龍悅 (Closed)

We (6 people in total) gathered and dined in Dragon Delight (龍悅) in Sha Kok for Dongji gathering.  While we happily walked in the restaurant for dinner, we left there with unpleasant mood.  Sure, we are not returning!  First, we needed to serve ourselves by walking to the cashier counter for ordering instead of being served.  All their waitresses were not only frowned all the time but also not responding.  Although we wouldn't be surprised by their bad service, We were surprised to order food in

之前來過這間酒樓飲茶， 感覺幾好，今日 剛巧在附近約了朋友 ，便約他到這裏飲下午茶 我們 點了幾款點心和一碗燒腩飯 ， 燒腩飯先來， 腩仔肉又乾又鞋，燒腩皮又不脆身， 白飯祇得半碗 ，而點心方面，蟲草花棉花雞，用 最小的碟子盛載，只有數條蟲草花和三件雞件， 叉燒腸粉則 粉皮厚了點， 還有生煎粟米鯪魚餅， 鯪魚餅很薄身 ， 魚餅乾硬，像放了很久 ，我和朋友也認為這間酒家的出品今次做得不太好 ，可能是他們換了師傅🙄

今天和媽爸細佬出去睇輪椅，來到沙角村，細佬話很肚餓，因為已經差不多兩點，我們還未吃過午飯，見到這裡，兩點有下午茶，所以就走入去。這裡環境不是很大，但都光猛闊落，我們點過點心，就安然等待。咸水角很脆，上枱時還很熱，饀料不是很多，但味道都幾好。鮮蝦腸粉，粉皮很滑，蝦肉很細小，不是很多，但還可以。涼瓜排骨炒河，炒河炒得很有鑊氣，涼瓜有點苦，排骨很多，調較味道都很好。這個炒河我去幾間龍悅都會叫這個，間間都炒得不錯。魚湯鮮竹卷，上湯鮮甜，鮮竹卷饀多，味道豐富。水晶鮮蝦餃，不是很大粒，入面的蝦很爽甜，雖皮薄但不夠煙靱。豉汁蒸鳯爪，很腍，味道惹味，有少少辣，豉汁味濃。潮州蒸粉果，皮厚，但饀料好香，有很多芹菜味，又有一些爽脆的葛和花生，很好味！蠔汁叉燒包，包很軟，叉燒甜美多汁，熱辣辣，正！四個人食左二百幾蚊，都不是太貴，今次還第一次幫襯這間分店。都可以再來幫襯！

今天與老街坊茶聚，我們要了一碗燒鵝髀燒腩仔雙拼飯，蝦餃皇，白花釀魚肚。燒鵝髀肉少皮唔脆口，燒腩仔却不錯，是五花腩燒肉，皮脆肉滑，白飯軟綿。蝦餃皇就 比較多蝦肉，鮮蝦都很爽口，豬肉就比較少，少到感覺不到有豬肉。 百花釀魚肚，蝦膠都係爽滑彈牙， 魚肚炆得夠淋同埋夠入味，味精比較重。綜合食物價水平都可以達到中等了！我們邊吃著午飯邊閒談，老人家向我吐苦水，被媳婦冷漠對待，身體又經常有一些老人病，感覺活得不耐煩，不希望長壽........我告訴老街坊，我欣賞她很叻，你是接近90歲的老人家，還可以自行到茶樓飲茶和買餸，有能力可以照顧到自己，唔好放棄！人與人之間緣分隨遇而安，也可以嘗試用另一個角度釋懷，看見兒媳和諧，自己也老懷安慰，媳婦沒有表達關懷，那麼自己更要關懷自己。

今天有朋友響台灣來， 唔想煮， 便相約到屋企附近嘅龍悅酒樓食晚飯， 酒樓的環境都算清靜， 我哋喺魚池附近呢度坐低， 我哋嗌咗啫啫蝦醬通菜煲， 呢度送夠鑊氣， 够惹味， 送飯一流。 蜜汁金薯牛柳粒， 牛柳合度好處， 唔靭。 金薯外脆內軟 ， 配合蜜汁 都很開胃。 椒鹽鮮魷， 味道爭少少， 沒有底味。 粉漿亦多咗少少。 伴水芹香炒魚片 ，都還唔錯。 辣雞煲都還可以接受， 但係啲份量好似唔係太合理。 但係勝在白飯夠熱， 啲侍應啲態度都算禮貌溫和。 最後奉送熱騰騰美味陳皮紅豆沙。 整個用餐過程都算ok。 有機會都會再去試， 佢哋的點心。

