，初時坐門口位較為大風，於是轉後一個位就已經唔同，卡位坐得都舒服，店內光猛，餐牌林羅滿目，好多選擇，無論茶餐、泡飯、石頭飯、焗飯、咖喱、小菜好多野揀。焗咖喱薯仔魚柳飯$71落order之後本來焗飯以為要等好耐，點知大概8mins就送上枱，係熱辣辣既，飯粒挺身兼顆粒分明，味道不錯，咖喱唔辣，就算唔食辣既人都可以享用，不過就比較濃味，適合返濃味既朋友，魚柳腍身舖滿盆面，份量唔多，女仔都會食得哂特厚花生醬西多士$28話明特厚，咁佢上枱既時候都真係厚切既，類似四塊白麵包既厚度，面頭擺左舊牛油，熱度令佢開始溶化，糖漿係一包包，唔夠可以問職員再添，花生醬係用粗粒花生醬搽入面，感覺上可以再多啲，落單時要講定

本身 買左個外賣 炒米粉 一鳴驚人 跟住推介朋友一齊食通常都係夜晚12點左右食 老實講 可能個外賣太出色 黎到堂食真係差好遠味道都冇當初咁正不過頭幾次 已經比佢既服務態度都一嗚驚人左🙂戴翻頭盔 食茶餐廳唔係要求oma服務 但基本禮貌都唔係冇呀嘛叫左野食半個鐘 冇反應 點知成張單漏左👍🏻叫左個飯明明係焗飯 比左個碟頭飯 叫我食 ok我食 個侍應行翻過黎judge 問我點解錯？ 情緒何其激動🤡6個人食飯 個場爆左 叫我地3個3個分開食朋友問如果有枱係咪轉翻比我第一個女侍應情緒何其高昂)3個3個坐咪得囉點解唔得:last order 1點半 (當時1點) 你地叫唔切🔥左 :我等都得掛 我會睇時間叫女侍應發晦氣)咁你等啦30秒後，第二個侍應: 你地要叫野食架啦窩，我地1點半截單朋友:我知 我等都得掛侍應:得，不過今日咁樣都冇位比你10秒後，同一個女侍應。。。後方傳來，:衣家要埋單架啦，要比錢先🤡Ok係我地錯 知你地燥底 唔阻你地收工 走先byeUmmm 淨係想問一下如果1家3口出街食飯，得張2人枱，請問 係咪呀爸應該同個女坐，定同佢老婆坐？再請教 係咪等枱一齊坐都係唔允許？🙂

今日申請早放工原因係要去旺角大球場睇阿仔足球比賽！趁有些空閒就入左位於亞皆老街嘅龍城冰室~一人之境嘆番個豐富下午茶先！☕️☕️☕️☕️☕️☕️☕️☕️☕️☕️☕️☕️☕️☕️入到冰室環境地方很大！亦有好多卡位供應 ，實行自己一個慢慢享受！冰室職員個個馬不停蹄落單、餸菜及清潔，睇得出佢哋係一班勤力的職員🧔🏻🧑🏽🧑🏽‍🦱👩🏻‍🦱👱🏼‍♀️餐牌方面：亦有很多選擇~包括：早餐、午餐、常餐茶餐及晚餐！總有一個餐啱大家食！😋🤤😋🤤😋🤤😋🤤😋🤤😋🤤😋🤤因為自己太肚餓關係所以我叫咗一個茶餐加一份特厚花生西多士🧇🥔🧄🥦🥤🐔🧇🧇 🥜🥜單叫：特厚花生醬西多士 $28西多士一定要趁新鮮熱辣辣食先好食！一嚿一嚿慢慢切來品嚐就至啱！好享受呢個感覺！ 外脆內軟中間夾住花生醬特別好味！中間牛油趁熱滲入多士面層額外超正！獨立包裝嘅蜜糖任你喜好加多少！ 好味道及滿足 😋😋😋😋😋😋😋😋🧄🐔🥔🥬 蒜蓉雞扒椰菜配德國腸及焗薯加凍檸茶🥤🧊 $68呢碟下午茶令我好滿意尤其是焗薯🥔因為好欣賞廚師洗到個薯仔外皮好乾淨，焗薯口感非常‘’粉‘’再加少少胡麻醬・都係第一次嘗試食！蒜香汁好多蒜蓉令到沾上雞扒都好惹味！雞扒肉汁嫩滑，外皮炸得香脆！呢個餐冇得輸！🤗🤗🤗🤗🤗🤗🤗

