大皇拉麵小籠包 (Closed)

今日第一次去食... 以後都唔會再去...鋪頭玻璃窗出面貼住ge menu上面見到"雞絲涼拌拉麵" 好似ok喎..$32... 之後就同男友入左去..但係入到去個menu冇呢個"雞絲涼拌拉麵"...就問個waiter有冇...佢話冇架喎.. 我話我出面貼住張menu到見到架喎.. 佢都死口話冇..仲屈我睇錯!!!結果我單叫左個手撕雞拉麵...個碗好大囉!! 但d麵少個一隻即食麵... d雞絲仲慘...夾埋大約得一隻雞中翼ge肉咁多.. d湯ok啦~男友叫左滑蛋牛肉飯餐...好少飯... 好少肉...d汁好似鼻涕...唔好食~時見得咁少...仲諗住叫多個小籠包...但見到$26先得4隻... 冇叫到... 返到黎見到d食評原來係咁.. 好彩冇叫到...走時我出返去睇玻璃窗上面ge menu... 好清楚見到"雞絲涼拌拉麵"囉!!! 好想入去問返個waiter... 但係唔記得左佢個樣..最後外面講左句"黑店黎架..唔好入去食.."就走左喇... =.=

4-12-07今日同男友兩個去食, 叫左:1. 大皇飯餐($48包小吃同飲品, 凍+$2)> 滑蛋牛肉飯, 份量少, 係乜都少喎, 飯少, 蛋少, 牛肉少, D 牛肉仲"霉"o既, 真係入口即溶, 無牛味> 小吃-海蜇, 應該係來貨o既, 普通啦> 飲品-珍珠奶茶, 茶就可以啦, 珍珠就...一杯裡面有唔好咬口o既珍珠囉, 一D 淋"PAD PAD", 一D 硬堀堀, 仲要跟餐+$82. 回鍋肉炒年糕, 味道可以啦, 不過勁細碟, 一D 都唔值$443. 至尊小籠飽(6隻$39), D餡一D鮮味都無, 皮唔夠薄, 酒樓好食過佢

1. 食物味道好普通2. 是晚要了回鍋肉飯餐($48) 及糖醋魚飯($36)，碟頭飯上，賣相極之不吸引，一見飯到胃口減半3. 一個飯餐加一個淨飯埋單唔係$84 而係$92，走左先發現有difference，忍唔住返轉頭問。哦，原來係加一，埋單要自己行去cashier 俾錢的茶餐廳服務都要加一，收到!!!4. 咁0既價錢+ 咁0既quality = 浪費左個胃d quota，唔會有下次~

我星期日睇演唱會, 約咗成班friend 一行八人喺尖沙咀等, 見附近冇咩好食, 呢間嘢又有位喎, 我哋咪入去坐囉. 坐低後完全冇人俾餐牌我哋, 唔好講茶啦, 真係水都冇杯呀! 之後我哋問佢攞餐牌"唔該攞本餐牌我睇睇", 點知八個人都真係得一本, "唔該攞多本餐牌我哋睇睇", 點知都真係多一本. 嘩! 真係聽話.我都唔記得我哋叫咗幾多嘢食喇, 但係我最記得係, 每樣嘢都係得少少, 我哋八個人叫湯, 每人半碗; 叫炒年糕, 每人得一件. 最好笑係我個friend 都話啲炒飯入面o既蝦臭, 個waiter 都可以叫我哋試真啲囉.最後食淨好多嘢都諗住飲杯水走啦, 叫咗兩次都冇人嚟, 再叫多次就有個全場最串o既妹妹仔埋嚟, 點知加咗唔夠兩杯水又走咗去, 我哋叫佢返嚟加水, 佢仲講埋"XX"兩個字. 嘩! 依家咩態度呀, 唔好講我係客人啦, 就算點都唔應該講啩!收錢張單又唔清楚, 我哋冇叫A 又話我哋有, 問佢A 即係咩啦, 點知佢哋話即係B 喎. 你估你係麥兜呀?

長話短說,$108有小龍包,糖醋魚飯,"大皇炒年糕",一杯凍咖啡,價錢ok,味道普通到唔普通,但係個"大皇炒年糕$44"就非常搵笨!!!張相係我同女朋友食到咁上下先記得影,大家睇下隻碟有幾大(比較下包紙巾同隻茶杯就知),而份量就少得離普(只係得紅圈範圍咁多),佢黎到時我都問個阿姐係咪得咁少,佢話係,跟住我忍唔住再問一個好似係經理嘅女人,問佢呢碟係咪特價野,佢話唔係,跟住我就話'正價都係得咁少咋?你都好揾笨喎',佢笑住一邊行一邊講'唔好意思,我地嘅份量係得咁少',真係比佢吹脹氣!!!本來一碟炒年糕賣$44,我覺得係ok嘅,但係呢個份量仲衰過茶餐廳下午茶餐,咁都收$44,佢好唔好意思!!!仲有,一間上海餐館竟然無豆漿賣,反而印度咖哩就賣埋,真係又比佢吹脹氣!!!總之我覺得呢間野如果再係咁樣(因為我見之前d食評,好多人都話佢份量少),就遲早無人會再去!!希望呢間野個老闆睇到呢段野就最好...........

