龍袍

Open Now

Now Closed

一連幾日既書展好吃力，為左慶祝我地順利完成而且銷量都唔錯，所以就揀呢間酒樓食晚飯慶功啦呢間酒樓晚市每道菜都會預先分好一份份，以位上既形式分比我地我覺得咁樣都算係幾衛生同方便，而且又可以開心順暢咁樣傾計。本身個人比較中意食炒飯，呢度D個炒飯真係炒得唔錯，乾身而且粒粒分明又唔會太淋身，有咬口，出面真係好難食到呢種質素之後就係酥炸生蠔，個皮炸得好脆配上醬汁好夾，同時都唔會蓋過生蠔既鮮味同事本身唔中意食蠔，但係都破例食左，可想然之有幾吸引中間有D菜式都唔錯但係無影到相~~最後其實好想試棗皇糕但係同事一致投票食桂花糕好彩味道都唔錯，清清地，作為飯後甜品都唔會太漏

上個星期五要同老細去見個大客, 我就BOOK 左一間近我地Office既高級餐廳食中菜。我地叫左六個菜, 送菜都送得好快‧仲有好多茶葉俾我地簡, 有茉莉花, 龍井 同 菊花等等。我地叫左龍井, D 茶幾靚 沖左十幾次都仲有味, 茶味好香 D waiters 既service 都好好, 會分好一份份送俾我地魚米之鄉 - 舊魚好香, 好滑。 👍👍下面仲有D脆米, 夾埋落魚 令到成個感覺特別, 未食過尼個配搭味道層次好豐富😋😋整體上, 食物既質素都好好,  食材好新鮮。老細同個客食得好得愉快😋😋岩晒同客傾生意, 商務用途。

放完工, 就同成班舊同事去龍袍食晚飯 ,  貪地點近, 環境舒服 傾下近況。從裝修 , 龍袍的裝修簡單,  但環境, 燈光 同位置空間十分舒適, 空間感十足, 環境清靜。桂花黃酒浸象拔蚌伴金盞芝香龍蝦球 , 砵酒軟殼蟹  ,  濃雞湯泡花膠係我最鍾意既一道菜, 最上 :  桂花清新的味道和輕輕的黃酒味讓象拔蚌, 吃起上來味道更有層次, 味道十分豐富。中間 : 砵酒軟殼蟹 ,  粉漿都好薄 , 不油膩。底部 : 濃雞湯泡花膠 , 味道的好濃郁, 好滑溜。老虎斑兩食, 唔會炸到入面舊班老晒 或者好乾。外層夠脆, 入面舊班仲好滑, 唔乾爭爭。坐位真係好舒服, 服務周到下次公司聚餐都會帶同事過黎試埋其他菜式 。

食品味道非常好！用料尚盛，講究。屬優質出品。食物擺設精緻。價錢合理。同食品水準相符。服務態度很好，令人滿意。服務員態度貼心，殷勤，有笑容，禮貌很不錯。亦不會過份殷勤而對客人造成騷擾。很專業。地點關係，客人大多屬附近商業人士。所以環境寧靜，舒服。餐廳設有室外座位。環境很舒適，用膳後可在室外繼續嘆茶。帶子腸超高上準。我目前吃過最好吃的帶子腸。皮薄，滑，而帶點煙韌。不剁。帶子新鮮，嫩滑。鮑魚燒賣鮑魚味道很不錯。燒賣餡料配搭比例很好。竹笙花膠灌湯餃龍蝦湯鮮竹卷一流。龍蝦湯香濃。鮮竹卷脆而不膩拌碟擺設簡而精緻楊枝甘露滿分香煎蘿蔔糕完美！蘿蔔超嫩，大小剛好。餡料優質，足料。用料講究。烹調認真。青紅蘿蔔豬骨湯上碟擺設精緻味道不錯但湯水份量太少。價錢高。

條Team開左張大單，Head 萬歲我地去飲茶坦白講點心都係中上質素，但環境真係幾舒服幾好坐既，一班人都傾得幾開心仲傾到齊齊遲到，好彩head係度先無集體收warning咋HAHA不過價錢都係比普通酒樓貴，但環境加番分既

琴日老細請食飯，慰勞我地一班員工。環境真係唔錯，靜靜地，好岩傾計。老細仲開左兩枝紅酒，成個氣氛好好，好relax開心Overall真係唔錯，環境好，職員有禮貌而且洗手間又好乾淨！(呢樣好重要XD)比左動力我去比心機D搵錢帶屋企人尼享受一下！

今日約左個客人傾生意，公司又裝緊修，只可以出去同客人傾問過同事話呢間酒樓唔錯，靜靜地好適合見客，貴就貴左D，不過就真係幾舒服，野食又唔錯客人都好開心，成個會談好愉快!最後幫公司傾成左單大生意，老細好開心話升職加我人工!!!!下次都可以同朋友黎食啦，加左人工貴都值得食!!!!!!!!!!

