龍皇酒家 (世貿中心) (Closed)

終於取消限聚令，約番班老友出嚟食番餐飯，久仰賜哥大名 ，今次食佢最平嗰圍菜$6880😜， 乳豬沒有太鹹味道適中 ，雞煲翅看得到煲得很濃郁，上臺前還會先將魚翅拿出來給客人看一看份量十足，鮑魚今天個別有些炆得未夠火喉不夠林，又要扣分囉，當紅炸子雞手勢一流剛剛好超滑漏，全場唯一失敗嘅就係紅荳沙，太稀我還以為喝紅荳水，題外話，原本訂了兩只日本蟹$1800一只，最後因為不夠新鮮，叫我們不要，我想說疫情期間不為只做生意而埋沒良心這一点值得表揚。👍👍👍

第一次嚟到銅鑼灣哩間食晚飯，之前我就試過喺其他區飲茶感覺就未如理想⋯但今次喺呢度食晚餐本來真係不存太大期望環境就有d嘈但對住個維港我哋四個人就嗌左秘製海山骨、龍王炒飯、黃金蝦、避風塘軟殼蟹、蠔煲首先講吓個海山骨先佢係有陣陣南乳香嘅味，肉就有少少肥但係因為咁所以令到佢更加好食黃金蝦大概有六粒，粒粒都好大隻，外面就包着一層鹹蛋黃唔使講都知好香啦～以蝦質地就好爽避風塘炒蟹我就一般蠔煲⋯係香，不過，有啲唔算新鮮炒飯⋯炒得幾好，好香而飯一粒粒乾身有少許油，不過可接受

星期日原本諗住同屋企人落街飲個靚茶，點知出面落到狗屎咁😵😵😵所以就係OpenRice 到外賣自取，一家五口就叫左8野點心，兩個小炒。但另外都叫左2隻糭，因為見到佢啲糭都有做優惠，所以想叫黎試試...鮑魚燒賣- 真係有成隻鮑魚，同隻燒賣一比一，性價比高。十幾蚊就食到鮑魚真係幾抵！小籠包- 不過不失，中規中矩。值得一推薦嘅係：龍皇西施泡飯尼啲天氣想食啲湯類嘅野，但老豆又唔鐘意食麵，所以就叫左個泡飯又岩老豆又岩我哋鐘意食湯嘅仔女...個湯底好濃，好夾個飯...食完唔會口渴😄😄裹蒸糭- 細佬一拎出嚟，就嚇親我，因為估唔到咁大隻😵😵 一隻糭可以夠3-4個人食。入面都好夠料，細佬仲話隻糭係香港製造。雖然落雨天，冇得出街飲茶。但係屋企食又不失為另一種家庭小享受！下個禮拜再同屋企人係鋪頭飲茶再試其他點心！

‼️❤️ 記得CLICK我PROFILE關注我呀 ❤️‼️.🌹𝐻𝒶𝓅𝓅𝓎 𝑀🌞𝓉𝒽𝑒𝓇’𝓈 𝒟𝒶𝓎🌹 // @ 🌟 龍皇酒家飲食集團 Dragon King Restaurant Group《👽食神大媽母親節食足兩日食唔停系列》⠀.⠀💁‍♀️ 圖片展示美食為：玻璃大蝦球 🦐 HKD188香燒乳鴿 😋 HKD68清蒸海鮮班 🐟 HKD498豉油脆皮雞（半只）🐔 HKD198上湯龍蝦伊面 🦞 HKD1000淮杞響螺湯 🐚 HKD298.⠀👽 大媽一家平時簡直將龍皇當飯堂，晚餐出品基本上無一次會不滿，尤其銅鑼灣分店系最好味架，仲起度見過幟哥添！😍 不過咁多年以來起度食母親節飯就真系第一次。.由於我地一家唔食魚翅，所以一向都唔會叫套餐。🦞同🦐系大媽嘅好朋友，每一次都一定要叫 😚 呢個大蝦球真系名乎其實咁大粒，佢同龍蝦一樣都一樣絕對無雪藏臭腥味，亦唔會有唔新鮮嘅霉霉地嘅肉質，性價比與同類餐廳黎講超級高！🤩.新鮮嘅魚，大媽認為一定系清蒸最好 🐟肉非常嫩滑，蒸嘅時間剛剛好 😌.脆皮雞每一次都無甩拖，皮脆肉嫩仲要調味得當，完全唔系要額外自己點淮鹽都夠味。.⠀❤️ 大媽籍此分享 ㊗️ 天下間所有媽媽有一個開心快樂母親

