龍悅 (Closed)

父王七十多歲生日，家姊原本想安排食自助餐，孝順一下父王，但在小弟的意見下，選擇了這家在家附近的龍悅吃中菜。時代的大趨勢，屋邨酒樓不時易手。雖然這間龍悅開在家的附近，但一值未有光顧。酒樓的裝潢和以前的相比確實升級了不少，樓底更高、環境更舒適。父王是主角，當然由他發板叫餸：「絕配孖寶」燒鵝皇及天天煲靚湯、翡翠黃金大蝦球、沙拉京都骨、豉汁豆腐蒸白鱔、一品海鮮煲和薑葱廣島蠔。第一道菜：脆皮燒鵝皇，真的很「大碟」，下面的蠟燭增加賣相，但只限賣相，這麼大的盤只有兩根短短的蠟燭，實際作用不大。而脆皮燒鵝皇也似是虛有其名，皮不香脆，叫得上鵝「皇」卻不長肉。第二道是天天煲靚湯，湯天天都煲，天天也不同，今晚是野葛菜煲生魚。從拳頭般大的砂煲裡看到湯很足料，嚐了一口後，便能告訴自己沒有來錯！第三道是薑葱廣島蠔，葱味甜，我吃了很多，蠔，肉太實，實到似吃紅燒魚塊，沒有蠔味。第四道：沙拉京都骨，普通沙拉骨一碟，沒驚喜沒失望，正常水平。第五道：一品海鮮煲，海鮮味沒有融合到，每樣海鮮「各自為政」，不入味、不軟身、鮮味亦欠奉。第六道：翡翠黃金大蝦球，蝦球的肉很實、不彈牙，蝦肉和蛋黃夾得怪怪的，令我明白黃金蝦為何要連殼煮。

因上班貪方便，去了住在附近的茶樓食Lunch，龍悅茶樓都是間中去，整體食物與服務都略好。睇餐紙食物款色以前多過現在，以前有5張餐紙現在得3張。鳳爪排骨飯  份量夠，鳳爪排骨味道可以。價錢$12.8肉碎餃子抄手 我就覺得以中點的價錢賣吸引，味道不特出但不錯，肉料不少有口感而不咸。天天靚粥  有瘦肉和少量皮蛋 味道與份量 Very good 只賣$12.8 魚湯鮮竹卷 裡面只是冬菇絲和蘿蔔絲，我就覺得一條都覺得油膩，真是認真要改善。較早前曾推出家鄉銀針粉而且食過美味，為何今次來的沒有得點？叉燒餐包口感與味道不過不失，長食長有。

因為貪方便，朋友住係附近，所以就揀左佢唔洗搭車都去到既沙角邨龍悅酒樓，酒樓比其他屋邨酒樓光猛乾淨，感覺唔錯。食物方面，價錢比出面平，但質素真的一般，咖喱魷魚無咖喱味個汁稀過水、蝦餃好厚皮、灌湯餃好鞋；燒賣及炸野會較正常

一家五口出外晚飯，父親提議到沙角龍悦，呢間酒樓晚飯就未试過，今次去完之後感覺抵食之餘，咁既價錢有呢啲質素真係有驚喜，大約晚上七點去到不需等位，直接安排入坐，坐得舒適，本來打算叫四人餐，又怕食唔晒，呢間酒樓仲做緊如果有滙豐信用咭有打折真係叫得過，因為我全家冇呢銀行信用咭，再選，見呢個咭龍躉双味推介拼燒鵝，二百幾蚊幾吸引，再叫多个一字骨，汁好味又多肉，燒鵝汁多又唔靭，三个白飯，唔係一般靚仔，係蒸盅头飯，又大夠食，上菜又快，餸菜又有心思，份量很足同味道也不錯，埋單都係四百元，食完全家人都贊!

