大皇拉麵小籠包 (Closed)

禽日同朋友睇陳奕迅，因朋友放工晏左，時間有限，見到佢唔洗等位就是旦啦．．．我地兩個人叫左兩個麵餐：魯肉麵，柱侯牛腩麵，加四件至尊小龍飽，兩杯熱檸荼．．．魯肉麵　－　魯肉硬兼冇味，朋友話似食發泡膠，食左幾啖已經食唔落．．．柱侯牛腩麵　－　牛腩係腩碎或者係得ｄ膏，麵有ｄ硬．．．至尊小龍飽　－　唔知係咪蒸過龍，一夾個皮即爛，但係算唯一入到口既野．．．熱檸荼　－　似飲有荼色既水，檸檬冇味，仲要唔係好熱．．．埋單盛惠＄１３２，一ｄ都唔值．．．一定唔會再去！！！！

同媽媽食個快晚飯，因為近落車點，而媽媽喜歡小籠飽，不用諗，行入去。未見野，已見左右兩三台客追單，話食晒野小籠飽都未黎，伙計個個客都話蒸緊，我地開始感到出事。我張單食物來既時間合理，但食物質素其差，怪不得超多喊雖然晚餐$4x不算貴，但起碼做得骨子Ｄ，飯餸捞埋一堆，簡直等同食兩餸飯。菜肉雲吞唔好叫，有up味。叫白菜，侍應好好咁話上海白菜等如小棠菜（我唔時間核實，無論如何，侍應態度值得嘉許），不過結果係黎左紹菜，我地無要求換，不過咁小野都錯。小籠飽只可用ＯＫ來形容，配不上好味。其實，尖咀嘉拿芬廣場有間標榜"京粵"酒樓D小籠飽好正，皮仲溥個王家沙。

不看食評，都不知這一間那麼多哭臉。不過那天要趕吃飯，都求其看到一間不多人的店就吃。我點了辣牛肉熗拉麵，店中客人不算很多，但叫了很久才有侍應理我，點了也等了一段時間才有得吃，湯底說是辣，但吃下去其實不算辣，牛肉很零碎，味道說不上好味，總體而言。四十大元，不值。朋友點的海鮮炒飯，很咸，蝦肉不算爽口，結果朋友只吃了半碟。總結：不會再來。

為左就腳, 是但搵一間走入去食一開始坐係餐廳外點左 1. 柱候牛腩拉麵 (餐), 2. 一個蝦尾小籠包, 3. 大皇炒年糕點完菜之後, 發覺有d 凍, 於是就問下店員可唔可以轉入去佢地話會好麻煩, 結果我問第二個店員時, 佢幫我安排, 第一個店員態度極差, 好侮氣黑晒面咁叫我等等 真係唔好意思, 間野人已經唔多, 出面得3 張檯, 出到去冇人咪拎番入黎, 麻煩到佢幾多呢? 都唔駛咁既態度呀?評食物1. 柱候牛腩, 牛腩唔差, 但麵好少, 偏貴2. 蝦尾小籠包, 蝦尾成個殼係度, 唔知想點, 普通質素3. 大皇炒年糕, 唔難食, 但又唔係好食, 中等跟餐有水果, 即係將半個橙切幾件比你以上全部食物都偏貴, 貴得黎d 食物又唔impressive.在場加現, 內地人點菜時有誤會內地人要 1-2 籠小籠包, 店員就拎左4-5 籠比佢店員話佢地之前話每樣一籠, 又話好大聲confirm 左, 所以唔肯退店員普通話唔好唔怪佢, 不過有誤會時咁做野真係唔係好得佢話可以退某一籠, 因為第二檯要, 第二檯係側邊, 真係要又唔係, 唔要又唔係第三者角度, 人地黎香港玩, 見到你呢間野, 真係影衰香港,

今日同朋友諗住食麺又想試下新野、見到間野（大皇）開左甘耐又末試過、所以米入去試下lo、點之一入到去餐廳發現無咩人已經開始心驚＠＠之後睇下餐牌 發現無咩好野揀　☆個餐牌係我地叫staff拎佢地先比☆個阿姐又傻下傻下唔識介紹都算la仲要寫單都唔識寫 要我地教佢 ☆呉好話落單、個阿姐連字都呉識寫仲眼甘甘望住我地☆問佢係咪餐有野飲跟 佢又唔講　☆個老闆娘仲話佢唔叫咪當佢單叫囉☆叫佢囉匙又變左囉紙巾　☆巳經開始無話可説☆叫埋單又無人理你　☆間野都巳經無セ人la,D服務仲要甘差、真係oh my god☆之後自己走出去埋單la,埋單先講原來有加1服務費 ☆服務費、D服務甘廃仲要収加１？？☆野已經唔係好好食選擇又小、服務態度又極差、食完一肚氣、以後免費倒貼都唔去老實講味千都好過佢地

