大皇拉麵小籠包 (Closed)

第一次食~覺得幾好~會再食架~點知返到黎見到呢度咁多劣評都嚇一跳呢~去到差不多坐滿~ 上菜慢~叫左蒜泥白肉~ 涼拌青瓜~ 手撕雞拉麵 ~ 小籠包涼拌青瓜好0岩我口味~ 好多蒜好香~ 好入味~ (我0係其他鋪頭食有好多都係冇拍爛~ 又加d辣汁或好咸既汁, 我比較鐘意呢度呢種)蒜泥白肉個底都有好多拍小黃瓜,早知唔駛叫~蒜泥白肉d蒜汁有少少辣~ 我唔食得辣都覺得好好食~手撕雞拉麵d雞就得好少~ 不過d麵都幾好食呀~ 幾滑~小籠包~睇樣有d失望~ 因為皮厚~不過食落好多汁~同埋入面d肉幾滑架~ 都ok~我會再黎食呢~ 希望佢keep 到唔會次次唔同味啦~睇完呢度d評語我都驚下次去會唔同呢~

有師傅即場人手拉 拉麵 ~ 麵就唔錯都 OK一碗麵 AROUND 都 $38 -4X 叫左 五香牛肉拉麵 , 牛肉唔好食, 反而男友碗牛腩好好多 !之後叫左小籠包, 冇錯正如之前有人 COMMENT 話果皮真係厚左 D..之餘, 我第一次見 小籠包 內冇汁, 平時咬開都有少少汁, 呢間感覺太乾身 !!! 其實尖東除左日本野食外都冇咩野食 !偏偏今日 LUNCH 已食了日本野, 所以今日 DINNER 先黎呢度 !叫左三樣野埋單 已 $112

簡直係不知所謂,直情貼錢買難受呀!!叫了6隻小籠包,一碗擔擔麵,一碗銀芽鱔糊麵,一碟口水雞。簡直係惡夢既開始!!入到去侍應送上兩杯茶,直情都唔係茶,係兩杯凍水呀!!邊有上海菜餐廳會俾兩杯凍水而唔係熱茶?!叫侍應哥哥俾兩杯熱的,侍應哥哥竟然冇理我地!好明顯佢地跟本係冇熱水(熱茶?)的!!首先出場的擔擔麵和鱔糊麵 - 唔可以叫係上海麵,係咁依整幾條蘿白絲同條菜加d唔知乜野麵就當係上海麵!d擔擔醬怪怪地,又唔香又唔好味!!鱔糊麵d麵底同擔擔麵一樣差,鱔糊少,仲要咸到阿媽都唔認得!!小籠包,6隻要42大元,即係7大元一隻,竟然比街邊質素仲差!!d皮仲厚過你塊面皮,d豬肉唔新鮮不特止,仲有怪味!!口水雞,食完呢個真係食到媽媽聲,隻雞「鞋」到死,唔新鮮都算啦,仲要有陣好似開始變既味,仲有d口水雞既醬係夾硬倒落去,d醬得個辣字,難食到死!!呢間咁既野又唔係平過人,仲要收埋人加一,但係埋單係要自己行出去俾的,咁既食物,咁既服務!等執笠啦!!剛好見到前面一枱外國人的客,竟然仲可以係呢個舖叫take away!!如果老外認為這樣的質素叫好,我好擔心香港的美食天堂美譽會因為咁而毁於一旦!!一句講晒,你想試下

之前同男友o 尖咀食過一間上海野..叫做壹面館..呢間真係算唔錯..唔太貴亦幾好食!!今日放左工稔住再出尖咀食晚飯..記得之前見過呢間大皇拉面小籠包..今次稔住入去試下啦..食完真係後悔...如果我早d睇到大家既食評就好啦!!!我地見都唔係特別貴..以為都應該ok啦..點知..落單個時已經有d亂..我話想飲杏霜..有個waiter幫我地落左單之後..過一陣另一個waiter行埋離話佢地既杏霜唔係我想像中既杏霜..咁即係咩??!!!我問佢咁即係咩..佢完全唔解釋就叫我叫第2樣野飲..男友話要飲檸茶..佢就寫左檸水 = =..混亂!!之後野食離左..我地見到都已經覺得怪..叫個waiter拎隻碗離..應完我地之後..我地足足等左2分鐘都仲未有..個時仲要唔係多客人..之後我地叫第2個waiter拎碗..都等左一陣先有..過左5分鐘後..原本第1個waiter先慢慢拎2隻碗離..男友開始火滾啦已經..特別係因為見到d食物!!我地見佢推介小籠包..就稔住試下啦..不過28蚊都係得4隻..成7蚊一隻..以為一分$$一分貨..應該都唔會差得去邊啦..點知..冇湯既小籠包..入面完全係dry!!!

