龍皇酒家 (世貿中心) (Closed)

冬至晚飯，網上食評見到龍皇酒家好評，所以一試，侍應服務態度不錯，再配合維港靚景，銅鑼灣用這個價錢可以吃到靚景中式晚飯———值得推介。我覺得最好食就是龍皇西施泡飯———出色之處就是龍蝦湯底熱辣辣泡飯美味再配合脆米可口。荷香整污糟雞——淡淡荷葉香味再配無骨雞俾肉，大人小朋友也讚不絕口。但美中不足就是，我哋一早落咗order食雷沙湯丸，個侍應重複了幾次是$10一粒，驚死我哋冇錢俾，仲講咗幾次話因為即叫即製，要等20分鐘先有得食，我哋一早落咗order話食。但吃完飯後叫佢上雷沙湯丸，佢嗰陣時先至話要再等20分鐘，一點效率比較失望。但整體來講，下次亦都唔會再幫襯

之前食過mikiki分店 覺得都唔錯 所以今次試下觀塘呢間 一入到去都幾大 應該有三千幾尺 所以枱同枱之間有一定距離 幾有空間, 唔會坐得好迫. 一坐低就有侍應問飲咩茶 serve客都ok 我地叫左9個點心   全部都幾好食 但美中不足係個生煎包略嫌皮厚 餡少 不過總括而言 龍皇呢間觀塘分店都ok 可以推介。

就嚟雙十一，周圍都做緊減價，喺銅鑼灣附近所以過嚟世貿依邊食嘢！每次去飲茶都係叫個幾款，好似冇咩新意咁，但係每次又真係好鍾意食呢幾樣🤣🤣🤣最鍾意食依道嘅黑金流沙奶皇包，流沙賴黃入邊有啲鹹蛋黃碎，又咸又甜勁好食！不過而家好似度度酒樓啲點心都差唔多，唔知有冇邊度有啲特色又好食嘅點心呢？🧐🧐🧐

龍皇係其中一間我幾鍾意嘅飲茶聚脚之選!原因好簡單... 好味... 好坐... 交通又方便!👍👍👍我最鍾意呢度加燒汁煎包... 石鍋上... 熱辣辣... 次次同朋友去都必定會點... 人多嘅時候要叫兩三客先夠分!🤣🤣🤣原隻鮑魚燒賣好好食... 唔會細細隻!🤭🤭🤭龍皇西施泡飯又好正... 大大窩... 夠幾個人食... 而且有埋飯焦... 夠哂香口!😋😋😋環境方面非常唔錯... 景觀開揚... 枱與枱之間夠闊落... 方便傾計!😊😊😊

龍皇係其中一間我幾鍾意嘅飲茶聚腳之選!原因好簡單... 好味... 好坐... 又交通方便!👍👍👍我最中意呢度嘅燒汁煎包... 石鍋上... 次次同朋友去都必定會點... 人多時要叫2、3客先夠分!🤣🤣🤣原隻鮑魚燒賣好好食... 唔會細細隻!🤭🤭🤭龍皇西施泡飯又好正... 大大窩... 夠幾個人食... 而且有埋飯焦... 超級香口!😋😋😋環境方面... 非常唔錯... 大大塊窗... 望出去好開揚... 枱與枱之間夠濶落!👍👍👍

估唔到而家一啲嘅中式茶樓，都會有一啲迎合後生仔好味，轉攻上班族市場嘅菜單，驗證只平時局限於大家所想只會一家大細嘅時候先至去酒樓飲茶食飯，見到一個seafood love sake menu，都真係幾新潮，雖然款式唔多，但偶然做一啲新活動都不妨係一件唔錯嘅事。所以就簡簡單單咁食咗佢嘅炸蠔，正確來講係砵酒焗石蠔，石蠔size當然唔細，就算揸完出嚟，都唔縮！而且面頭淋上少少酸酸甜甜加微辣嘅醬汁，2啖就食完呢個前菜！叫埋枝佢建議搭配嘅sake 池龜純米吟釀一流，店員亦確保sake夠冰涼，先至飲得夠爽，果然食海鮮就應該要配酒，真心喜歡呢個menu🥰

龍皇相信大家都聽唔少，喺香港都有好幾間分店，主要行高檔少少嘅茶樓路線，晏晝都好多OL等會過嚟飲茶食個Tea，今晚我就嚟咗呢度食個夜晚，c類食肆黎，唔使食到咁趕都得✨行得高檔路線嘅酒樓，當然唔少得酒，一入去門口已經見到大大個酒櫃裝滿晒一枝枝嘅酒，喺入面竟然仲有清酒，而坐低左先發現原來而家仲做緊清酒嘅優惠，當然求其嗌咗一款嚟試吓，$168龍醬炒日本帆立貝，師傅竟然話可能賣晒，要入廚房睇吓，我心諗竟然咁好賣？😳不過好彩仲有貨！咁難得就嗌埋佢推介嘅清酒一齊食。整體來講，有少少似去飲宴嘅時候食到嗰種😂味道再豐富一點，時蔬吸晒少少大字嘅精華，令到菜都唔會太清淡，而帆立貝出奇地新鮮彈牙，炒到晶瑩通透咁樣，2邊亦煎得好香脆。而$268優惠價加配嘅清酒好易入口！清涼而回甘，同帆立貝幾夾。