食店的服務也是食店質素的其中一環，訂了羊腩煲蛇宴餐到這酒家吃，未知原因，但酒家的侍應奇少，沒人招待，蛇材料少😥，乳鸽乾乾地，冇肉汁😥，咕嚕肉、炸蛇丸、蒸魚、粉絲蝦煲也可以，但最後的紅棗糕和糯米飯等了很久，要找來部長催單才跟進，全程好像吃自助餐一樣！扣分！😡一

放假來呢到飲早茶，都幾人山人海架。無他既，附近冇乜酒樓，街坊飮茶都係呢到架啦⋯⋯早市特價有呢張，平均十幾二十有一個點心，明碼實價，任君選擇。當中最吸晴就梗係蒸飯啦，$12.8 咋，簡直窮人恩物。如果呢張特價的揀唔啱，都可以揀返原本的點心紙，當然就會貴D啦⋯⋯早市超值孖寶 $25.8魚湯浸娃娃菜， 堅清淡。其實得一棵娃娃菜，分成幾份，烚熟上枱。山竹牛肉大粒，不過冇牛肉味，冇腐竹，只用左菜絲墊底，飽肚冇難度。豉汁蒸鳳爪 $16.8好味香口，唔會太咸，不錯。香滑流沙包 $20.8唔會太甜，但亦唔夠香，唔太流沙，飽肚用。四寶雞扎$26.8專登叫的貴野，四寶包括芋頭、雞、棉花同菇，腐皮偏乾唔入味，棉花都尚算爽口，冬菇亦冇乜鮮味，雞冇雞味少少失望。茶位 $10富有時代感的茶壼，幾好斟 。

集團式酒樓 諗住衰極都有個譜 加上之前食開小菜都無乜大問題就算（除左幾次食龍蝦🦞啲槓唔熟之外）今晚貪方便 無煮飯 走黎試下佢個孖寶 上湯龍蝦伊麵+叉燒 $188 上枱賣相一流 由於之前瀨過嘢唔熟 所以今次先食槓 如果唔熟起碼可以叫佢原隻蒸晒熟 首先確定撩到啲啲肉出黎 但怪怪地無乜肉就當瘦吧 到再食個身 一叉落去 一patpat 明顯就係死咗一段時間 正當諗住搵侍應換 點知發現我個死佬原來已經食左另一邊身 仲要無發現係霉咁既情況之下 我係侍應都唔換啦 叉燒 偏瘦 零脂肪 枉稱自己為叉燒王 其實圍觀龍悅分店所有食評都係喊臉偏多 點解啲高層仲唔正視下呢？不思進取 真係等全線結業吧

屋村商場的中式酒樓，入秋例牌有時令食品，看到晚市有古法羊腩煲及菊花五蛇羹就去晚飯。羊腩煲偏少羊腩，內有枝竹，蘿蔔，馬蹄及竹筍，汁稀味較淡。菊花五蛇羮附脆片一點，不過不失。黑松露蟹肉扒西蘭花，感覺芡汁過杰，有點像糊。店員是日推介剛入貨的癩尿蝦。我們點了兩隻，蝦子大約有筷子般長，頗大隻。選擇了避風塘的做法，炸蒜粒及炸辣椒美味可囗。蝦子肉厚多汁，新鮮的海鮮怎樣做都好吃。酒樓服務生都很友善，勤於換骨碟，在屋村酒樓來説已不錯。

今晚去左沙角龍悦食晚飯，呢間都算係我去過沙田幾間龍悦入面最衰嘅一間！我地14個人坐張10枱都算喇，啲所謂嘅唔知部長定經理全部黑口黑面，最離譜係叫左個片皮鴨，佢竟然當住我地面前用個碟底嚟磨刀，磨完叫佢抹下把刀先切啦，佢仲正，用隔離枱塊枱面抹下就算。叫佢地攞碟辣椒醬，仲喝返你轉頭話你睇唔到我幫你切緊鴨㗎，叫左你等多陣啦！真係衰到呢！簡直係垃圾！

