龍城冰室

Open Now

Now Closed

果晚睇完演唱會好多人一齊嚟左呢間食大家手上都拎住同一樣既野邊個咁有號召力就係佢啦一坐低叫左個酸菜魚大餐（2人份）佢自己都話可能係最好食既酸菜魚我比90分呀！首先賣相好吸引有兩條魚～魚肉滑無骨唔腥，好多蒿荀，菇片湯底唔會太咸小辣就咁飲同撈飯都一流兩個人計埋野飲埋單$221以一餐宵夜嚟講係有d貴試過酸菜魚後會覺得物超所值平時出嚟旺角行過都無諗過幫襯覺得冰室都係食嚟食去公仔麵飯但下次一定會再番嚟食酸菜魚

呢間龍城冰室旺過旺角，窗口仔賣麵包長期有人買緊，堂食常滿，所以成日外賣；今日趕住食完飯上堂，乖乖排隊入座，好彩都勁快有位😎晚餐有呢個齊集我至愛，唔使點諗lu⋯⋯芝士蝦球燴伊麵伴西蘭花 $98一碟伊麵，有芝士西蘭花及芝士蝦球，大廚炮製呢個組合真好！唔好睇少呢個平民版芝士蝦球伊麵，蝦球堅大粒，隻隻蝦都手指公咁粗壯的！🤣🤣超級啖啖肉。同埋d蝦已經醃咗味，加埋芝士汁，香噴噴，夠惹味。而且芝士汁絕對對板，撈伊麵真係一流，好好食呀。平時食飯見到芝士焗西蘭花都會嗌，今次嘅芝士西蘭花雖然無焗過，但西蘭花點芝士汁，都係咁正！推介丫。羅宋湯呢個紅湯好飲喎！一嚟足料煲、二嚟無溝到水汪汪，堅香濃，連d煲湯料都食哂，乾了！哈哈....熱檸茶茶底清新，唔會澀，檸檬片又夠多，呢度果然出手豪爽，野食大大碟，麵包大大個，野飲都大大杯，性價比超高呢～

放工到旺角吃晚飯，揀左近旺角地鐵站的「龍城冰室」位於旺角中心旁，餐廳面積寬敞座位多，新派冰室的裝修風，座位闊落舒適多款美食均定價合理招牌明爐燒鵝 (例牌)例牌份量都唔少外皮燒得香脆，鵝肉緊緻富鵝香，鵝油四溢招牌酸菜魚大餐 (2-3人份)送白飯兩碗及飲品兩杯加左娃娃菜原條生魚上，夠架勢魚片及配菜份量多，魚肉雪白有魚香；配菜萵筍，蘿蔔，酸菜及娃娃菜都好入味；酸菜魚湯鮮甜辣度夠，酸辣度平衡又充滿芝麻香，油膩感低

呢間我成日經過都見到，但係從來都冇入過去，因為覺得佢只係間普通嘅茶餐廳。不過有朋友推薦我話呢度嘅酸菜魚超級好食，仲帶埋我黎食裡面係茶餐廳嘅基本格局，但係非常之大，座位好多。因為朋友推薦，所以一坐低就毫不猶豫嗌咗個招牌酸菜魚，另外我再嗌咗一個我平時喺大排檔好鍾意食嘅，蜜椒薯仔牛柳粒啲嘢食好快就到，果然係茶餐廳速度但味道真係好唔同！食得出落咗好多香料、花椒同埋酸菜先可以令到個湯咁好味，有辣椒香但係又唔會好辣啲魚仲好薄、超滑又多，配飯真係一流。真心仲好食過深圳嗰啲貴價酸菜魚啦薯仔牛柳粒仲有鑊氣過大排檔啲薯仔外脆內軟，牛柳粒都好軟滑，有牛味，又有好香嘅蜜糖味，同埋大碟到應該要兩個人先食得晒，但真係好食到幾飽都要食埋佢好彩我哋嚟到嘅時候算好早，走嗰陣差唔多有10幾人排緊隊，一定會再黎食！

今晚買咗戲飛睇戲，7點鐘睇6點鐘放工，但肚餓都要醫咗肚先😋，好彩附近有間快靚正嘅茶餐廳。此店面積都幾大，但經常爆滿，所以我始終都未試過，估唔到今日想快食就有位，勁好彩😁。見餐牌食物選擇非常多，我哋點了幾款小食試下。招牌沙爹牛麵 $37.-公仔麵煮得啱啱好，軟硬適中。沙爹味香濃，牛肉調得入味，質感軟腍無筋。脆炸雞髀配薯條 $39.-三款食物最遲上枱，太約6分鍾後，其實都好快🤣。雞脾炸得非常香脆，肉質軟嫩又juicy，調味唔會過鹹。薯條同樣炸得香脆乾身，另灑上小量五香粉調味，令整體味道更加香口惹味😍。雙拼三文治 $24.-即制腿蛋治，火腿肉味鹹香，炒蛋嫩滑香濃，方包新鮮鬆軟，組合雖然簡單，但熱辣辣又好食🥰。