一去度有枱幾個落單阿姐唔比我地坐，迫我地四人二人枱，好啦我地行番出去等，點知等左好耐佢比張枱比另外三人，我話我先就比左我坐，個張枱就係頭先吉左個張，叫佢比水，大力丟過來，個杯好污嘈有飯，之後同朋友傾計，話好嘈，個阿姐無啦啦大大聲話係咁嘈嫁啦，唔好係度食啦，五升級呀，走啦，火都來話投訴佢，成班阿姐話係咁嫁啦，我地全部都粗人嫁啦，之後我地話投訴，佢地唔理，問叫咩名，佢地話唔會講，叫我打電話投訴，點知個單張個電話已經停止。玩咩！

平時喺附近返工都有間唔中過嚟食嘢或者買外賣返去食，之前試過一次外賣自取去到講Number同個店員講幾多號Number外賣，個店員望都唔望就話擺晒喺度，自己攞都得㗎喇，咁第二次外賣自取，我咪就咁同佢講咩Number自己攞袋外賣囉，然後入邊夾麵包個位個肥婆呀姐態度好差咁講：「你要比我睇至得架，唔係自己攞架」，咁我咪show電話張單佢睇囉，跟住佢又話：「我睇都唔使咁近」，講緊全程我淨係攞早餐嗰陣時講咗一句：「係幾多幾多號唔該」，但係跟住佢講嘅嘢同埋佢嘅態度係超級差，完全係想撩交嗌嘅感覺！我哋祝佢生意興隆！

佢嘅沙嗲牛係幾好味嘅，不過外賣好慢（我試過堂食係正常速度）茶記早餐講真10分鐘都出到餐，但基本上次次都遲。今日我已經再早咗喺熊貓撳自取，去到已經係到自取時間，但都要再等咗10+分鐘。我問個收銀阿姐，佢竟然叫我投訴個平台（即係熊貓）。明明係佢哋手腳慢，成日都等夠3 5個外賣先一次過拎出嚟。最後拎完外賣我望返張單（係餐廳入嗰張，唔係熊貓嗰張），佢都係即時入咗啦，即係佢哋自己慢，唔係熊貓嘔唔到張單出嚟喎。完全係掉走個波就算，仲要我問一句，個收銀係咁不斷講話佢都冇辦法。

雖然龍城冰室好似唔算開咗好耐，但已經成為我同同事食早餐嘅不二之選。佢早餐嘅價錢唔算係特別平，平均大約40蚊左右，但勝在地點就腳，係地鐵站出口嘅隔離，地方算企理同埋乾淨，而且佢早餐嘅款色都算幾多選擇，同埋一直佢都keep度一定嘅食物質素。唯一覺得佢要改善嘅係佢只收現金，希望可以接受其他嘅付款方式。

依間野真係執到個靚位，生意滔滔不絕，根本就係唔憂做，今次店員態度比上次更差，起碼舉三次手先至有反應，而且語氣好唔有善，落完單居然話：吾好催單…..真係比佢吹脹！叫咗個常餐瑞士雞翼撈麵瑞士雞翼入味，夠熱。瑞士汁甜甜地撈麪好味，不過汁的比例太多。火腿奄列，丹麥吐司奄列煎到紙咁薄丹麥吐司超級多油，拎上手已經成手油，食咗兩啖都係放棄。熱奶茶上枱前已經比店員倒瀉咗一部份成杯，剩返八成滿。成杯嘢根本就唔夠熱，勉強話比暖和多少少，直接可以一啖到尾。