睇演唱會前唔知食乜好，見佢舖面唔錯就入去喇。叫左以下食物：1)擔擔麵(麵質唔錯，仲係內地師傅即場打出來的，不過可惜湯底唔得，淡而無味，同我平時食開既差好遠。)2)小籠包(合格，都叫做有熱騰騰既湯汁，如果個皮可以薄啲會更好。)其實佢有啲套餐，一碗麵一個小食同野飲，就收$42，但個小食唔吸引，同埋食過係好細碟既，所以都係散叫算喇！另外都有幾多遊客幫襯，以尖沙咀區黎講算平喇，但就唔好對食物要求太高了！

同友人於尖東覓食，見平日經過的餐廳有下午茶，便進內嘗試。點了五香牛肉拉麵，特飲選了蘋果綠茶，再同友人們分享四隻小籠包。上了牛肉麵，麵都不錯的，可以食到是比一般的彈牙一點，麵身都幾爽。一試牛肉，看來味覺是退化了，什麼五香味都沒有，只有淡淡的牛肉味，感覺是食了一片片滾熟的牛展。牛肉是用牛展，入口其實是不錯的，有即化的感覺，可是五香的味道失踪了。小籠包，皮是厚的，不過都算多汁，熱騰騰食都算不錯。有睇將太的壽司，現在明白有好的材料，不等於煮出的食物就是上等佳餚。服務方面，從上一則的評語中可略知一二。

電話落order 之員工(女士), 非常無禮貌.當我直指她不是時, 她並不接受. 我氣言以後不會再光顧, 她竟說"好吧" .... 這服務態度非常差劣... 絕不是服務上應有的態度...以後我亦不會光顧......

昨晚因為趕時間，便衝了入去大皇食個碟頭飯，一座下，服務員便放下2杯茶，但不知怎的，整張台也是濕淋淋的，後來加水時才知他是離很高加水的，完本已經是濕的台面梗加好像水浸一樣，但那個服務員好似沒有當水浸是一件什麼事的，便走了，我的朋友叫住他，要求他抹去濕的地方。食物，我叫了一個雞亦肉燥飯，來的時間，突然覺得自己在坐牢一樣，只欠一個橙及一個杯，食相是一碟碟頭飯，看了也沒有了胃口，不過也食了3只沒有什麼味道的所謂雞亦，飯只食了3口。評心而論，廿幾蚊的價錢，大家樂也可以食得好開心及開胃‧我以後也不會再幫親！

星期六老婆接放工，之後去了呢間試。1. 香辣排骨拉麵- 排骨只有三舊，好少。2. 鱔糊拉麵- 麵幾彈口，鱔糊ok好味，不過份量幾少。都唔係太差，但都唔叫做好，比喊面因為佢太貴，試一次就夠。

起初, 係呢度check 過尖沙咀有咩好食, 但因為唔夠時間趕去紅館既關係, 就入左大皇拉麵試下...最初都以為唔好食呀, 都係見到d食評咁...但我同朋友試左幾樣野都幾好食呀~1. 大皇炒麵((好香, 見到有師父即時拉麵))2. 回鍋肉飯((好夠味, 好味))3. 蟹粉小籠包((好耐都未食過小籠包有湯係裡面,好))4. 炸雲吞(( 一般))5. 酸辣湯((夠酸夠辣))6. 叫左一杯藍梅珍珠((好好飲))比錢都係二百幾都唔太貴,仲好飽潻!

呢間"大皇拉麵小籠包"d食物真係好唔掂...叫個冬菇麵d麵又少，個湯又冇味....招牌小龍包又硬又肥，一d都唔好食。我從未見過d人咁無理取閙，叫碟菜寫錯咗不特止，仲來個通菜加蠔油，食到我地火都黎埋。其實是那位老闆娘寫錯單，自己唔認錯仲夾硬找一個侍應食死貓，我爸爸睇唔過眼，當咁多人面前罵那位老板娘不是，佢當堂黑晒面....去"霸王山莊"食，好過食呢d垃圾麵......一個字"差"

唔知有幾多食友, 朋友有睇開小弟的食評. 剛完成了一百個食評, 上次寫見城, 係咪以為跟住寫更多好食的地方. 點知, 即刻來個反高潮,又係一個去紅館的晚上. 時間緊迫, 就揀了而間大皇.小籠包: 2分, 一夾即散, 入面係一大舊肥豬肉, 食落口勁多油. 真係皮薄餡不靚.魯肉飯: 3分, 還記得在亞市小美食過不少魯肉飯, 台菜來講, 魯肉飯就係叉飯咁普遍. 而間大皇個魯肉飯, 變成肥豬肉飯. 魯肉勁難食.銀絲卷: 5分, 而個正常小小. 但蒸得老了一點.基本上無乜服務, 唔加茶, 埋單係到櫃面俾錢. 竟要加一. 真係堅.此大皇不同我們的二號人物, 唯一建議: 千萬不要試.

好多喊面呀!但我本人不認為這間食店不是這麼差呢!只是那些服務員年紀太輕,無經驗在樓面工作啫! 況且光顧過這間食店兩次,都是認為服務不太好而己,基本上物都是還可以呢! 今晚又跟好友吃飯啦!點了一籠麻辣小籠包,雞絲粉皮和高力豆沙,麻辣小籠包是好好的,但雞絲粉皮就不是太好了,粉皮不滑,花生醬的味道差,那些雞絲不是手撕的,而是碎雞肉呢!最後,高力豆沙估唔到都好好食噃!如果可以有創新的芒果和其他新穎的餡料那就更可觀呢!

香辣排骨拉麵$23~~OK啦,但排骨份量略小,但幾夠味.可惜麵條不好吃.