潮龍園

Open Now

Now Closed

呢啲潮汕牛腩湯麵周街都係屋企附近好多間都試過今日第一次試呢間開咗好耐嘅好有驚喜喎！牛腩佢都有分兩種我哋叫咗一碗五香牛腩雲吞米粉同埋崩沙牛腩韭菜餃魚蛋米粉聽講崩沙牛腩成日都話冇貨的因為佢真係好好味，肥瘦剛好好重牛味，而且肉質好林雲吞同餃子，味道都好好唔怪得知見到好多人都會買生餃走魚蛋都係自家製的，超級彈牙好鮮好味 仲有牛丸都好想試，不過已經好多餸了加碟十零蚊嘅腐乳通菜好抵食腐乳醬汁好濃郁味道菜好大碟，又爽嫩

買完野到附近食啲野先，諗住去潮龍園食碗米粉，點知三點鐘黎到都全店滿座，哈哈，犀利呀😁撘左張收銀附近嘅圓枱，快快落野食先。除左粉麵，仲有咖喱飯食。叫左碗牛筋米，炸魚皮同油菜，幾豐富🤤🐂牛筋米牛筋炆得淋，軟綿綿的口感好正，滿滿一碗好滿足呀～米粉爽口份量多，湯底鮮甜，加埋啲芫茜同蔥碎好香口。🐟炸魚皮魚皮大大塊有咬口，好脆，食得出係新鮮炸😁🥬腐乳通菜再加埋份菜食下，條條翠綠通菜軟嫩，腐乳醬下得多，正👍食潮州粉麵好處就係又快又好食，雖然全店滿座，但食客來得快去得快，都唔使點等位㗎。食緊野其間仲唔少入黎買水餃雲吞，下次又試下先。

住元朗既👦🏻👧🏻有時想食粉麵檔既時候，都會去呢間又平又好食～ 最平$28已經有碗鮮蝦雲吞麵！爽滑牛筋麵 $32牛筋炆到軟腍，吸哂腩汁味！鮮蝦雲吞麵 $28大大粒鮮蝦雲吞，內有原粒鮮蝦同調咗味既豬肉，蝦同豬肉嘅比例啱啱好～淨崩沙腩 $128份量超足料！崩沙腩肉味香濃，有層筋位，食落有咬口彈牙感覺，肉質軟腍，令人忍唔住一件接一件咁食😍！自製豆漿 $8比起出面嘅豆漿甜度較低，少糖健康啲～📍 潮龍園 (元朗)元朗阜財街14號宏豐大廈地下7號舖

本身去緊第二間餐廳去到附近見到呢間餐廳, 突然之間想食河粉， 第一次食覺得不錯👌🏻食左個牛根河加手打牛丸，分量多而且牛根彈牙，但湯底可以再濃郁啲🥲一品四寶河都不錯 魚片既魚味都幾夠。另外炸魚皮和自製辣椒真係好好食😋叫杯凍奶茶同凍檸茶，少冰少甜但都係好甜，呢樣扣左分不過價錢ok，下次可以再試

在本年度8月17日晚上10時20分左右2人前往元朗潮龍園吃晚餐，點選了崩沙牛腩麵，媽媽即點選了牛腩米線，在崩沙牛腩麵到時本人已即時發現碗內並不是崩沙牛腩，而是普通牛腩，已經即時向餐廳職員反映貨不對辦，要求更換。不久之後有另一個職員指鹿為馬聲稱這就是崩沙牛腩，我隨即表示我不是首次吃崩沙牛腩麵，不要試圖用普通牛腩當崩沙牛腩出售欺騙本人。不料該職員仍然砌詞狡辯，離開時更出言威嚇，並表示牛腩麵已經做出來客人必須付款才能離開。由於媽媽趕時間回家吃藥。逼於無奈下只好付款離開。崩沙牛腩與普通牛腩分別在於崩沙牛腩是位於橫膈膜附近、牛肚兩邊腩位，腩上有薄膜，豐富膠質，連着少許肉，爽軟不硬，肉質程橫紋。而圖中清楚可見該牛腩肉質較厚結實，並沒有薄膜，肉質亦沒有程橫紋，而且較硬並不是軟身，明顯地這是普通牛腩。事件中潮龍園的銷售手法實在有問題，完全違反商品說明條例，出錯後不願更換。以指鹿為馬手段欺騙顧客，並以威嚇手段迫使顧客付款實在有違公眾利益。特此評論投訴。