6位星期日出席沙角邨龍悅晚餐，雖然之前去過依間茶樓飲茶，平平無奇。但係今日首次黎食晚餐真係要劣評2大問題:人客非滿坐，但上菜漏單，查詢之後，侍應生無心亂講，所以等咗一小時;上菜份量少，味道差，級數不如快餐廳;難得一間令我出手寫劣評評為年度最差的餐廳

炸豆腐炸得金黃色外層香脆內裡豆腐香滑春卷炸得香脆，餡料足鮮竹卷腐皮滲出鲍汁香味，味道惹味豆苗餃豆苗很鲜甜，皮厚左小小燒賣肉好鲜嫩粉果足料的粉果(外皮厚左小小)义燒餐包焗得好靚(啡黄色外表)义燒都算多(不算太鹹)點心種類多，味道不錯(大部份點心，熱辣辣上枱)，枱與枱之間較迫(小空間感)(全單$250，新年期間)整體味道不錯，上點心速度快

一家三口 ，一條大青班約1斤半，例牌燒鵝和瑤柱金菇豆苗 ，共359元，我覺得價錢，真是平過大排檔，食物水準尚可接受 ，那條大青斑蒸得剛剛好， 下次有機會我都會再次光臨，但地區就比較隔涉，如果揸車去，有兩小時免費泊車。

今曰補祝生日，一於到樓下酒家試吓佢哋嘅晚市得唔得先睇餐牌都有好多款式餸菜選擇見佢哋d套餐都可以，就選左個6人套餐再散叫一個薑葱廣島蠔和孖寶(龍蝦和頭抽豉油雞)首先講吓個蠔先，蠔幾大隻，味道幾好幾野味，d薑葱和芹菜幾入味頭抽豉油雞，個雞肉幾滑唔霉，而且冇乜肥膏，味道可以上湯波士頓龍蝦，我哋加左伊麵，個麵好冧滑， 芡汁包圍個麵好，龍蝦肉好彈牙但覺得唔夠大隻冇乜肉燒鵝皇未算係頂級，不過熱辣辣食，個皮好脆，肉厚嫩滑，啖啖肉，醃得好入味不過就有d位幾多肥膏燉湯，唔知乜嘢名，但好好味好濃，每人有兩碗湯另外有碟湯渣可當餸食，猴頭菇好爽，雞腳好冧滑，還有豬肉和鴨肉，都幾足料雲腿片蒸龍躉球，呢個餸比較清和健康，龍躉肉就有d鞋，雲腿片唔係上等貨，所以鹹味差d而且有d硬冬菇和菜心還可以西蘭花鳳凰花姿，西蘭花咬落幾爽，花姿片幾鮮味幾有嚼勁彈牙陳皮美極海虎鳳尾蝦，味道幾香口，紫蘇葉和蝦炸得幾脆，蝦連殻一齊食都可以，蝦幾大隻，肉好彈牙爽口瑤柱扒時蔬，金菇唔老好嫩滑，白菜仔幾冧身食完後，還有甜品逢送，紅豆沙起沙，味道適中唔太甜，唔似其他即冲和溝水，幾正！需然呢餐唔算得上太正，價錢中等，但都算飽肚，而且坐得舒服

本來公司去植樹, 但係天氣太差, 去唔到. 然後就拉大隊去飲茶, 呢間酒樓都幾多人等位, 等左30分鐘左右就有位, 原來都幾新及幾靚喎, 我們叫左好多點心, 有一個雞粥, 個樣實在係太特別啦, 成碗黃色架, 但味道又唔係喎, 所以好奇怪, 不過都好綿好味好甜的呀. 其它的點心有燒賣, 細細盅的鳯爪排骨飯, 咸魚肉餅飯, 金錢肚, 燒賣, 蝦餃, 蘿白絲酥餅, 腸粉, 風爪, 鮮魷, 粉果, 馬拉糕等等好多. 全部的質素都幾好呀, 鳯爪好入味, 唔會好辣, 飯都好好味及多餸, 肉餅及咸魚都好香, 唔會得好少, 排骨及鳯爪都係, 蝦餃好爽口, 燒賣唔肥, 馬拉糕夠軟又香, 粉果多料好味, 薯白絲酥餅都好鬆化, 其它的也不俗呀. 十個人食到飽晒都係500幾蚊, 好抵呀.