今日特登去龍皇飲茶 諗住支持一下本地茶樓點知食物質素非常之差叉燒腸 - 叉燒柴皮好硬酥皮蛋撻 - 蛋撻上台嘅時候唔凍唔熱 酥皮好硬石窩山煎包 - 以前龍皇得意之作 但係今日直情係難食 外面煎得唔脆不得只 仲要入面無咩餡蘿蔔絲酥餅 - 又係唔凍唔熱 酥皮一D都唔香食完幾個點心 頸渴到不得了 係咁飲茶 到而家夜晚都仲頸渴緊侍應招呼又差 完全無笑容不特只 埋單重要一嘢pat張單喺台面只可以話 龍皇曾經係港式茶樓中嘅表表者 不過今日連老本都食唔倒唔會再嚟啦

既然係屋企人生日，咁就緊係要食好啲～食豪啲！係世貿高層，望住個海食飯，嘆埋紅，白酒，都唔錯丫。雞燉翅，足料，濃郁👍🏻再一人一個鮑魚，夠腍又夠味，自己鐘意食薄又得，厚啲都得🤤然後支竹炆魚叫黎送飯唔少得喇，柚皮遼參補返下啲膠質先🤣非常滿意，滿足既一餐

朋友是一個購物狂，係呢個時勢絕對係一個好客戶，振興本地經濟～～～買買買爆買過後，因為有商場優惠，竟然送左套晚餐套票比佢，於是乎益左我，有幸可以一齊享用熾哥出品～當晚客戶唔算太多，成場都係8-9圍枱有人，可以靜靜地傾計值享用食物熾哥送上個翅黎先，相當足料，無話因為免費而偷工減料，條條翅針都有番咁上下，湯水鮮味奶白，想飲多幾碗～金沙蠔又係一個我相當滿意金沙夠乾身，唔會濕達達，一人其實可以清一碟鮑魚鵝掌 又係足料呢個蟹肉烏冬相對較失色，如果多個汁會好好多

市道不好，想不到這裏高級酒樓都會變陣，推出抗疫組美食組合，出名的海山骨，有抗疫價$98 ，我二話不說就點了。海山骨，其實就是蝦醬排骨，嫩滑的豬肉，有濃淡得宜的蝦醬味，應該是油炸的，但毫不油膩，果然是其「味自慢」的菜式。點心也是高水準，熱辣辣上枱，店員服務又好，而枱與枱之間的距離也不算少，算是肺炎期間，飲食界的較多「社交距離」的食肆，對着維多利亞港的靚靚景色，感覺很好。世貿中心的泊車優惠幾好，駕車的朋友絕對受惠。

又去飯堂吃聚餐，水準永遠保持，服務快捷有禮，服務員時常會添加熱水，每次來這裏食飯，我們一定包兩圍，最愛他們的炒飯，飯質感剛剛好，而且乾爽不濕又不太硬，炆龍躉頭腩多肉又好味，乳豬又不會太肥很適中，而且他們的黑松露水晶餃、蝦餃、燒賣全部也是即叫即蒸很新鮮，最欣賞他們的杏仁蛋白茶，杏仁濃香端出來很熱及不太甜，每次在這裏吃完飯我也感到很滿足❤️

限時飲茶時間一個鐘， 加水加茶冇反應。 近付無招呼，服務員態度惡劣，辣椒醬水nel nel食物普通無驚喜，蝦蛟唔得，無蝦味，下次唔會再幫襯，以為有水準，全錯，服務係高檔酒樓嘅要点，尼度欠奉!