正當尖東四處也要排隊等位吃飯之際此半地牢食肆竟然只有數檯客是日趕時間無甚要求不用排隊就殺進去了小籠包有師傅即製但皮厚了一點湯也只得很少海蜇醉中翼中翼的味道和海蜇差不多都是淡淡的清炒菜心和蔥爆牛肉牛肉很韌菜心油很多很平凡客人已經少但還是叫極也不應我們多次大聲叫"唔該"甚至明明在面前走過都有如撞聾般直行直過有位外國人想要支叉吃麵也等了很久加上裝修也選用了不少內地常見的元素(包括那有人一樣高但其實沒有用的瓦湯罐)很內地的感覺環境如是服務如是唯一例外的就是價錢了

昨日成班ｆｒｄ玩完一大輪就諗住搵下野食啦，貪方便就走左入去大皇拉麵小籠包。入去已經得小貓三，四隻。咁就隨便叫左幾個小食。嘩！見佢ｓｅｌｌ到個小籠包咁勁，咪諗住試下囉，點知一黎，ｄ小籠包ｄ湯已經滲晒出黎囉！我都係第一次見到全部小籠包冇湯架囉！仲要ｄ板厚到丫。跟住雪菜肉絲炒年糕，勁咸囉！再一個蒜泥白肉，ｄ肉多到六個人食每人都食左一片呀！下面全部係青瓜囉。還有呢個越式蝦餅，少少味道都冇！真係好蝦囉！最尾再黎一個高力豆沙，呢個真係極品中既極品呀！好似飲油咁呀，咬落去ｄ油係ｂｉｔ出黎架，仲要係好似食梗一團粉咁囉！總括黎講呢，呢間野真係去一次就夠喇，冇野值得我返去再食多次呀，連佢ｄ侍應ｄ態度都差到嘔呀！價錢貴！質素差！食物少！

7點鍾食飯時間都只係得5,6個人係店入面(計埋店員)但因為太肚餓..乜都唔理就入左黎嘩..一睇MENU...都算平對食物當然有D期望喇但估都估唔到會係咁囉!小籠包湯多到...好似食緊湯餃咁...唔係愈多就愈好...要岩岩好先得架麻手斯雞面...應該叫無味雞...已經得個三四條..各位無睇錯呀...真係三四"條"呀!魚香茄子飯有怪味...賣單前...聽到個店員係到埋怨另一個店員下就無番話下就人多到爆...忙到踢灑腳我同男朋友都覺得好好笑...第二日下就黎睇一睇果然係比夜晚多~!三至四個!!嘩~好叻呀!可能平時真係SERVE開幾個人..一到雙位數字既CUSTOMERS就已經覺得好多人...

日期：2008年2月16日同男友係尖沙咀覓食，覓到黎哩度，見到個餐牌野食都幾好，咁就入去試下喇！原本我地坐卡位，有個女人話：唔好意思，依家人多，就一就坐中間，俾杯茶你地啊！（因為卡位係俾3~4人坐）套餐：小食，麵／飯，飲品HK$44~48．１．酸辣雞腎：果然幾辣，麻麻．２．海哲：焾到死，配菜多個乜．３．小籠包：豬肉唔新鮮，有怪味既．．．４．糖醋魚塊飯：哩一個又幾好食喎．５．菜肉雲吞麵：好難食．６．熱檸茶：完全無茶味，得個茶色．

第一次去食，本來想去元氣，點知排滿人！見到這店，心想0係尖東都唔會難食得去邊掛!一入到去，完全冇人招呼…我同男友仲招左手好耐，先有個呀姐彩我地！我地叫左小籠包,滑蛋牛肉飯,雞絲涼拌拉麵，再叫2杯珍珠奶茶！等左幾個字，d野開始黎...一黎食個小籠包，佢只比左筷子我地…碗又冇，匙又冇…又係不停揮手都冇人理！男友好嬲咁自己行去廚房櫃到羅！未食過咁難食既小籠包！皮厚到好似大口大口食麵粉，d肉好臭...有d梅既感覺，見到有個呀姐在旁消潔，立刻問佢可唔可以換過...個呀姐好惡咁話"全部都係咁ga la！"哇...咩態度！最後我地一人食左一個就算，另外就兩個唔食！一定是全球最難食既小籠包！之前我返大陸大排檔食，都好味過呢度幾百倍！滑蛋牛肉飯又係驚人之作..未試過食飯，d飯是用匙係不唔起的，因為太硬！最後我地用筷子去了d飯！個蛋好明顯變晒色，d牛肉唔係肥牛都算，都唔洗比d 煲湯碴比我地呀!!!雞絲涼拌拉麵叫做最正常的一個菜，雞絲都似雞既，不過湯冇味，有好多油！街邊車仔麵都好食過佢麵囉！珍珠奶茶冇奶茶味，得奶味！點解佢地可以咁叻，奶茶變做淡奶都得？？最後出去埋單，$165....難食到咁又收得貴！去對面

大皇拉麵小籠包! 我叫左個"東波肉肉操飯和小籠包, 嘩......D飯係未食剩左D飯架! 一邊軟到似粥咁.一邊就適中. 小籠包仲衰. 皮又厚.又冇味道..仲怪怪地..坐吓坐吓叫左杯野飲.."茱香珍珠奶茶" 難飲到頂點呀!飲到成口都係粉.果杯又細..收$20 , 真係唔低呀! 埋單$85 , 仲貴過食日本拉麵.>..< 我對自己說"以後都唔會再去食" ....東波肉肉操飯$36 (肥肉多過瘦肉又冇味道)小籠包$26 (四件) (皮太厚,味道又怪怪地)茱香珍珠奶茶$19外賣加$1 ,(難飲過面街邊檔, 又細杯)又貴...一個埋單$85. 總知食M記都冇咁嬲