話說友人喺光華廣場工作，話佢連續食咗3日，強烈推介我去潮龍園一試。大雨之下，無阻我嘅熱情，3分鐘已經到達潮龍園。坐底之後叫咗一碗牛腩牛筋河，大概3分鐘就已經送到枱面上。正諗住夾起牛腩之際，突然驚醒友人講過：「要加醋，加辣椒。」正所謂重要的事情要講3次，由於友人只係講咗2次，所以我差啲忘記了。牛腩：有咬口，彈牙，入味。牛筋：少部份彈牙，其他偏軟。河粉：太軟，無口感。湯底：味精為主。整體：5分，友人推薦加2分，總分：7分。

叫碗柱候牛腩粉 竟然係南乳味湯底。連牛腩都冇柱候味 牛冇牛味 吾睇吾知係牛定豬。冇下次。仲諗住叫多碗淨水餃試下 想明晚會火鍋 買D餃 丸 雲吞 各樣 而家吾駛啦睇Open Rice 食評話幾好幾好味.一試就中伏

知道呢間麵店開業近一年，但我都冇試過幫襯，尋日特登去試一下，主要係元朗好多新麵店，出品質量都強差人意，而且價格昂貴不成正比，所以試下呢間!抱住呢個諗法入去坐低幫襯，點知單併價格竟然係$26非常便宜，而加一杯凍奶茶$8，水餃算大粒及有木耳味，但係新鮮度及味道未算最出色，食落感覺雪咗一段時間，應該並唔係每日新鮮包 !? 河粉都算幼滑，湯底有驚喜幾鮮甜，腩汁都好幾夠味 !值得一讚杯凍奶茶幾夠茶味、淡奶亦夠多及順滑，10分我俾7分。水餃我覺得元朗最好食係嘉麗園，但因太昂貴我食唔起，我已冇食超過十年 ! 文洪記前身潮城以前水餃好好食，但轉咗文洪記後細粒咗，餡料亦冇咗以前果種味道，所以我覺得潮龍園水餃，還是值得一食，但又未至於好好，只係我暫時除咗嘉麗園之外，未搵到一間較似樣而已 !計湯底好過文洪記好多，個碗望落好似好細，但河粉份量其實都多，有加蔥花及熟蒜湯面，好香口 !店面好多枱凳，店員服務都好殷勤，但唔會主動俾一杯熱茶或清水，同埋收碗收杯太急，呢樣俾人有些少壓迫感 !  觀乎現場所見，好多食客點飯餐，見海報介紹咖喱牛腩照片賣相好靚，價格大約五十幾元，下次會親自試下再俾食評!

元朗牛腩牛筋好多地方都有，有D 就出名魚蛋，雲吞咁，但呢間潮龍園，真係新一間必食之選幾個月前試過一次已經覺得好好味🌟試咗幾次都Keep 到水準，我多數都食雙拼，佢地既牛筋同嘉×園有得揮，有咬口，不太淋，好味舖頭夠新淨，夠光猛，重要夠實惠，雙拼都係$38,加凍飲都係加$8檸檬茶大大杯，抵飲夠味👍魚皮餃正常味道，無特別。呢度D Service 都幾好☺個個姐姐都好熱情，上餐又有效率💪💪地點都好就腳，唔想食粉麵既朋友，仲有飯可以選擇，飯仲包飲品😍😍我見到同枱的客人食豬手，我唔知咩味，個佢個樣就好滋味🤣🤣另外，佢地既辣椒醬真係好辣，唔食得辣既朋友，滴一滴試吓先，唔係就會辣死🤣🤣😬😬😬