·服務態度不敢恭維員工邊落單邊向在坐食客呻自己做到冇停手有幾慘，但做事又是是但但求求其其，禮貌地請求幫忙收拾上一手食客食完既碗碟，佢真係就咁收走啲碗碟就算，連啲食物殘渣都冇抹一下，基本清潔都冇做到。對面枱食客因為未能一口氣落哂想食既食物，稍有延遲半秒，該員工已口噏噏不滿地離開，沒有理會該枱食客。待該枱食客諗好哂食咩啦，禮貌地再叫該員工，該員工沒有加多理會，然後眼見該枱食客拉隊走人。過程上該枱食客都很禮貌，就只係節奏慢左lol·環境不堪一入門口個地下似日久失修又冇拖地咁，好多污漬。入面冷氣又好似壞左咁，大熱天時係室內都係一路食一路流汗。環境窄到不得了，食客枱正前面不到一米就係碗碟收納桶。員工將污糟既碗碟扔落去時不排除會飛單到啲汁液到將枱到。·衛生差張凳勁多食物碎屑，張枱又油淋淋，收走碗碟後又唔會抹枱，殘留上一手既食物渣。叫左個多士，張單攝左係塊多士下面，然後個送餐阿姐徙手撩返塊多士底張單出黎，睇到我眼都突。打開刀叉筷子盤，啲刀叉油油地，把刀仲要有殘留物，痴住左粒乾左既蔥粒。盛裝食物既器皿都好似冇乜點清潔過，油淋淋同好似就咁過水洗就算。·食物質素叫左鰻魚雞扒鐵板餐，份量正常。餐湯叫左羅宋湯

龍城冰室位於旺角中心最旺的地帶，以前係一間金鋪，不過最終都做唔住喇。反而開茶餐廳時常都有長龍等位。今日，我就嚟到呢度試下佢哋嘅食物。首先，我哋點咗沙嗲牛肉麵（$37）。沙嗲牛肉麵嘅牛肉切得幼細，麵用返港式茶餐廳傳統的大光麵夠彈牙，沙嗲湯底香濃，味道非常正宗。菠蘿油嘅麵包香脆鬆軟（$31），用冰冰住既牛油香而唔膩，好好味。跟餐送一杯熱飲，當然係飲港式奶茶啦！我覺得呢杯奶茶茶味夠香，夠濃，加埋啲奶夠滑。最後，我哋仲加咗一份瑞士雞翼配薯條（$33）。雞翼肉質細嫩，配上啲特製瑞士醬汁，味道醇厚。薯條炸得鬆脆，夠熱，好好食。

第一次食，極差！嘢唔好食！鹹到冇人有根本食唔落叫拎水又翻你白眼收銀仲過分我唔知一定要現金就拎咗八達通去反白眼夾好冇禮貌話甘話要現金呢世唔再去根本就拉圾理解唔到點解做得甘差

今日出旺角睇戲，想搵個地方快食😊所以旺角新之城一出，見到龍城冰室，就決定食佢啦😉佢個位置方便，都幾多人，所以喺門口都要排一陣隊，好彩入面都好大，等左一陣就可以入到去啦。佢食物嘅種類都好多，唔係淨得港式茶餐廳嗰啲，仲有台灣風味，韓式石鍋等等，仲有啲係推介食物同埋晚市小菜套餐。我地小菜就叫咗個黑松露雞蛋炒蝦仁套餐，套餐有一個例湯，白飯，同一杯嘢飲，啲蝦仁都幾大隻，蛋都炒得幾滑，份量都好大。去到茶餐廳，當然要試吓佢嘅菠蘿油啦，個菠蘿包係暖暖地，牛油係分開上，可以自己決定食幾多牛油，就唔使怕太肥。我哋仲叫咗個瑞士雞翼拼薯條，雞翼好入味同埋都好滑，薯條食唔到停唔到口，熱辣辣幾好食。呢個份量2 個人都好夠食，個奶茶幾濃滑，果然係一間唔錯既冰室。