:服務態度極差, 今日出黎傾project,想找個地方一面食一面傾學校最近就ne度,咁見到算幾靜都ok,可以一試!叫左1.至尊小籠包2.土雞絲拉麵3.酸辣湯拉麵三樣野兩個人分都好正常啦!點知個呀姐不停問住,你地仲要咩?咁少唔夠食架咁我地又看下餐牌..都唔知要咩好..佢就不停推介豆沙鍋餅,咁好啦又叫..其實我覺得佢有d迫我地叫野叫左兩杯野飲,兩杯凍檸茶..一飲下去,好似檸水..不!!檸水都有檸味,佢個檸茶完全冇檸味,仲要舊檸檬好似比人督過咁!!立刻問呀姐有冇得換,佢話"你地飲過晒,同埋杯杯野都係咁架啦"本來想傾野都冇晒心情!其實呢一刻好想拍台就走,不過考慮到可能佢要我地比晒錢!!咁咩都唔食好唔抵遮!!心想..佢d野食唔會太差吧!再黎左個小籠包,d粉厚得可怕..舊肉得指甲咁細好...忍你!!拉麵,我食雞絲..雞絲ok,個拉麵就好唔掂!!似d浸爛曬ge公仔麵!我唔覺得佢用既麵係拉麵!! 仲有個豆沙, 我地督下佢就唔想食..d豆沙紅紅黃黃ge!!好似發左霉咁...最後佢送生果黎,我地一望都哇左聲!! 係d梅曬乾曬ge橙!!我地即閃!!!埋單要$16x ...咁受氣又咁難食ge野都可以收咁貴!!

咪以為搬咗就冇得寫食評，真係好後悔冇睇咗食評先入去，首先：1. 服務態度其差2. 食物質素其差3. 用餐環境其差4. 員工質素其差5. 衛生指數其差晚餐收咁嘅價錢，份量(如圖)小得不得了，凍檸檬茶都可以沖到淡而無味，拉麵質素一般，不彈牙也不咬口，仲話送時令水果，原來得三舊亁咗嘅橙！多謝晒。服務態度差，間餐廳當時根本就唔爆，佢都可以格硬要你坐門口第一張檯，我冇理佢入去入啲坐，佢就黑面。一個人嚟食飯好蝦啲架？你睇到openrice得兩間嘅紀錄(雖然尖咀呢間搬咗未update)都寫已結業，你就知佢做唔住，好後悔冇入嚟望一望先。呢啲咁嘅食肆，一世人試一次就夠，希望我嘅經歷可以幫到其他openrice會員/非會員避過一劫

大年初五,諗住隨便搵間餐廳食個晚餐.見呢間客人少少,食物應該唔會等好耐.點知......叫 酸辣湯拉麵材料係幾多,可惜個湯--只覺酸,並唔辣. 遠處都嗅到一陣陣醋味. 滑旦牛肉飯:上個賣相係幾靚,可惜D牛肉咬極都唔爛,仲超. 對食物冇乜要求既我,今次都頂唔順! 咁我地就要求個老板娘換啦!點知佢個樣&語氣都勁唔願意. 態度係勁差囉~~換個魚香茄子飯,但勁縮水囉!! 雞肉小籠包:真係未試過,食小籠包要等咁耐,接近半小時. 其他野食都食完,都仲未出現.(真係要蒸咁耐咩) 見到個賣相,真係唔係太想食囉,應該蒸過時啦! 個小籠包裡面又冇湯,塊皮又厚,D肉又梅又淋~~勁失望!仲有:未試過飲杯咁苦既凍咖啡,似係冇落糖水囉! 是但一同茶餐都好飲過佢!

我未曾食過咁差的上海菜. 又多油.東坡肉變成5層肉, 完全唔係東坡肉的煮法.招呼又差.圖中見到油菜鬼咁大條, 剪都唔剪下, 塊肉唔講都無人知佢原來係東坡肉.最後一個炸咖喱雞角, 但裏面幾乎無肉, 又無咖喱味, 好似只係食炸皮.小籠包仲衰, 以後唔會再去食.