晚上和丈夫有活動，時間很急，便要吃一個Quick Dinner，潮龍園係我們的選擇😎我叫了雲吞，丈夫叫了豬手我個碗有6粒雲吞😋😋😋😋 好抵蝦不是大大粒，但有6粒，也滿足丈夫的湯底比我個碗濃，岩哂佢豬手好容易咬，好淋豆漿同檸水豆漿係呢一間，冇乜渣，不錯

呢排食得太多，今日好想食粉麵清淡啲，路過就入左嚟試，應該開左無幾耐，張枱就比較細座位都唔太好坐，但小鋪係咁㗎啦，啲阿姐都好好換過另一張枱俾我。叫左個牛筋米粉，個牛筋好稔好入味，份量都夠又大件，都有6嚿左右，26蚊抵，餐飲冷熱一樣加8蚊，茶底唔苦澀好飲。朋友叫左崩沙牛腩飯，52蚊包冷熱飲品，一大碗牛腩另上，崩沙腩入味又夠稔，完全唔韌，份量適中，加上蘿蔔甜又大塊入哂味，好開胃。埋單免加一，兩位90蚊連兩杯凍飲，算唔貴。

去完灣仔處理文件搭巴士返到元朗去潮龍園🍴食個下午茶先去街市買餸🥦🐋點了下午茶魚旦河走葱$26~河粉軟爛，魚旦'魚片彈牙'湯底無味加六蚊凍檸茶~正常加十元腐乳通菜~通菜新鮮,腐乳惹味

黃金魚角麵 清湯底 主要係靠佢個蔥蒜去提味 魚片頭比起平常食開既大塊 3塊大塊既都幾夠食 好q彈 唔會太鹹 柱候牛腩河 河粉份量睇落多好多 加埋腩汁 個湯底即刻濃郁左 牛腩炆得入味 肥瘦適中 餐廳環境就比較簡單 衛唔衛生就唔執著了 可以選擇既宵夜店相信係元朗其他小店黎講都不相伯仲 所以睇完戲10點黎食個宵夜算唔錯呀 味道可以 店面夠光 坐落都ok 呢間鋪營業時間由早上7點做到凌晨3點 勤力既小店黎食碗粉麵都算幾抵食$20幾蚊有碗 +$8有野飲 +$10 有個菜 價錢合理 飯就$40蚊到仲有火鍋配料可以單買 買黎番屋企打邊爐都唔錯 連辣椒油都可以配埋

前個排新開,係甘排傳單,今日行過見到,價錢又唔貴,於是入去試下,我諗試完都無下次,就算佢幾平都好,真係接受唔到間鋪甘污糟,間野係新開咗幾日炸喎,成地垃圾,老闆(可能係負責人)叫個職員掃下個地,佢話10分鐘前掃咗,但當時成地垃圾,就繼續食佢既飯,喂喂你今朝夠食咗飯啦,你現家又食。可能價錢真係比出面平,加上又係食飯時間,鋪座滿人,座無虛席,甘岩有一枱客走,於是我地座,呢個位係近出菜口,唔座都無乜事,座完就真係唔會再行入去食,間鋪好多人,傳菜既姐姐行唔切,出菜口就無姐姐企,個個師傅就將張單放入碗中,食物既上面,然後D姐姐行到過去就用佢既五指金龍汁番張單出黎,係眼不見為淨,見到就唔得,張單又有原子筆既墨+5指金龍收下$$$又甘樣撈番張單出黎,我真心接受唔到.其他鋪人地會將張單放響碗邊,張單既一大半係響出面,D姐姐一拎就拎到,唔洗接觸到D野食我地叫咗牛丸河+牛什河+油菜(通菜+腐乳)牛丸河→河粉中厚身,滑,唔彈牙,無嘉X園甘薄同彈牙      →牛丸有D淋,唔多彈牙,無雪味牛什河→牛什無雪味,不過唔爽口,食落有D硬腐乳通菜→本先諗住呢個應該無問題,點知碟菜一半係黑色,個醬食落有油益味(應該佢有落