中午到來， 等候一陣子帶到坐位， 她們說是一小時內要還枱；那沒所謂了我會應環境需要可以配合的。 但這間的服務員們態度比較急速附沒甚麼禮貌的， 只是一個男經理的態度較為專業友善， 最後吃完經理來處理埋單了， 我站起要離開此時； 有個拾枱的阿姐一直問 ‘你埋單未’ ，我回答已有經理來跟我埋咗單了，我一直行出門囗她一直問我同一個問題.. 最後她很大聲叫出來櫃枱 “喂，呢個33A埋單未呀”， 此刻令我非常尷尬， 因她的聲音已激活了旁邊及大堂的客人們看著我， 我跟她說 ‘我已埋左單，你要是不信，要我還給你單據嗎？ 你為何用這個態度對待客人?’ 這服務員行為差劣， 很過分的她不知情便首先自行櫃枱查核而不是一直向我盤問及大聲呼喚吧！ 她還沒有道歉一聲便行開了。 火…

有朋自遠方來佢話唔知想食啲乜嘢跟住我喺世貿嗰度 指住啲相我叫佢求其揀一樣佢就話要飲茶就揀咗呢間老老實實呢個龍皇酒家不嬲都係好食價錢又唔貴性價比高佢個燒腩仔我略嫌佢啲肉實咗啲脆係幾夠脆佢嘅腸粉真係幾滑其中有一個嘅餡 係好脆嘅真係好好味不過我嫌佢啲蒸嘅點心蒸得耐咗少少個皮就糊咗呢間餐廳雖然價錢唔貴但係亦都 依足傳統嘅餐廳有傳菜位同樓面就搞到我嘅餸擺埋一邊要等埋樓面上枱先可以食不過 我覺得佢嘅 service好似慢咗少少我都會再返嚟食嘅

突如其來的8號風球，在lunch 時間唔上唔落，出面交通又人多擠逼，同同事決定食埋lunch 先回家，諗左一陣揀左去飲茶，就在公司同一幢位置唔駛出街比雨淋，上到去唔多人，我們張枱還可以望到外面情況我們點了一份孖寶（蟹肉粒粒濃湯刀削麵拼黑金流沙包個湯頭鮮味，刀削麵做得不錯真係有粒粒蟹肉可以食到，唔係一般雪藏貨個黑金流沙包同事讚不絕口，包鬆軟又有流沙效果同香香的蛋黃味另外點多兩款點心，蜂巢芋盒和黑松露水晶餃芋盒係我喜愛的點心，現在唔多酒樓有蜂巢芋盒，個外型都炸得幾好，食落唔太油膩，芋泥同餡料比例適中黑松露水晶餃，外皮qq有濃濃松露味道，這餃要快食唔好放太耐，外皮會有點乾身食飽飽外面天氣環境都平靜，街上趕回家的人潮已減退，可以輕鬆的各自回家。

本來打算食齋，但午餐menu唔多吸引，臨時改去龍皇飲茶。地方唔大，環境就唔錯，近窗位置仲可以欣賞維港景色。蝦餃好食，不過皮厚咗少少，而且比較細粒。叉燒腸唔錯，好大塊肉。我最欣賞豉汁鳳爪，辣汁香濃燒賣就一般。 薑葱蝦炒絲煲都唔錯，蝦肉爽口易剝，炒絲入味而唔油膩整體食物都唔錯，而且環境好好，不過價錢略貴，偶然一次就好喇

母親節訂了來這裡吃飯，大大小小十多人來飲茶。服務幾好，要咗2張bb凳，開咗2壶茶，都即刻送來。炒飯最正，加入欖菜、蛋白一起，飯炒得很干身，粒粒飽滿味道均勻。马拉糕都蒸得幾干，只是略松咗些少。雪山叉燒包叉燒餡雖說唔多，但味道唔錯。燒肉皮燒得幾脆，肉的肥瘦相隔均勻，令口感豐富得來又不至於太干。埋單多收了一個茶位，同服務員講了後便直接在單上扣除了茶位，很有效率。