今晚同朋友行過, 入左去食吓啦! 點知~~~~我地叫左:小籠包 8隻, 東波肉, 賽螃蟹, 鱔糊, 炒年糕, 海鮮炒飯咁就要$350唔講佢既野好唔好味先! 佢所有所謂既小菜都細碟到死! 50-60蚊一碟基本上只夠一個人食! 仲要冇飯! 唔係套餐! 所以食完左冇一個人夠飽!再講講食物品質!小籠包: 都叫多湯, 大細都ok, 8隻60幾蚊, 但皮厚, 肉唔多!東波肉: 份量似小食多! 一片片薄薄既肉!賽螃蟹: 平平! 冇乜野特別既蛋白鱔糊: 冇乜鱔, 多銀牙! 仲有d雪味!炒年糕: 冇乜味! 炒得唔太好!海鮮炒飯: 又係60幾蚊, 一個女仔剛剛好既份量! 平平!總括來講, 真係食一次就夠! 未去過既就唔好去啦! 以呢個價錢可以去附近搵到好味, 又坐得好既地方食野!

上星期六因周圍都很多人, 見到這間得小貓三數隻, 於是決定幫襯。我和朋友叫了蟹粉小籠包, 冬菇肉燥飯, 手撕雞拉麵, 凍華田和凍奶荼。首先, 手撕雞拉麵和冬菇肉燥飯的份量簡直少得可憐, 手撕雞拉麵只得半碗, 冬菇肉燥飯亦只得半碗飯.... 我問其中一位阿姐可唔可以俾多D飯, 佢話得, 不過要加$, 但我話份量真是少得出奇, 佢走開扮聽不到味道不用說, 肉燥有怪味, 雞絲卻冇味.............蟹粉小籠包是完全沒有蟹粉味, 好搵笨呀最令我生氣的, 是我想問她有沒有紙巾, 她爽快說有, 結果給了我一包, 加了我二元, 我說若果要$就不要了, 她竟說紙巾當然要收$啦, 態度非常惡劣!我真不知這間位於尖沙咀遊客區的食店何解可以繼續生存, 各方好友可以解答我嗎???

前一日同同事食了不好吃的麵軒後今日又同佢出來尖東呢頭覓食本來話想帶佢去南洋樓下既泰國餐廳但未後到過去時路過呢度其實一直都知呢間野存在但唔多起眼咁同佢望完餐牌就抱住試下既心態入來了看到有擔擔麵仲要係拉麵添我估佢應該有師傅拉唔係買回來所以就試了另加前菜海哲一小碟跟一杯野飲既套餐$48我同事點了麻婆豆腐飯我起錯以為係客飯... 原來係碟頭飯不過佢話好食喎我個擔擔麵湯很香不過我唔太食得辣就覺得有點辛苦麵有咬口前菜海哲發得幾靚調味也很入味不過加D芝麻會香D囉食完看到牆上幾幅畫幾靚的揀了在我們旁邊的影了一張回來想要寫食評時才發現原來有咁多劣評我諗我算是好彩嗎?過一排黎多次睇下係咪真係咁惡劣先

想吃上海菜，就入左去，人不算多，第一次吃，就吃招牌菜，點知....皇牌炒飯同一般大排檔的炒飯一樣，只有小小肉；同雜豆，麵冇味，最難食就係小籠包。蟹粉小籠包，好，冇蟹黃，唉，仲要加一，以後我都唔會去啊！

上週六同女友坐110去尖沙咀行街,落左車大家都想食小籠包,是霸王山莊與大皇拉麵小籠包之間選了此間差中之霸。地方尚可,服務差不在話下,仲要加一,不過諗住D野好食就算啦,點知.....果D甘既小籠包,$28/4隻,去7仔叮都唔會差個佢,仲行埋理推介話即蒸,熱就真係好熱,不過質素只值$10/4隻,就好似我自己蒸急凍果D止口痕一樣。仲有叫左碗名為芳香排骨拉面,不但唔芳香,果三件只能稱為煲完湯既爛豬骨加D調味油就俾人食,勁差仲有喳添,吞唔落,面質還可,甘款都唔摺埋,直情係無天理,仲開係尖沙咀,比遊客食左真係失禮香港人,各食客記得避之則吉,去隔離麥記食無甘谷氣,千萬唔好去試,包你一肚氣,我同女友結果都係要去加連威老道買低蛋仔醫肚補飛.,此店唯一可取就係食完無疴!!!

周末，忙完上半場公事，趁事務之前有廿分鐘時間，趕去吃個簡餐，橫豎未試過這裡的拉麵，又看看如何。最近吃油膩物太多了，胃口甚差，不去想這裡京．川．滬不分叫人看得頭暈的餐牌，要了青菜燴麵。一碗淡白稀身的燴麵，麵是上海白麵，軟熟不粉腍，吃得到麵香，不錯，但湯與白麵各自成文，稱作燴麵真的得啖笑，白菜粗切帶著草青味，菇粒是罐頭現成貨，是茶記速食質素。除麵拉得不錯外，也想不到再來的理由，亦無謂同吃碟頭飯的客仔爭位了。P.S落單時侍應竟然問返轉頭菜式number，客人點菜前最好記埋菜式編號