是日屋企皇后生辰，又適逢龍悅出左個<龍蝦鮑魚夜宴>，由於之前已經去過呢度食晚飯又覺得唔錯，於是乎早一個星期前已經訂定檯同講定會食呢個餐，酒樓樓底算高，環境都舒適夠光猛。六點半準時到達，星期六都比較少客，唔知點解覺得帶位姐姐比較緊張，成日問我貴姓，坐低左又問多次，可能驚帶錯位卦，另外有個男經理好好服務，而且好客氣，成日都好主動過黎我地張檯，相反有個瘦既男經理啲服務就麻麻，好似唔願做咁。講返食物: 波士頓龍蝦: 有6隻，蒜茸開邊蒸，黎到既時候好香，好大堆頭，賣相好吸引，可惜食唔到龍蝦本身既鮮味，而且比較細隻，龍蝦鉗好輕身少肉; 當紅乳豬全體: 呢個好好食，乳豬皮燒到好脆，而且一啲都唔肥，好快就已經俾我地食晒; 雀巢帶子海中寶: 有西芹、蝦、果仁、帶子、紅椒、黃椒、北寄貝，蝦爽口彈牙，帶子就較淋，北寄貝都彈牙，西芹、紅椒、黃椒都爽脆，果仁都係脆身，好味; 陳皮蔥花蒸鮮鮑魚: 有16隻，影相睇落去好似都幾大隻，但其實比較細隻，如果數量少啲但大隻啲既話就比較好，但都幾好味; 蟲草花冬瓜燉螺頭: 其實仲有紅燒花膠雞絲翅同蟹肉魚肚羹三樣揀一樣，我地鍾意飲湯同埋湯要預訂，所以揀左湯，個

從來未試過單春兩檯食，要追單下先出少許，再追下先出菜，一直至所有來賓走哂先上到菜，真係沒發接受，一路追佢哋上菜回覆嚟緊快到，無想到食一餐晚飯女這樣多問題，到最後要打包回家

星期一六點少客，叫左1688 餐，要龍蝦但唔包伊麵，要伊麵要加90元，咁唔加啦。又問要唔要雞轉鴨，要就加200元，當然唔要。落單時侍應同部長講1688咩都唔加，乜原來一定要加？岩食咪加唔岩食點加，係咪？點知另一個部長就話冇龍蝦，就話咩天氣凍唔返貨迫住食虎蝦。都冇得㨂局食啦。到虎蝦上場，原來係凍既。番熱後食落只有少少熱，但原來係梅既隔夜既太失望了。之後前後2枱都叫了同一個餐，2枱都食龍蝦原全係不知所謂。

這真的是一次不愉快的經歷，本人8號早上9點左右一家三口去嗰度諗住飲早茶，甘我就入去啦，安排左個4人枱俾我，隔左5分鐘，個在塲既部長就叫我地三個去隔离同人搭台，但位俾第二個，甘我話我都3個人喎，唔調得唔得吖，點知即刻個部長即刻黑面，仲話“你唔調就自己出去楼面再排過啦”我就話明明安排左點可以甘架，之後佢個態度就系唔想黎飲茶就唔好黎啦，好唔自在甘。因當時好多人生意好好，可能系甘唔休做而且老人家居多所以就態度差，講真啲老人家都個個60以上，態度差都唔會投诉你，可能就因為甘，我最後我無幫襯到，真系唔想俾錢買難受(我之前都幫襯過好多次，可能沙田圍得幾間既原因吧，不是太過分都忍)，事後知道態度恶劣嗰個系副經理，唉！副經理都甘恶劣，啲下属點管，經過今次無下次了，反正唔會埶，因為真系好多客，我都系想講下我感想，不過如果唔想有不禮貌對待就最好可免則免了！

假日人太多...........只好搭枱...............雲耳拍青瓜.............幾入味開胃............！小籠包...................有一隻已穿..........蟹籽燒賣...............正常........乾蒸牛肉.......甘大粒？另外叫了豬皮魚蛋金錢肚...........但只有一細舊金錢肚......... 只好取消了.........