相信大家去茶記食早餐黎黎去去食的粉麵都係餐蛋麵、雪菜肉絲米或者沙嗲牛通等，本身黎龍城冰室都係貪佢夠大，唔洗點排隊，而環境又叫乾乾淨淨，同朋友可以吹水舒服D，所以對佢無乜期望。不過當望見Menu，居然見到自出世以黎咁多年都無見過的粉麵出現係早餐Menu，就係「招牌秘製香辣魷魚公仔麵」，仲要配埋炒蛋同芝士火腿牛角包，係旺角連野飲都係$42，我今次叫左轉米粉，試下味道係點。一上枱發現魷魚放晒係中間，份量好似唔多，但攪散之後發現都有五、六舊，已經每一舊的Size唔細，之後醬汁方面係有點似辣版沙嗲的味道，魷魚都算入味，但肉質唔會過淋，整體上味道唔錯，係早餐黎講都算係一個特別的選擇。

平時去茶餐廳既我都會嗌常餐😌但今日下午茶時段去無理由唔試下啲新嘢😎而且因為呢到實在係有太多選擇，搞到我都猶疑左陣食咩，直至我見到呢款完全無expect到既酸菜魚餐🤩即刻兩眼發光，估唔到有得用下午茶價錢嘆到咁高質既酸菜魚🐟。🐒招牌酸菜魚配白飯💰$68👉🏻熱杏霜🐒蠔油菜心💰$23佢個酸菜魚份量好多，無因為係下午茶而減少左份量，而佢個酸菜魚入面都仲有其他配料，例如係蘿蔔片，酸菜等等，十分豐富🥰另外一點我中意佢既地方係夠酸🤣配埋白飯食真係好正🍚呢個價錢有飯有野飲真係超級抵下午茶食到好似我咁嗌碟菜當埋晚飯咁食😋又可以均衡啲又可以飽啲

搵位度：🌟🌟🌟🌟抵食度：🌟🌟🌟🌟好食度：🌟🌟🌟🌟龍城就一街都係啦，唔使多介紹啊，所以今日講喺度食硬嘅體驗啊。呢個薯仔牛柳粒，屬於每日午餐之一，唔一定日日都有係午餐表度，撞手神啦。咁我就覺得佢薯仔係過分地道，而且偏硬牛柳粒就唔夠淋，有少少失望。不過我之後幾次又去食下啲普通頹飯啊鋸扒澱粉質啊，有朋友鍾意食湯飯啊，迴響都唔錯，普遍來講係好味嘅選擇都好多。有冇落單光速餐風格冇辦法㗎啦，地下就好似溜冰場咁滑，食得只能接受。

見佢新開冇耐，裝修得幾靚就入去試下，但係呢度既侍應講野勁大聲，非常趕客，台面好油，衛生較差，食物質素亦一般般，茶記黎講性價比低叫左個香鍋麻辣雞($73再+$18跟套餐) 得勁少雞但鋪滿辣椒，味道OK但係份量勁少🤣🤣🤣 飲品叫左凍檸茶 (重要加3蚊凍飲)

今日行完旺角中心又肚餓腳又攰攰地就入去試下，之前食過觀塘分店，旺角既龍城冰室既舖位就大好多，好多卡位，裝修都幾靚，同埋夠晒大基本上唔使點等位，位置好方便，就喺旺角站一出，新之城地鋪👍🏻👍🏻👍🏻👍🏻👍🏻晚市叫左蜜椒薯仔牛柳粒 ($76+18)幾夠鑊氣，鍾意佢個炸薯仔粒😋香鍋麻辣雞(73+18跟套餐)好多辣椒，夠晒麻辣，食得過癮，但係份量唔算多🤣🤣🤣兩杯凍檸茶 (凍飲+3+3)

𝐼𝐺@62.𝑙𝑜𝑦𝑎 ❣︎ 旺角中心最近新開左間冰室今日等上堂有啲時間就黎試下環境方面裝修好新淨主要以卡位為主唔係食飯時間都好多人♡⋯⋯食評⋯⋯♡ ☻ 4.5/5 常餐 · 仿鮑魚火腿絲湯通粉 $56配 火腿奄列及 香酥丹麥多士可配 通粉/米粉/公仔麵（出前一丁+＄3）好快就上菜成碟裝到滿一滿🥰夠足料一點也不孤寒湯底係香濃的雞湯火腿奄列啲火腿多到拱起左塊蛋😂😂香煎豬扒包 配沙律/薯條 $38今次想冇咁罪惡感揀左沙律沙律配料有紅豆·菠蘿·薯仔等等沙律醬同配料比例都唔錯唔會淨係得沙律醬豬扒包煎到好香呢個價錢黎講性價比好高👍🏻👍🏻