同學一家移民十年，放假回港探親順便約我地幾個舊同學聚會。難得一見，當然要食餐好D。去年才在灣仔開張酒家「龍袍」，幟哥旗下食肆，非常揼本，無論環境同員工招呼至食物、都超出預期好。中式fusion菜，簡單精緻，除了和牛，魚米之鄉幾個餸滿意外！炆得軟滑溏心的鮑魚，一刀切下已知差別，咬落煙韌、彈牙，鮑魚汁用老雞火腿熬出來的，味道甘香，令鮑魚味道更香濃 。仲有新鮮龍蝦，簡單上湯調味就可以突出龍蝦本身的鮮味，全頼巧手的廚師，這餐超滿足！亦心甘情願多付一點。 邊吃邊喝，開開心心話當年，約定下次 gathering 再來「龍袍」，下次不用等十年啦！

I had a lunch with my another business partner once in 龍袍 and thought this was a place for quality food nearby though it’s pricey. Well everywhere in wan chai north is pricey. When I was asked to recommend a place for lunch, I chose this one. I was occupied so I had to arrive late. My business partner ordered business set lunch which I didn’t usually do. 😂😂 let me list out what I had :1) 3 pieces of dim sum 2) a few slices of grilled pork jowl meat 3) a whole piece of abalone 4) some vegetables

今日有新同事係第二個國家黎我地公司實習，所以老細請我地條team去飲茶作welcoming lunch！雖然環境真係唔錯，旺中帶靜，但對於我一個小小上班族黎講價錢真係有點貴老細係熟客，聽同事講佢平時見客都會成日黎呢間酒樓，難怪個日我地坐到張靚枱好，講下野食先，味道都算唔錯，款式出面比較小見棗皇糕好煙UN飲到無味精的湯 好感動最後我希望可以快D有新同事再入職/或者老細會帶我出去見客，咁我就可以再黎大飽口福了

這天跟一班同學春茗聚會。一大班人食中菜就最適合，所以選擇了這裏。位置其實挺方便，我搭978巴士直接在樓下下車。好了，閒話少說，講返食物先。頭盤三小碟，味道有爽口的，有脆的又有辣的。燉湯也是一流。一位位分開上。魚米之鄉，我食咁多次中菜，第一次見可以這樣食魚。還有個牛肉，相比之下就變得沒有特色了。最後還有個西施泡飯沒影相。但這個絕對是推介。原全是魚米之鄉的升級版。我食飽了還要添多滿滿一大碗才滿足。最後一班同學，喝了7大瓶酒。個個飲飽食醉，非常滿足。

今日公司有同事last day, 有人提議去龍袍飲茶. 老細既然話無意見, 我哋當然無問題直接落去攞位. 其實都係第一次去, 個門面幾靚, 仲有個酒吧, 幾特別. 點心除左普通點心外, 都有較特別嘅點心, 例如: 鮑魚酥、小龜造型菠蘿包、 黑金流沙包. 擺碟同d餐具都盡顯係高級中餐館格局.價錢比普通酒樓貴小小, 但食物味道,、侍應招呼同環境擺設都值得比多小小. 老細話下次同客食飯可以試下呢間 , 咁我就唔使成日諗去邊度食啦. 

service 好好staff 殷勤、有禮、主動，值得表揚！食物水平不錯，素鵝腐皮卷香脆可口，糖心蛋亦好，整體 value for money. 連難煮好的素青菜亦非常好味！炒飯夠獲氣，但美中不足不夠乾身。整體出色，我挺滿意！

今日同同事一齊食開年飯，包左三圍枱，食物超高質，有少少fusion嘅感覺。炸豆腐好特別！另外虾都好正，而且擺得好靚。酒樓環境好乾淨，有好高級嘅感覺，環境清靜。推介！

第一次光顧,聽朋友推薦開左唔係好耐,諗住試下,但比想像中好,食物不錯,價錢合理,服務比想像好,跟酒店差不多.環境也舒適,唯一不好就是地點比較麻煩,如果唔係去開果度就唔係咁方便.