龍皇酒家 (世貿中心) (Closed)

 今日天氣熱左勁多,過黎銅鑼灣行街都要係咁係商場涼冷氣。下行下行就黎左世貿中心，我見到呢度有酒樓所以上左黎食。 同朋友叫瞇幾碟點心，傾吁計飲下茶，咁就坐左一個下 晝，放假既時間過得真係快速!!!留出面真係太熱完全晤想出返， 呢度喲點心都幾好食，最值得推介係個炸腸粉 拒入面有喲脆脆地慨野包住喲諂然之後先搵腸粉包住成個！食落去口戚勁特別鑒 蘿蔔都幾足料同煎得好香下，同朋友傾傾叮計食到成五點幾先走，好彩焦人趕我喲地走。 ,.- 

呢間餐廳喺世貿中心上面，一面全部係180海景，好有氣派，而且枱與枱之間隔開至少一米，坐得舒服燒汁煎包，見到好多枱都有叫，而且唔係其他酒樓常見嘅菜式。煎包用石鍋上，即使最後放咗成個鐘個包都仲熱辣辣！包下面有紫洋蔥同大蔥墊底，香氣撲鼻，十分推薦和風豆腐，內脆外軟，粉漿好薄而且乾爽，不會有油膩感，但食唔出和風嘅特色鮑汁鳳爪，一般醬油味比較重嘅鳳爪，炆得都算淋金玉參腸粉，見英文寫有海參所以試下，點知淨係食到菇，全部都係菇，但整體口感同味道都不錯黑金流沙包，個包超級厚，流心部分只有少少，而且係偏奶黃味嘅餡，欠缺咸香味，不推薦

假日同屋企人去銅鑼灣行街 媽媽話想飲下茶 所以就諗住揾間坐得舒服 又可以慢慢食 傾下計既酒樓食飯 所以就去咗呢間食 去到發現 環境係唔錯既 啲位又唔會好迫本身自己都幾中意食點心同中菜 所以都叫咗啲basic野試下 蝦餃同小籠包真心唔錯 食呢啲最怕皮厚 但佢唔會之餘 裏面都幾juicy 啲蝦肉夠彈牙 小籠包啲肉都好好食 肉質結實唔會霉 其他點心出到黎都熱辣辣 唔會凍哂員工嘅服務態度都唔錯，食得幾開心：）之後check到 原來佢有做埋晚巿外賣自取優惠 6折！都幾多選擇 又有豬手同牛尾煲 呢啲係屋企好難整 媽媽話值得一試 遲啲可以叫下啲小菜 叫埋一大班親戚係屋企聚餐 ^^  

老板每星期都約老母飲茶，但當天老夫人不舒服，但枱訂了，由我頂上。 看見紫薯壽桃包＄20，金晴火眼當然發光，未曾見過，梗要點。 其它點心又無興趣，龍皇一品炒飯＄108，不要以為海鲜集會炒飯，但食評個個都讚，我唔埋有乜料，有橄欖菜就叫，瑤柱絲不像食評的相片那麽多，蝦干亦無影，但啱老板～對蝦敏感，米飯粒粒分明軟綿，吸收蛋白香，菜心甜爽及橄欖菜咸鮮，做就惹味炒飯，阿婆愛咸㗳，食到舐舐脷！ 見到侍應拿着一籠壽桃包俾隔離枱，食客無帶口罩話不是他們，心想一定轉頭俾我吔，果然真係，如果該食客有病，經佢一講，噴咗口水落去……老板話咁高温熱辣辣，抹吓無事咯！ 搣開不像樣，不是紫薯，係蓮蓉，我的紫薯在那兒？想取消，老板話算，照要喎，有點失望，接受啦，外皮粉質軟彈，但蓮蓉，蛋黃又少，點心纸的月亮，被抹走了。 最後當然要叫蛋白杏仁茶＄29，較細碗，滿滿厚厚蛋白多過茶，茶滑到好似奶，稠，所以我不甚喜歡，甜度適宜。