日日都在尖東食野, 呢間無野事都吾入去主要係, 入去好大怪味, 可能冷氣未開勻, 或拖地水問題, 但若係冷氣問題, 應該早D開, 吾係我地D客去遷就味道大致OK, 奶茶亦已比以前稀稀的改進左以前個個位機乎滴水, 都改善左小籠包, 少食, 但上次去吾覺佢太"厚皮", 暫未遇到以下人兄的情形

今日突然好想食上海野，行左好耐先搵到呢間有少少上海野食，但係呢間野都做得好雜，咩九唔搭八既野都出現係餐\牌，呢d唔係最重要，講返食物質素，我地叫左小籠包、豬扒炒拉麵、豆沙鍋餅~件小籠包真係\"極品\"，未食過咁厚粉既小籠包呀...求其一間街邊檔都好過佢\，叮叮小籠包都薄過佢\多多聲!!豆沙鍋餅又係一件\"極品\"，個皮完全唔脆，咁都唔係最驚人，唔脆既豆沙鍋餅好多地方都有，但係居然豆沙係完全無味架!! 好似食緊一塊多油又唔脆既炸麵粉!!唯一叫好d既係碟豬扒炒拉麵都仲叫放得落口，不過都係太多油喇!!最後講埋服務水平，連最基本既一杯茶，同食具都要開口先識黎...完全唔明佢\點解可以生存!!似乎係靠呃遊客，唉~~破壞哂上海菜既形象!!

30/12/2007果晚向尖東行下行下...又想食下上海野啦...岩岩好有座吉檯, 見唔駛等有位坐, 就咁樣入左去...唉...d野食細碟...味道己經麻麻地....見佢話專做小籠包...就估且試佢一試...點知食左一次最"厚皮"既小籠包...d皮咁厚仲要有1,2隻係乾身架喎...失望丫....佢又介紹我地食"大皇炒飯"....點知...上到檯發現其實係雜豆, 火腿絲炒飯...竟然要收我地40幾蚊...仲要話好介紹!?激到我要問下佢依個所謂"招牌菜"有d咩料, 佢話有蝦...我搵黎搵去連隻蝦米都搵唔到...咪退番俾佢...轉過頭換過1碟....嘩....有2隻蝦仔咁大把...真係勁"掠水"囉..唯一可取的是拉面, 都叫做可以見下人...佢大廚用手表演手拉面係全店最特色架啦...奉勸各位...向舖頭外面見到師傅拉面...唔好就咁俾佢呃左...

行街行到腳痛...又唔知去邊食...你知喇諗食野真係頭都痛家麻，本來都諗住是但食家喇....諗住去霸王山莊，據說d野食都可以既.....點知.六點幾都好多人...大家就行左去尖東果邊~~是是但但入左去"大皇拉麵小籠包"，諗住都係差唔多果d野...最初入到去都無咩野既...$40幾蚊個小菜.........點知黎到每一個小菜都係一人份量..真係抵~~~到ar...味道又唔係好.....大家講下講下先發現想去邊度食...唉~~急既時候就諗到諗唔到...好喇~坐底左先記得起...失敗!!!!!!!d白飯又硬，仲有d唔知咩既不明物體.....服務態度又好到"加零一"...個牛肉餅"吹"左十世又唔黎....cancelled order先硬俾人..叫人又無人理..."吹"都"吹"三次...最慘就係老屈!!!!! 仲話要時間整...咩落order既時候都講左要等....我地十幾對耳都無聽過...仲要最後order果d都黎埋添....喂大佬你要我等唔係問題...最初無講都唔係問題...你都同番d客講要等幾耐ar...無講不單止仲要話有講...你傻家....我就真係發惡喇....好在無要果個牛肉餅咋.

12月29日(六), 我地一共4人2細去光顧. 1) 最討厭果到用木, 一拉張會好嘈, 因為張木實在太重!2) 當時店內未爆滿(食客唔算多), 但連叫人埋黎落order都無人理, 要等好耐先有人行埋黎!3) d好細碟4) order左白飯, 但係個白飯硬到連筷子都"插"唔到入去, 換左一次白飯, 但d白飯仍然好硬!!!5) 第一次落單已經order左個"牛肉煎餅", 由店舖無乜食客, 等到坐滿晒人...所有黎晒兼食飽, 但此牛肉煎餅仍然未到, 於是決定cancel. 分別叫左三個唔同侍應跟進, 只有好敷衍咁講"整緊". 從來沒有提及原來此牛肉煎餅製作需要, 到要取消時先講. 到我們決定唔等, 要離開時又唔肯比我地cancel.服務態度超差,又無service, 仲要收加一服務費, 有無攪錯, 離晒譜!!!!