📍龍城冰室 (亞皆老街) (旺角)旺角亞皆老街65號旺角新之城地舖一間好多款式既茶餐廳😍好多選擇🎉今日下午茶時間都唔算多人排隊，唔使等就可以入✌🏻最中意食佢既沙嗲牛肉麵😋😋😋d牛肉好淋好正，沙嗲味好濃🤤面就淋左小小，下次可以叫唔好煮咁淋😬另外叫左個炸雞髀🍗配沙律🥗雞髀炸得好出色，熱辣辣😍入面好多汗🎉

上星期18號晚上排隊後就坐係好細二人單人位後；未落單前見到隔離張大D枱有客人離開；同某職員查詢可以轉位嗎？佢態度好寸咁話“頭先你哋唔應該接受細枱安排；佢問都唔問出面同事就話唔得；重要繼續講其他嘢”；我即時嬲到走咗；奇怪係出面同事見到我哋走又唔會問點解渦？唔通佢哋諗住客多；少一個絕對唔緊要😡所以冇嘢食都唔會幫襯🤬

有位戴眼鏡金頭髮既員工幫我落單但落錯左，之後同佢講返落錯左，我講我要A餐但佢幫我落左B！講左幾次後，個位員工就飛張單黎我台面再同我講話: "送俾你食算啦" 之後就行左去好彩有另一位職員幫手改返單，但果位幫我落錯單既員工仲行過係我後面口up up 咁講粗口！咁既服務態度真係犀利

咁啱今日去咗旺角行街，正值午飯時間都有啲肚餓，所以就決定咗去一間冰室食午餐。呢間冰室嘅地段其實都幾方便，非常之近地鐵站。焗芝士牛脷飯平時我就好鍾意食焗飯嘅，所以見到餐廳有提供我當然會試吓。今次就叫咗焗芝士牛脷飯，睇落個賣相都幾好。熱辣辣唔錯咁喎。牛脷嘅份量都幾多，而且食落口感軟腍，好容易就切得開。另外白汁嘅味道都好濃，熱辣辣嘅焗飯配埋芝士食好開胃。炒蛋治炒蛋治我都好滿意。唔單止炒蛋夠香滑，調味都好足夠，多士切口都非常整齊。雜果賓治去得冰室就梗係要叫返杯雜果賓治，雜果嘅份量好足夠。再倒埋7喜落去，個賣相真係好好睇。飲落個配搭都非常唔錯，絕對值得一試。如果大家都鍾意食冰室嘅，就唔好錯過呢間餐廳啦。

今晚凍凍地想食暖笠笠的晚餐見到龍城冰室，餐牌有酸菜魚吸引咗我入去🥳點左dinner set 有湯送 可以揀左中湯或西湯西湯係羅宋湯我就揀左中湯合掌瓜粟米甘荀煲豬骨好足料及入味的老火湯😋到今晚主角：酸菜魚🐟超驚喜😍冇諗過咁大碟香料辣椒都好足夠 魚的份量都唔少食落酸酸辣辣 好惹味配飯一流真係比得上出邊酸菜魚店但佢的價錢只係$85仲要送湯 送飲品CP值高好難得係一間茶餐廳裏面食到酸菜魚 仲要係好食❤️飲品我就加左特飲 +$9雜果賓治夠特別 飲完又有d雜果食 值得試😊之後見到佢有個麵包corner忍唔住叫左個酥皮蛋撻食 $7仲係熱辣辣好脆口 忍唔住買多個明天做早餐😋正整體食物唔錯 上菜快加上地理位置真係好方便旺角D出口一出就係👍🏻會想再encore

外賣叫早餐，一個鐘都味出到單，打去外賣app同餐廳問咩事啦，外賣app還好會幫你跟，個餐廳接線唔答話咩都唔知，睇都唔幫你睇，同餐廳講叫個早餐成個鐘後重係準備中，餐廳方面係完全唔會幫你睇係味甩左單，只係會推卸責任錢就比左，都好好禮貌咁同餐廳講返甩咗單既問題，重要收線時候聽到比餐廳員工極不禮貌地粗口問候，態度極之惡劣由落單到送餐體驗極差，員工連甩單都唔識跟進，7點落單9點都味送到，極之不推薦