今日食得好飽，好飽是因為一肚氣。去這間 所謂的 幾高級廣東菜 食肆 ，我以為係 【X】哥(the one who's always on TV with his signature glasses 但在這裏唔敢講名， 我驚講錯）主理的，所以品質服務應該很一流。但是 this has to be one of the worst dining experience I've had in HK.如果管理層看到呢個食評 ，看到我張單 ，應該知道我係坐喺 大廳嘅正中央。呢間餐廳 又學人傳菜 係一班人，上菜係第二班人 ，咁我坐喺 到， 就白白睇住我叫嘅點心， 只係放咗喺 離開我不到三尺嘅公用檯位置， 就咁樣白白放咗 喺度 冇十五分鐘都有十分鐘， 都冇人會 拎畀我張枱。我舉高手叫人，竟然可以 一個人都叫唔到， 嗰啲侍應經理阿姐， 寧願去執枱都唔把食物上菜畀已經坐喺度嘅人客 。就係咁，到我 卒之 叫到人來上菜 ，我嘅食物已經白白放咗十幾分鐘凍曬。 凍嘅點心 （是一碟蝦腸 ）又點可以入口？ 呢個 【X】 哥你應該好知道㗎。向人投訴都係支吾以對。 這樣的服務，令到整個 dining experienc

不嬲都有留意開佢哋啲賀年糕點，今年見佢哋早鳥優惠有七五折，所以喺網上面一早訂左。年28去拎，一去到就已經準備好晒俾我，感覺唔錯。去到初一朝頭早拎出嚟煎，都幾實淨唔會散開。我諗一底都夠食三四次，佔左¼底嘅芋頭糕同蘿蔔糕。蘿蔔糕真係值得一讚，裏面啲蘿蔔條仲係保持着一條條嘅，唔係好似以前食嗰啲用粉整出來咁，諗住下年都會繼續幫襯，不過就真係早啲定抵啲囉。$100頭已經有一盒勁大盒，出邊而家好多時都差唔多100尾先有一盒，仲要質素唔錯嘅。😂😂👍🏻

強推爛鬼限聚，令到香港人過新年都無得出街食，唔想呀媽煮得咁辛苦，唯有訂個盤菜返嚟，乾手淨腳。左揀右揀，有啲過年唔開門，有啲連鎖餐店唔想揀，有啲外省款式唔啱我家廣東口味 ....最後無意中見到龍皇廣告，見平時飲茶食飯頑有水準，滿心期待呢個咁好意頭$1680 嘅8人盤菜應該會唔錯！賣相整整齊齊，排位唔差，打咭一流，可惜內裡虛有其表，鮑魚有啲似食擦紙膠，花膠如同咬橡筋，海蔘爽口彈牙，鵝掌骨瘦如柴，醬汁淡而乏味，完全和堂食時嘅鮑汁鵝掌、軟淋花膠判若兩件事，難道過年外賣接得多令質素下降，如果掩眼盲試仲以為係九流飯館菜式，算吧！ 反正味蕾最誠實，食客不再投你下一票就知成績。唉！還要一提贈送的4張禮劵，消費滿$300可使用$50禮劵，如此類推，有效期至31/03/2021，條款本來很合理。弊就弊在只適用星期一至五（晚市），唔得靈活變通呢！而家香港晚晚禁堂食，就算呢一刻話7日後放寬4人飯桌，誰知下一刻幾時頒佈禁止呢！何況香港人大部份平日返工，周末先能夠開心消費，你更改延長有效期，或者周末晚可以用都話啫，而家不如直接不贈送無咁嬲。整盆最好味是冬菇和燒腩肉

呢幾年香港多咗呂少過江龍嘅好野食，不過有時食得多來佬野都會想念啲中菜同港式小吃。今日同朋友出去閒逛，提起不如特別啲，去飲茶啦！不料朋友都讚成，所以我地就去咗呢間商場入面嘅酒樓。限聚令下嘅餐廳被規定入座率，正值午市人較多，我地都等咗一陣。我地兩個人唔敢叫多，不浪費食物。但呢度食物全部都好足料大份，十分豐盛。炒米粉炒得剛好，唔會乾而且好入味。點心都比一般酒樓大粒，用料大方，食得特別開心！好一段時間冇飲茶，一嚟就試到有質素的餐廳，心情即刻靚晒！