做完運動去左呢間酒樓食飯, 因為商場確實選擇唔多. 呢間好似新開無耐, 所以望落都幾新淨.要個燒味拼盤, 燒肉無乜脂肪, 偏瘦的, 不過食落無渣, 個皮仲幾脆口. 义燒一層瘦一層肥, 食落夠軟嫩, 同埋都燒得夠香口惹味. 油雞肉質都算軟滑, 不過雞味就無乜, 皮下脂肪唔會太多, 幾入味. 花枝片帶子炒西蘭花, 帶子彈牙, 花枝片煙韌得黎爽口, 份量多. 西蘭花新鮮, 食落索索聲. 而且調味唔會太咸, 適中可點蝦醬或蠔油吊吊味.抵食份量又足, 所以都幾多街坊幫趁.

前幾日收工屋企人話唔想煮，咁就去左呢間酒家食晚飯。晚飯三寶有龍躉又有雞，一於叫呢個！豉油雞，唔油膩，雞皮的皮下脂肪唔多，雞肉唔鞋口，仲好入味添。到龍躉啦！呢味係翡翠炒龍躉球，um...其實就係炒龍躉片合理d，翠玉瓜炒得爽口配埋d三色椒，龍躉肉好鮮，好滑，一片片，唔會一夾起就爛。調味剛剛好，不咸！以下呢味我無食到，我見賣相不錯，屋企人都話好好味。

相對其他大型鏈鎖酒家，這屋村酒家的晚飯小菜相對較抵食。 一行五人，點了龍蝦伊麵， 叉燒，鮑魚雞煲，珊瑚蚌帶子炒西蘭花， 焗一字骨和炸饅頭， 叉燒和雞煲都好好味，但龍蝦就一舨，無咩肉，味道亦不好。 最後想推介下炸饅頭，但掛住食唔記得影相， 新鮮炸的饅頭沾鍊奶好好食。

適逢親戚聚會，來到黎間酒樓食飯，十個人食得好飽之餘，仲可以拎走。酒樓黎講都算唔錯。我地叫左十個菜色，最令人垂延既係虎蝦伊麵、花膠豆腐煲、客家炆豬肉黎三個菜。虎蝦雖然得四隻，但勝在d肉夠彈牙，夠入味。伊麵又吸曬虎蝦d汁，兩種食材配合得天衣無縫。花膠豆腐煲一上檯就聞到香味，雖然黎個菜式無肉，但花膠同豆腐都入曬味，又夠多花膠，足料！客家炆豬肉好特別，d豬肉炸過，所以食落唔太油膩，再加上醃製過既鹹菜，其獨特之處更勝梅菜扣肉！環境方面，成間酒樓夠曬寬闊，親戚圍埋一齊食飯都唔逼，食得幾舒服！所以總括黎講黎間酒樓都算幾好！

今晚同朋友去這間新酒樓試下，我地見到隔離枱有人食緊羊腩煲，所以我地都叫一個羊腩煲。羊腩煲送生菜，煲內有好多羊腩，有馬蹄丶支竹丶冬菇丶蓮藕，羊腩汁味道好香，羊腩好冧好入味又多肉，而家好少食到羊腩煲有落蓮藕，這裡有，真係好味！送生菜都大碟，不過我估洗得不夠乾淨，見到有幾粒發泡膠粒。麵醬茄子海蔘煲，有d似魚香茄子因為有肉碎，茄子超入味，海蔘都有好多件，麵醬加了少少椒絲好野味，熱騰騰的煲仔餸用來送飯一流。大班兩味，一份係炒班球配菜有蓮藕丶雲南小瓜1雲耳丶彩椒粒，班球肉都大件味道好有魚味，油少，感覺健康d。蒸班球掛住食冇影相，都一樣好食，豉油汁不太咸。豉油雞肉質好嫩，而且夠熟冇見d骨流血水，豉油味夠。燒鴨皮脆又多肉，肉不鞋，燒鴨肉汁又多，又係好岩配飯一齊食。黃金蝦球配西蘭花，蝦球大大粒外有咸蛋黃包住，好香，一咬落去係外脆內爽！正！乳鴿係免費送的，以為好細或者冇乜肉，點知又唔係，都多肉喎，仲要係隻鴿係熱唔係凍冰冰。我覺得此店食品唔差，會再來。