天文台話聽日會打風，唔知係咪真係打得成，本身約咗成班friend聽日先至嚟，但係怕聽日會打風所以改咗做今日🥲🥲唔知係咪打風前後大家都冇諗住出街食，今日呢度都唔算好多人，叫咗碟炒麵幾個小菜幾個點心咁🤣試過幾間酒樓都係比較鍾意食依度嘅點心，份量都幾大同埋價錢相宜，今日食呢個蔬菜水晶餃，外皮好煙銀，同埋足料，我哋三個女仔嚟食都唔係好食得晒🤣🤣🤣最後我餐廳仲送咗人頭一個甜品俾我哋，好開心呀😍😍😍

今日晚上同屋企人嚟到銅鑼灣龍皇，四個人一枱睇睇下佢啲小菜嘅同時，見到有個menu幾有趣，主要應該係啲海鮮配sake做一個配搭，反正我同屋企人都會飲酒嘅，就一於叫一支黎試吓。🥰佢就指定咗呢一個$168龍醬炒日本帆立貝，配一支$268嘅川波吟釀，上到黎賣相就一般般，純粹炒埋一碟咁，但帆立貝大大粒又鮮甜，時蔬亦都好入味，炒到啱啱好，帶子唔會食緊橡皮咁。配嘅呢支酒中和咗少少濃烈嘅醬味，而且大少少花果香氣，提升帆立貝嘅鮮味😯估唔到跟住佢哋嘅配搭都會食出另一番滋味。

上網見呢一排做緊一個日本清酒配海鮮配搭嘅餐單，今日同同事喺港島區收工，當然要搵個地方happy hour吓，所以好稀有咁揀咗一間中餐廳龍皇，同同事一齊暢飲聊天一下同同事每人叫咗隻焗蠔，呢隻係砵酒焗石蠔，揸到非常酥脆，配上醬汁同埋蔥粒，口感豐富，重點要講吓呢一支池龜 純米吟釀日本sake，米香味濃，飲落都幾烈的😂但啱啱好可以同海鮮做個相輔相成嘅效果，亦都真係可以帶走炸蠔中少少嘅油膩咁我同同事都覺得海鮮配sake嘅感覺唔錯，今次係中餐廳是到呢一種配搭，亦都有別於平時落吧🤓

下午茶食物評价：义燒包未熟透，取消咗。鸡扎比較咸，腸粉皮唔夠滑，有啲鞋口，蘿蔔絲酥算是不錯，但北京楼的比較出色，蟹肉麵線的蟹肉全無鮮味。總括來說，食物質素比以前差了，要多加改進。

唔知做咩媽咪今年咁早買月餅，見到屋企有就忍唔住拎黎食🤣🤣今年第一年買龍皇嘅月餅，感覺都幾好，好彩有低糖撰，食完都覺得好啱食☺️☺️又唔會太甜，希望快啲到中秋節可以同屋企人一齊去玩燈籠🏮

大批人喺前枱等候時多時，連一個服務員/部長都無。一出嚟嗰位前枱服務員小姐態度極之惡劣。唔炒佢都真係影響酒樓聲譽啦。好好地一間高級酒樓，養埋晒啲低質員工。你哋酒店真係要好好反省一下😏

近排天氣熱到頂唔順，呢間酒樓冷氣都啱啱好，環境都好大好舒服👍🏻，我同朋友都坐咗好耐。我地叫咗幾樣點心，例如燒腩仔同埋蝦餃。佢呢到嘅燒腩仔真心幾好食，平時屋企樓下間酒樓嘅燒腩仔一係太肥，一係層脆皮太硬，但呢間嘅就脆得黎個皮又唔會太硬，啲肉都唔會太肥。另外佢個蝦餃皮都唔會太厚，啲蝦食落都算新鮮，朋友都話近排好似好食咗。而且坐得耐都唔會迫你走。下次喺銅鑼灣行街可以再食！

帶爸爸媽媽去食晚餐，嗌咗個四人餐，非常多嘢食，味道好好，份量夠，唯一就係人比較多可能中間會有啲甩，但整體都令人好滿意。爸爸之前病咗冇乜胃口，喺屋企都唔係好肯食嘢，估唔到鍾意同啲嘢啱食，食到飽飽。幾個侍應都好好，有禮貌又去幫手追上菜，爸爸去廁所又叫佢小心啲。真係忍唔住要比貼士！之前都嚟過食幾次，覺得服務冇乜，點心一般，晚餐唔錯，今次就好奇怪啲人服務好好喎（好似同我上次見嗰啲嘅唔同咗），套餐都幾抵食又好味。推介！