龍皇酒家集團,係疫情之下推出各款足料外賣加熱懶人包返屋企解凍加熱就食得,最重要係平靚正好食有雞腳,鳳爪,湯包,咖哩等唔同選擇今次試下佢個咖哩同鳳爪小吃仲有湯包全部都係解凍或者直接用熱水連袋加熱即可食用,唔洗識煮飯都食到高水準美食包裝上會寫明存放溫度和生產日期,份量等數據咁今晚就解凍左咖哩黎試下,原先以為一包份量唔會太多掉入熱水入面煮幾分鐘,最後剪開袋倒入碗中即可估唔到份量足夠兩人享用,有咖哩汁,洋蔥片,薯仔粒,牛爽肉帶點膠質,食起黎好有彈性有肉味又夠入味咖哩汁唔辣既,但夠香,撈飯食一流,一包實測過係夠2個人開飯食,加個湯就一餐有興趣可以去飲茶順便買返幾SET外賣返去雪櫃備用

平日3pm去食，因為貪有下午茶折扣優惠，3個人食飯分左2張枱，裡面明明有空位，光猛啲同景好啲，但都係按排坐响暗暗門口位度，之前另一間龍皇都係坐門口位，啲人出出入入感覺麻麻。食物大部分都正常，同埋夠熱，加上折扣優惠每人大約$8x左右，不過小食唔建議叫，屋企人貪得意叫左‘話梅西紅柿’，只係一個小蕃茄灑好淡味既話梅粉，味道沒特別，但價錢唔平，中伏菜之一。世質最近裝修緊，商場店舖關門，期望將來會有新食肆啦。

Long time ago, our family love this place. Recently revisited and it wasn’t the sameService was horrible. First is putting in wrong orders 3-4 timesSecond is, the lady clearly wasn’t listening; she just kept selling us the expensive dishesThird, food came in weird order. (No photo) but our soup came second last... not too acceptableThat Peking duck was a joke, so dry and small. Nothing on the menu I would want to reorder again... sorry, but your quality dropped drastically

世貿龍皇酒家4人抗疫歺真抵食，單抗疫歺$400元有找，運氣好的對住海景坐，真爽！不過要注意時間：一至五👉兩点後；六日👉兩点半後。首先來的老火湯，熱騰騰的，很是到位呢！一句👉好飲！至於燜班件，材料夠，很豐富的。鹽香雞足料👉我們幸運的有雞脾上，正。菜遠份量十足，不過，菜遠軟身多点更為理想。龍皇一品炒飯份量很滿足。脆麻花炸得剛好；套歺內的三個點心：1/蝦餃的蝦大隻，2/燒賣夠軟及3/义燒腸又軟又夠义燒呢！我們另外叫了蘿白絲酥餅，很脆口及新鮮，表面可見層層酥皮，很細緻，可見廚師的用心噢！ 店員很落力，值得多光顧的。

去过龍皇的红磡和观塘分店，感觉只是一般风格的中式酒家。世贸中心分店是第一次去，进去已经有一种比较高级的感觉。店内靠窗的位置可以看到海景，可惜已经坐了食客，没能安排，下次要提早订位。下午茶时间从两点开始，点心都有特价，比正价便宜很多。随便点了几个，水准有点参差。蘿蔔糕十分普通，粉太多，吃不出蘿蔔的香味，不好吃。右面的菜苗饺做得不错，虽然皮有点厚，但馅料十足，除了豆苗，还有几只虾，非常饱满，卖相十足，入口很有满足感。至于其他点心，基本上满意的。埋单人均消费不到70元，以铜锣湾的消费水平是便宜的。

平時去餐廳食野想睇到維港 通常價錢都唔平但呢度睇到維港價錢都算親民下午茶都係2個人埋單都係300蚊有找都好化算 野食質素都有中上 蘿白糕值得一試 唔係好粉 厚薄適中 亦煎得夠香口炒面都唔會太油 好夠大碟 2個人都食唔曬最後要打包👍🏻

2020年7月18日，星期六中午， 訂枱時冇話只限食1個半小時。當夠個半小時，有位女經理好冇禮貌叫我們埋單，話我們阻住張枱，雖然我們叫了頗多點心，老火湯，叉燒特食物，但好似被當乞衣甘。最頂癮是外面冇客等位，裡面仲有幾張枱面向維港是吉枱。龍皇經理，點解你們可以甘冇禮貌對待容客人？